Þjóðviljinn - 18.01.1991, Side 16

Kæru krakkar.
Ég veit að það eru ekki bara Óli
Helgi og Maja hér á Hænsnaprik-
inu sem hafa áhyggjur af heims-
málunum sem stendur. Sjálfsagt
læðist að flestum íslenskum
skólabörnum kvíði vegna stríðsins
við Persaflóa. Og ég veit að þið
hafið mörg verið að syngja lag
John Lennons: Allt sem við viljum,
/er friður á jörð. Partur af textanum
er þannig að honum má breyta
eftir aðstæðum. Ég fékk eina
útgáfu í hendur sem börn í
Austurbæjarskóla í Reykjavík
hafa sett saman. Ég ætla að birta
hana hér á síðunni og ég hvet ykk-
ur til að syngja þetta lag mikið og
oft á næstunni. Það þarf að heyr-
ast því:
Allt sem við viljum, er friöur á jörð.
Kveðja
Símasambandið
- Eyja, er komiö stríð?
- Ert þetta þú, Óli minn?
- Já. Er komið stríð?
- Það virðist vera skollið á. Því
miður.
- Hvað gerist svo?
- Sennilega verða margir að
deyja. Mikið sem brennur og eyði-
leggst.
Allt sem við viljum
er friður á jörð.
Allir eru að tala um
Gorbatsjov, Hussein, * Baker,
Bush, Havel,
Shevardnadse, Helmut Kohl,
Mitterrand, Hermansson,
Matlock og Derrick,
Superman og Rambó en:
Allt sem við viljum
er friður á jörð.
Allir eru að tala um
írak, Kúvæt, Litháen og
Lettland
Sovétríkin, Bandaríkin,
Frakkland, Þýskaland,
Sameinuðu þjóðirnar,
allar gömlu skjóðurnar, en:
Allt sem við viljum
er FRIÐURÁ JÖRÐ.
Frjálst eftir
John Lennon
- Líka hér hjá okkur?
- Það er nú ekki mjög trúlegt.
Samt er aldrei hægt að vera ör-
uggur um að stríð breiðist ekki út.
Við erum í NATÓ. Og allar þjóðir
sem eru í Nató eiga á hættu að
dragast inn í þetta stríð, ef það
verður langt.
- En ef það verður stutt?
- Þá eru meiri líkur á að við slepp-
um. Við skulum vona að við slepp-
um. Það er samt alveg ótrúlegt, að
nokkrum skuli finnast það borga
sig að byrja stríð, sem enginn veit
með hvaða ósköpum kann að
enda.
- Hvernig getur stríð borgað sig?
- Stríð verða að borga sig, Óli
minn. Það fer enginn í stríð nema
hann haldi að það borgi sig. - Æ,
það er ekki hægt að tala um svona
við barn.
- Jú, víst. Það er búið að tala um
það við okkur í skólanum. Við vor-
um öll látin syngja: „Allt sem við
viljum, er friður á jörð.“
- Það er gott. Við skulum syngja,
að við viljum frið á jörð.
- En ég vil samt fá að vita, hvernig
síríð getur borgað sig. Borgar sig
að fólk deyi?
- Óli minn, mér finnst það ekki
borga sig. En mörgum finnst það.
Þeir eru líka til sem vilja sjálfir
deyja í stríði. Þeir vilja deyja fyrir
landið sitt eða trúna sína eða eitt-
hvað annað, sem þeim finnst mjög
mikilvægt. Þannig verða ungir her-
menn að hugsa.
- Ekki vildi ég vera hermaður.
- Nei. Og það eru heldur ekki her-
mennirnir sem byrja stríðið. Þeir
eru bara sendir í það.
- Hver sendir þá?
- Þeir sem stjóma. Þeir sem ráða
yfir löndunum.
- Af hverju?
- Af því þeir vilja ráða meiru en
þeir þegar ráða. Þannig var t.d.
með Saddam Hussein. Hann
sendi sína hermenn inn í Kúvæt,
af því hann vildi fá meira land að
ráða yfir. Bæði í írak og Kúvæt eru
auðugar olíulindir. Þeir sem selja
olíu fá fyrir hana mikla peninga. En
til þess að geta selt olíuna er
nauðsynlegt að leiða hana niður
að sjó, þar sem olíuskipin tanka
hana og sigla svo með hana út um
allan heim. (rökum fannst þá vanta
meira land að sjó. Og með því að
hertaka Kúvæt fá þeir bæði fleiri
olíulindir og meira land að sjó. En
- Skyldi einhver stelpa einsog ég deyja i þessu stríði?
af því við á Vesturíönduhi kaupum
olíu frá Kúvæt, þá viljum við ekki
að írakar eigni sér hana álla. Kú-
væt var sjálfstætt land. Það réð
sjálft, hverjum það seldi sína ölíu.
- Er það þá stríð út af olíu?
- Olían er mjög mikilvæg fyrir
Vesturlönd, Óli minn. VerkSmiðj-
urnar okkar, skipin, flugvélarnar,
bílarnir, allt gengur þetta meira og
minna fyrir olíu. Og þú veist að bíll
sem verður bensínlaus, stoppar.
Það eru margir hræddir um að ef
við verðum olíulaus, þá stoppi
þjóðfélagið.
- En af hverju getum við ekki bara
keypt olíu af írak?
- Oli, við viljum ekki versla við þá
sem hafa ráðist á lítið nágranna-
land sem ekki gat varið sig.
- Þá verðum við bara að vera
olíulaus.
- Sjálfsagt gerði ekkert til, þótt við
notuðum aðeins minni olíu.
- Myndi þá ekki vera stríð?
- Það eru fleiri tilefni til stríðs en ol-
ía. En við verðum bara að muna
eitt: Allir menn á jörðinni eiga
sama rétt til að vera hér. Þess
vegna verður að reyna að semja.
- Eyja, má ég hringja í þig aftur á
eftir.ef mammafer ekki að koma?
- Já. Auðvitað máttu það.
mér varð á
að spyrja
ég gekk milli manna í bænum
og spurði einfeldningslega
viljið þið stríð?
ég fór um mörg lönd
og spurði mennina við veginn,
mennina á ökrunum
og mennina í borgunum
viljið þið stríð?
ég spurði gamlar konur
sem mundu mörg stríð
enginn vildi stríð.
en maður nokkur
dró upp silfurmynt
beit í hana og sagði:
Þetta er Enginn.
Enginn vill stríð.
Ólafur Haukur
Símonarson
16.SIÐA — NÝTT HELGARBLAÐ Föstudagur 18.ianúar 1991
i.