Dagblaðið - 27.01.1977, Side 4

4
DAGBLAÐIÐ. FIMMTUDAGUR 27. JANÚAR 1977
„Samtökin” verða til áfram
—en tveggja manna þingflokkurinn erklofinn
„Samtökin" verða að likindum til áfram sem stjórnmálaflokk-
ur. 1 viðtölum Dagblaðsins við nokkra áhrifamestu menn flokks-
ins kemur þó í Ijós, að hvorum þingmanninum sýnist sitt um
framhaldið. Nú hefur verið boðaður flokksstjórnarfundur Sam-
takanna og verður landsfundur sennilega í framhaldi af honum.
Karvel Pálmason:
„Mér hefur ekki
verið boðið”
Karvel Pálmason, annar af
þingmönnum Samtakanna, kvaðst
hafa frétt í sjónvarpi af boðun
flokksstjórnarfundar flokksins.
„Mér hefur ekki verið boðið að
taka þátt í fundinum," sagði
Karvel í viðtali við Dagblaðið.
Hann sagði, að meðal Samtaka-
manna á Vestfjörðum væri
óbreytt sú afstaða, sem tekin
hefði verið á kjördæmisfundi í
haust. Alþýðuflokknum hefði ver-
ið skrifað um samvinnu. „Málið er
í gangi," sagði Karvel, þótt form-
legt svar hafi ekki borizt frá Al-
þýðuflokknum.
Karvel sagði, að samþykkt
hefði verið í framkvæmdastjórn
Samtakanna, að hverri einingu,
deild, innan flokksins væri f
sjálfsvald sett, hvaða afstöðu hún
tæki í framtiðinni.
Hann sagði, að sér skildist, að
fundarboðunin nú væri ákvörðun
Reykjavíkurdeildarinnar, og við
því væri í sjálfu sér ekkert að
segja.
Karvel kvaðst ekki vilja svara
fyrir Samtakamenn á Vestfjörð-
um sem heild varðandi það hvort
menn þaðan mundu mæta á
flokksstjórnarfundinn. Menn
mundu biða átekta.
-HH
Magnús Torfi Ólafsson:
„Ástæðulaust að Samtökin
leggi upp laupana”
„Ég hef aldrei dregið dul á, að
ég tel óeðlilegt og ástæðulaust, að
■Samtökin leggi upp laupana,"
sagði Magnús Torfi Ólafsson, for-
maður flokksins og annar af þing-
mönnum hans, i viðtali við Dag-
blaðið.
Hann taldi tvímælalaust, að
flest fólkið, að minnsta kosti það,
sem staðið hefur að samþykktum
að undanförnu, svo sem félögin í
Reykjavík, Kópavogi og á Húsa-
vík, miðaði að því, að starfi
flokksins yrði haldið áfram.
Nokkrir flokksstjórnarmenn
Samtakanna hafa gengið úr
flokknum, en langflestir þeirra
eru enn 1 honum.
Magnús taldi, að túlka bæri
samþykktir þannig, að starfi Sam-
takanna yrði komið í eðlilegt horf,
en staðan er nú þannig, að fram-
kvæmdastjórn hefur lagt niður'
störf. Gerði hann ráð fyrir lands-
fundi I framhaldi af flokksstjórn-
arfundinum, eins og felst í sam-
þykkt flokksfélagsins í Reykja-
vík.
HH
Elías Snæland Jónsson:
„Hef ja starfsemi
af fullum krafti”
„Lítill vafi er á, að Samtökin
hefja starfsemi á ný af fullum
krafti á landsmælikvarða," sagði
Elías Snæland Jónsson, fyrrver-
andi ritstjóri Nýrra Þjóðmála,
málgagns flokksins.
Magnús Torfi Olafsson hefur
nú tekið við ritstjórn blaðsins.
„Flokksstjórnarfundurinn
ákveður, hvað verður um Samtök-
in í framtíðinni," sagði Elías.
Hann sagði að sér virtist af
samtölum við ýmsa flokksmenn,
að áhugi væri á áframhaldandi
starfi.
„Ég er í Samtökunum og hef
ekki ákveðið að segja mig úr
þeirn," sagði Elías.
Hann gat þess, að flokksstjórn-
arfundir hefðu æðsta vald í Sam-
tökunum milli landsfunda. Rúm-
lega tveir þriðju flokksstjórnar-
manna hefðu lagt fram óskir um
fund, sem væri nægilegt, sam-
kvæmt lögum flokksins.
-HH
„Almenningur hefur glatað
trausti á dómsmálakerfið”
— segir Gylfi Þ. Gíslason, sem krefst afsagnar ríkisst jórnarinnar
ognýrra kosninga
„Eg er ekki einn um þá skoð-
un, að engin ríkisstjórn hafi um
áratugaskeið notið jaf nlítils
trausts meðal alls almennings
og þessi ríkisstjórn, sem nú sit-
ur,“ sagði Gylfi Þ. Gíslason, for-
maður þingflokks Alþýðu-
flokksins í viðtali við Dagblaðið
i gær. Gylfi hefur á þingi skor-
að á ríkisstjórnina að segja af
sér og láta kosningar fara fram.
„Það hefur margoft komið
fram, að innan hennar er
ágreiningur um fjölmörg mál,
svo sem til dæmis kom fram við
afgreiðslu fjárlaga og allir
vissu, að átti sér stað við kosn-
ingar í bankaráð Landsbank-
ans,“ sagði Gylfi. „Báðir stuðn-
ingsflokkar hennar eru klofnir
um afstöðuna til hennar. Sem
dæmi má nefna, að það heyrir
til einsdæmá, að stuðningsblað
ríkisstjórnar eins og Vísir er,
skuli krefjast afsagnar tveggja'
ráðherra, og það er líka eins-
dæmi, að stjórn stærsta æsku-
lýðsfélags annars stjórnar-
flokksins skuli krefjast stjórn-
arslita, ef forsætisráðherra
biðji ekki um lausn fyrir tvo
ráðherra samstarfsflokksins.
_Þingflokkur Alþýðuflokksins'
færði þrjú meginrök fyrir því,
að rfkisstjórnin ætti að segja af
sér,“ sagði Gylfi Þ. Gíslason “og
gefa þjóðinni tækifæri á því að
segja skoðun sfna f kosning-
um. Hin fyrsta var sú, að al-
menningur hefði glatað öllu
trausti á ríkisvaldið, þar á með-
al dómsmálakerfið.
önnur ástæða var sú, að öll
meðferð Kröflumálsins hefði
verið hneykslanleg og eigi eftir
að kosta þjóðarheildina hundr-
uð milljóna ef ekki milljarða.
Síðast en ekki sízt lagði þing-
flokkur Alþýðuflokksins
áherzlu á, að þessi ríkisstjórn
gæti aldrei stuðlað að skynsam-
legum kjarasamningum, sem er
þjóðarnauðsyn að takist í sum-
ar. Launþegasamtökin treysta
henni ekki. Ýmis samtök vinnu-
veitenda vantreysta henni líka.
Hún ræður ekkert við efna-
hagsmálin, og þess vegna telur
Alþýðuflokkurinn kosningar
nauðsynlegar, áður en lagður
er heilbrigður grundvöllur að
farsælli þróun efnahagsmála
með skynsamlegum kjarasamn-
ingum." -HH
2300 FERMETRA „HÖLL HAFSTEINS
MIÐILS” SAMÞYKKT í KÓPAVOGI
Stórhuga áhugamenn
um sálarrannsóknir
standa að baki með
erlent f jármagn
Fimm menn sem hafa áhuga á
sálarrannsóknum ætla að reisa
2300 fermetra höll á tveimur hæð-
um við Smiðjuveg í Kópavogi. A
höllin að hýsa félagsstarfsemi
þessara manna og sagt er að fjár-
magn til byggingarinnar komi að
mestu frá útlöndum. Hús þetta
.æfur þegar valdið deilum í Kópa-
vogi.
Það er blaðið Kópavogur sem
flytur þessa frétt í janúarútgáfu
sinni. Segir þar að samtök 30
áhugamanna um spfritisma hafi
sl. vor sótt um lóð fyrir hús, sem
þeir vildu nefna Hafsteinshúsið,
heitið eftir Hafsteini miðli. Var
jafnframt sótt um undanþágu frá
greiðslu gatnagerðargjalda. Það
leyfi var veitt og lóð fannst við
Smiðjuveg 11.
Næsta skref var að leggja teikn-
ingar fram og kom])á f ljós að um
var að ræða tveggja hæða hús á
1165 fermetra grunnfleti. I hús-
inu er gert ráð fyrir þremur sam-
komusölum sem rúma 6-700
manns í sæti — en bilastæði við
húsið eru þrjátfu talsins.
Skipulagsnefnd hafnaði teikn-
ingunni af slíku stórhýsi á þessari
litlu lóð en fyrir atbeina fram-
sóknar- og sjálfstæðismanna fór
málið fyrir bæjarráð og var tillag-
an um húsbygginguna þar sam-
þykkt sl. föstudag að sögn „Kópa-
vogs“.
Forráðamenn byggingarinnar
voru kvaddir á fund bæjarráðs og
kom þá í ljós að þeir voru ekki 30
eins og í upphafi heldur aðeins 5.
Hinir höfðu gefizt upp og yfirgef-
ið hópinn er þeim var fjóst hve
stórt hús átti að byggja.
„Kópavogur" segir að þetta
húsgímald muni skapa umferðar-
öngþveiti og ótalinn kostnað bæj-
arins við gatnagerð og fleira.
Blaðið segir jafnframt að þetta sé
ekki f fyrsta sinn sem bæjarstjórn
grípi fram f.vrir hendur skipu-
lagsnefndar og það muni draga
dilk á eftir sér. -ASt.