Dagblaðið Vísir - DV - 17.11.2000, Qupperneq 7

í gegnum móðu áfengis geta hörðustu djammarar séð sér fyrir hugskotssjónum brjáluðu stemninguna sem
myndaðist á Grand Rokk þegar hann var enn til húsa á Klapparstíg og þar trónir hljómsveitin Miðnes
efst í brunni óminninga. Samtals hafa meðlimir hennar tíu píanótíma að baki en ekkert er píanóið, Að auki
eru þeir allir í Geirfuglunum en fundu hjá sér þörf fyrir meira rokk. Eirik Sordal hitti Miðnesið á Grand
Rokk, hinum nýja, og rætt var um allt milli himins og Reykjavíkurhelvítis.
„TitiEinn er ákveðin samsvörun við
hinn Heilaga guðdómleik Dante, ítalskt
miðaldaljóð þar sem lesandinn er leidd-
ur í gegnum helvíti. Kannski erum við
að leiða hiustendur í gegnum helvíti á
60 mínútum,“ segir Freyr Eyjólfsson,
sporgöngumaður Eika Hauks í þvi að
sameina kennslu og rokk, í dramatískri
greiningu á væntanlegri plötu Miðness,
Reykjavík Helvíti. „Ég hef alveg misst
af þessu,“ segir Hermann Jósefsson,
verðandi vélstjóri sem kallar sig Venni,
og kemur augljóslega af flölium hvað
þessa samlíkingu varðar. „Þú ert líka af
Vestfjörðum," svarar Freyr að bragði
og þar með er það afgreitt. Þriðji limur-
inn, Stefán Már Magnússon hijóðfæra-
sali, hefur sig hægan en brosir yfir
orðaskiptum félaga sinna.
Útskrifaðir úr rokkskólanum
„Við héldum okkur uppi í námi með
því að spila á gamla Grand Rokk,“ rifj-
ar Stefán upp, en þar stigu Miðnesing-
ar sín fyrstu spor fyrir rúmum þremur
árum. Þeir segjast aldrei hafa verið
týpiskt pöbbaband; frekar komið sam-
an til að fá sér í glas og spila uppáhalds-
lögin sín og því hafi myndast heldur
sérstök stemning. „Við spiluðum við
ýmsar aðstæður. Þama voru aðalfylli-
byttur bæjarins saman komnar og við
máttum þola ýmislegt - lentum oft í
slagsmálum," segir Freyr. Stefán virð-
ist enn bitur út í hina óprúttnu
drykkjumenn: „Já, við lærðum líka að
veija okkur. Við urðum fyrir aðkasti,
fólk var að teygja sig í hljóðfærin, hella
bjór yfir græjumar og campari yfir
mig,“ segir hann. „Þú braust nú líka
gitar á gaumum sem gerði það,“ segir
Freyr. „Já ... það gekk á ýmsu,“ viður-
kennir Stebbi.
„Einu sinni spiluöum við svo hátt að
stefha átti Grand Rokk fyrir hávaða-
mengun og staðurinn lenti í meiri hátt-
ar lögreglumáli út af því. Við erum
ábyggilega hávaðasamasta rokkband ís-
landssögunnar," segir Freyr og er fast-
ur í nostalgíunni.
Strákunum finnst sem þeir hafi lært
mest á spilamennskunni á Grand Rokk
og skilja lítið í hljómsveitum sem æfa
sig endalaust i loftlausun kytrum og
gleyma sér í tækja- og tæknipælingum,
frekar en að mæta á knæpumar, telja í
og rokka.
„Grand Rokk var bara æfmgahús-
næðið okkar,“ staðhæfir Venni og hin-
ir jánka því. „Okkar rokkskóli," bætir
Freyr við. „Ég segi nú bara eins og
Mick Jagger: „You can’t leam Rock &
Roll at school".
Drykkur, herstöð eða lík-
amspartur
Talið berst að hinu sérstaka nafni
sveitarinnar:
„Miðnes er bæði drykkur og líka
staður á Reykjanesi, htiil hóll sem heit-
ir Miðnesheiði, eða Miðnesþúfa; her-
stöðin stendur þar. Þetta er því vísun
bæði i herstöð og uppáhaldsdrykkinn
okkar,“ útskýrir Stefán. „Þetta er líka
eitthvað sem skemmist þegar maður er
mikið í rokkhljómsveit," segir Venni og
á þá við miðsnesið sem lætur gjaman
undan síga eftir ótæpilega inntöku eit-
imlyfja nefleiðis.
Og eigiöi von á því að þaó gefl sig hjá
ykkur í bráö?
„Ja, það er aldrei að vita ef platan
selst vel,“ svarar Stefán um hæl og
glottir við tönn.
En, meira um plötuna, um hvaö er
hún?
„Það hafa komið út tvær svona plöt-
ur áður, Borgarbragur Gunnars Þórð-
arsonar og Loftmynd Megasar. Platan
heitir Reykjavík helvíti, eftir einu lagi
á plötimni, og er öll um borgarlífið,"
segir Freyr. „Þetta er okkar framlag til
Menningarborgarinnar 2000,“ segir
Venni við góðar undirtektir hinna
tveggja. „Við erum þó ekki menningar-
styrktir og óskum þess ekki,“ flýtir
Freyr sér að skeyta við.
Hva, eruö þiö svona pólitískir?
„Já, auðvitað erum við það,“ segja
þeir. „Við höfum áhuga á stjómmálum
en ekki stjórnmálamönnum," segir
Stebbi fyrir sitt leyti. Freyr tekur í
sama streng: „Mín pólitík er nú bara
eins og Bob Dylan sagði einhvem tím-
ann: „Don’t follow leaders.““
„ Enda lætur hann afskaplega illa að
stjóm,“ segir Venni og bendir á Frey,
félaga sinn.
Eru mikil átök innan sveitarinnar?
„Já, það verður að vera, á því þrífst
samstarfið." Stefán og Venni era sam-
mála um það.
„Er það ekki marxísk söguskoðun að
hlutimir þróist með átökum?" segir
Freyr og setur þetta í sögulegt sam-
hengi.
Rokk af eðlisávísun
Kvarðað var á að gera plötuna i sept-
ember en eftir að hugmyndinni hafði
verið komið á koppinn frussaðist af-
gangurinn út eins og niðurgangur. Hún
var tekin upp i æfingahúsnæðinu und-
ir styrkri upptökustjóm Venna og Mið-
nesingar segjast vonast til þess að hrað-
inn viðhaldi ferskleikanum og komi
áheyrendum þannig fyrir hlutstir. „Við
vorum ekkert búnir að negla öll lögin
eitthvað niður,“ segir Venni, „og mest
af þessu var búið til í einhverju
„adrenalinkikki“.“ Freyr er hlynntur
æsingnum: „Mér finnst rokk og ról svo-
lítið ganga út á það. Tónlistin sem við
erum að gera verður tO af eðlisávísun,
frekar en einhverri vitsmunalegri sköp-
un; kemur beint frá hjartanu," segir
hann. Þegar búið var mjólka beljuna
áttu Miðnesingar bara eftir aö finna sér
mjólkursamlag. „Við fórum í alla útgef-
endur en það vildi enginn gefa okkur
út, enda seint á ferðinni," segir Venni.
Gæfan snerist svo strákunum í vfi og
Rabbi tók vel í útgáfuna, enda geirfugl
í útgáfubransanum hvað hugsjónastarf
varöar að mati piltanna. „Við emm
svolítið að vona með þessari plötu, af
því að við erum hjá litlu útgáfufyrir-
tæki, að loksins nái tónlistin að sigra.
Þetta er erfiður slagur að berjast við
þessa stóm útgáfurisa, sérstaklega þeg-
ar einn þeirra á flestallar útvarps- og
sjónvarpsstöðvar á landinu," segja þeir.
„Við erum bara að búa til tónlist og
hafa gaman af og, ólíkt mjög mörgum
öðrum íslenskum böndum, þá er tón-
listin fókusinn hjá okkur, ekki aö lita á
sér hárið, fara í ljós og fá sér gadda-
vírstattú til að græða pening,“ segir
Freyr.
Samsærið um Bítlana
En nú er Skítamórall víst allur, liðiö
lík, hvernig líst ykkur á þaö?
Það tekur strákana smástund að átta
sig á hinum válegu tíðindum.
Venni er orðlaus en stingur loks upp
á því að Miðnesið taki upp samstarf við
Einar Bárðar áður en aðrir grípa gæs-
ina. „Þá bíður maður bara eftir sóló-
plötum frá strákunum. Þeir eru bara að
mæta eftirspum og það er gott að þeir
hafi verið þama, finir strákar, og ég er
reyndar skotinn í þeim ... öllum,“ segir
Stefán.
„Þetta er nú bara sama trix og Sálin
hans Jóns míns var með. Þeir hættu
alltaf þegar farið var að seljast illa inn
á tónleika með þeim. Hvað er Sálin
hans Jóns míns búin að halda marga
lokatónleika?" spyr Freyr. Strákamir
gæla nú við þá hugmynd að útgáfutón-
leikar Miðness verði jafnframt lokatón-
leikar. „Þetta band (Skímó) er búið að
vera til í ellefú ár. Það er jafnlangur
tími og Bitlamir áttu,“ athugar Stefán.
Þegar talið berst aö Bítlunum tekur
Freyr við sér og viðrar útpælda sam-
særiskenningu sína: „Ég held að breska
konungsfjölskyldan rækti eiturlyfin sín
í gömlu nýlendunum og selji eiturlyf
um allan heim í krafti tolla- og skatt-
frelsis. Svo þegar þau vildu fara að selja
eiturlyf til Bandaríkjanna þá bjuggu
þau til Bítlana til að mynda opnara
andrúmsloft. Bítlamir töluðu um LSD
og svona og ég held að þeir hafi verið
búnir til af bresku konungsfjölskyld-
unni, rétt eins og Spice Girls.“
Stebbi er sammála þessu: „Já, ég
meina, er það tOviljun að Bítlamir hafi
fyrst reykt marijúana i Buckingham-
höll, er það tilviljun?
í boltanum og bjórnum
Þið eruö greinilega miklir vinir, hvaö
geriö þiö þegar þió hittist hljóöfœralaus-
ir?
„Að spila tónlist, drekka bjór eða
horfa á fótbolta eru eiginlega einu
kringumstæðurnar sem við hittumst
við,“ segja þeir.
Stefán og Freyr eru forfallnir fót-
boltafiklar og tala um liðin sín í 1.
persónu fleirtölu en fótboltaæðið
rann af Venna við ellefu ára aldur.
Freyr er Káerringur en Stefán er
Víkingur og hefur haldið tryggð við
félagið í gegnum súrt og sætt. „Það
em bara tveir hlutir sem maður
skiptir ekki um,“ segir hann og glott-
ir við tönn, „það er fótboltalið og
kyn.“ En Venni hrekur kenninguna
og segist þekkja dæmi þess að sam-
nemendur sínir úr Vélskólanum hafi
skipt um kyn. Athyglisvert!
Miðnesmenn eru með margar pits-
ur í ofninum því með Geirfuglunum
bæta þeir annarri breiðskífu í jólaút-
gáfuna. Einnig hafa þeir samið kvik-
myndatónlist fyrir væntanlega kvik-
mynd félaga sfns, Toffa, um
undirheimaprinsinn Lalla Jones.
Næst á dagskrá er hins vegar partí
ársins, en svo nefna þeir útgáfutón-
leika sína sem haldnir verða á Grand
Rokk, 25. þessa mánaðar. „Eins kon-
ar uppgjör við staðinn," segja þeir og
hlæja. Við höfum verið truflaðir
nokkrum sinnum af gesti Grand
Rokk sem hefur fundið hjá sér þörf
fyrir ýmsar upphrópanir, spangól og
halelújaköll upp á síðkastið og nú
birtist Hrafn Jökulsson með taflborð
undir handleggnum og heilsar Mið-
nesinu kumpánlega. „Þetta er allt til
á video,“ svarar hann þegar stákarn-
ir biðja hann að rifja upp trylltar
samverastundir á gamla Grand Rokk.
„Ekki allt,“ segir Freyr. „Sumt getum
við aldrei sagt. „Aldrei," samsinnir
Hrafn og hann er ekki fyrr búinn að
sleppa orðinu en bjórþyrstur afgang-
urinn af Geirfuglunum kemur
askvaðandi. „Þetta lítur út eins og við
hittumst alltaf á pöbbnum," segir
Venni og hefur áhyggjur af útkomu
viðtalsins. En nú er gesturinn góði
hvort eð er farinn að syngja einhverj-
ar óperettur og lengra verður ekki
komist í bili.
17. nóvember 2000 f Ó k U S
7