Þjóðviljinn - 06.09.1989, Blaðsíða 2
FRETTIR
Kjarasamningar
Byggingarmenn
á ASI nótum
Benedikt Davíðsson: Ekki lengra komistí
þessari stöðu
Samband íslenskra byggingar-
manna hefur gengið frá nýj-
um kjarasamningi við viðsemj-
endur sína, með fyrirvara um
samþykki aðiidarféiaga og ein-
stakra deilda innan sambandsins.
Benedikt Davíðsson, formaður
SBM, segir samninginn vera á
sömu nótum og ASI-samninginn
en aðeins öðruvísi útfærðan.
Trésmiðafélag Reykjavíkur hélt
félagsfund um samninginn í gær
og var fundinum ekki iokið þegar
blaðið fór í prentun.
Samningurinn gildir til ára-
móta og krónutöluhækkanir hans
eru þær sömu og í ASÍ-
samningnum. Benedikt sagði að
1.500 króna hækkun sem tók gildi
1. september hjá ASÍ-félögum,
væri slegið saman við 1.000 króna
hækkun sem koma á 1. nóvem-
ber. Síðan væru hækkanir á ýms-
um liðum eins og verkfæragjaldi
og fatagjaldi, í hlutfalli við launa-
breytingarnar.
Þá fá byggingarmenn sömu or-
lofsuppbót og ASÍ-félagar, 6.500
krónur. Munurinn á þessum
tveimur samningum er sá, að
sögn Benedikts, að byggingar-
menn fá orlofsuppbótina og hluta
desemberuppbótar greiddar í
jöfnum greiðslum miðað við unn-
inn tímafjölda fram að ára-
mótum. En byggingarmenn hafa
þegar fengið greiddar 6.000 krón-
ur af 9.000 króna desemberupp-
bót.
Um 20 félög og deildir eru
innan Sambands íslenskra bygg-
ingarmanna. Benedikt sagði að í
samkomulaginu við atvinnurek-
endur væri gert ráð fyrir því að
þau félög sem ætluðu að ganga að
samningnum, taki afstöðu til
samningsdraganna fyrir 15. sept-
ember. Sagðist Benedikt frekar
reikna með því að samningurinn
verði samþykktur í öllum fé-
lögum.
Aðspurður sagðist Benedikt
ekki halda að hægt hefði verið að
ná fram meiri kauphækkunum að
þessu sinni, allra síst í þessari
starfsgrein. „Það var okkar mat
að stoppa þarna,“ sagði Bene-
dikt. Með þessu væru byggingar-
menn þó ekki að undanþiggja sig
baráttu í desember. Byggingar-
menn væru ekki í stakk búnir við
núverandi aðstæður að ráðast
einir gegn ríkisstjórninni í þeirri
stöðu sem stjórnvöld hefðu
skapað.
-hmp
Unnið að niðurrifi hlaðins blómakers á Lækjartorgi. Mynd: Kristinn.
Lœkjartorg
Asýndinni breytt
egar Reykvíkingar héldu til vinnu í gærmorgun
sáu þeir nienn og vinnuvélar við að brjóta niður
hlaðið blómaker á Lækjartorgi. Jóhann Pálsson,
garðyrkjustjóri Reykjavíkur, segir að einungis eigi
að fjarlægja eitt af nokkrum blómakerjum sem
skilja að Lækjargötu og Lækjartorg og hafi það
verið samþykkt í umhverfismálaráði borgarinnar og
borgarráði í vor.
Með þessum breytingum sagði Jóhann að breyta
ætti götumynd Austurstrætis frá Bankastræti séð.
Síðan ætti að færa turninn gamla sem stendur á
Lækjartorgi í mæðragarðinn sunnar í Lækjargötu.
Að sögn Jóhanns eru einnig uppi áform um að
hanna allt Lækjartorg upp að nýju, menn hefðu ekki
verið sáttir við það í núverandi mynd. Þau áform
væru þó varla meira en áform enn sem komið væri.
Þetta er í annað skipti sem turninn er fluttur í burt
úr Austurstræti, en síðast gegndi hann hlutverki
upplýsingamiðstöðvar fyrir ferðamenn í Reykjavík.
-hinp
Svavar Gestsson menntamálaráðherra kynnir starfsemi Námsgagnastofnunar í gær. - Mynd: Kristinn.
Námsgagnastofnun
Starfsemin endurskoöuö
Nefnd á vegum menntamálaráðuneytis skilar tillögum um breytingar á
starfi Námsgagnastofnunar
Nefnd sem menntamálaráð-
herra skipaði í janúar sl. til að
meta stöðu Námsgagnastofn-
unar, hefur nú skilað tillögum
sínum og í þeim er að finna marg-
víslegar breytingar á bæði innra
starfi stofnunarinnar og á um-
fangi starfseminnar.
Meðal þess sem lagt er til má
nefna að framvegis verði gefin út
áætlun til fimm ára um útgáfu
stofnunarinnar á námsbókum
þannig að foreldrar og kennarar
geti kynnt sér með góðum fyrir-
vara, hvað er á döfinni. Einnig að
skólum verði heimilt að fá efni frá
öðium útgefendum og verði það
efni allt að 5% af þeim kvóta sem
hver skóli fær úthlutað, að allt
námsefni verði endurmetið eftir
tveggja ára notkun og að skipuð
verði þriggja manna ráðgjafar-
nefnd sem meti reglulega árang-
urinn af starfi stofnunarinnar.
Þá var nefndinni falið að kanna
og gera tillögur um húsnæði
stofnunarinnar. Gert er ráð fyrir
miklum endurbótum á húsnæði
því sem nú er í notkun, en stofn-
unin er á tveimur stöðum með
starfsemi sína við mjög erfiðar
aðstæður. Þá er ýtarleg umfjöllun
um fjárhag Námsgagnastofnunar
á liðnum árum og á komandi tím-
um.
Nefndin leggur höfuðáherslu á
tvær tillögur og er önnur þeirra
um húsnæðismál stofnunarinnar.
Hin er um námsefnisútgáfu og er
þar lagt tii að á næstu 5 árum
verði gefið út námsefni í þeim
greinum þar sem efni er ekki til
þannig að samfellt námsefni sé
alltaf til reiðu fyrir grunnskóla-
nám í öllum námsgreinum. Auk
þess verði allt námsefni eldra en
10 ára athugað og annað hvort
endurskoðað og gefið út aftur
eða hafnað og nýtt gefið út.
Til að þessu markmiði verði
náð leggur nefndin til að framlag
til Námsgagnastofnunar verði
aukið um 12% að raungildi á
næsta fjárlagaári og 10% árlega á
tímabilinu 1991-1994 og að fjár-
þörf stofnunarinnar verði endur-
metin eftir þessi 5 ár. ns-
Vestfirðir
Halldór í
gin Ijónsins
Atvinnumálafundur á ísafirði umfiskveiðar
ogfiskveiðistjórnun
Aþessum atvinnumálafundi
munu Vestfirðingar gera
grein fyrir stöðu sinni og benda á
hversu hlutur þeirra hefur
minnkað mikið í heildarafia
landsmanna frá því núverandi
kvótakerfi kom til framkvæmda.
Hvort fundurinn muni leggja
fram byltingarkenndar hug-
myndir til úrbóta er of snemmt að
fullyrða en vissulega er brýn
nauðsyn að snúa núverandi þró-
un við,“ sagði Jóhann A. Bjarna-
son framkvæmdastjóri Fjórð-
ungssambands Vestfirðinga.
Á föstudag verður haldinn at-
vinnumálafundur á vegum Fjórð-
ungssambandsins í Stjórnsýslu-
húsinu á ísafirði um fiskveiðar og
fiskveiðistjórnun í samvinnu vio
Alþýðusamband Vestfjarða,
vinnuveitendur, sjómenn og út-
gerðarmenn. Halldór Ásgríms-
son sjávarútvegsráðherra mun
mæta á fundinn og svara fyrir-
spurnum fundarmanna að lokn-
um framsöguræðum.
Á fjórðungsþingi Vestfirðinga
fyrr í sumar var ákveðið að boða
til þessa fundar og síðan þá hefur
nefnd unnið að gerð tillagna um
fiskveiðar og fiskveiðistjórnun
sem lagðar verða fram á fundin-
um. Miklar vonir er bundnar við
störf nefndarinnar og er búist við
byltingarkenndum tillögum frá
henni um nýjar leiðir við fisk-
veiðistjórnun frá því sem nú er.
Enda ekki vanþörf á þar sem
Vestfirðingar hafa ekki haldið
sínum hundraðshluta í heildar-
afla landsmanna frá því kvóta-
kerfið var tekið upp og núna síð-
ast hefur handhafaréttur útgerð-
ar á kvóta svo til rústað 1000
manna byggðarlag á Patreksfirði.
Á fundinum mun Kristján G.
Jóakimsson sjávarútvegsfræðing-
ur leggja fram skýrslu um áhrif
kvótakerfisins á aflahlutdeild
Vestfirðinga, Gunnar Þórðarson
framkvæmdastjóri mun ræða um
kvótann og úthafsrækjuveiðar,
Reynir Traustason skipstjóri um
örlög Vestfjarða undir kvóta og
Einar K. Guðfinnsson útgerðar-
stjóri um þá sem eiga undir högg
að sækja í núverandi kvótakerfi.
-grh
Álveríð
Verkfallsheimild
hugsanleg
í dag munu starfsmenn álvers-
ins funda innan einstakra verka-
lýðsfélaga. Gylfi Ingvarsson yfir-
trúnaðarmaður álversins, sagði í
gærkveldi að formenn félaganna
og trúnaðarmenn myndu hittast
snemma í dag og meta stöðuna og
ekki væri ólíkegt að aflað yrði
heimildar til verkfallsboðunar.
Gylfi sagði að viðræður hefðu
staðið yfir á milli starfsmanna og
álversins í eina viku án árangurs.
Viðsemjendur hittust ekkert í
gær og sagði Gylfi að á vinnu-
staðnum væri mikill þrýstingur á
að eitthvað faeri að gerast í við-
ræðunum. -hmp
2 SÍÐA - ÞJÓÐVILJINN Miðvikudagur 6. september 1989