Dagblaðið Vísir - DV - 11.09.2001, Blaðsíða 6

6
ÞRIÐJUDAGUR 11. SEPTEMBER 2001
Norðurland
I>V
Fólk vill í aukmim mæli flytja til Akureyrar:
íbúðarhúsnæði vantar
- allgott lóðaframboð en framkvæmdir hafa ekki haldið í við eftirspurnina, segir bæjarstjóri
„Það er mjög lítið framboð á íbúð-
um sem hefur komið sér illa því mað-
ur hefur orðið var við mikla ásókn
frá fólki sem vill flytja hingað, ekki
hvað síst fólki af höfuðborgarsvæð-
inu, og það hefði verið betra að hafa
úr meiru að velja varðandi íbúðir. Þá
hefur maður orðið var við það í tals-
verðum mæii, sem ekki hefur gerst
nokkuð lengi, að brottfluttir Akureyr-
ingar hafa í talsverðum mæli sýnt því
áhuga að koma til baka,“ segir Sævar
Jónatansson hjá Fasteignasölunni
Eignakjöri á Akureyri. Þar hefur um
nokkurt skeið verið mun minna
framboð á íbúðarhúsnæði en eftir-
spurn og útlit fyrir að svo verði eitt-
hvað áfram þrátt fyrir að talsvert sé
til af byggingarlóðum í bænum.
Sævar segir að á síðasta ári hafi
verið mikil sala með íbúðir á Akur-
eyri og einnig það sem af er yfirstand-
andi ári, en það hafi ekki náðst að
fylla í skörðin. Það má segja að skort-
ur sé á íbúðum og er sama hvort mað-
ur talar um fjölbýlishúsaíbúðir, rað-
hús eða minni og meðalstór einbýlis-
hús í því samþandi. Það vantar í raun
og veru allt,“ segir Sævar.
Varðandi verðþróunina segir hann
að verðið hafi farið hækkandi allan
þennan tíma. „Það er býsna mikil
breyting sem hefur orðið á þessum
tíma, við vitum oft ekki hvernig verð-
ið er heilt yfir í Reykjavík en ég er
ekkert viss um að verðið þar sé öllu
hærra á nýlegum eignum en það er
hér. I djöfulganginum þar í fyrra fór
auðvitað allt upp úr öllu valdi en nú
heyrir maður af bakslagi þar og lækk-
un. Hér þólar ekkert á slíku og það
þarf að fara að byggja meira, það
vantar húsnæði og leigumarkaðurinn
er mjög þaninn," segir Sævar.
„Það eru tvær hliðar á þessu máli.
Annars vegar er það mjög ánægjulegt
að fólk sæki hingað i auknum mæli
sem bendir til að hér sé nóg við að
vera og eftirsóknarvert að búa. Það er
hins vegar miður ef þetta stoppar á
því að það vanti meira húsnæði. Ég
hef þá skoðun að það vanti frekar
minni íþúðir," segir Kristján Þór Júl-
íusson, bæjarstjóri á Akureyri.
Hann segir að um það megi deila
hvort nóg hafi verið byggt á Akureyri
á síðustu misserum. „Miðað við þessa
stöðu virðast nýþyggingar hafa verið
á eftir þeirri þróun sem átt hefur sér
stað. Ég get hins vegar fullyrt að und-
anfarin tvö ár hafi verið toppur i
byggingaframkvæmdum í bænum.
Lóðaframboð er allnokkurt, við erum
t.d. með auglýsingu í gangi um tals-
vert af tilbúnum lóðum í Giljahverfi,
ég geri ráð fyrir að byggingafram-
kvæmdir hefjist á svæðinu austan við
Glerárkirkju í haust og deiliskipulag
fyrir Naustahverfi verður sennilega
tilbúið í vor. Það verður allt gert til
að mæta þessu og ég hef orðið var við
áhuga byggingafyrirtækja annars
staðar frá um að komast hér að.
Framboð á lóðum er allgott en fram-
kvæmdirnar hafa ekki haldið í við
þessa auknu eftirspurn," segir Krist-
ján Þór. -gk
Nýbygging Oddeyrarskóla í notkun:
„Eigandinn ætti að
verða prýði hússins"
- segir skólastjórinn
MYNDIR: -SBS
Við vígsluathöfnina
Margt góðra gesta var viðstatt þegar viðbygging Lundaskóla var tekin í notkun.
Viðbygging við Oddeyrarskóla á
Akureyri var tekin formlega í notk-
un í síðustu viku. Um ræðir 845 fer-
metra húsnæði, sem byggt var með-
al annars vegna einsetningar skól-
Lyklar afhentir
Helga Hauksdóttir skólastjóri tekur við
lyklum Oddeyrarskóla úr hendi Kristjáns
Þórs Júlíussonar bæjarstjóra.
ans. „Eigandinn ætti að verða prýði
hússins en húsið ekki prýði eigand-
ans,“ sagði Helga Hauksdóttir skóla-
stjóri í stuttu ávarpi sem hún flutti
þegar hún tók við lyklavöldum i
skólanum af Kristjáni Þór Júlíus-
syni bæjarstjóra. Skírskotaði Helga
með tilvitnuðum orðum til þess að
innra starf skólans ætti að skipta
meginmáli en ekki húsið sem slíkt.
Eftir þessa stækkun er Oddeyrar-
skóli nú alls 2.931 fermetri að flatar-
máli og nemendur við skólann eru
205 talsins. Elsta húsnæði skólans
var tekið í noktun árið 1957 en tals-
vert hefur verið byggt við síðan.
Viðbyggingin sem nú hefur verið
tekin í notkun er í fyrsta lagi norð-
an við elsta hluta skólans og þar eru
þrjár kennslustofur, stjórnunar-
álma, eldhús fyrir nemendur og
kennara, bókasafn og tölvustofa,
auk geymslna í kjallara. - í öðru
lagi er um að ræða viðbyggingu við
suðurforstofu til að geta betur þjón-
að því hlutverki að vera aðalinn-
gangur skólans. Einnig er byggt við
forstofu austurálmu skólans.
Heildarkostnaður við viðbygging-
una er um 135 milljónir króna en
kostnaður við endurbætur á öðrum
hlutum skólans nemur um 90 millj.
króna. „Við erum himinsæl með
nýtt húsnæði. Það er orðið mun
rýmra fyrir kennara og vinnuað-
stöðu fyrir þá en mest fognum við
nýju bókasafni og tölvuveri í tengsl-
um við það - sem og nýjum raun-
greina- og myndmenntastofum,"
sagði Helga Hauksdóttir, starfandi
skólastjóri. -sbs
Frumkvöðlasetur Norðurlands:
Fýrsti frumkvöðullinn mættur
Framkvæmdamiðstöð:
Ellefu söttu um
Alls bárust eilefii umsóknir um stöðu |
forstöðumanns Framkvæmdamiðstöðv-
ar Akureyrarbæjar en framkvæmda-
miðstöðin mun fara með daglega um-
sjón framkvæmda á vegum bæjarfélags-
ins. Þeir sem sóttu um eru: Aðalgeir
Hólmsteinsson, Benedikt Guðmundsson,
Bjarni J. Matthíasson, Friðleifúr I.
Brynjarsson, Guðni P. kristjánsson, Jón
B. Gunnlaugsson, Lárus P. Pálsson, Reyn-
ir Hugason, Tryggvi Marinósson, Stefán
K. Pálsson og Sveinn Bjömsson. -gk
Frumkvöðlasetur Norðurlands hef-
ur hafið starfsemi. Fyrsti frumkvöðull-
inn er tekinn til starfa á Setrinu. Það
er fyrirtækið Farm Inn sem vinnur að
upplýsinga- og bókunarkerfi fyrir
ferðaþjónustu erlendis. Framkvæmda-
stjóri Farm Inn er Tryggvi Svein-
bjömsson. Hann hefur unnið að hug-
mynd sinni um nokkurra missera
skeið og þetta upplýsinga- og þókunar-
kerfi hefur þegar verið tekið í notkun
hér á landi undir nafhi fyrirtækisins
Ferðalausna hf. Tryggvi mun aðlaga
hugmynd sína að erlendri ferðaþjón-
ustu og koma henni síðan á markað í
nágrannalöndunum.
Frumkvöðlasetur Norðurlands mun í
framtíðinni starfa á Dalvík, Akureyri og
á Húsavík. Markmið þess er að örva og
styðja við frumkvöðla á svæðinu. Að-
standendur Setursins eru Fjárfestingar-
félagið Urðir hf„ Tækifæri hf„ Nýsköp-
unarsjóður atvinnulífsins, Iðntækni-
stofiiun/Impra, Atvinnuþróunarfélag
Eyjafjarðar, Atvinnuþróunarfélag Þing-
eyinga, iðnaðar- og viðskiptaráðuneytið
og Háskólinn á Akureyri. -gk
DV-MYND BG
Komdu og skoöaðu í kistuna mína
Dætur Guömundar Karls Péturssonar og Sigurður Sigurðsson, formaður
Læknafélags Akureyrar, glugga í gögn frá Guömundi Karli.
Læknaminjasafni á Akureyri áskotnast áhugavert efni:
Gögn Guðmundar
Karls á safn
Afkomendur Guðmundar Karls
Péturssonar, yfirlæknis á FSA, sem
hefði orðið 100 ára sl. laugardag, af-
hentu Læknafélagi Akureyrar ýmis
skjöl og gögn úr eigu Guðmundar til
að hafa á læknaminjasafninu sem
verið er að koma upp í bænum. Hér
er um að ræða ýmis bréf og myndir
og minnispunkta um sögu FSA.
Þama er líka að finna handskrif-
uð eintök af fyrstu Læknablöðunum
sem gefin voru út í upphafi aldar-
innar og skrifuð voru af Guðmundi
Hannessyni lækni. Það var Sigríður
Guðmundsdótir, dóttir Guðmundar
Karls, sem við athöfn í FSA á laug-
ardag afhenti gögnin Sigurði Sig-
urðssyni, formanni Læknafélagsins,
til varðveislu. Við þetta tækifæri
rifjaði Brynjólfur Ingvarsson lækn-
ir upp kynni sín af Guðmundi Karli
en Brynjólfr var kandldat á FSA og
naut leiðsagnar Guðmundar.
-BG
Ólafur og vegirnir
1 pottinum hafa menn verið aö
fylgjast með heimsókn Ólafs Ragn-
ars Grimssonar,
forseta íslands, í
N-Þingeyjarsýslu
og þá ekki síst för
hans í gær inn að
Dettifossi. Kunn-
ugir höfðu á orði
að vegurinn upp
að fossinum væri
óvenju góður og
kom þá fram að Vegagerðin gerði
gangskör að því að laga veginn
áður en hið tigna föruneyti kæmi.
Var jafnvel talað um að settar
hefðu verið tvær vikur af vinnu f
þennan veg sem alla jafna fær litla
athygli. í pottinum er það gefið
sem skýring að Sturla Böðvars-
son og hans menn í Vegagerðinni
vilji ekki fá umsögn í stil við það
sem Ólafur Ragnar gaf vegunum í
Barðastrandarsýslu hér um árið!
Það fylgir jafnframt sögunni að
ýmis byggðarlög sem lítið hafa orð-
ið vör við vegagerðarmenn og veg-
hefla á umliðnum misserum hafi
mikinn áhuga á þvi að fá þau Ólaf
og Dorrit til að koma í heimsókn ...
Blóðtaka á Stöð 2
Enn hverfa lykilstarfsmenn úr
herbúðum Stöðvar 2 en í pottinum
hefur verið
sagt frá því
að ýmsir
frétta- og dag-
skrárgerðar-
menn séu að
hætta, auk
þess sem sjálfur Bo Halldórsson,
eða Björgvin HaUdórsson, sé á
forum. Nú berast fregnir af því að
einn helsti tæknigúrú stöðvarinn-
ar, Hannes Jóhannsson, sé að yf-
irgefa skútuna og munar þar um
minna. Samhliða þessum fréttum
heyrist að Viktor Ólason, sem
verið hefur einn af leiðandi mark-
aðsmönnum fyrirtækisins, sé líka á
forum. Þetta er sögð mikil blóðtaka
fyrir fyrirtækið, svo ekki sé talað
um á þessum tíma þegar svo marg-
ir aðrir eru að hverfa burt lika ...
Burt með viðskiptavini
Mikið einvalalið íslenskra stofn-
ana og fyrirtækja sýndi á heimilis-
sýningunni í Laugardal. Þar reyndi
hver um annan
þveran að laða til
sín viðskiptavini
inn á básana i
þeirri von að hin-
ir ánetjuðu skil-
uðu sér í verslan-
ir og keyptu það
sem í boði var.
Ein undantekning
var þó á þessu. Lögreglan í Reykja-
vík var með bás og sjálfur yfirlög-
regluþjónninn, Geir Jón Þórisson,
stóð þar vaktina. Hann sagði gest-
um og gangandi að yfirlýst mark-
mið sinna manna væri að fækka
viðskiptavinum ...
Skítamórall
Einar Ágúst Víðisson söngvari,
með meiru, á ekki sjö dagana sæla.
í helgarviðtali við DV á dögunum
lýsti hann því af
annálaðri hrein-
skilni að pappírs-
vesen væri á um-
boðsmanni hljóm-
sveitar sinnar,
Skítamórals. Þá
sagði hann frá
þeim lýð sem
grýtti sveitina á
hljómleikum í Eldborg þar sem
hún kom seinast fram. Sagt er að
efst á baugi annarra hljómsveitar-
manna muni nú vera að reka
söngvarann ástsæla úr bandinu,
sem þó er að mestu leyti hætt.
Ekki er þó samstaða um að setja
málið formlega fram en við því er
að búast að á næstunni verði sung-
ið af innlifun án bakraddar Einars
Ágústs: „Ertu þá farinn ...?!“
Umsjón: Birgir Guðmundsson
gylfik@ff.is