Dagblaðið Vísir - DV - 05.07.2003, Page 27
LAUGARDAGUR 5. JÚLÍ2003 DVHELGARBLAÐ 27
Mette og Hákon
eiga von á erfingja
Mikil kátína ríkir nú innan
norsku konungsfjölskyldunnar eftir
að upplýst varð að krónprinsessan,
Mette-Marit, eiginkona Hákonar
ríkisarfa, er kona ekki einsömul.
Hákon færði þjóð sinni þau
gleðitíðindi á föstudagsmorgun að
fjölgun yrði í fjölskyldunni eftir
miðjan janúar á næsta ári. Eins og
við mátti búast ljómaði prinsinn af
þessu tilefni. Hann á ekkert barn en
Mette-Marit átti einn dreng fyrir.
Konunglegar heimildir herma að
prinsessan sé við góða heilsu og að
ekki sé búist við öðru en að með-
gangan verði með eðlilegum hætti.
Þá er ekki ólíklegt að einhverjar
breytingar verði gerðar á dagskrá
prinsessunnar, eins og vænta má
um svo tigna konu í þessu ástandi.
Tilvonandi barn þeirra hjóna,
Hákonar og Mette-Marit, verður
annað í röðinni að ríkiserfðum,
næst á eftir föður sínum, burtséð
frá því hvort það verður drengur
eða stúlka. Marta-Lovísa frænka og
Maud, dóttir hennar, færast því
niður um eitt þrep í þessum eftir-
sótta ríkiserfðastiga.
.Þegar hefur verið ákveðið að
krónprinsessan fæði barnið á ríkis-
spítalanum í Ósló þar sem allir fær-
ustu læknar Noregs verða áreiðan-
lega til taks.
En það voru fleiri en kóngaslekt-
ið sem fögnuðu tíðindunum. Sjálf
ríkisstjórnin réð sér heldur ekki fyr-
ir kæti, að því er fram kom í máli
Jans Petersens, starfandi forsætis-
ráðherra.
„Við óskum þeim innilega til
hamingju. Þetta er merkisviðburð-
ur fyrir konungsfjölskylduna og
þjóðina," sagði Petersen við netút-
gáfú norska blaðsins VG.
Haraldur Noregskóngur var því
miður ekki til taks í Ósló til að halda
upp á þennan merka viðburð með
syni sínum og tengdadóttur. Hann
er suður á Spáni að sigla á bátum,
rétt eins og fínn maður, en drottn-
ingin er heima.
LUKKULEG: Mette-Marit og Hákon krónprins í Noregi eiga von á fyrsta barni sínu í janúar.
á næsta ári.
FAGURSKREYTTUR í HOMMAGÖNGU: Hommar og lesbíur fóru árlega skrúðgöngu sina um
götur Parísar á laugard^g. Göngumenn fóru í sitt fínasta púss, eins og þessi fjaðraskreytti,
varalitaði og krúnurakaði náungi. Nokkur hundruð þúsund manns tóku þátt í göngunni.
I FJÖLSKYLDU- OG HÚSDÝRAGARÐINUM
I sumar mun Fjölskyldu - og húsdýragarðurinn bjóða upp á dýranámskeið fyrir krakka á
aldrinum 10-12 ára. Á námskeiðinu taka krakkarnir þátt í umhirðu hesta og ýmissa gæludýra
og því upplagt fyrir krakka sem hafa áhuga á þessum dýrum.
Þá verður einnig farið í skemmtilega umhverfisfræðslu og Vísindaveröldin könnuð.
er námskeiðisgögn, hádegismatur, síðdegishressing og dvöl í garðinum allan daginn.
Innifalið
Námskeiðið hefst klukkan 10:00 og lýkur klukkan 15:00 en þá tekur við frjáls tími innan
garðsins til klukkan 18:00. Námskeiðið kostar 15.500 krónur og skráning er í miðasölu
garðsins.
. 'iMfctl Hk jdt
LEtKUn ...^
OG
1. námskeið
2. námskeið
3. námskeið
14.-18. júlí
28.júlí - l.ágúst
11. - 15.ágúst
l/ERDÓMUn
Allar nánari upplýsingar eru veittar í síma 5757-800
HiFJÖLSKYLDU-OÚ
HUSDÝRAOARÐURINN