Dagblaðið Vísir - DV - 21.08.2000, Blaðsíða 2
18
MÁNUDAGUR 21. ÁGÚST 2000
Kristján Guðmundsson, þjálfari 2. deildar liðs Þórs:
- sem ég hef lent í. Aðstaðan á Akureyri ekki boðleg til knattpyrnuiðkunar
Kristján Guðmundsson er þjálf-
ari 2. deildarliðs Þórs í knatt-
spymu, en árangur liðsins hefur
vakið verðskuldaða athygli í sum-
ar. Þór hefur unnið alla sína leiki í
2. deildinni eða alls 14 talsins. Þeir
unnu síðast KÍB 3-1 á heimavelli.
Fyrir 14. umferðina var það orðið
ljóst að Þór yrði 2. deildarmeistari.
Þjálfaraferill Kristjáns
Kristján byrjaði að þjálfa yngri
flokka ÍR í 10 ár samfleytt, var með
alla flokka Vals í þrjú ár og var að-
stoðarmaður Kristins Björnssonar
með meistaraflokk Vals 1994 og
1995. Kristján tók svo við ÍR-liðinu
1995 eftir að lR hafði tapað 5 leikj-
um og þjálfaði með Braga Bjöms-
syni. Árið 1996 var hann síðan
þjálfari ÍR. Tímabilið 1997-98 var
hann hjá Malmö i Sviþjóð og sinnti
þar ýmsum störfum, eins og knatt-
spyrnuskóla og unglingaþjálfun.
Kristján kom síðan til Þórs áramót-
in 1998-1999.
Erfiðasta starfið
Hvernig er að starfa fyrir Þór?
„Þetta er erfiðasta starf sem ég
hef nokkurn tíma lent í. Þetta er
erfiðasta umhverfi sem ég hef starf-
að við. Þetta var gríðarlega erfitt
fyrir þá. Ástandið á félaginu og
leikmönnunum var mjög slæmt eft-
ir hrakningar undanfarinna ára.
Það er mjög erfitt umhverfi héma.“
Hvernig lýsir það sér?
„Það er lítiö af fólki að starfa en
það er allt gott fólk. Það eru skelfi-
legar aðstæður í bænum í dag til að
æfa fótbolta. Þær eru ónýtar bók-
staflega. Þetta er ekki boðlegt. Ef
það er verið að gera kröfur um
betri árangur þá verður að vera
betra umhverfi og betri aðstaða."
Hvernig líst þér á þœr hugmyndir
um aö byggja knattspyrnuhús?
„Það verður að koma knatt-
spymuhús og það verður að koma
fyrr en áætlað hefur verið svo að
við getum haldið áfram þessu
markvissa starfi sem við erum í
núna hjá Þór og erum búin að vera
í tvö ár, svo að við getum haldið
áfram að vinna faglega eins og við
erum að gera í dag.“
Ertu ánœgður með alla þætti í
sumar?
„Nei, ég er ekki ánægður með
alla þætti. Við ákváðum það í byrj-
un að liðið yrði svo gott að það ætti
aldrei í erfiðleikum með að fara
upp heldur færi beinustu leið.
Það vom fengnir utanaðkomandi
leikmenn sem við þekktum út í
gegn og við vissum fyrir hvað þeir
stæðu og að þeir myndu passa inn
í liðið og einnig hafa þeir sem voru
að spila hér í fyrra bætt alveg gríð-
arlega við sig. Alveg griðarlega."
Hvaó með sumarið í fyrra, var það
erfitt?
„Já, það var mjög erhtt. Maður
þurfti tíma til að komast.inn í um-
hverfið og læra á leikmenn. Okkur
tókst ekki að styrkja okkur utan
frá eins og við höfúm náð að gera í
ár með réttu leikmönnunum og það
fóru líka nokkrir sem voru í byrj-
unarliðinu í fyrra. Við náðum ekki
nógu góðum mönnum inn eins og
við höfum gert í ár.“
Björt framtíð hjá Þór
Mióað við unglingastarfíð og stöð-
una í dag, hvar séröu Þór í framtíð-
inni?
„Ég sé Þór sem mjög öflugt félag
með mjög öflugt lið í framtíðinni.
Undanfarin ár hefur hver árgangur
verið að skila inn nokkrum góðum
og mjög góðum einstaklingum í
meistaraflokkinn og undanfarin ár
höfum við alltaf átt mann í 16 og 18
ára landsliðum.
Það er alveg á hreinu að það er
nóg til af efnivið og mér líst mjög
vel á framtíðina meðan það er búið
til nógu gott umhverfi fyrir þessa
drengi sem er ekki í dag. Þess
vegna er staðan svona hjá þeim.“
Hver er framtíó þín hjá Þór?
„Framtíð mín hjá Þór er óráðin.
Ég kom hér upphaflega til að starfa
í þrjú ár en samningurinn er þó
uppsegjanlegur milli ára. En vissu-
lega stefna allir að því að ég taki
eitt ár í viðbót. En það er ekkert á
hreinu með það. Ég vona samt að
ég eigi eftir að vera hér áfram.“
Hlutafélagið mikilvægt
Nú var hlutafélag stofnað á vor-
dögum, hvaða þýðingu hefur það?
„Það er gríðarlega mik-
ilvægt að stofna þetta
hlutafélag. Við fórmn aðr-
ar leiðir en hin félögin en
við stofnum hlutafélag í
'kringum leikmennina til
að létta á rekstri knatt-
spyrnudeildar. Við erum
að greiða fyrir árangur og
ekkert annað. Þetta er þrí-
þætt: Fyrst, að halda leik-
mönnum í Þór.
í öðru lagi, að búa leik-
mönnum Þórs betra æf-
ingaumhverfi með þvi að
geta sent þá út á vetuma
því hér er varla hægt að
æfa, það er ekki boðlegt ef
þessir strákar ætla að ná
landsliðssæti í framtíð-
inni.
Það þriðja, að þeir hafl
peninga til að setja í
strákana og trúi á strákana. Þegar
strákarnir finna að einhverjir trúa
á þá þá eflast þeir. Þetta er gríðar-
lega mikilvægt að geta sent þá út
og náð samböndum og ef þeir geta
spilað í vetur og æft þá kemur það
okkur til góða á meðan við erum
ekki með aðstöðu til þess að æfa á
veturna."
Knattspyrnuhús á
Þórssvæðiö
Hvað með mismuninn á aðstöð-
unni í Svíþjóð og hér á íslandi?
„Þar sem Malmö er það sunnar-
lega þá vorum við alltaf að æfa úti
allan ársins hring. Þar er boðið
upp á upphitaðan malarvöll, gervi-
gras og sjö grasvelli. Það er ekki
hægt að líkja þessu saman. Þetta er
bara allt annar heimur. Það er allt
annað."
Hvernig mundir þú vilja hafa að-
stööuna á Akureyri þannig að hún
yrði boðleg?
„Fótboltahús í þeim anda sem er
á Suðurnesjum. Það gildir að hafa
gott undirlag. Að húsið sé byggt til
framtíðar með framtíðarsýn en
ekki einhver kofi. Húsið verður
byggt á Þórssvæðinu og vildi ég sjá
íþróttahús í framhaldi af því. í
sömu byggingu nánast, þannig að
hægt sé að samnýta vatn, rafmagn
og rekstur."
-JJ
Prinsinn í ham
Naseem Hamed, „prinsinn" sjáifur, fór
hamfórum gegn Bandaríkjamanninum
Augie Sanchez í gær.
Sanchez tókst það sem fáum hefur tekist
hingað til, að koma nokkrum höggum á
prinsinn. í fyrstu tveimur lotunum hafði
Sanchez oft yfírhöndina og héldu nú margir
að komið væri að fyrsta ósigri Bretans ógur-
lega. Hamed hafði til þessa bardaga barist 34
sinnum sem atvinnumaður og aldrei tapað.
En það var engu líkara en prinsinn hefði
skipt um ham við mótlætið og gjörsamlega
gekk frá Sanchez. í lok fjórðu lotu var svo
bardaginn stöðvaður þegar Hamed kom fjór-
um fóstum höggum í Sanchez og þurfti að
fara með Sanchez á sjúkrahús til aðhlynn-
ingar.
„Ég bið til Allah um að allt sé í lagi og að
Sanchez sé heill. Ég lenti í vandræðum í bar-
daganum og á harrn heiður skilinn fyrir
framistöðuna," sagði Hamed. -esá