Dagblaðið - 04.09.1978, Side 22

22
DAGBLAÐIÐ. MÁNUDAGUR 4. SEPTEMBER 1978.
roskahjálp
Landssam tökin ÍÉ:
Þroskahjá/p
halda almennan fund um málefni þroskaheftra mánudaginn 4. sept. nk.
kl. 20.301 Domus Medica við Egilsgötu.
Agneta Schou, fulltrúi frá landssamtökunum Evnesvages Vel I Dan-
mörku, flytur framsöguerindi:
Fore/drastarf og fore/drafræðsla.
Að loknu erindi verða umræður. Erindið verður túlkað á islenzku.
Fundurinn er opinn öllu áhugafólki um málefni þroskaheftra, en for-
eldrar og starfsfólk allra stofnana fyrir þroskahefta er sérstaklega
hvatt til að mæta.
Kaffiveitingar verða á staðnum..
Stjórnin.
Dagblaöiö
vantarstrax umboösmann á
NESKAUPSTAÐ
Uppl. 91-22078
BIAM
TRÉSMIÐJA
JÓNS GÍSLASONAR
er flutt á Skemmuveg 38, Kópavogi.
Nýtt símanúmer auglýst síðar. Upplýs-
ingar í heimasíma 86594 allan daginn.
ríkisins
er flutt að Auðbrekku 61, Kópavogi.
Nýtt símanúmer er
44000.
Rannsóknarlögreglustjóri ríkisins
Rafeindaklukkur
Seljum (í dag) á meðan birgðir endast nokkrar lítið út-
litsgallaðar rafeindaklukkur með vekjara. Klukkurnar
eru í fullkomnu lagi, og seljast með góðum afslætti.
Látið ekki happ úr hendi sleppa, komið á söluskrifstofu
vora að Ármúla 5, fjórðu hæð.
Rafrás sf.
TÓNLISTARSKÓLI
HAFNARFJARÐAR
Tónlistarskóli Hafnarfjarðar verður settur
sunnudaginn 17. september kl. 5.00 í Þjóð-
kirkjunni.
Innritun hefst fimmtudaginn 7. september og
lýkur þriðjudaginn 12. september.
Tekið á móti umsóknum á skrifstofu skólans
þesa daga kl. 2.00 til 5.00.
SKÓLASTJÓRI.
Lúðvík Jósepsson f ormaður Alþýðubandalagsins:
„AUÐVITAÐ ER ÞAÐ ÞANNIG
AÐ ÉG MYNDAÐIÞESSA
RIKISSTJÓRN FYRIR
ÓLAFJÓHANNESSON”
— „alvarlegur ágreiningur í þingf lokki Alþýðuflokksins”
— „líta má á ríkisstjórnina sem bráðabirgðastjórn”
Lúðvík Jósepsson formaður Alþýðu-
bandalagsins tekur ekki sæti í hinni nýju
rikisstjórn Framsóknarflokks, Alþýðu-
flokks og Alþýðubandalags. Hann hafði
gert samstarfsmönnum sínum í Alþýðu-
bandalaginu og forystumönnum stjórn-
armyndunarviðræðna grein fyrir þvi að
hann hygðist ekki gegna ráðherra-
embætti i næstu stjórn.
Aðeins ein undantekning kom til
greina en það fólst i þvi að forseti íslands
fól Lúðvik Jósepssyni að hafa forystu
um stjórnarmyndunarviðræður og þá
hefði hann ekki skorazt undan því að
gegna embætli forsætisráðherra. En til
þess kom ekki þar sem ekki náðist
samstaða um stjórnarforystu Alþýðu-
bandalagsins.
Lúðvik Jósepsson er ótvíræður foringi
Alþýðubandalagsins og hafði forystu
síns flokks í stjórnarmyndunarvið-
ræðum í allt surnar. En hann hafði gert
sínum kjósendum í Austurlandskjör-
dæmi grein fyrir því að hann hygðist
ekki gefa kost á sér aftur. Hann og
Aiþýðubandalagið unnu glæsilegan
kosningasigur á Austfjörðum I sumar
þar sem auk Lúðviks komust tveir þing-
nienn inn, þeir Helgi Seljan og
Hjörleifur Guttormsson sem landskjör-
inn þingmaður. Hjörleifur hefur nú
tekið við ráðherraembætti fyrir flokk
sinn og gegnir embætti iðnaðarráðherra.
Lúðvík hefur verið lengur á Alþingi
en nokkur þeirra þingmanna er nú sitja
á þingi eða i nær fjóra áratugi. Hann
hefur því glögga yfirsýn yfir þjóðmálin
og stendur auk þess utan hinnar nýju
stjórnar, þótt með réttu megi telja
stjórnina skilgetið afkvæmi hans. Dag-
blaðið ræddi við Lúðvík um nýju rikis-
stjórnina sl. föstudag og þau nýju
viðhorf sem skapazt hafa við tilkomu
hennar. Lúðvík var fyrst beðinn að spá
um langlifi hinnar nýju rikisstjórnar.
Má líta á stjórnina
sem
bráðabirgðastjörn
„Um þessa ríkisstjórn má fyrst og
fremst segja,” sagði Lúðvík Jósepsson,
„að af hálfu okkar alþýðubandalags-
manna er um að ræða þátttöku i þessari
stjórn fyrst og fremst til þess að leysa tvö
gifurlega mikilvæg vandamál sem fyrir
liggja í þjóðfélaginu.
Hið fyrra er deilan um launamál sem
hefur verið óslitið frá því að fráfarandi
ríkisstjórn greip til sinnar fyrstu laga-
setningar í feb.rúar sl. með breytingum á
launasamningum. Síðan komu bráða-
birgðalög I mai. Deilan gekk i gegnum
tvennar kosningar. Nú eru allir launa-
samningar lausir. Gripið hefur verið til
útflutningsbanns í langan tima. Þetta
launadeiluvandamál þurfti að okkar
dómi að leysa.,Það var grundvallaratriði
ef leysa átti annan vanda í efnahgslifi
okkar.
Hitt málið er að komið verði I veg
fyrir allsherjar stöðvun fiskvinnslunnar
nú um þessi mánaðamót og enn frekari
stöðvun atvinnulífs.
Þetta varð að leysa hvað sem líður
ágreiningi um önnur mál. Þátttaka
okkar er bundin við að fá lausn á þessu
tvennu. Því má segja að hér sé um að
ræða ríkisstjórn sem glimir við afmörk-
uð verkefni. Það má þvi kalla hana
bráðabirgðastjórn. Við viðurkennum að
samningar stjórnarinnar í öðrum málum
eru ekki ítarlegir og uppfylla ekki
kröfur okkar. Enda er ætlazt til að
endurskoðun á stjórnarsamningnum fari
framá næstaári.
Takist þessi endurskoðun ekki þannig
að okkur alþýðubandalagsmönnum líki
þá getur stjórnarsamstarfi lokið fljót-
lega. Þá geta fleiri málaflokkar komið
inn i myndina. sem ágreiningur er um.
Ég treysti mér því ekki til að segja til um
langlífi stjórnarinnar. Reynslan verður
aðskera úr um það.”
Ilvaó um ágreining innan stjörnar-
flokkanna? Nú hefur það komið fram að
bæði innan Alþýðuflokks og Alþýðu-
bandalags er nokkur ágreiningur um
þátttöku I hinni nýju stjórn.
„Um ágreining í okkar flokki er varla
hægt að tala,” sagði Lúðvik. „Það er þó
Ijóst að I flokknum, m.a. i þingmanna-
liði, eru menn sem sýnist svo sem við
hefðum þurft að ná meiru fram varðandi
okkar stefnu, þar á meðal varðandi
herstöðvarmálið. Þeir álitu því að ekki
væri rétt að taka þátt i ríkisstjórninni.
En ekki er hægt að tala um sundr-
ungu eða klofning. öll forysta flokksins
er sammála um að styðja þessa ríkis-
stjóm til þess að leysa þau mál sem um
er samið.”
Herstöðvarmálinu
slegið á frest
vegna annarra
mikilvægari mála
Hvað með viðhorf Alþýðubanda-
lagsins til utanríkismála?
„Við í Alþýðubandalaginu höfum á
engan hátt breytt stefnu okkar í utan-
rikismálum. Við undirstrikum þvert á
móti að við erum á móti aðild íslands að
NATO og dvöl hersins í landinu. Við
áskiljum okkur allan rétt til að berjast
fyrir þessum baráttumálum okkar eftir
því sem við verður komið.
Hitt er svo rétt að flokkurinn taldi svo
brýna þörf á því að leysa þau tvö miklu
vandamál sem við blasa að ekki var
talið hægt að sprengja stjórnarsamstarf
á þvi þó ekki fengist fram okkar stefna i
herstöðvarmálinu. Það vil ég þó undir-
strika að þótt skýrt sé fram tekið að ekki
hafi verið samið um stefnu í utanríkis-
málunum og við þannig ekki ábyrgir
fyrir utanríkisstefnunni, þá var tekið
fram að ekki gætu orðið um neinar
breytingar að ræða án okkar samþykkis.
Þar með var lokað fyrir það að hér yrði
um áfranthald á þvi undanláti sem hér
hefur verið um að ræða á undanförnum
árum.
Einnig var samið um það að ekki yrði
um neinar meiri háttar framkvæmdir á
yfirráðasvæði varnarliðsins að ræða. Að
þvi leyti tryggðum við það lika, að hér
yrði sett stopp á slíkar framkvæmdir.
Við fengum einnig á komið skipun
sérstakrar rannsóknamefndar er geri
ítarlega úttekt á öryggismálum islenzka
lýðveldisins. Nefndin fjalli einnig um
hugmyndir um friðlýsingu, friðargæzlu
og eftirlit á Norður-Atlantshafi. Það er
mjög þýðingarmikii viðurkenning á því
sem við höfum haldið fram um friðlýs-
ingu á svæðinu umhverfis Ísland og
hvað við lekur eftir að bandariski herinn
hverfur héðan af landi brott.”
„Stjórnarsamstarfið
mótað að fullu undir
minni stjórn"
„Ég legg áherzlu á það,” sagði Lúðvik
Jósepsson, „aðsú grundvallarstefna sem
þetta stjómarsamstarf hvilir á var mótað
að fullu og öllu i samningaviðræðum
flokkanna undir minni stjórn, á meðan
ég hafði á hendi umboð forseta íslands
til að mynda rikisstjórn. Þar náðist sam-
komulagum þetta:
Lúðvfk Júsepsson með forseta íslands eftir að hann fól Lúðvfk að reyna myndun meirihlutastjórnar.