Dagblaðið - 08.04.1976, Side 8

,,Það er mín skoðun að
félagarnir hafi mest áhrif á
viðhorf unglinga til reykinga,”
sagði Vilhjálmur Hjálmars-
son menntamálaráðherra við
krakkahópinn, sem var saman
kominn í húsakynnum Krabba-
meinsfélagsins í Reykjavík.
1 þessum hópi sem þarna var
saman kominn voru fulltrúar
allra 6. bekkja í samtals 8 skól-
um í Reykjavík og á Seltjarnar-
nesi. Ungmennin hafa einsett
sér að vinna gegn reykingum og
skora á forráðamenn þjóðar-
innar og almenning að vinna
gegn því að þessi vará verði
auglýst á nokkurn hátt. Einnig
komu þau þeirri hugmynd á
framfæri að það skyldi bannað
að selja börnum og unglingum
tóbak.
Hermann Björnsson 12 ára:
,,Ég er úr Álftamýrarskólan-
um og er fulltrúi fyrir 6.S. Ég
er viss um að krakkarnir reykja
bara til þess að sýnast eldri.
Þau byrja að reykja af
einhverju fikti og vita alls ekki
hvað þetta er hættulegt.”
Eggert Guðnason fulltrúi fyrir
Melaskólann:
,,Það reykir enginn i mínum
bekk og ef einhver gerði það
væri örugglega óþægilegt að
vera einn á móti öllum hinum
krökkunum.”
Steinunn Valdimarsdóttir úr 6.
bekk S.E. í Vogaskóla:
,,Eg er viss um að það reykir
enginn af þessum krökkum
næsta vetur. Núna reykja
margir í fyrsta og öðrum bekk
og það er örugglega tíminn sem
byrjað er að fikta og svo verður
þetta að ávana áður en vitað er
af.”
Jón Víðir Hauksson úr
Árbæjarskóla:
,,Með þessu starfi erum við
að koma í veg fyrir að krakk-
arnir byrji að reykja og það er
lang þýðingarmest.
Þorvarður Örnólfsson kom og
sagði okkur frá svona starfi og
þess vegna komum við saman á
þennan fund. Það 'sem mér
finnst einkennilegast við þetta
allt er að fullorðið fólk skuli
reykja, þegar það veit hvað
þetta er hættulegt.”
Valdimar Ó. Óskarsson 6. bekk
T í Laugarnesskóla:
„Það reykja mjög margir í
skólanum í fyrsta og öðrum
bekk en vonandi verða það
miklu færri næsta vetur, þegar
kynningin hefur verið í
skólanum.”
Jón Daníelsson og Einar Júlíus-
son úr Mýrarhúsaskóla:
„Við fórum frekar seint af
stað með þetta, en áhuginn er
mikill og þetta er að komast í
gang,” sagði Jón.
Þórhallur Hrafnsson úr Breið-
holtsskóla:
„Við erum búin að flytja dag-
skrá fyrir 10 ára bekkina í
skólanum og ég held að það
hafi tekizt vel. Það mættu allir
og hlustuðu á ræðurnar okkar.”
KP
mt
Hermann Eggert
Steinunn Jón Víðir Valdimar Jón og Einar
Þórhallur
„KRAKKARNIR REYKJA BARA
TIL ÞESS AÐ SÝNAST ELDRI"
DAGBLAÐIÐ. FIMMTUDAGUR 8. APRlL 1976.
Botnsskólamenn með
veitingar í Ármúla
Tveir reykvískir bræður,
Rafn og Svanberg Guðmunds-
synir, hafa haslað sér völl í
veitingamennsku höfuðborgar-
innar. Þeir eru raunar iðnaðar-
menn að mennt, annar blikk-
•smiður og hinn trésmiður.
Fyrir tveim árum tóku þeir að
sér rekstur Botnsskála i Hval-
firði, en nú hafa þeir tekið við
rekstri Veitingastofunnar að
Armúla 21. Er það mál manna,
sem notið hafa veitinga þeirra,
að þeir bræður hafi lent á réttri
hillu, enda hafa þeir lagt sig
fram um að fá gott starfslið til
að geta boðið góðar og ódýrar
veitingar.
Þeir bræður kváðust ætla að
reka veitingastofu sína við
Ármúlann á svipaðan hátt og
Svala Eggertsdóttir gerði á
undan þeim, þeir bjóða
heimilislegan mat, gott og ódýrt
smurt brauð og úrval blandaðra
síldarrétta. —JBP—
Rafn og Svanberg ásamt starfs-
fólki sínu að Armúla 21.
(DB-mynd R.Th.Sig.)
Z- HELMINGSHÆKKUN
51. RAFMAGNSVERÐS?
„Kannski verður helmings-
hækkun á raforkuverði á
Norðurlandi vegna Kröflu,”
sagði Bragi Sigurjónsson (A) á
Alþingi í gær.
Bragi sagði, að núverandi
ríkisstjórn héldi áfram þvi stór-
mennskuæði í orkumálum, sem
fyrri ríkisstjórn hefði byrjað.
Það væri mikið áhættuspil að
halda Kröfluvirkjun áfram
samkvæmt áætlun. Til kæmi
vafi um framhald eldgosa og
jarðskjálfta á svæðinu, ekki
væri hægt að nýta alla fram-
leiðsluna að svo stöddu, óvissa
væri um erlend lán til að standa
undir virkjuninni, og raforku-
verð mundi þurfa að hækka
geypilega, annað hvort á
Norðurlandi eða þá á landinu
öllu. Norðlendingar gætu ekki
staðið undir svo mikilli hækkun
raforkuverðs, og þeir vildu
ekki velta byrðinni yfir á aðra
landsmenn.
Bragi taldi, að bíða ætti með
Kröfluvirkjun, þangað til þessi
mál færu að skýrast.
Hann sagði, að ljóst, væri, að
ekki yrði fyrir áramót búið að
bora nóg fyrir aðra aflvél
virkjunarinnar.
Söluhorfur væru nú miklu
verri fyrir Kröfluvirkjun en
verið hefði vegna tilkomu hita-
veitu fyrir Akureyri.
„Hví ekki að flýta byggðalín-
unni?” spurði þingmaðurinn og
taldi það fjárhagslega hag-
kvæmt, að henni yrði flýtt og
hún látin mæta þörfum Norð-
lendinga.
—HH
Rogmr Austfjarðalíno ári seinni
Arnalds 1
um Kröflu: en fyrsti áfangi Kröflu
„Lína frá Kröflu til Aust-
fjarða verður að minnsta kosti
ári seinna á ferðinni en fyrsti
áfangi Kröfluvirkjunar,” sagði
Ragnar Arnalds (AB) í umræð-
um á Alþingi í gær. Orkan frá
Kröflu og Sigöldu verður illa
nýtt næstu 2—3 árin. Ragnar
sakaði ríkisstjórnina um skipu-
lagsleysi í orkumálum.
Hann vildi hins vegar halda
Kröfluvirkjun áfram sam-
kvæmt áætlun. Byggðalina gæti
ekki ieyst orkuvunda Norðlend-
inga. Eins og hún yrði byggð,
mundi hún ekki veita nema
hlutu af þeirri orku, sem til
þyrfti, þött hún flytti meira
síður.
Þegar ákvarðanir voru
teknar um aðalatriði Kriiflu-
virkjunar, var gert ráð l'yrir, að
helmingur orkuframleiðslu Sig-
öldu færi til járnblendiverk-
smiðjunnar. Þrátt fyrir byggða-
linu var þá gert ráö fyrir, að
mikill orkuskortur yrði þegar
árið 1978 á Norðurlandi, ef
Krafla kæmi ekki til. Þvi væri
ekki við forráðamenn að sakast.
Þeir hefðu tekið ákvarðanir út
frá þessum forsendum, og of
seint væri að snúa við. Staðan
hefur breytzt viö frestun á
byggingu járnblendiverksmiðj-
unnar, þannig að búast mætti
við, að orkan frá Sigöldu og
Kröflu.-yrði hvergi næri full-
nýtt f.vrstu árin.
Ragnar sugði, að rikisstjórnin
hefði átt að skipuleggja
nýtingu orkunnar, sem umfram
yrði.
Ilann sagði, að ákveðið hefði
verið að hafa Kröfluvirkjun 60
megavött, með hámarksafköst-
unum 70 megavött, í stað 55,
sem upphaflega hefði verið
talað um, vegna þess að ekkert
tilboð hefði komið um 55 mega-
vatta virkjun.
Orkustofnun teldi fráleitt, að
eitthvað kæmi upp á, sem gerði
að verkum, að vélar Kröflu-
virkjunar yrði ekki nothæfar
samkvæmt áætlun.
Þá sagði hann þá fullyrðingu
ranga, að vélarnar væru aðeins
gerðar f.vrir 250 stiga hita.
Ragnar sagði, að yrði næsti
vetur sérstaklega góður væri
hugsanlegt, að byggðalina full-
nægði um 70 prósentum af
þörfunum. Það dygði ekki,
Kriifluvirkjun yrði að komast i
gagnið fyrir næsta vetur. —Hll
Ef skemmd mat-
vœli eru seld
— þá er sjálfsagt að láta heilbrigðis-
eftirlitið vita
„Það er auðvitað alveg á
hreinu, að það að selja
skemmdar vörur eru brot á
heilbrigðissamþykktinni, en
hingað til hefur ekki þurft
merkingar,” sagði Jóhannes
Long heilbrigðisfulltrúi. Tveir
af lesendum Dagblaðsins komu
að máli við okkur. Báðir höfðu
keypt skemmda kæfu og það
sinn í hvorri verzluninni.
Jóhannes sagði að reglugerð í
sambandi við merkingu á unn-
um kjötvörum væri í bígerð.
Hann sagði að oft væri farið í
verzlanir og tekin sýni af við-
kvæmum vörutegundum, svo
sem eins og kæfu og kjötfarsi. t
flestum stórverzlunum væru
þessar tegundir keyptar frá
vinnslustöðvunum, en kaup-
menn með kjötsöluleyfi geta
sjálfir búið til sína eigin kæfu,
fars og fleira.
„Það er sjálfsagt,” sagði
Jóhannes, „að fólk komi með
vöru sem er skemmd til okkar.”
Þá eru tekin sýni. Slíkt tekur
36 klst. Sjálfir taka þeir oft slík
sýni af vöru, sem þeir kaupa í
hinum ýmsu verzlunum. Stund-
um er þetta endurtekið í sömu
verzlunum, ef varan hefur ekki
reynzt frambærileg.
Þegar fólk kemur með
skemmd matvæli til rannsókn-
ar fær það kvittun í hendurnar.
Yfirleitt greiða kaupmenn vör-
una til baka möglunarlaust.
„Hins vegar,” sagði Jóhannes,
„ef fólk hefur ekki tíma til að
koma til okkar er æskilegt að
það hringi til þess að við getum
framkvæmt athugun. Það veitir
visst aðhald.” EVI
GÁFU 500 ÞÚSUND
TIL ÞROSKAHEFTRA
Fyrir nokkru afhenti Lions-
klúbbur Hafnarfjarðar 500
þúsund króna gjöf til heimilis
fyrir þroskaheft börn í Ilafnar-
firði og nágrenni. Er þetta
fyrsta framlag klúbbsins í
þessu skyni. en Lionsmenn
hafa ákveðið að legg.ja sitt til aö
beimilið komist i gagnið sem
fyrsl. I fyrra beittu þeir sér
f.vrir stofnun foreldrafélags
þroskaheftra barna. Bæjar-
stjórnin tók málaleitan þess
félags og Lionsmanna um
heimilið vel og ákvað að hluti
dagheimilisins við Miðvang
yrði notaðiir til þessara þarfa.
Hafnfirðingar hafa stutt
þetta mál d.vggilega er Lions-
menn hafa heimsótt þá, og
vænta þeir áframhaldandi
stuðnings þeirra við þetta mál.