Dagblaðið - 28.09.1978, Blaðsíða 28

frjálst, áháð dagblað
FIMMTUDAGUR 28. SEPT. 1978.
Hafnarfjörður:
Menn með
klippur
áferð
Nú ættu þeir Hafnfiröingar sem enn
aka á óskoðuðum bílum að gæta sin.
Skoðun þar er lokið og lögreglumenn
eru farnir á stúfana með klippur og
skrúfjárn og stöðva ökutæki óskoðuð
hvar sem til þeirra næst. Skapar slíkt
ýmis óþægindi og ættu menn að varast
slíkt.
-ASt.
íslendingur
tekinn með
hass í
Kristjaníu
ígær
Ungur tslendingur var handtekinn í
Kristjaníu i gær. Var hann grunaður um
ölvun við akstur. Við skoðun á bifreið
hans fundust 30 grömm af hassi.
Ekki hafði hlotizt neitt slys eða
óhapp af akstri unga mannsins, þótt
reikull þætti.
Ekki er vitað hvort hann gerði þegar i
stað grein fyrir því, hvar hann hafði
fengið hið-forboðna hass. Víst er talið,
að hann hljóti refsivistardóm ytra, og
verði siðan vísað úr landi.
-BS.
Flateyri:
Trilla sökk
íhöfninni
Aðfaranótt þriðjudags gerði slæmt
v.eður á norðanverðum Vestfjörðum og
sökk þá trilla í höfninni á Flateyri.
Annar smábátur, sem trillan var bundin
við skemmdist einnig er trillan rifnaði
frá. Allir smábátar i höfninni losnuðu í
veðrinu. Trillan sem sökk er um eitt
tonn aö stærð og náðist hún upp daginn
eftir,.þegarveðrið var gengið niður. Talið
er að trillan sé ónýt, þar sem hún er
töluvert brotin að aftan.
Þorsteinn/JH.
V Kaupio ^
iS TÖLVUR:
|2C OG TÖLVUUI
BANKASTRÆTI8
SNEIÐ AF SPRENGJUIBREFAPRESSU?
Smiðurinn svarar lögregluvarðstjóranum
sálugu. Hallgrimur hringdi til blaðsins
eftir að hafa séð ummæli Rudolfs
Axelssonar lögreglumanns i blaðinu i
„Ég hef nú ekki tuga sprengju
reynslu og get þvi ekki sett mig inn í
þær tilfinningar sem slikri reynslu
hlýtur að fylgja,” sagði Hallgrimur
Marinósson trésmiður sem vakti
athygli á því að „sprengjurnar” sem
fundust á Laugavegi væru túbur úr
gufukatli Alþýðubrauðgerðarinnar
gær.
Hallgrimur hélt áfram: „Vitleysis-
blaður í manninum, segir varð-
stjórinn.” Ég get skilið að lögreglu-
maðurinn sé sár yfir þvi að hafa
sprengt i loft upp hitaeliment. Það
vita allir að hægt er að hlaða dinamíti í
hvaða meinleysishlut sem er, sprengja
allt í loft upp og þar með sé hluturinn
orðinn aö vitisvél. Það er líklega viss-
ara að sprengja i loft upp alla tor-
kennilega hluti.
„En takizt mér að finna þriðju
„sprengjuna”, sagði Hallgrímur, „ætla
ég að saga hana niður i sneiðar og
senda sprengjusérfræðingnum eina
sneið fyrir bréfapressu — og Dag-
blaðið fær aðra bréfapressu. ”
-ASt
Embættispróf í lagadeild H.Í.:
Nemendur taka svefntöfl-
ur sökum taugaspemu
— Stefnir í25-30% fall
1 sumar urðu mikil blaðaskrif vegna
þess, hversu margir laganemar féllu á
embættisprófi í lögfræði sl. vor eða
42% þeirra er undir prófin gengust.
Nú standa embættispróf í lagadeild
yfir og hefur blaðið fregnað að
árangur laganema sé nokkuð betri en
sl. vor. Þó hafi 5 af 20 nemendum er
undir prófin gengust þegar helzt úr
lestinni, og aðrir 3 standi mjög höllum
fæti.
DB hafði í gær samband við einn
þeirra er helzt hafa úr lestinni. Hann
sagði að rúmlega 60 stúdentar hafi
hafið nám i lagadeildinni um leið og
hann haustið 1974. Einungis 10 eða
12 þeirra kæmu til með að setjast á 5.
ár í vetur (en embættispróf er tekið í
lok 4. námsárs og 5. árið fer i
ritgerðasmíð). Þetta þætti sér og
fleirum anzi mikil afföll. Hann sagði
að ekki væri um að kenna litlum lestri
laganema þvi það væri almennt
viðurkennt að þeir sætu lengur við
fræðin én gengur og gerist í öðrum
deildum Háskóla íslands. „Sjálfur
byrjaði ég próflestur 22. april og hef
aldrei lesið minna en 6—8 tíma á dag.
Aðrir laganemar hafa yfirleitt ekki
lesið minna og margir mun meira.
Andrúmsloftið er vægast sagt mjög
slæmt í hópi prófmanna og margir
taka róandi töflur og svefntöflur. Það
var fyrst og fremst fjármunarétturinn
sem varð fólki að falli nú eins og sl.
vor en einnig hefur verið mikil
óánægja yfir prófunum i raunhæfu
verkefni þar sem nánast engin kennsla
er í þeirri grein og prófið í greininni
hefði tvöfalt vægi miðað við aðrar
námsgreinar.”
Að lokum sagði laganeminn er DB
ræddi við: „Við laganemar teljum að
ástandið sé orðið svo alvarlegt, að
Menntamálaráðuneytið þurfi að láta
rannsaka þetta mál. Þessi mikli fjöldi
sem fellur nú á embættisprófi bendir
til að þessi mál þurfi að rannsaka.
Ekkert bendir til að nemendurnir séu
, nú lakari en áður. Þvert á móti hafa
þessir nemendur gengið í gegnum
mikla siun á 1. ári, og hafa eftir það
stundað náinið af mikilli sam-
Lögberg, hús lagadeildar Háskóla Islands.
vizkusemi. Breytingin á miklu fremur
rætur sinar að rekja til nýrra kennara
lagadeildar sem hafa gert miklu meiri
kröfur en áður hefur þekkzt. En það er
aldrei talað um að eitthvað geti verið
að hjá kennurunum eða að námsfyrir-
komulaginu,” sagði laganeminn
að lokum og bætti þvi við að rannsaka
þyrfti þetta mál af hlutlausum aðilum.
-GAJ-
'Þetta finnst ýmsum glæsilegur vagn.
Sérkennilegur og „heimasmíöaður”
bíll var i porti lögreglustöðvarinnar í Ár-
bæ i gær. Hafði hann verið tekinn úr
umferð á laugardagsnóttina. Voru þá i
honum þrír ungir menn þó aðeins séu í
honum sæti fyrir tvo. Stóð hinn þriðji á
einhvern hátt ofan á vélinni sem er aft-
ast á farartækinu..
Þremenningarnir voru á leið í skáta-
skála á Hellisheiði i ausandi rigningu og
roki sem var í fang þeirra. Létu þeir það
lítt á sig fá enda vel búnir fyrir hvaða
veður sem var.
Farartækið munu þeir eitthvað hafa
notað við skálann. Svo hafði bilun borið
að og farið var með „tryllitækið” í bæ-
inn og á laugardagsnóttina var haldið
austur aftur. Þá skarst lögreglan í leik-
inn og hertók farartækið.
’ Uppistaða bilsins er Volkswagen-
grind, hjól og framsæti. öll yfirbygging
er af en í staðinn soðin á grindina mjög
sterk veltigrind. Tækið er notað til tor-
færuaksturs og eru þá farþegar spenntir
í sætin svo þeir haggast ekki. Gerir þá
litt til þó tækið velti af og til niður brekk-
ur. Engan sakar.
Farartækið er óskráð og óskoðað að
sjálfsögðu enda myndi vafalaust vefjast
eitthvað fyrir bifreiðaeftirlitsmönnum
að veita skoðunarstimpilinn. Lögreglan
telur tækiö ólöglegt samkvæmt bif-
reiðalögum, þar sem það er vélknúið.
Ekki mun þetta „tryllitæki” einsdæmi
líkra tegunda á höfuðborgarsvæðinu þó
leynt sé farið með. Á Akureyri eru slik
tæki i einhverjum fjölda, kölluð „skrall-
arar” og þar mun keppni hafa farið fram
í „skralli”.
-A.St.