Dagblaðið Vísir - DV - 17.05.1997, Side 30

38
LAUGARDAGUR 17. MAÍ 1997
Fimm landa leiðangur:
Töfrar Suður-Ameríku
Ferðir íslendinga á óhefðbundnar
slóðir hafa á síðustu árum verið að
færast í aukana og ferðaskrifstofur
reyna að koma til móts við þarfir
landans. Úrval-Útsýn gefur út sér-
ferðabækling þar sem greint er frá
helstu sérferðum ferðaskrifstofunn-
ar. í honum er að finna áhugaverða
ferð, fimm landa leiðangur í Suður-
Ameríku, sem farin verður dagana
12.-30. nóvember. Fararstjórar í
þeirri ferð verða hjónin Einar Örn
Stefánsson, útvarpsmaður með
meiru, og Ásta Ragnheiður Jóhann-
esdóttir alþingismaöur. Þau eru
bæði þrautreyndir fararstjórar og
hafa farið víða um heim með mörg
hundruð íslendinga.
Fimm landa leiðangur Úrvals- Út-
sýnar til S-Ameríku er sá fyrsti
sinnar tegundar sem stendur íslend-
ingum til boða en farnar hafa verið
nokkrum sinnum áður svipaðar
ferðir þó ekki hafi þær verið á alveg
sömu slóðir.
Sao Paulo
og Santiago
Brottför verður miðvikudaginn
12. nóvember til London árla morg-
uns og komið um hádegisbil á Heat-
hrow. Frá Heathrow verður haldið
klukkan 22 um kvöldið og flogið í
einum rykk til brasilísku borgar-
innar Sao Paulo þar sem lent er um
7 að staðartíma morguninn eftir.
Rétt fyrir hádegið 13. nóvember er
flogiö frá Sao Paulo til Santiago,
höfuðborgar Chile. í þeirri borg
verður dvalið næstu fjóra dagana á
Hótel Kempinski Plaza. Frá Santi-
ago verður farið í dagsferðir til
Valparaiso, Vina Del Mar og til Isla
Negra en síðasti dagurinn í Santi-
ago verður frjáls til hvíldar og róleg-
heita.
Mánudaginn 17. nóvember kveð-
ur hópurinn Santiago og ekur stór-
kostlega leið í rútu um Andesfjöllin
til bæjarins Mendoza þar sem dval-
ið verður tvær nætur. Þar má með-
al annars sjá hæsta tind S-Ameríku,
Aconcagua. Frá Mendoza verður
heimsóttur einn hinna frægu
argentínsku víngarða.
Miðvikudaginn 19. nóvember
verður morgunflugið tekiö til Buen-
os Aires og dvalið þar næstu fjórar
næturnar. Merkilegustu undur
heimsborgarinnar verða skoðuð,
meðal annars kirkjugarðurinn þar
sem Eva Peron hvílir. Einum degi
verður eytt í Úrúgvæ, borginni
Montevideo, með flugi fram og til
baka, fostudaginn 21. nóvember.
Náttúrufegurð í S-Ameríku er víða ægifögur.
Hópurinn nýtur alls hins besta í mat og drykk sem S-Ameríka hefur upp á að
bjóða.
Ógleymanlegir fossar
Næsti dagur á eftir er frjáls í Bu-
enos Aires en sunnudaginn 23. nóv-
ember tekur við ógleymanleg ferð
til hinna frægu Iguazu-fossa sem
marka landamæri Argentínu,
Paragvæ og Brasilíu. Iguazu-
fossarnir eru vatnsmestu fossar
heims og geysiháir.
Gist verður á staðnum og þaðan
liggur svo leiðin daginn eftir til
hinnar fjörugu Rio de Janeiro í
Brasilíu þar sem dvalið verður
næstu fjórar næturnar. Þar er
margt að sjá. Kristsstyttan á
Corcovado-tindi verður skoðuð,
einnig samba-sýning, farið með
kláfi upp á „Sykurtoppinn" og einn
dagur, föstudagurinn 28. nóvember,
tekinn í afslöppun á Copacabana-
ströndinni. Verðlag í marsmánuði
er mjög hagstætt í Rio de Janeiro.
Kvöldið eftir verður flogið frá Rio
de Janeiro til Heathrow þar sem
lent verður um hádegisbil daginn
eftir. Farþegar geta lengt ferðina ef
þeir vilja og dvalið í viku til viðbót-
ar í baðstrandarbænum Recife í
Brasilíu til þess að fá lit á kroppinn.
Verð á mann í þessari ævintýra-
ferð, miðað við fvíbýli, er 359.950 og
398.950 ef vikunni í Recife er bætt
við. Innifalið í því verði er flug,
flugvallarskattar (nema í S-Amer-
iku), akstur, morgunverður, allar
kynnisferðir og margar máltíðir í
ferðinni sjálfri, töskuburður á hótel-
um og íslensk fararstjórn. -ÍS
Fjöldi fólks á öllum aldri tók þátt í þessum
merkingarferðum og höfðu allir gaman af þó
að stikurnar hefðu sigið í og kostað mikinn
svita.
Frábært gönguland
- í Borgarfirði eystri
DV, Borgarfirði:
í fyrrasumar var á vegum ferðamálahóps Borg-
arfjarðar eystri starfandi gönguleiðahópur. Þessi
hópur tók það að sér í samstarfi við sveitarfélagið
að merkja gönguleiðir á Borgarfjarðarsvæðinu og
gefa þannig fólki kosti á að kynnast þessu frábæra
göngulandi í kringum Borgaifjörð.
Nú er hægt að ganga dagsferðir frá Bakkagerði
eftir merktum leiðum, til dæmis til Brúnavíkur,
inn í Kækjudal tO að sjá álfakirkjuna þar eða i
hina margrómuðu Stórurð með sínum töfrandi
bergmyndum. Einnig eru lengri ferðir mögulegar,
til dæmis til Loðmundarfjaröar og þaðan til Seyð-
isfjarðar.
Fjöldi fólks á öllum aldri tók þátt í þessum merk-
ingarferðum og höfðu allir gaman af þó að stikum-
ar heföu sigið í og kostað mikinn svita.
Á vori komanda verður sett upp gönguleiðarkort
við upphafsstað hverrar leiðar með upplýsingum
um tíma, vegalengd og annað áhugavert sem fyrir
augu kann að bera. Á vegum Landmælinga ríkis-
ins er í vinnslu gönguleiðakort fyrir Austurland
allt. Vegna óviðráðanlegra orsaka teppist útkoman
til næsta árs.
Ferðamálahópur Borgaríjarðar eystri hefur í
hyggju að búa til bráðabirgðabækling með upplýs-
ingum um gönguleiðirnar og áhugaverða staði á
Borgarfjarðarsvæðinu. Borgfirðingar vonast til að
sjá sem flesta landsmenn á komandi sumri njóta
þeirra fjölbreyttu náttúru sem svæðið hefur upp á
að bjóða. -JB
Verkfallsalda
Verkfallsalda ríður nú yfir
Grikkland og hefur hún veruleg
áhrif á samgöngur í landinu.
Jámbrautarlestir, neðanjarðar-
lestir stórborga og áætlunar-
vagnar eru meira og minna í
lamasessi meðan á verkfallsað-
gerðum stendur. Starfsmenn
flugfélagsins Olympic Airways
taka þátt í verkfollunum og hef-
ur mörgum ferðum félagsins
seinkað verulega eða verið af-
lýst.
Milliliður
*
Flugmenn American Airli-
nes, næststærsta flugfélags
landsins, gerðu kjarasamning
til fimm ára og verkfallsaðgerð-
um hjá félaginu hefur þar með
verið aflýst. Samningar tókust
fyrir milligöngu embættis-
manna Hvíta hússins.
Gengur betur
Tekist hefur að halda allt að
90% flugs á áætlun hjá frönsku
flugfélögunum Air France og
TAT, þrátt fyrir verkfallsað-
gerðir nokkurra verkalýðsfé-
laga sem hafa starfsmenn hjá
félögunum á sínum snærum.
TAT er að miklu leyti í eigu
breska flugfélagsins British
Airwavs.
Afnám einkaleyfis
Einkaleyfi þýska flugfélags-
ins Lufthansa á flugleiðum inn-
an Þýskalands var afnumið á
dögunum. Strax má sjá merki
samkeppninnar og lítið þýskt
flugfélag, Eurowings, býður nú
flugmiða á leiðinni Frank-
furt-Berlín á mun lægra verði
en Lufthansa. Verðið hjá
Eurowings (miðar pantaðir
fram og til baka með dags fyrir-
vara) er um 20.000 krónur en
32.400 krónur hjá Lufthansa.
Herða reglur
Kínverjar ætla að herða allar
reglur sínar um flug og lestar-
ferðir o°g leggja meiri áherslu á
að kanna ítarlega orsakir slysa
á þessum samgöngutækjum. Yf-
Iirvöld í Kína tilkynntu áform
sín í kjölfar flugslyss og járn-
brautarslyss á síðustu vikum
sem samtals kostuðu 135 manns
lífið.
Rafræn tækni
Með hjálp rafrænnar tækni
Imunu þeir sem fljúga til Ástr-
alíu með flugfélaginu Cathay
Pacific geta fengið sjálfkrafa
vegabréfsáritun til landsins.
Þetta gildir um alla þegna frá
löndum Evrópusambandsins
nema Frakka, Portúgala og
Spánverja. Þetta hagræði mun
Ieinnig gilda fyrir þegna land-
anna Kanada, Japans, Malasíu,
Möltu, Noregs, Singapúrs, S-
Kóreu og Bandaríkjanna. Cat-
hay Pacific er flugfélag með höf-
uðstöðvar í Hong Kong.
Risavaxið
spilavíti
Átta þúsund gestir voru við-
staddir þegar opnað var nýtt
spilavíti í borginni Melbourne í
Ástrallu. Spilavítið, sem hefur
auk veðmálastarfsemi upp á
ýmiss konar skemmtun að
bjóða, er á 500.000 fermetra
svæði.