Dagblaðið Vísir - DV - 16.10.2002, Síða 6

6
MIÐVIKUDAGUR 16. OKTÓBER 2002
DV
Fréttir
Ellefu ungmenni handtekin í fíkniefnapartíi á Selfossi:
Sterkur orðrómur um
neyslu grunnskólanema
- segir lögreglan - ungur aldur sérstakt áhyggjuefni
Ellefu ungmenni voru handtekin
í fíkniefnapartíi á Selfossi á laugar-
dagskvöld og fundust amfetamín og
hass í neyslueiningum á nokkrum
þeirra. Jafnframt fundust tæki til
neyslu. Sex ungmennanna voru
vistuð í fangageymslu lögreglu og
yfirheyrð næsta dag. Málið telst nú
að fullu vera upplýst. Sá elsti sem
tengist þessu máli er 22ja ára en þau
yngstu aðeins fjórtán og fimmtán
ára. Grímur Hergeirsson hjá rann-
sóknardeild lögreglunnar á Selfossi
segir ungan aldur nokkurra ein-
staklinga í raun vera alvarlegasta
þátt þessa máls.
Kúrfan í neyslunni upp á við
„Það hefur verið sterkur
orðrómur að undanförnu um fíkni-
efnaneyslu meðal grunnskólanema
hér á Selfossi, sem kemur þá að
nokkru leyti saman við þetta mál.
Því er full ástæða fyrir foreldra að
fylgjast vel með börnum sínum og
huga að því í hvaða félagsskap þau
eru. Við höfum tilfinningu fyrir
því að kúrfan í neyslunni hérna
hafi verið upp á við að undan-
förnu, en þó fer því víðs fjarri að
hér hafi geisað einhver faraldur,“
sagði Grímur.
Allmörg fíkniefnamál hafa komið
upp í umdæmi lögreglunnar á Sel-
fossi það sem af er þessu ári, flest í
stóru þéttbýlisstöðunum í héraðinu.
Fjörutíu mál komu upp allt árið í
fyrra - og telur Grímur stöðuna í ár
vera svipaða. „Lögreglan verður sí-
fellt að vera á tánum og fylgjast
með. Þetta er líka að mestu leyti
frumkvæðisvinna því ekki er mikið
um að fólk komi inn af götunni og
láti okkur vita um neyslu eða sölu
fikniefna," segir hann.
Langt innan sjálfræðisaldurs
Barnaverndaryfirvöld voru köll-
uð til vegna málsins sem upp kom
um helgina, enda eru þau yngstu
sem þar koma við sögu langt innan
sjálfræðisaldurs. Grímur Hergeirs-
son segir að á Selfossi sé kostað
kapps um að fylgjast vel með vímu-
efnaneyslu ungmenna og berjast
gegn henni. FuUtrúar lögreglu, fé-
lagsmálayfirvalda og grunnskólans
hafi með sér gott samstarf. Sú vinna
skili því að menn hafi tilfinningu
fyrir því hvernig landið liggi hverju
sinni. Atburðir helgarinnar sýni
jafnframt að hvergi megi gefa eftir i
baráttunni.
Eyjólfur Sturlaugsson, skóla-
stjóri í Vallaskóla á Selfossi, sagð-
ist í samtali við DV í gær kannast
við orðróm um fíkniefnaneyslu
nemenda í elstu bekkjum skólans.
Hann sagði hins vegar að málið
hefði ekki komið inn á borð stjóm-
enda skólans til beinna afskipta,
né heldur umrædd tilvik um liðna
helgi. Hann sagði mikilvægt að all-
ir aðilar héldu vöku sinni í barátt-
unni gegn þessum vágesti - og
lagöi áherslu á að forvarnir yrðu
fastur liður í skólastarfinu fremur
en efnt yrði til skyndisókna í ljósi
einstakra atvika sem upp kynnu
að koma. -sbs
Svíar léku af sér í hvalapólitíkinni:
„Ánægjuleg mistök"
„Mistök Svi-
anna voru áægju-
leg,“ segir Einar
Kr. Guðfinnsson,
formaður sjávarút-
vegsnefndar Al-
þingis. í viðtali við
NTB-fréttastofuna
sagði Birgitta Bod-
strom, ráðuneytis-
stjóri í sænska
umhverfisráðu-
neytinu, það hafa verið tæknileg mis-
tök að Svíar studdu inngöngu Islend-
inga i Alþjóða hvalveiðiráðið. Þeir
hafa hingað til verið á móti inngöngu.
Kvaðst ráðuneytisstjórinn harma mis-
tökin og væri að kanna hvað heíði í
rauninni gerst og hvort bæta mætti
skaðann.
Einar sagði að með inngöngu hefðu
íslendingar stigið fýrsta skrefið í átt til
þess að hefja hvalveiðar. Skuldbind-
ingar væru þess efnis að hefja ekki at-
vinnuveiðar fyrr en árið 2006..en við
höfum aðra mögu-
leika í stöðunni
eins og þá að hefja
vísindaveiðar fýrr.
Ég skal ekkert
segja um hvort það
verður gert en fyr-
ir slíkum veiðum
eru full rök.“
„Ég á erfitt með
að trúa því að
stuðningur við
inngöngu okkar hafi verið mistök
heillar sendinefndar Svía. Ætli þeir
hafi þá ekki líka verið í raun á móti
inngöngu okkar bara fyrir mistök,"
sagði Árni Steinar Jóhannsson, þing-
maður VG. Hann sagðist trúa því að í
einhverri framtíð myndu íslendingar
hefia hvalveiðar að nýju.
„Ég hef alltaf talið það betra fyrir
okkur að vera innan Alþjóða hval-
veiðiráðsins en utan og það er okkur í
raun nauðsyn - ella komum við afurð-
unum ekki á markað." -sbs
Keikó með nýtt heimili
Eftir átök milli bæjarfélaga í
Vestur-Noregi hefur loks verið
ákveðið að Keikó hafi vetursetu
við bæinn Taknes sem er í Kórs-
nesfirði. Að vonum eru bæjarbúar
mjög ánægðir með þessa ákvörðun
en Taknes er í tíu kílómetra fjar-
lægð frá Skálavíkurfirði þar sem
Keiko hefur dvalið. Munurinn er
að þar sem Keiko mun hafa vetur-
setu leggur aldrei ís. Það að Keiko
skuli ekki fara lengra er mikill sig-
ur fyrir fyrir bæjarfélögin í þess-
um landshluta en þau hafa allt frá
því Keiko birtist óvænt í Skálavík-
urfirði og bæjarfélagið komst í
heimsfréttirnar barist fyrir því að
Keiko yrði ekki fluttur: „Við erum
ánægð. Við höfum unnið stríðið,“
sagði Lars Olav Lillebo sem hefur
verið einn helsti baráttumaðurinn
fyrir því að Keiko yrði áfram á
þeim slóðum þar sem hann hefur
verið. -HK
DV-MYND G. BENDER
Dauðastríðiö hafiið á heiðum
„ Viö erum búnir aö labba frá því átta í morgun og fengum þrjá fugla hvor.
Þaö voru margir aö skjóta en veiöin var ekki mikil, “ sögöu félagarnir
Jóhannes Þór Ævarsson og Hannes Jón Marteinsson úr Reykjavík sem
tíöindamaöur DV hitti í Bröttubrekkunni í gær, á fyrsta degi rjúþnaveiöa.
Snjórinn þvælist ekki fyrir veiöimönnum þetta haustiö eins og myndin ber
meö sér og hefur veiöin fariö af staö án stórtíöinda. Þó er viöa aurbieyta og
festu tvær skyttur sig utan vega á Biskupstungnaafrétti. Sá björgunarsveit úr
Biskupstungnum um aö draga þá „á þurrt“.
Kurr vegna ráðningar upplýsingafulltrúa Hafnarfjarðar:
Faglega að verki staðið
- segir Lúðvík Geirsson bæjarstjóri
„Það var ráðn-
ingarskrifstofan
Mannafl sem sá
um undirbúning
og úrvinnslu um-
sókna fyrir okk-
ur því við viss-
um að margir
myndu sækja um
stöðuna. Mannafl
lagði fram tillögu
um það fólk sem
það taldi helst koma til greina og
við gerðum ekki athugasemdir við
það mat. Þessir aðilar voru allir
kallaðir í viðtöl þar sem frekari
upplýsinga var aflað. Að þvi loknu
var það álit ráðningarstofunnar að
sú sem var ráðin væri hæfust. Við
sem komum að ráðningunni vorum
alveg sammála því áliti. Við fórum
einfaldlega að tillögu þess aðila sem
við réðum til verksins og mjög fag-
lega var að verki staðið," sagði Lúð-
vík Geirsson, bæjarstjóri í Hafnar-
firði, við DV.
Nokkur kurr varð vegna ráðning-
ar í starf upplýsingafulltrúa Hafn-
arfjarðarbæjar en gengið var frá
ráðningunni í lok september. Um
100 manns sóttu um stöðuna, þar af
fjöldi fólks með töluverða reynslu
af fjölmiðlastörfum. Mannafl hafði
milligöngu um ráðninguna. Eftir að
farið hafði verið í gegnum allar um-
sóknir voru aðeins sex umsækjend-
ur boðaðir í viðtöl. í starfið var ráð-
in Steinunn Þorsteinsdóttir sagn-
fræðingur sem unnið hefur á
Byggðasafni Hafnarfjarðar.
í kjölfarið fékk DV ábendingar
frá fólki um óánægju vegna þess
hvemig staðið var að ráðningunni.
Var látið að þvi liggja að pólitísk
lykt væri af málinu en Steinunn er
af grónum krataættum í Firðinum.
Einn umsækjenda, Jakob Bjarnar
Grétarsson, skrifaði síðan opið bréf
vegna ráðningarinnar og fannst
vinnubrögðin óskiljanleg, að reynt
fjölmiðlafólk væri ekki einu sinni
boðað í viðtal vegna ráðningar i
stöðu upplýsingafulltrúa.
- Gagnrýni vegna ráðningarinn-
ar var m.a. á þann veg að löngu
hefði verið búið að ákveða hver
fengi starfið og þar réðu pólitísk
tengsl miklu. Hvað segir þú um
það?
„Ég get ekki séð að það hafi
hjálpað henni né útilokað að hún
ætti sömu möguleika og aðrir í
þessa stöðu. Samfylkingin er með
yfir 50% fylgi í Hafnarfirði og það
væri nánast verið að útiloka ann-
an hvern bæjarbúa ef menn ætluðu
að vinna þannig. Steinunn hefur
afar víðtæka reynslu í kynningar-
og upplýsingamálum. Hún hefur
starfaö við þau mál fyrir hönd bæj-
arins í Byggðasafni, einnig við fjöl-
miðlun og blaðamennsku og er
menntuð sem sagnfræðingur. Hún
þekkir einnig mjög vel sögu bæjar-
ins. Steinunn er auk þess vön
stjómsýsluvinnu en starf upplýs-
inga- og kynningarfulltrúa er í
raun víðtækara en svo að það snúi
aðeins að blaðamennsku," sagði
Lúðvík. -hlh
jjíiJíifsvW
REYKJAVÍK AKUREYRi
Sólariag í kvöid 18.05 17.50
Sólarupprás á morgun 08.23 08.08
Síðdegisflóð 15.53 20.26
Árdegisflóð á morgun 04.19 08.52
Víða léttskýjaö
Norðaustan 5 til 10 metrar á sek-
úndu en 8-13 við austurströndina.
Víða léttskýjað sunnan- og vestan-
lands en smáskúrir eða slydduél
norðan- og austanlands.
Bgg

Norðaustan 5 til 10 metrar á sek-
úndu en 8-13 við austurströndina.
Víða léttskýjað sunnan- og vestan-
lands en smáskúrir eða slydduél
norðan- og austanlands. Kólnandi
veður.
Föstudagur Laugardagur Sunnudagur
Hiti 0°
tii7*
Vindur:
5-10 ">/»
*
Norðlægar
áttlr og él
norðan og
austan til en
víða bjart-
viðrl annars
staðar.
Krti 0°
«17°
Vindur:
5-10r,/s
Norðlægar
áttlr og él
norðan og
austan til en
víða bjart-
vlðri annars
staðar.
Hiti 0°
ti! 7°
Víndur:
5-10
4
Norðlægar
áttlr og él
noröan og
austan tll en
viða bjart-
viðrl annars
staðar.
m/s
Logn 0-0,2
Andvari 0,3-1,5
Kul 1,6-3,3
Gola 3,4-5,4
Stinnlngsgola Kaldi 5,5-7,9 8,0-10,7
Stinningskaldi 10,8-13,8
Allhvasst 13,9-17,1
Hvassviöri 17,2-20,7
Stormur 20,8-24,4
Rok 24,5-28,4
Ofsaveður 28,5-32,6
Fárviðri >= 32,7
Hl’
AKUREYRI súld 4
BERGSSTAÐIR léttskýjað 3
BOLUNGARVÍK skýjaö 6
EGILSSTAÐIR súld 4
KEFLAVÍK skýjað 4
KIRKJUBÆJARKL. iéttskýjað 5
RAUFARHÖFN alskýjað 3
REYKJAVÍK hálfskýjað 3
STÓRHÖFÐI léttskýjaö 5
BERGEN léttskýjaö 1
HELSINKI snjókoma -1
KAUPMANNAHÖFN skýjaö 5
ÖSLÓ skýjað 1
STOKKHÓLMUR 2
ÞÓRSHÖFN
ÞRANDHEIMUR léttskýjaö -5
ALGARVE skýjað 15
AMSTERDAM skýjað 12
BARCELONA þokumóöa 17
BERLÍN þokumóða 11
CHICAGO léttskýjað 5
DUBLIN skýjað 7
HALIFAX rigning 13
HAMBORG léttskýjað 2
FRANKFURT rigníng 7
JAN MAYEN skýjaö 3
LONDON skýjaö 10
LÚXEMBORG rigning 11
MALLORCA þokuruðningur 15
MONTREAL heiöskírt 9
NARSSARSSUAQ skýjaö 9
NEWYORK rigning 13
ORLANDO heiðskírt 21
PARÍS alskýjað 13
VÍN þokumóöa 10
WASHINGTON rigning 12
WINNIPEG heiöskírt -10