Dagblaðið Vísir - DV - 21.09.1998, Blaðsíða 4

4
MÁNUDAGUR 21. SEPTEMBER 1998
Fréttir
Hornstrandir:
Refurinn
rannsak-
aður
Vísindafólkiö í Búöarbænum í Hlöðuvfk aö loknu dagsverki, þar sem refa-
grenja í nágrenninu var vitjað. Páll Hersteinsson, Ester Rut Unnsteinsdóttir
og Hólmfrföur Sigurþórsdóttir.
DV-mynd Þórhallur
DV, Sauöárkróki:
í sumar hefur verið unnið að
rannsóknum á íslenska refnum í
Hlöðuvík og nágrenni á Hom-
ströndum. Bækistöðvar rann-
sóknarmanna hafa verið í Búðar-
bænum í Hlööuvík en það er Páll
Hersteinsson, prófessor við líf-
fræðistofnun Háskóla íslands,
sem stendur fyrir þessu verkefni
og nýtur við það að hluta til lið-
sinnis Náttúrustofú Vestfjarða á
ísaflrði.
Reyndar hefur íslenski
refurinn verið aðalrannsóknar-
efni Páls í um 20 ár. Áætlað er að
þetta verkefni standi í a.m.k. þrjú
ár en það beinist að því að rann-
saka atferli íslenska refsins og
vonast Páll til þess að þær veiti
upplýsingar um þá þætti í lífs-
háttum íslenska refsins sem
einna minnst er vitað um.
Á yrðlingum og nokkrum full-
orðnum dýrum hefur verið kom-
ið fyrir sendum, bæði gervi-
hnattasendum og venjulegum
radíósendum. Eftir er að koma í
ljós hvort gervihnattasendamir
tolla á dýrunum og er aðalhættan
að þeir bíti og krafsi þá af sér f
leikjum sínum og atferli. Þá
reiknar Páll með því að fylgjast
með dýrunum með útvarpssend-
unum úr sjó eða lofti í vetur.
Honum til aðstoðar í sumar
vom þær Ester Rut Unnsteins-
dóttir, líffræðinemi og starfsmað-
ur Náttúmstofu Vestfjarða á ísa-
flrði, og Hólmfríður Sigþórsdótt-
ir, líffræðingur og starfsmaöur
líffræðistofnunar Háskólans. Sem
kunnugt er hefur íslenski refur-
inn verið friðaður á Homströnd-
um um árabil og í þessu vemd-
aða umhverfi er hann orðinn gæf-
ur. Hafa dýrin verið ferðafólki
um svæðið til augnayndis og
skemmtunar.
Páll segir að rannsóknir hingað
til bendi ekki til að refurinn fari
á milli landshluta. Það sýni t.d.
maurinn sem refir vestra bera en
eftir að komið er suður fyrir
Hólmavíkurhrepp finnst hann
ekki á dýrum þar. Páll eyma-
merkti yrðlinga fyrir 20 árum og
þá virtist sem þeir fæm að jafn-
aði 20-25 km leið að heiman. Síð-
an hefur dýrunum fjölgað mikið
og erfitt er að segja til um hvaða
áhrif það hefur á far þeirra. Nú-
verandi rannsóknir ættu að
varpa Ijósi á það.
Greinilegt er að samfélag refs-
ins er mjög forvitnilegt. Páll seg-
ir að skörp skil séu á milli búsetu
refa í Hlöðuvík og Kjaransvík við
hliðina. Þar sé eins og þeir fari
ekki yfir ákveðna línu sem draga
má við skriðumar milli víkanna.
-ÞÁ
Vestmannaeyjar:
Lyfta Keikós
stórskemmd
DV, Vestmannaeyjum:
Miklar skemmdir hafa
orðið á lyftu flotkviarinnar í
Klettsvík þar sem háhyrn-
ingurinn Keikó er nú. Er
jafnvel talið aö hún sé ónýt.
Lyftan skemmdist í miklu
austanveðri sem gekk yfir á
fimmtudag og fóstudag. Þá
fór hún að slást til og fengu
starfsmenn Keikósjóðsins
aöstoð Björgunarfélags Vest-
mannaeyja til að festa hana.
Skemmdirnar komu svo í
ljós um helgina. í framhaldi
af því var ákveöið að taka
hana í land. Undir lyftunni
eru flothylki sem nota átti til
að lyfta henni upp. Að sögn
Smára Harðarsonar, sem
hefur yfirumsjón með örygg-
isgæslu í kvínni, eru öll loft-
hylkin brotin. Annar búnað-
ur lyftunnar er líka
skemmdur en það er allt í
lagi með kvína sjálfa og
Keikó líður vel, að sögn
Smára.
Samkvæmt upplýsingum
DV verður viðgerð á lyft-
unni látin bíða. Um kvína er
það aö segja að nú er hún
léttari sjónum og ætti því aö
þola betur átökin sem fram
undan eru í vetur. Varla hef-
ur hvellurinn í síöustu viku
verið nema forsmekkurinn
að því sem koma skal.
-ÓG

Hér má sjá lyftuna sem skemmdist í óveör-
inu sem gekk yfir t síöustu viku. Kvíin sjálf
sem og háhyrningurinn Keikó sluppu aftur
á móti viö hnjask og áverka.
DV-mynd Ómar
Kostar hvað?
Þríeykinu í pólitík-
inni, Alþýðubandalagi,
Alþýðuflokki og
Kvennalista, hefur tek-
ist það ómögulega.
Flokkamir hafa komið
sér saman ttm stefnu-
skrá. Ekki það að hér
sé eitthvert nýtt plagg
á ferðinni heldur hefur
verið brugðið á það
skynsamlega ráð að
safna saman á einn
stað öllu því helsta og
nýtilegasta úr stefnu-
skrám gömlu flokk-
anna og hnoða saman í
eitt. Það er meðal ann-
ars ástæðan fyrir því
að nýja sameiningar-
aflið ætlar að berjast
gegn her í landi og jafnvel að ganga úr Atlants-
hafsbandalaginu af því að svo illa vildi til að það
hafði gleymst að fella það ákvæði niður úr gömlu
stefnuskrá Alþýðubandalagsins. Ekki það að Sig-
hvatur ætli að styðja þá stefnu að reka herinn í
burt og ganga úr Nató heldur er þetta sett fram
til að friða gömlu kommana, enda er svo margt í
þessari stefnuskrá sem ekki á að framkvæma, að
sögn talsmanna þríeykisins, heldur sett fram til
að hafa alla góða.
Þess vegna er það líka hálffurðulegt þegar for-
ingjar stjómarflokkanna eru að gera lítið úr
þessu plaggi, á þeirri forsendu að það kosti svo
mikið að framkvæma það. Þeir Davíð og Halldór
eru eitthvað skrýtnir. Bæði Sighvatur og Margrét
Frímannsdóttir eru hissa á þessum viðbrögðum
og taka skýrt fram aö stefnuskráin sé stefnuskrá
en ekki megi búast við því að allt verði það fram-
kvæmt sem þar er stefnt aö. Eitt er aö hafa
stefnu, annað að framkvæma hana.
Þetta eiga stjómmálamenn að vita og það á
líka eftir að fara mikil vinna i það að skoða þessa
stefnuskrá og setja í hana tímaáætlan-
ir og fara yfir þetta allt saman með
flokksfólki og bæta við og fella úr og
peningamálin em aukaatriði á meðan
og fáránlegt að gera veður út af kostn-
aði. Kristinn H. Gunnarsson vill til að
mynda henda þessu plaggi og búa til
nýtt á grundvelli þess og gamla
kommaliðið, með þeim Steingrími
Sigfússyni og Hjörleifi, vissi allan
tímann aö stefnuskráin gæti orðið of
róttæk og of dýr og þeir vilja ekki
flana aö neinu og eru ráðdeildarmenn
sem samþykkja enga stefnu nema fyr-
ir liggi hvað hún muni kosta.
Davíð og Halldór hafa aldrei sam-
þykkt neitt í sinni pólitik nema vita
upp á hár hvað það kostar sem þeir
vilja. Þess vegna hefur rikissjóður
verið rekinn með halla í stjómartíö
þeirra af því að þeir hafa reiknað út
hallann og vita þar af leiðandi hvað það kostar
sem ríkisstjórnin gerir og þeir hafa vitað um
hallann.
Þríeykið í sameiginlega framboðinu veit ekki
hvað það kostar sem stendur í stefnuskránni og
svo verður enn fremur að hafa í huga að ólíklegt
er að þríeykiö komist til valda og þess vegna er
óhætt að hafa stefnu sem aldrei verður hvort sem
er framkvæmd. Hvaða læti eru þetta?
Dagfari
Stuttar fréttir e>v
Löggæslumyndavélar
Löggæslumynda-
vélar verða teknar í
notkun innan
skamms. Verið er
að ljúka við að setja
upp búnaðinn, auk
þess sem verið er
að prófa hann og
semja reglur um notkun á efni því
sem vélamar taka upp. Vonast er til
að myndavélamar verði til þess að
glæpum fækki, sérstaklega líkams-
meiðingum. Morgunblaðið sagði frá.
■
Tap á Húsavíkurflugi
Tap hefur verið á flugi íslands-
flugs og Mýflugs til Húsavíkur. Leif-
ur Hallgrímsson, framkvæmdastjóri
Mýflugs, segir að áætlun Mýflugs
verði endurskoðuð en það þýði ekki
endilega að ferðum fækki. Félagið er
nú að íhuga kaup á 19 manna vél
sem Leifúr segir að henti vel í flug-
inu milli Húsavíkur og Reykjavíkur.
Dagur sagði frá.
Mislæg gatnamót
Skipulagsstjóri ríkisins hefur fall-
ist á að mislæg gatnamót verði byggð
við gatnamót Miklubrautar og Skeið-
arvogs. Skilyrði skipulagsstjóra var
að við hönnun hljóðvama yrði miðað
við að bæta hljóðvist frá því sem nú
er. Morgunblaðið greindi frá.
Tvö nöfn í lagi
Ömefnaneíhd hefúr tekið fýrir er-
indi frá sameiginlegu sveitarfélagi
við norðanverðan Eyjafjörð og á Hér-
aöi um nöfn á sveitarfélögin. Nefndin
samþykkti nafnið Víkurbyggð yfir
sveitarfélögin við norðanverðan Eyja-
fjörð en benti einnig á nöfnin Svarf-
dælabyggð og Dalvíkurbyggð. Nefiid-
in taldi heitið Austur-Hérað viðeig-
andi fyrir sameiginlegt sveitarfélag á
Héraði. Dagur greindi frá.
Veitingar í Nauthólsvík
Nýtt kaffi- og
veitingahús mun
brátt risa i Naut-
hólsvík. Ingvar
Ágúst Þórisson
mun reka staðinn
og hefúr hann gefið
honum nafiiið Nauthóll eftir gömlum
bæ sem stóð við víkina fyrr á öld-
inni. Framkvæmdir hefjast í október
og er verið aö stofiia hlutafélag um
reksturinn. Morgunblaöið greindi
frá.
Frídagar færðir
VSÍ hefúr lagt til að sumardagur-
inn fyrsti veröi felldur niður sem frí-
dagur og í staðinn verði fyrsti vetrar-
dagur gerður að almennum frídegi og
það fyrsta mánudag í vetri. Einnig er
lagt til að frídagur verkalýðsins verði
festur á frrsta mánudegi í maí. Engar
viðræður hafa þó hafist milli VSÍ og
ASÍ. Dagur greindi frá.
Óánægja á Þingvöllum
íbúar i Þingvallasveit, Laugardals-
hreppi og Grimsnes- og Grafnings-
hreppi hafa lýst yfir óánægju vegna
áforma um stækkun þjóögarðsins á
Þingvöllum. RÚV greindi frá.
Finna má sáttaleið
Þorsteinn Páls-
son sagði á aðal-
fundi Samtaka fisk-
vinnslustöðva á
fóstudag að finna
mætti leiðir og ná
sáttum um auð-
lindagjald ef þeir
sem krefjast skattheimtu á grund-
velli réttlætis fallast á aö það sé rétt-
lætismál aö raska ekki rekstrarfor-
sendum einstaklingsútgerða og
minni sjávarútvegsfyrirtækja í sjáv-
arþorpum.
Málningaróhapp
Sviptivindur olli þvi að málning
úðaðist yfir tugi bíla í nágrenni
lýsistanks sem verið var að mála á
Vopnafirði. Uimið var við þrif á bfl-
unum á laugardag og verða engar
varanlegar skemmdir vegna óhapps-
ins. Kostnaður við hreinsunina mun
þó hlaupa á hundruöum þúsunda.
Morgunblaðiö greindi frá.
Hreindýraveiði lokið
Hreindýraveiöitímabilinu er lok-
ið og náðist ekki að veiða þann
fjölda sem leyfilegt var. Munaði þar
58 dýrum. AOs veiddust 113 tarfar
og 126 kýr. Á fjórum svæðum af níu
var veiði lítil. Dagur sagði frá. -sm