Dagblaðið Vísir - DV - 02.11.1995, Blaðsíða 21
FIMMTUDAGUR 2. NÓVEMBER 1995
33
Ódauðlegur Svanasöngur
Tónleikaröö Leikfélags Reykjavíkur í Borgarleik-
húsinu er nú í fullum gangi. Síðastliöið þriöjudags-
kvöld var komið að þeim Kristni Sigmundssyni söngv-
ara og Jónasi Ingimundarsyni píanóleikara. Á efnis-
skránni voru fimmtán lög eftir Schubert sem saman
bera heitið Svanasöngur. Þau eru viö ljóð eftir Rellstab,
Heine og Seidl, og eru með því síðasta sem tónskáldið
samdi.
Kristinn Sigmundsson var nokkuð mjóróma í fyrstu,
en sótti fljótt í sig veðrið. Það er bara eðlilegt; tónlistar-
maður þarf yfirleitt að venjast áheyrendunum og hita
sig upp á sviðinu áður en hann kemst á flug. Kristinn
var ekki lengi að því; strax í fjórða laginu, Strándchen
(Mansöngur) var hann farinn að syngja af fullum
styrk, og var óstöðvandi eftir það. Enda hefur hann
stórfenglega rödd, fullkomna tækni og ber allt mjög
skýrt fram. Því miður er það ekkert sjálfsagt; margir
•söngvarar syngja þannig að maður skilur ekki bofs
og hefur ekki hugmynd um hvað viðkomandi er að
fara. Svo er ekki um Kristin; hvert orð á umræddum
tónleikum var þrungið tilfmningu og oft urðu áhrifm
yfirþyrmandi.
Sérstaklega ber að nefna lögin Aufenthalt (Áning),
In der Feme (í fjarlægð), Der Doppelganger (Tvífar-
inn) og Die Taubenpost (Dúfupósturinn). Öll voru þau
sniildarlega flutt og hafa margir eflaust klökknað á
tónleikunum. Enda skynjaði maður alúðina sem hefur
verið lögð í undirbúning þessa listviðburðar. Er þáttur
undirleikarans, Jónasar Ingimundarsonar ekki lítill
og á hann mikið lof skilið fyrir. Þetta voru því með
bestu tónleikum sem undirritaður hefur farið á. Hér
vora líka frábærir tónlistarmenn á ferðinni sem hafa
náð mikilli dýpt í listsköpun sinni.
Eitthvað hefur verið kvartað yfir hljómburðinum í
Borgarleikhúsinu. Hann þykir ansi þurr enda teppi
yfir öllu. Þetta virtist þó ekki koma að sök, að minnsta
Jónas Ingimundarson og Kristinn Sigmundsson.
Tónlist
Jónas Sen
kosti ekki þar sem undirritaður sat - sem var nokkuð
framarlega. En þessir tónleikar hefðu reyndar allt eins
getað verið haldnir í bílskúr. Áhrifin hefðu orðiö alveg
jafn stórkostleg.
Tímamótaklúður
í Auga fyrir tönn, nýútkominni skáldsögu Kormáks
Bragasonar, er fjallað um jafn viðkvæmt og vandmeðf-
arið efni og kynferðislegt ofbeldi. Það þarf ekki að fara
mörgum orðum um það: ef ætlunarverk höfundar
hefur verið að skrifa trúverðuga, eftirminnilega og
átakanlega sögu þá mistekst það hrapallega. Fyrst ber
að telja þau mistök höfundar að kynna allar persónur
í stuttum inngangi og rekja auk þess söguþráð lið fyr-
ir lið svo lesandinn veit hvernig sagan endar áður en
hann hefur lesturinn! Þetta tíðkast í ritun fræðilegra
verka en getur vart talist nauðsyn í skáldverkum! Hér
ber allt að sama brunni: stíll og uppbygging sögu er
tómt klúður og persónulýsingar fyrir neðan allar hell-
ur. Dæmi: „Hún var oftast í gallabuxum, sem ekki var
heppilegasti klæðnaðurinn til að draga úr því hve rass-
mikil hún var. Hún var nefnilega með dæmigerðan
kúlurass og þegar hún gekk datt manni helst í hug
jeppi með kerru aftan í eða eitthvað svoleiðis." (112)
Og ekki er meiri rækt lögð við lýsinguna á einni af
aðalpersónunum bókarinnar: „Ég held að það sé óhætt
að segja að Jónsteinn hafi hlotið gott uppeldi í æsku.
Hann hafði, eins og sagt er, verið alinn upp í guðsótta
og góðum siðum ... " (bls. 9). Með tilliti til þess sem
síöar kemur er þessari setningu greinilega ætlað að
leggja áherslu á siðferðilegt ástand Jónsteins sem er
tiltölulega gott þó honum verði að vísu á í messunni
eins og reyndar flestum öörum persónum bókarinnar.
Drjúgur hluti bókarinnar fer einmitt í að kynna per-
sónur á álíka „myndrænan" hátt og hér hafa verið
gefin dæmi um og inn í þær lýsingar fléttast gjarnan
sögur af því hvemig þeim verður hált á vegi dyggðar-
innar. Það skýrist hins vegar ekki fyrr en undir lokin
hvaða hlutverki þær sögur gegna en þessi innlegg eru
flest á kynferðislegum nótum og hvert öðru neyðar-
legra. Aðalfantur sögunnar og sá sem allir þræðir
hggja til kemur hins vegar lítið við sögu fyrr en í 14.
Bókmenntir
Sigríöur Albertsdóttir
þætti af tuttugu og fjórum en þá kemur í ljós aö maður-
inn hefur beitt dóttur sína kynferðislegu ofbeldi árum
saman. Kynferðislegum athöfnum óbótamannsins er
lýst í smáatriðum en tilfinningar fórnarlambanna eru
hins vegar ekki til umræðu. Það hræðilegasta sem
dótturinni dettur í hug þegar hún er beðin að lýsa
áhrifum hinnar átakanlegu lífsreynslu er að segja að
hún hafi verið dáleidd! (125) En þótt rödd hennar sé
lágvær fær hún þó að leggja orð í belg, ólíkt stúlkunni
Súsý sem ung lendir í klónum á afbrotamanninum.
Sú er bæði óálitleg og einfold og fær viðurnefnið aum-
ingi! Hvaö verður um hana eftir meðferð fantsins er
algjört aukaatriði, tilvist Hennar virðist aðeins bundin
við að bæta inn „krassandi" lýsingum á kynórum
karlsins.
í lokakaflanum ákveða aðstandendur mannsins að
taka til sinna ráða og þá loksins skýrist ætlunarverk
höfundar sem virðist fyrst og fremst fólgið í að varpa
fram spurningunni: hver er þess umkominn að dæma?
Ofbeldið fellur í skuggann af kjánalegu masi og tilburð-
um sögupersóna og niðurstaða er óljós.
Það eina sem vekur athygh og umhugsun við lestur
þessarar skáldsögu er hve illa hún er úr garði gerö á
allan mögulegan og ómögulegan hátt og ólíklegt að
hennar verði minnst fyrir annað en hve fullkomlega
höfundi tekst að klúðra viðfangsefni sínu.
Auga fyrir tönn
Kormákur Bragason
Hekluútgáfan 1995
TUkynningar
Basar á Sólvangi
Hinn árlegi basar Sólvangs verður hald-
inn nk. laugardag 4. nóvember. Eins og
áður eru til sölu ýmsir munir vistmanna
sem þeir hafa unnið. Mikið af fallegum
vörum. Basarinn hefst kl. 14.
Getraunaleikur Gulu
línunnar
Á annað þúsund manns tóku þátt í get-
raunaleik Gulu línunnar á sýningunni
Tækni og tölvur og á vef Gulu linunnar
(http://www.midlun.is/gula/.) Dregið var
úr réttum svörum 16. október. Fyrsta
vinning fékk Sigurður Ingi Grétarsson,
helgarferð til Egilsstaða fyrir tvo og gist-
ingu á Hótel Válaskjálf í boði hótelsins
og íslandsflugs að verðmæti 35.000 kr. 2.
verðlaun hlaut Ágúst Karlsson, þriggja
rétta málsverð á veitingahúsinu Jónatan
Livingston mávi að verðmæti 10.000 kr.
3. verðlaun komu í hlut Þorvaidar Jóns-
sonar og fær hann málsverð á Jónatan
Livingston mávi að verðmæti 10.000 kr.
Vegna þess hve þátttaka í leiknum var
góö hefur verið ákveðið að halda áfram
með getraunaleik á veraldarvef Gulu lín-
unnar og hefst næsti leikur í byijun nóv-
ember. A myndinni eru Valdimar Birgis-
son, starfsmaður Gulu línunnar, og Sig-
urður Ingi Grétarsson vinningshafl.
Tapadfundið
Fress tapaðist frá
Hverfisgötu
Grár og hvítur ársgamall vanaður fress
tapaðist frá Hverfisgötu 58 í Reykjavik á
Leikhús
LEIKFÉLAG
REYKJAVÍKUR
SÍMI568-8000
Stóra svið.
LÍNA LANGSOKKUR
eftir Astrid Lindgren
Lau. 4/11 kl. 14, fáein sæti laus, sun. 5/11
kl. 14, laud. 11/11, sun. 12/11.
Litla sviðkl. 20:
HVAÐ DREYMDI ÞIG,
VALENTÍNA?
eftir Ljúdmilu Razumovskaju
Fös. 3/11, uppselt, laud. 4/11, fáein sæti
laus, fös. 10/11, uppselt, laud. 11/11.
Stóra svið kl. 20:
TVÍSKINNUNGSÓPERAN
Gamanleikrit með söngvum eftir
Ágúst Guðmundsson
8. sýn.fim. 2/11, brún kort gilda, 9. sýn.
lau. 4/11, bleik kort gilda.
Stóra svið kl. 20:
VIÐ BORGUM EKKI,
VIÐ BORGUM EKKI
eftir Dario Fo
Fös. 3/11,fös. 10/11.
ATH. TVEIR MIÐAR FYRIR EINN.
Ath. Siðustu sýningar.
Samstarf sverkef ni við Leikfélag
Reykjavikur:
Barflugurnar sýna á Leynibarn-
um kl. 20.30.
BARPAR
eftir Jim Cartwright
Fös. 3/11, uppselt, lau. 4/11, uppselt, aukas.
lim. 9/11, fös. 10/11, uppselt, laud. 11 /11,
örfá sæti laus, fös. 17/11, lau. 18/11.
Stóra svið kl. 20.30.
Rokkóperan
Jesús Kristur
SUPERSTAR
eftir Tim Rice og Andrew
Lloyd Webber
Miövd.1/11,fáeinsætilaus, laud. 11/11 kl.
23.30, fim. 16/11, uppselt, fáar sýningar e«-
ir.
Tónleikaröð LR:
Á stóra sviði, alltaf á þriðjudög-
um kl. 20.30.
Þrl.7/11.Capul
Skandinavisk nútimaverk.
Miðaverð 1.200 kr.
íslenski dansflokkurinn sýnir á stóra
sviöi:
Sex ballettverk
Aðeins þrjár sýningar!
Frumsýning lim. 9. nóvember kl. 20.00,
sýn. sun. 12/11 kl. 20.00, laugard. 18/11 kl.
14.00.
Önnurstarfsemi:
Hamingjupakkið sýnir á litla sviði kl.
20.30:
DAGUR
söng-, dans- og leikverk eftir Helenu
Jónsdóttur
Frumsýning. tim. 2/11, sýn. sun. 5/11, þri.
7/11.
Miðasalan er opin alla daga frá kl.
13-20 nema mánudaga frá kl. 13-17,
auk þess er tekið á móti miðapöntun-
um i sima 568-8000 alla virka daga.
Greiðslukortaþjónusta.
Gjafakortin okkar,
frábær tækifærisgjöf.
Leikfélag Reykjavíkur-
Borgarleikhús
Faxnúmer 568-0383.
ÞJÓÐLEIKHÚSIÐ
Sími 551 1200
Stórasviðiökl. 20.00.
GLERBROT
eftir Arthur Miller
Frumsýning föd. 10/11,2. sýn. mvd. 15/11,
3. sýn. sud. 19/11.
ÞREK OG TÁR
eftir Ólaf Hauk Símonarson
I kvöld, örfá sæti laus, Id. 4/11, uppselt, sud.
5/11, örfá sæti laus, sud. 12/11, uppselt, fid.
16/11, uppselt, Id. 18/11, uppselt, Id. 25/11,
örfá sæti laus, sud. 26/11, nokkur sæti laus,
fid. 30/11, nokkur sæti laus.
STAKKASKIPTI
eftir Guðmund Steinsson
Á morgun, föd., næstsiöasta sýning, Id.
11/11, síðasta sýning.
KARDEMOMMUBÆRINN
eftir Thorbjörn Egner
Ld. 4/11 kl. 14.00, uppselt, sud. 5/11 kl. 14.00,
uppselt, Id. 11/11 kl. 14.00, uppselt, sud. 12/11
kl. 14.00, uppselt. Id. 18/11 kl. 14.00, örlá
sæti laus, sud. 19/11, kl. 14.00, örlá sæli laus,
id. 25/11 kl. 14.00, örfá sæti laus, sud. 26/11
ki. 14.00, uppselt, íid. 30/11, uppselt. Ósóttar
pantanir seldar daglega.
Litla sviðið kl. 20.30.
SANNURKARLMAÐUR
eftir Tankred Dorst
í kvöld, á morgun, (öd. 10/11, Id. 11 /11.
Smiðaverkstæðið kl. 20.00
TAKTU LAGIÐ, LÓA!
eftir Jim Cartwright
Ld. 4/11, uppselt, sud. 5/11, uppsel, sud.
12/11,80. sýning, fíd. 16/11, örfá sæti laus,
Id. 18/11, uppselt, mvd. 22/11, Id. 25/11. ATH!
Sýningum fer fækkandi.
Miðasalan er opin alla daga nema mánu-
daga frá kl. 13-18 og fram að sýningu sýn-
ingardaga. Einnig simaþjónusta frá kl. 10
virka daga.
Greiðslukortaþjónusta.
Fax: 5611200
Sími miðasölu: 5511200
Simi skrifstofu: 5511204
VELKOMIN Í ÞJÓDLEIKHUSID!
í I ÍSLJLNSKA ÓPERAN
l I iiiii
Sími 551-1475
Laud.4/11 kl.21.00, laud. 11/11 kl.21.00.
MADAMA BUTTERFLY
Frumsýning 10. nóv. kl. 20.
Hátiöarsýning 12. nóv. kl. 20.
3.sýn. 17. nóv. kl. 20.
Aimennsalahafin.
Miöasalan er opin kl. 15-19
daglega nema mánudaga,
sýningardag til kl. 21.
SÍMI551-1475,
bréfasimi 552-7384.
GREIÐSLliKORTAÞJÓNUSTA
IJlfíVlK/í/Ó
(’tift ífutón (<> i /«(i r
f.<iii</«r<f<i</(nii I. mír, kl. 21.00
laugardagskvöldið sl. Hann er eyma-
merktur. Ef einhver hefur séð hann eða
veit hvar hann er niðurkominn er hann
vinsamlegast beðinn að hringja í s. 551
7905.
Fjailahjól tapaðist
úr Arahólum
24 tommu, 18 gira rauðbleikt og gullt
flallahjól með svörtu stýri hvarf úr þjóla-
geymslu í Arahólum 4. Ef einhver hefur
séð hjóhð eða veit hvar það er niðurkom-
ið er hann vinsamlegast beðinn að
hringja í s. 557 7636.