Dagblaðið - 13.07.1977, Side 8

DAGBLAÐIÐ. MIÐVIKUDAGUR 13. JULl 1977.
Yfirverkfræðingur Kröflunefndar um afdrif holanna;
„ORKUSTOFNUN HEFUR
EKKISANNFÆRT MIG”
— þarf meiri rannsóknir—hugsanlegt að endurvekja einhverja holuna
„Við höfum oft stungið upp á
við Orkustofnun að viðhlítandi
mælingar verði gerðar á holun-
um sem leiði í ljós hvað er í
raun og veru að gerast í þeim,
en hingað til hefur engin af
skýringum stofnunarinnar
sannfært mig,“ sagði Einar
Tjörvi Elíasson yfirverk-
fræðingur Kröflunefndar í við-
tali við DB í gær. Einkum átti
hann við afdrif holu 10 og 7,
sem voru gððar, og jafnvel holu
6.
Sagði hann allnokkrar
skýringar koma til greina.
Miðað við sumar þeirra væru
jafnvel möguleikar á að koma
einhverjum holum aftur í gang
sem nú eru nánast afskrifaðar.
Ekki sagði hann þurfa viða-
miklar rannsóknir til a.m.k. að
fækka möguleikum.
Ein hugsanleg skýring á af-
drifum holanna er að bergbrot
og bergmylsna berist að leiður-
um hola og stífli þá, séu þær
látnar blása of hratt. Með viss-
um aðgerðum mun vera hægt
að lífga slíkar holur aftur. Hinn
mikli hiti í Kröflusvæðinu og
smæð gufuæðanna í berginu
valda suðu neðarlega í holum
eða berginu við þær sem getur
leitt af sér útfellingu í jarð-
vatnsæðum holanna eða í þeim
sjálfum. í síðara tilviki er unnt
að hreinsa útfellingu burt með
borun.
Holur eru fóðraðar með heil-
um fóðringum niður í 600 til
80.0 m dýpi, en þar fyrir neðan
með leiðara sem er götóttur og
ekki steyptur. Skemmist
fóðring, t.d. við að koma holu
aftur í gang eftir að hafa
dofnað af einhverjum ástæð-
um, er vafasamt að unnt sé að
gera við, en möguleikar eru á
að laga leiðara.
Fjórða skýringin kynni að
vera áhrif jarðhræringa, sem
geta brotið og beygt leiðara og
fóðringar. Unnt er að lagfæra
slíkt ef misgengi hefur ekki
orðið. Loks má svo nefna að ef
gasinnihald jarðvökvans er
mikið og hann súr, kann leiðari
að tærast illa og jafnvel leggj-
ast saman.
öll þessi atriði kunna að
stífla holur og taldi Einar að
lokum mjög brýnt að Orku-
stofnun beitti sér fyrir rann-
sóknum á þessu strax á næstu
dögum óg vikum.
- G.S.
Leiðrétting:
Svaf á Farfuglaheimilinu en ekki Hdtel Garði
I'aul Graubner, Þjóðverjinn
sem álli að fara að leita að þar eð
hann var álitinn týndur, svaf ekki
á Ilótel Garði nóttina eftir að
hann kom í bæinn heldur á Far-
fuglaheimilinu. Kom liann til
Reykjavíkur um eittleytið um
nóttina og afréð að gista á Far-
fuglaheintilinu. Svo í gærmorgun
um kl. 8.30, þegar hann kom á
Hótel Garð að ná þar í farangur
sem hann átti frá því í júni, upp-
götvaðist að þarna var kominn
hinn týndi maður.
Þetta leiðréttist hér með. - BH
Góða veðursins notið við Tjörnina í leik og starfi.
Helgi Helgason man timana tvenna. (DB-myndir Bjarn-
leifur).
ALLIR NJ0TA
VEÐURBLÍÐUNNAR
Það var ekki að því að spyrja,
loksins þegar sólin sýndi sig voru
Reykvíkingar einbeittir í að njóta
hennar í ríkum mæli. Hvar sem
nokkur sól skein á grasbletti flat-
magaði þar fólk í stórum og
sraáum stíl, meira eða minna
klætt.
Uppi í turni Hallgrímskirkju
var margt um manninn, allir nutu
góða veðursins og dáðust að út-
sýninu sem kostur er á úr kirkju-
turninum. Meðal turngesta voru
tvær lögulegar stúlkur ættaðar
frá Glasgow í Skotlandi, þær
Margot Manson og Pat Wir.
„Við komum fyrir hálfum mán-
uði og verðum víst því miður að
fara aftur annað kvöld,“ sagði
Margot sem auk þess að ferðast
um ísland leggur stund á lögfræði
við háskólann I C'asgow. „Við
höfum verið á gönguferðum hér
um nágrennið og notið þess, þrátt
fyrir veðurfarið," sagði Pat sem
leggur stund á læknisfræði í sama
háskóla og stallsystir hennar. —
Síðan sneru þær sér að útsýnis-
skoðuninni, enda nóg að sjá fyrir
glöggt gests augað.
Helgi Helgason sat niðri hjá
styttunni af Leifi Eiríkssyni og
hvíldi lúin bein eftir 18 ára vinnu
við höfnina auk þess sem hann
leit eftir við Glaumbæ í fjölda
ára. „Það er öðruvísi nú heldur en
áður var,“ segir Helgi. „Ef kelling
luargoi laganemi og Pat læknanemi frá Glasgow.
brýtur vasa núna fær hún hann
strax bættan með nýjum á
morgun.“ Þar á Helgi við góðæri
það sem þjóðin lifir við núna,
miðað við þegar fáir áttu málungi
matar og fjöldi manns leið
næringarskort.
Sannaði Helgi þar með að þrátt
fyrir að fólk sitji úti í góða veðr-
inu og njóti þess, þá er það síður
en svo frábitið hugunum um
vandamál liðandi stundar. - BH
Framkvæmdir viðannan áfanga verkamannabiístaða eraðhefjast:
„ÓnUMST EKKI AÐ FÁ
EKKINÆGAR UMSÓKNIR”
- segir Magnús L. Sveinsson, varaformaður stjórnarinnar
Einhvern næstu daga verður
jarðvinna boðin út vegna ann-
ars áfanga í byggingu verka-
mannabústaða. Byggingar-
nefnd Reykjavíkúr samþykkti
fyrir sluttu að leyfa byggingu
fjölbýlishúsa við Austurberg,
Háberg og Suðurhóla og eru
það þau hús sem jarðvinnan er
að hefjast á.
„Alls eru það um 260 íbúðir
sem byggðar verða í öðrum
áfanga," sagði Magnús L.
Sveinsson varaformaður
stjórnar verkamannabústaða-
framkvæmdanna í saintali við
Dagblaðið. Hann kvað fjölbýlis-
húsaíbúðirnar verða allt frá
eins til þriggja herbergja að
stærð. Einnig verða reistar um
sextíu raðhúsaíbúðir. Þær
verða nokkru stærri — með
fjórum til fimm herbergjutn.
tbúðunuin í öðruin áfanga
verður úthlutað á næsta ári.
Magnús L. Sveinsson kvaðst
ekki óttast að ekki yrði nóg uin
umsækjendur. „Við úthlutuð-
uin 308 íbúðuin á síðasta ári og
fengum 1025 umsóknir um
þær,“ sagði hann.
Ekki er búið að úthluta
stjórn verkamannabústaða
landsvæði fyrir þriðja áfanga.
Magnús vildi ekkert fullyrða
um hvar það yrði en kvað sína
skoðun vera þá að Eiðsgrandi
yrði fyrir valinu.
„Þriðji áfanginn er sá síðasti
hjá okkur áður en framkvæmd-
ir hefjast í Ulfarsfelli," sagði
hann. ,,Það verður hins vegar.
ekki fyrr en um 1980-81 sem
þær byrja og of langt hefði
verið að bíða með að velja
þriðja áfánganum stað þar.“
-AT-