Dagblaðið Vísir - DV - 04.10.1999, Blaðsíða 2

20
MÁNUDAGUR 4. OKTÓBER 1999
Sport
DV
Hvað finnst þér?
Hvernig fer landsleikur
Frakklands og íslands í
undankeppni EM um
næstu helgi?
(Spurt í lokahófi KSÍ)
Sigurlin Jónsdóttir:
Ég held að íslendingar vinni
þennan leik. Ég spái 1-0 og það
verður Ríkharður Daðason sem
skorar markið.
Magnús Orri Schram:
Ég held að fslendingar fari
með sigur af hólmi, 1-0. Rúnar
Kristinsson skorar markið eftir
sendingu frá Brynjari.
Hjálmar Hallgrimsson:
Ég held að þetta verði þungur
róður fyrir okkur og
Frakkarnir vinna þetta, 2-0.
Rósa Júlía Steinþórsdóttir:
Frakkarnir vinna þennan
leik, 1-0, og það verður Zinedine
Zidane sem skorar sigurmarkið.
Kristín Delia Howser:
Þetta verður baráttuleikur
tveggja góðra liða og ég held að
jafntefli verði niðurstaðan. Ég
tippa á 0-0.
Pippen í Portland
Scottie Pippen, körfuboltasnillingur og margfaldur
meistari með Chicago Bulls, gekk um helgina til liðs við
Portland Trail Blazers eftir aðeins eitt tímabil í röðum
Houston Rockets. í staðinn fær Houston sex leikmenn
frá Portland, þá Walt Williams, Kelvin Cato, Stacey
Augmon, Carlos Rogers, Ed Gray og Brian Shaw.
Pippen fann sig aldrei með Houston síðasta vetur og
þá átti hann í útistöðum við Charles Barkley. í viðtali í
síðustu viku sagði Pippen að Barkley væri feitur og eig-
ingjam en Barkley hafði áður lýst yfir miklum vonbrigðum með frammi-
stöðu Pippens með liðinu. -VS
Birkir átti
stórleik
Birkir Kristinsson, landsliðsmarkvörður í
knattspymu, átti stórleik með hinu nýja liði
sínu, Lustenau, gegn Bregenz í austurrísku A-
deildinni á laugardag. Birkir varði hvað eftir annað úr dauðafærum en
átti ekki möguleika á að koma í veg fyrir tvö mörk og Bregenz vann 2-0.
Birkir er sem kunnugt er í láni hjá Lustenau næstu vikur vegna meiðsla
markvarðar liðsins. Lustenau er i 8. sæti af 10 liðum í deildinni meö 14
stig en fyrir neðan em Bregenz með 11 stig og LASK með 9 stig. -VS
ManudagSVIÓtaljð
Guðrún Sóley Gunnarsdóttir pg
unnusti hennar, Benedetto Vaíur
Nardini. halda hér saman á
verðlaunagripunum sem Guðrún
fékk fyrir að vera valin efnilegsti
leikmaðurinn í úrvalsdeild kvenna í
knattspyrnu.
DV-mynd E.ÓI
Guðrún Sóley Gunnarsdóttir valin efnilegasta knattspyrnukona landsins:
Var með strákunum
KR-ingurinn Guðrún Sóley
Gunnarsdóttir var valin efnileg-
asti leikmaðurinn í kvennaflokki á
lokahófi knattspyrnufólks sem
haldið var á Broadway á laugar-
dagskvöldið. Guðrún lék mjög vel i
vörninni meö meistaraliði KR í
sumar og það kom ekki á óvart að
Þórður Lárusson landsliðsþjálfari
skyldi velja hana í landsliðshóp-
inn sem lék gegn Ítalíu á dögunum
en hún hefur leikið bæði með U-18
og U-20 ára landsliðunum í sumar.
En kom það Sóleyju á óvart
að hreppa titilinn efnilegasti
leikmaðurinn?
,,Ég bjóst alveg við því að fá eitt-
hvaö af atkvæðum en ég átti ekki
von á því að verða fyrir valinu.
Það var að sjálfsögðu mjög gaman
að hreppa þennan titil. Þetta er bú-
ið að vera frábært sumar fyrir
okkur KR-inga. Við höfum unnið
allt og þú getur rétt ímyndað þér
hvað það hefur verið mikil ánægja
á mínu heimili."
- Hverju þakkar þú þennan
góða árangur ykkar KR-stelpna
í sumar?
„Ég þakka þaö fyrst og fremst að
við höfum haft mjög sterkan og
góðan leikmannahóp og einnig
höfðum við mjög góðan þjálfara í
sumar. Það hefur verið góð upp-
bygging hjá KR síðustu árin og
hún er svo sannarlega farin að
skila sér.
- Hvenær byrjaðir þú að æfa
knattspyrnu?
„Ég var 7 ára gömul þegar ég
byrjaöi að æfa. Fyrst spilaði ég
með strákunum í 7. flokki. Ég fór
með bróður mínum, sem er einu
ári eldri en ég, á æfingar og æfði
með honum. Ég held aö ég hafi
verið 10 ára þegar ég byfjaöi svo
að æfa með stelpunum. Ég er bara
í fótboltanum i dag en þegar ég
var yngri var ég á kafi í öllu. Ég
var í körfubolta, fimleikum og
ballett."
Guðrún Sóley, sem er nýorðin 18
ára, stundar nám við Menntskól-
ann í Reykjavík. Hún býr í for-
eldrahúsum á Seltjarnarnesi en
hún er gallharður KR-ingur eins
og foreldrar hennar, Sigrún og
Gunnar Guðmundsson sem fyrir
nokkrum árum var formaður
knattspyrnudeildar KR.
„Mamma og pabbi ýttu mér í fót-
boltann. Ég vildi í fyrstu ekki fara
en svo fannst mér þetta mjög gam-
an og hélt því áfram. Ég er búin að
spila meö meistaraflokknum síð-
ustu tvö árin. Ég var í liðinu í
fyrra og gekk ágætlega en í sumar
hefur mér gengið allt í haginn. Ég
var auðvitað mjög ánægð þegar ég
var valin í landsliðið. Ég fékk að
vísu ekki að spila en það var mjög
gaman að fá að kynnast þessu og
stefnan er að komast í liðið. Mér
finnst kvennafótboltinn sífellt
vera í framfór hér á landi. Stelp-
urnar byrja miklu fyrr að æfa en
áður og það skilar sér með betri
tækni. Ég held að ég geti fullyrt að
í dag eru fleiri stelpur að æfa en
áður og það er mjög ánægjulegt.
- Hver eru framtíðaráformin?
„Ég stefni að því að fara til
Bandaríkjanna þegar ég er búin
með skólann hér heima eftir tvö
ár. Þar langar mig að fara í há-
skólanám og spila knattspyrnu líkt
og Áshildur Helgadóttir hefur ver-
ið að gera. Ég er ekki búin að
ákveöa í hvaða nám ég ætla en
ætli það verði viðskiptafræöi eða
hagfræði."
Guðrún á unnusta og sá heppni
heitir Benedetto Valur Nardini.
„Við höfum verið saman í tæp
tvö ár. Hann er mjög áhugasamur
um fótboltann hjá mér og hann
tekur fullan þátt í þessu. Hann
mætir á alla leiki og hvetur mig til
dáða,“ sagði Guðrún að lokum.
-GH