Dagblaðið - 15.11.1977, Blaðsíða 9

DACBLÁÐIÐ. ÞRIÐJUDAGUR 15. NÖVEMBER 1977.
*
Krummahólar8:
Ófrágengið og stór-
hættulegt hús
—eða hús sem verið er að I júka?
Eins og lesendur DB rekur
eflaust minni til var farið í
ágúst i leiðangur upp í blokk
eina er kallast Krummahólar 8
og er hér í borg. Þar var þá allt
ófrágengið þrátt fyrir loforð
seljanda. Breiðholts h.f. allt frá
síðasta ári. Méðal annars
vantaði handrið á svalir og
stiga og lyfta var ókomin og
gátu börn auöveldlega steypt
sér niður i lyftugatið. I gær var
svo farið í annan leiðangur í
sömu blokk. Og ástandið hafði
lítið skánað þrátt fyrir sífelld
loforð Breiðholts h.f.
Lyftan er ennþá ókomin og
lyftugatið jafn óvarið. Meira að
ségja er málum þannig háttað á
sjöttu og efstu hæð að stiga er
stillt upp við það lága rið seni
við lyftuopið er eins og til þess
að ögra nú börnum að kíkja
niður í hyldýpið.
Lyftuleysið gerir það að
verkum að ættingjar fólksins í
Krummahólum 8 koma helzt
ekki í heimsókn nema þeir séu í
fullu fjöri og hafi þörf fyrir
trimm.
Búið er að setja rið á hluta af
svölunum en álls ekki allar. Þar
sem riðið vantar er auðvelt að
falláfram af svölunum því þótt
steyptur sé hár og mikill
veggur fremst á svalabrúninni
er ekkert sem hindrar fall til
hliðanna. Þar er hvorki veggur
né ríð.
íbúðirnar á efstu hæð i
Krummahólum 8 eru á tveimur
hæðum. En stigana á milli
hæða vantar í sumum þeirra.
Þar sem þeir eru komnir upp
eru þeir handriðslausir og
ótraustir. Þeim sem ekki
hafa fengið stiga hefur ekki
einu sinni verið séð fyrir bráða-
birgðastiga. Því hafa íbúðar-
eigendur gripið til þess ráðs að
negla sjálfir saman stiga.
Þak hússins virðist ekki vera
tilbúið. Að minnsta kosti lekur
loftið í sumum íbúðanna á efstu
hæð. Einnig er alls staðar
mikill trekkur með þeim
veggjum sem tengjast þakinu.
Liggur oft við frosti í
íbúðunum af þessum sökum.
Brunastiginn er þannig frá-
Ekki er brunastiginn glæsi-
legur. Fullur af spýtnarusli
sem enginn þorir að hreyfa við
af ótta við að tefja frekari
framkvæmdir. Auk þess er
hann handriðslaus og örmjór.
genginn að mjög hættulegt er
að fara niður hann. Hann er
örmjór og handriðslaus þannig
að ekkert er auðveldara en að
falla niður. Einnig hafa
byggingarmennirnir skilið eftir
í honum allra handa spýtna-
rusl sem gerir niðurferð
ómögulega eða að minnsta kosti
illmögulega.
Rafmagnstöflur eru ófrá-
gengnar að verulegu leyti.
Það lekur með gluggum
vegna þess að póstar eru
sprungnir.
Annað er eítir þessu. Samt
hefur fólkið neyðzt til að
flytjast inn því ekki er um það
að ræða að leigja annars staðar
bæði vegna fjárhagsörðugleika
og húsnæðisskorts. Þetta tjón
fólksins er að engu bætt.
Samt sögðust þeir íbúðar-
eigendur sem við raáddum við
að þetta allt væri ekki það
versta. Hitt væri mun verra að
fólk væri algerlega réttinda-
laust í svona tilfellum. Þrátt
fyrir þverbrotna samninga
gerir enginn opinber aðili
nokkuð í málunum. Fólkinu er
einfaldlega ekki svarað snúi
það sér til Breiðholts h.f. Og
tali það við hið opinbera er því
einfaldlega bent á að fara í mál.
En eins og einn íbúðareigand-
inn orðaði það þá veit Breiðholt
h.f. það ósköp vel að fólk sem er
að byggja hefur ekki fjárhags-
legt bolmagn til þess að standa í
málarekstri.
Enda töldu líka þeir sem við
töluðum við siíkt vera óþarfa
fræðilega séð; þarsem um beint
og áþreifanlegt brot á samning-
um væri að ræða ætti fólk ekki
að þurfa að fara í mál til þess að
við sé staðið.
Þeir sem við töluðum við
tóku skýrt fram að þeir vildu
fyrst og fremst vekja athygli á
þessu öðru fólki til viðvörunar.
Skrif DB í haust virðast hafa
haft þau áhrif að fram-
kvæmdum var eitthvað hraðað
en þó ekki nema lítið brot af
því sem þurft hefði að gera ef
vel hefði átt að vera.
Haft var samband við Sigurð
Jónsson einn af forstjórum
Breiðholts h.f. Hann sagði að
verið væri að ljúka við húsið að
Krummahólum 8. Fram-
kvæmdir hefðu dregizt nokkuð
eins og oft vildi verða og hefði
fyrirtækið gert mikið að þvi að
greiða fólkinu skaðabætur af
þeim sökum. Slæmt væri að
lyftan skyldi ekki komin og
væri verið að vinna að því að fá
hana hið fyrsta. Frágangur
annar væri á lokastigi. Unnið
væri sleitulaust við að ljúka
húsinu og gengi það ágætlega.
DS.
Svona er gengið frá á efstu hæðinni. Efni í stigana inni í íbúðunum
liggur fremst á gólfinu. Aftar á myndinni má svo sjá lyftugatið sem
aðeins er mittishátt tréverk fyrir og,éins og til að ögra börnunum að
líta niður í hyldýpið hefur gömlum stiga verið stillt upp fyrir
framan það. Oþarfi er að tíunda hvað yrði um þann sem félii þarna
niður.
Bráðabirgðastiga hefur þessi húseigandiltomtð fyrir inni í íbúðinni
hjá sér þar sem ekki hillir ennþá undir að hann fái þann sem til
frambúðar á aö vera. Vegna stigaleysisins getur hann ekki lokið
framkvæmdum á neöri hæð ibúðarinnar og á í mesta basli með eins
og hálfs árs son sem ekki skilur hættuna sem felst í þessum stiga.
í desember bjóöum viö sérstök
Iplafargjöld frá Norðurlöndum til íslands.
Þessi jólafargjöld sem eru um 30% lægri en venju-
lega, gera fleirum kleift aö komast heim til íslands
um jólin.
Ef þú átt ættingja eða vini erlendis, sem vilja halda
jólin heima, þá bendum viö þér á aö farseðill heim til
íslands er kærkomin gjöf.
Slíkur farseöill vekur sannarlega fögnuð erlendis.
ISLAJVDS