Dagblaðið Vísir - DV - 12.06.2001, Síða 15

ÞRIÐJUDAGUR 12. JÚNÍ 2001
15
Akureyrskir myndlistarmenn
Sextán akureyrskir myndlistarmenn taka þátt í sýningunni sem á aö draga fram séreinkenni eyfirskrar myndlistar.
Harðmæli akur-
eyrskrar mundlistar
Nú um helgina hófst í Listasafni Akureyrar
sýning á verkum sextán eyflrskra listamanna.
Sýningin ber yfirskriftina Akureyri í myndlist.
Tilgangur sýningarinnar er að gefa trúverðugan
og fremur hlutlausan þverskurð af listalífi bæjar-
ins og veita áhorfendum þannig tækifæri til að
kynnast fjölbreytni i akureyrskri myndlist við
upphaf nýrrar aldar.
A oskudaginn II
Sveinbjörg Þórhallsdóttir: „Á öskudaginn á Akur-
eyri fæ ég aftur þessa tilfinningu fyrir lífinu
og tilverunni. “
Sérkenni eyfirskrar myndlistar
Þeir sem eiga verk á sýningunni eru Aðalsteinn
Svanur Sigfússon, Amí, Arna Valsdóttir, Einar
Helgason, Elli, Guðmundur Ármann Sigurjónsson,
Guðný Þórunn Kristmannsdóttir, Gunnar Kr. Jónas-
son, Jonna, Kristinn G. Jóhannsson, Laufey Margrét
Pálsdóttir, Margrét Jónsdóttir, Nói, Óli G. Jóhanns-
son, Stefán Jónsson og Sveinbjörg Hallgrimsdóttir.
Talið er líklegt að um sjötíu myndlistarmenn
starfi á Akureyri um þessar mundir. Við val á þátt-
takendum var ákveðið að bjóða átta ólíkum lista-
mönnum að bjóða öðrum listamanni að sýna með
sér. í opnunarræðu sagði Hannes Sigurðsson, for-
stöðumaður safnsins, að þrátt fyrir ólíka miðla, viö-
fangsefni, stílbrigði og þann aldursmun sem skilur
að yngstu og elstu þátttakendur „hafa þeir allir á
þessari sýningu ieitast við að túlka Akureyrarbæ út
Lóörétt birta
Guömundur Ármann Sigurjónsson: „Hver staöur
hefur sinn vind, hvort sem um er aö ræöa Akur-
eyri, Reykjavík eöa New York. “
frá sinni eigin persónulegu reynslu og listrænu for-
sendum. Hefur eyfirsk myndlist einhver sérstök ein-
kenni í líkingu viö norðlenskan framburð? Er Akur-
eyri í eðli sínu eitthvað frábrugðin öðrum bæjum
landsins? Það eru þessar spumingar um myndlist á
Akureyri og Akureyri í myndlist sem eru veltiás
sýningarinnar."
Hversu hrifinn ertu?
Sú nýbreytni var einnig tekin upp í tengslum við
þessa sýningu að áhorfendur velji hvaða verk safn-
ið á að kaupa í stað þess að safnráð taki ákvörðun
um það eins og vaninn er. Þetta fer þannig fram að
áhorfendur kjósa „besta verkið". í ræðu sinni sagði
Hannes að hugmyndin hafi verið borin undir lista-
mennina sem tóku vel í hana. „Til að reka smiðs-
höggið á þennan gagnvirka leik var í samráði við
listamenn útbúin nánari skoðanakönnun á mynd-
listarsmekk almennings þar sem meðal annars er
spurt út í hversu hrifið eða ekki hrifið fólk er af
verkum á sýningunni" og þá flokkað eftir kyni,
aldri, búsetu, menntun og tekjum. „Taki nægilega
margir þátt í þessari könnun verður hægt að kom-
ast að ýmsum fróðlegum hlutum, til dæmis hvaða
þjóðfélagshópur er hrifnari af abstrakt list en raun-
særri list, enda má sjá flestar stefnur á sýningunni."
Hvorki flottræfilsháttur né bruðl
Sýningarskráin er mjög vegleg. Um er að ræða
sextíu síðna litprentaða skrá á ensku og íslensku. í
sýningarskránni má meðal annars finna grein eftir
Aðalstein Ingólfsson listfræðing og hugleiðingar
listamannanna sjálfra. Hannes sagði í ræðu sinni að
um tíma hefði staðið til að prenta skrána í átta þús-
und eintökum og senda hana á öll heimili á Akur-
eyri. „Það reyndist því miður of dýrt svo þess í stað
er hún innifalin í aðgangseyri þegar gestir skoða
sýninguna." Hannes sagði að hér væri hvorki um
„flottræfilshátt né vanhugsað bruðl að ræða. Því
miður er það staðreynd að jafn bókelskir og íslend-
ingar telja sig vera þá hefur það margsýnt sig að
slíkar skrár seljast afar illa og standa nánast aldrei
undir kostnaði."
Til stóð að gera stutta úttekt á sögu myndlistar á
Akureyri og var Valgarður Stefánsson fenginn til
verksins. Viðfangsefnið vatt mjög upp á sig og stefn-
ir nú í heila bók frekar en stutta úttekt. Ágrip Val-
garðs af myndlistarsögu Akureyrar er þó að finna á
heimasíðu safnsins: www.artak.strik.is.
Tónlist
Hvert lag öðru betra
Sá Brasilíumaöur sem helst hefur verið talinn
verðugur arftaki tónskáldsins fræga, Antonio Carlos
Chobim, er Ivan Lins. Hann er rétt um fimmtugt, af
bítlakynslóð rokkara og poppara og ber tónlist hans
þess nokkur merki. Bossanóva- og sambatónlist
heimalandsins er honum þó alltaf hugleikin og hafa
þau áhrif í tónlist hans farið vaxandi á síðari árum.
Lins semur einstaklega falleg lög, hann er mikill
ballööusmiður en á líka til hressilegri tilþrif. Ásamt
áhrifum úr popp og rokktónlist er nokkur djassáhrif
að finna hjá honum sem merkja má í allflóknum
hljómsetningum. I lagasmiðum sínum minnir Lins
stundum á gömlu meistarana Cole Porter og Jerome
Kem en líka jafnmikið á samtíðarmenn sína, Paul
McCartney og Donald Fagen.
Sá sem þetta ritar hefur verið hugfanginn af tón-
list Ivans í bráðum fimmtán ár og safnað plötum frá
honum þann tíma. Hið sama virðist eiga við um
upptökustjóra og útsetjara geisladisksins A Love Af-
fair: The Music of Ivan Lins (Telarc 2000). Á síðum
meðfylgjandi diskbæklings lýsir Jason Miles því
hvemig vitneskjan um að Miles Davis hafi ætlað að
taka fyrir tónlist Lins varð hvatinn að tilurð plöt-
unnar. Því miður entist Miles Davis ekki aldur til að
ráðast í verkefnið en Jason fékk þá með sér einvala-
lið til að uppfylla þennan gamla draum sinn. Útkom-
an er vissulega frábrugðin því sem búast hefði mátt
við frá trompetleikaranum sáluga en er góðra gjalda
verð á sinn hátt. Andi R&B-tónlistar svífur yfir
vötnunum sem á alls ekki illa við enda í bland við
hina afslöppuðu brasilísku hrynjandi.
Mörg af þekktari verkum Ivans eru hér flutt af
söngkonunum Chaka Khan, Dianne Reeves,
Vanessu Williams, Lisu Fischer og Brendu Russell
sem þýðir nokkra texta úr portúgölsku yfir á ensku
auk þess að syngja listilega vel lagið Nocturne (Not-
urna). Aðrir sólóistar eru Grover heitinn Was-
hington, Jr., sönghópurinn New York Voices sem á
frábært innlegg og karlsöngvararnir Sting, James
„D Train“ Williams og Freddie Cole sem hljómar
eins og blanda af Nat King Cole og Ray Charles. Auk
framangreindra koma fram saxófónleikararnir Jay
Beckenstein, Bob Berg og Michael Brecker, bassa-
leikaramir Mark Egan, Marcus Miller og Will Lee;
Joe Sample, Jason Miles og Ivan Lins á hljómborð
og til að nefna nokkra af öllum fjöldanum: Chuck
Loeb, Vinnie Colaiuta, Jim Pugh og Cyro Babtista.
Það er nokkurn veginn sama hvar hefði verið
borið niður í fiölskrúðugu lagasafni Lins, niður-
staðan hefði vart getað orðið annað en fyrsta
flokks. Á þennan disk vantar þó frægasta lag
hans, Comecar de novo, en þeir sem vilja heyra
það og meira til er bent á annan frábæran disk,
Ivan Lins: Live at the MCG (Jazz MCG 1999). Þar
má heyra lagasmiðinn sjáifan sitja við rafpíanóið
og syngja sum sömu lögin og á hinum diskinum
en líka mörg önnur. Ivan og brasilísk hljómsveit
hans eru þarna í þrumustuði á tónleikum, ekki
sist er aðalmaöurinn í toppformi, hrikalega af-
slappaður og hefur líklega aldrei sungið betur.
Hvert lagið er öðru betra og brasilísk hrynjandi
auðvitað ráðandi þótt fremur sé hún á rólegu nót-
unum. Sú plata fær bestu meðmæli, algera topp-
einkunn. Hin er ágæt líka, ljúf á bandaríska
poppvísu og sérlega áferðarfalleg.
Ingvi Þór Kormáksson
A LOVE AFFAIR: THE MUSIC OF IVAN LINS Telarc 2000 IVAN
LINS LIVE AT THE MCG Jazz MCG 1999
__________Menning
Umsjön: Sigtryggur Magnason
Django-
djasshátíð
Fyrsta alþjóðlega django-djasshá-
tíðin á íslandi verður haldin á Ak-
ureyri dagana 15. til 18. ágúst og
nefnist Django Jazz 2001. Tvö síð-
ustu ár hefur Robin Nolan Trio
haldið námskeið á Akureyri og eru
undirtektirnar slíkar að ákveðið
hefur verið að halda þessa hátið.
Tónlist tríósins sækir uppruna sinn
til sígaunadjass og Django Rein-
hardt sem er ókrýndur konungur
þessarar tónlistarstefnu. Tengsl
Robin Nolan Trio við marga þekkta
tónlistarmenn í Bandaríkjunum
kveiktu þá hugmynd að halda al-
þjóðlega hátíð.
Dagskrá hátíðarinnar er á þá leiö
að 16. ágúst heldur Robin Nolan
Trio tónleika í Deiglunni. Daginn
eftir spila á sama stað Pearl Django
frá Seattle. Laugardaginn 18. ágúst
verða svo stórtónleikar á Glerár-
torgi þar sem fram koma Django
Kvartett Akureyrar, Pearl Django,
Randy Greer og Paul Weeden. Robin
Nolan Trio verður einnig með nám-
skeið á meðan hátíðin stendur yfir.
Pólýfónía í Nýló
• Pólýfónía heldur áfram í Nýlista-
safninu í kvöld. Þá koma fram Rod
Summers og er gjörningur/fyrirlest-
ur hans um sögu hljóðsins frá stóra
hvellinum til tungutaks tölvunnar.
Einnig verður flutt verkið Hier-
oglyphics eftir Magnús Biöndal Jó-
hannsson. Annað kvöld verða svo
Hilmar Bjarnason, Sara Jenníar,
Darri Lorenzen, Rod Summers, Cur-
ver og Sigtryggur Berg Sigmarsson.
Pólýfónia heldur svo áfram fimmtu-
dag, fóstudag og laugardag og lýkur
með hátíðardagskrá 17. júní. Hátíð-
ardagskráin hefst klukkan 12 á há-
degi og meðal þeirra sem koma
fram eru Sally Chapman, Ingibjörg
Magnadóttir, Egill Sæbjörnsson og
Fallega gulrótin.
Siöfrædi í
sögulegu ljósi
Kirkjuritið er komið út en það
kom fyrst út árið 1935. Á síðum þess
fer fram fagleg og
fræðileg umræða
um kirkjuna, guð-
fræði og trúarlíf. í
þessu tölublaði ber
hæst umfiöllun um
siðfræði í sögulegu
ljósi og í hagnýtum
tilgangi. Þeir sem eiga greinar í
Kirkjuritinu að þessu sinni eru sr.
Auður Eir Vilhjálmsdóttir, sr. Sig-
urjón Árni Eyjólfsson, dr. Sigurður
Kristinsson, sr. Gunnar Kristjáns-
son, sr. Gunnar Björnsson, Halla
Jónsdóttir og sr. Jón Bjarman. For-
síðu ritsins prýðir mynd frá fóstu-
dagskrá í Skálholti. Ritstjóri Kirkju-
ritsins er sr. Kristín Þórunn Tómas-
dóttir.
Sara sýnir
í Caracas
Söru Bjömsdóttur hefur verið
boðið aö taka þátt í spænsk-amer-
ísku listahátíðinni í Caracas í
Venesúela. Borgin
er baksvið verkanna
á sýningunni og er
listamönnunum ætl-
að að sýna sífellt
hraðari lífsstil nú-
tímasamfélagsins.
Útgangspunktur
listamannanna er
samband nútímalistar og nútíma-
samfélags. Þrír meginþættir verka á
sýningunni eru staðbundin verk,
myndbönd og uppákomur. Þátttak-
endur sýningarinnar eru frá öllum
heimshornum, Ameríku, Asíu og
Evrópu.