Dagblaðið Vísir - DV - 16.07.1999, Page 12

12
FÖSTUDAGUR 16. JÚLÍ 1999
Útgáfufélag: FRJÁLS FJÖLMIÐLUN HF.
Stjórnarformaður og útgáfustjóri: SVEINN R. EYJÓLFSSON
Framkvæmdastjóri og útgáfustjóri: EYJÓLFUR SVEINSSON
Ritstjórar: JÓNAS KRISTJÁNSSON og ÓLI BJÖRN KÁRASON
Aðstoðarritstjóri: JÓNAS HARALDSSON
Auglýsingastjóri: PÁLL ÞORSTEINSSON
Ritstjórn, skrifstofur, auglýsingar, smáauglýsingar, blaðaafgreiðsla, áskrift: ÞVERHOLTI11, 105 RVlK,
SÍMI: 550 5000
FAX: Auglýsingar: 550 5727 - RITSTJÓRN: 550 5020 - Aðrar deildir: 550 5999
GRÆN númer: Auglýsingar: 800 5550. Áskrift: 800 5777
Stafræn útgáfa: Heimasíða: http://www.skyrr.is/dv/
Vísir, netútgáfa Frjálsrar fjölmiðlunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
AKUREYRI: Strandgata 25, sími: 462 5013, blaðam.: 462 6613, fax: 4611605
Setning og umbrot: FRJÁLS FJÖLMIÐLUN HF.
Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF.
Áskriftarverð á mánuði 1900 kr. m. vsk. Lausasöluverð 170 kr. m. vsk., Helgarblað 230 kr. m. vsk.
DV áskilur sér rétt til að birta aðsent efni blaðsins í stafrænu formi og í gagnabönkum án endurgalds.
Varhugaverð baráttuaðferð
Kröftug og á stundum harðskeytt kjarabarátta kenn-
ara hefur staðið árum saman og tekið á sig margar
myndir. Kennarar telja sig hafa dregist aftur úr sam-
bærilegum stéttum og beita ýmsum meðulum til þess
að rétta þann hlut. Kjarabarátta þeirra hefur einnig
breyst eftir að grunnskólarnir fluttust frá ríkinu til
sveitarfélaganna sem um leið urðu vinnuveitendur
kennaranna.
Stutt kennaraverkfall var haustið 1997 en tveimur
árum áður stóð verkfall kennara í sex vikur. Svo langt
verkfall hefur alvarleg áhrif á skólastarfið, nemendur
og fjölskyldur. Sú staðreynd að kennarar eru svo mjög
með hugann bundinn við kjarabaráttuna hefur einnig
áhrif á starf þeirra og nemendur um leið, sem og allt
skólastarfið.
Kennarar standa betur að vígi í baráttu sinni en áður
var. Góðæri í samfélaginu og mikið framboð á vinnu
veldur því að þeir geta leitað annarra starfa en kennslu-
starfa. Síðustu misseri hafa kennarar því beitt fjölda-
uppsögnum sem lið í kjarabaráttunni. Með þvi móti
setja þeir mikla pressu á einstakar sveitarstjórnir.
Skólamálin eru með viðkvæmustu en um leið mikil-
vægustu málaflokkum á hverjum stað. Þessi baráttuað-
ferð hefur skilað kennurum staðbundum árangri og um
leið rekið fleyg í samráð sveitarfélaga um kjör kennara.
Kennarar eru ekki einir um þessa baráttuaðferð. Heil-
brigðisstéttir hafa og beitt fjöldauppsögnum til þess að
auka þrýsting á viðsemjendur. Barátta þessara stétta op-
inberra starfsmanna stafar af óánægju með kjör, ekki
síst í samanburði við stöðuna á hinum almenna mark-
aði. Það er eðlilegt að leita kjarabóta en í þeim efnum
sem í öðrum samskiptum í samfélaginu verður að fylgja
leikreglum. Fjöldauppsagnir í kjarabaráttu eru vafa-
samt tæki og varhugavert. Karl Björnsson, formaður
launanefndar sveitarfélaga, orðar það svo í viðtali við
dagblaðið Dag að ógeðfellt sé að nota hópuppsagnir sem
kjarabaráttutæki þegar í gildi séu samningar milli aðila.
Kennarar og sveitarfélögin, viðsemjendur þeirra,
gengu frá kjarasamningi haustið 1997. Eins og þá kom
fram í fréttum náðu kennarar fram talsverðum kjara-
bótum og laun þeirra hækkuðu hlutfallslega meira en
laun þeirra sem á undan sömdu. Þrátt fyrir það var
blendið hljóð í kennurum og margir þeirra töldu árang-
urinn ekki ásættanlegan. Meirihlutinn samþykkti þó
kjarasamningana og sú samþykkt gildir þar til samn-
ingar losna. Þegar að því kemur geta kennarar beitt
viðurkenndum aðferðum til þess að bæta kjör sin.
Vel er hugsanlegt að breyta formi kjarasamninga
kennara og sveitarfélaga fyrir næstu samninga. Launa-
nefnd sveitarfélaga hefur haft umboð til heildarkjara-
samninga. Það er í valdi einstakra sveitarfélaga hvort
þau fara þá leið eða taka samningagerðina heim í hér-
að. Formaður launanefndarinnar bendir réttilega á að
núverandi fyrirkomulag hefur ekki haldið. Það verður
því að bæta eða finna annað.
Grundvallaratriði er hins vegar að samningar séu
virtir. Kennarar og viðsemjendur þeirra gerðu með sér
kjarasamning. Ekki er hægt að lita á hópuppsagnir á
samningstímabilinu öðruvísi en sem griðrof. Sam-
þykktur kjarasamningur felur í sér réttindi og skyldur
sem báðir aðilar verða að virða. „Agaleysið sem felst í
vanvirðu samninga eru vond skilaboð inn í allt þjóðfé-
lagið,“ segir formaður launanefndar sveitarfélaga. Það
mat er rétt.
Jónas Haraldsson
Álag á starfsfólk barna- og unglingageðdeildar Landspítalans er mikið en þrátt fyrir vaxandi ásókn í þjónustu
deildarinnar hefur tekist að halda biðlistum í horfinu með auknum afköstum. - í húsakynnum unglingageðdeild-
arinnar á Kleifarvegi.
Landspítalinn:
Efling barna- og ung-
lingageðdeildar
Á undanförnum
misserum hefur
málefni barna- og
unglingageðdeild-
ar Landspítalans
oft borið á góma
enda um að ræða
einn af mikilvæg-
ustu þáttunum í
starfsemi sjúkra-
hússins. Álag á
þessa deild hefur
aukist á undan-
fórnum árum og
fer vaxandi. Það á
sér auðvitað
margar orsakir.
Þjóðfélag okkar
hefur tekið hröð-
um breytingum,
íjölskylda og
heimili hafa verið að breytast og
margar þessara breytinga hafa
áhrif á börnin, ungu kynslóðina
sem er að vaxa úr
grasi. í mörgum
tilvikum vinna
foreldrarnir báðir
úti og ekki bara
það, amma og afi
vinna úti líka.
Stórfjölskyldan er
nær horfm þegar
amma og afi
dvöldu á heimil-
inu og umhverfi
barnanna því allt
annað.
Öll þekkjum við
einkenni nútíma
þjóðfélags, streytan, hraðinn og
kröfumar. Allt hefur þetta áhrif á
börnin og unglingana. Ofvirkni
virðist vaxandi vandamál og
börnin sem við erum að ala upp
við þessar aðstæður eignast síðan
börn og aðstæður til þess að
takast á við vandamálin
geta verið erfiðar.
Miðar á móti
straumnum.
Fjöldinn sem leitar til
Barna- og unglingageð-
deildar fer vaxandi. í því
sambandi má nefna að
skólarnir virðast vanbún-
ir til að takast á við þetta
viðfangsefni og hluti
þeirra sjúklinga sem
koma til deildarinnar
ættu fremur erindi inn á
Sálfræðideild skóla.
Heilsugæslan og leikskól-
amir þyrftu líka í vax-
andi mæli að koma að
þessu viðfangsefni. Álag á
starfsfólk deildarinnar er
því mikið en þrátt fyrir vaxandi
ásókn í þjónustu deildarinnar hefur
tekist að halda biðlistum í horflnu
með auknum afköstum. Eigi að síð-
ur eru þeir of langir og síðustu töl-
ur sem ég hef undir höndum segja
mér að um 90 bíði eftir aðstoð.
Úrbætur
Á síðasta stjómarfundi Land-
spítalans ræddu Hannes Péturs-
son prófessor og Þórunn Pálsdótt-
ir hjúkrunarforstjóri úrbætur og
nýjungar í starfsemi deildarinn-
ar.
Ákveðið var að koma á fót
bráðamóttöku á Landspítala fyrir
bráðveika unglinga þar sem
frumgreining getur farið fram og
jafnframt að göngudeildarteymi
frá barna- og unglingageðdeild
starfi á Landspítalanum. Hér er
um afar mikilvæga þjónustu að
ræða sem jafnframt mundi vinna
með Barnaspítalanum.
Ákveðið var að vinna að því að
koma á hæfingarheimili fyrir
unglinga í líkingu við þá starf-
semi sem nú er á Kleifarvegi fyr-
ir börn. En á Kleifarvegi hefur
Landspítalinn rekið slíka þjón-
ustu í vetur og virðist sú nýjung
eiga mikinn rétt á sér
SÁÁ er uppi með áform um
sérstaka móttöku fyrir unglinga
vegna vímuefna og samræming
og samvinna þeirra aðila sem að
þessum málum starfa er afar
mikilvæg og má í því sambandi
einnig nefna starfsemi Barna-
vemdarstofu.
Mikiö starf fyrir höndum
Sem fyrr segir kalla þjóðfélags-
breytingar á eflingu barna- og
unglingageðdeildarinnar. Efling
deildarinnar getur hjálpað mörg-
um til að komast yfir erfiðleika á
fyrstu æviárunum og auðveldað
þeim að verða nýtir þjóðfélags-
þegnar í framtíðinni.
Ýmsir aðilar hafa styrkt deild-
ina með myndarlegum fjárfram-
lögum og það ber að þakka. Þarna
er mikið starf fýrir höndum og
áríðandi að vel takist til.
Guðm. G. Þórarinsson
Kjallarinn
Guðm. G.
Þórarinsson
verkfræðingur
„Fjöldinn sem leitar til barna- og
unglingageddeildar fer vaxandi.
í því sambandi má nefna að skól■
arnir virðast vanbúnir til að
takast á við þetta viðfangsefni
og hluti þeirra sjúklinga sem
koma til deildarinnar ættu frem-
ur erindi inn á sálfræðideild
skóla.u
Skoðanir annarra
Verðhækkanir innan markanna
„Af biturri reynslu gera menn sér grein fyrir þvi
að ef verðbólgan fer af stað þá mun hún valda svo
auknum kostnaði og óhagræði að erfitt verður að
reka fyrirtæki með góðum árangri. Seðlabanki Is-
lands hefur gripið til afar strangra úrræða í því
skyni að reyna að draga úr verðbólguvaldandi of-
þenslu ... Aðgerðir bankans gera það erfiðara og
óhagstæðara að fjármagna fasteignaviðskipti með
bankalánum og þegar heyrast merki þess að þetta sé
farið að hafa áhrif... Það er því engin ástæða til að
véfengja það mat sérfræðinga Seðlabankans og Þjóð-
hagsstofnunar að verðhækkanir á þessu ári geti
haldist innan eðlilegra marka.“
Margeir Pétursson í Viðskiptablaði Mbl. 15. júlí.
Grenndarbúllur í Grjótaþorpi
„Maður spyr: Hves vegna eiga íbúar Grjótaþorps-
ins að þurfa að þola það að vera vakandi heilu og
hálfu næturnar vegna hávaða og óláta frá skemmti-
stað og nektarbúllu? Hvers vegna eiga þeir að þurfa
að þola það að skítugir smokkar, sprautur og sprautu-
nálar liggi eins og hráviði um allt að morgni hvers
dags? í öðrum hverfum borgarinnar taka menn því
ekki með þegjandi þögninni að börn og unglingar
leiki sér innan um slíkan subbuskap. Hví skyldi ann-
að gilda um Grjótaþorpið? íbúarnir gefa i skyn í bréfi
til borgaryfirvalda að um vændi og hórmang geti ver-
ið að ræða í tengslum við nektarbúlluna. Hafa að-
dróttanir um vændi verið skoðaðar? Hefur það verið
skoðað af alvöru?"
Guðrún Helga Sigurðardóttir skrifar pistil um máliö
i Dag 15. júlí.
Bústýrurnar í Hlaðvarpanum
„Það er nú gott til þess að vita að menn tapi ekki
skopskyni sínu þótt stundum sé fjallað um alvarleg
mál. Bústýrur Hlaðvarpans v/Vesturgötu skilja ekk-
ert í þvi að íbúar Grjótaþorps skuli vera að amast við
þeim mikla menningarauka er starfsemi hússins fylg-
ir! ... íbúar Grjótaþorps sjá þetta kannski í svolítið
öðru ljósi og helgarkveðja sú er borgaryfirvöld sendu
okkur dagana 1. og 2. júlí sl. í formi leyfisveitinga til
handa rekstraraðilum piaðvarpans v/Vesturgötu til
tónleika- og dansleikjahalds var hreint fyrir neðan
allar hellur ... Hér dugar ekkert annað en skýlaus aft-
urköllun allra tón- og dansleikjahaldsleyfa er rekstr-
araðilum Hlaðvarpans hafa verið veitt.“
Oddur Björnsson í opnu bréfi til forseta borgar-
stjórnar Reykjavikur í Mbl. 15. júlí.