Dagblaðið - 05.10.1978, Blaðsíða 8

8
DAGBLAÐIÐ. FIMMTUDAGUR 5. OKTÓBER 1978.
H mk bruggar bezta vínið í borginni:
„Eitt er víst —
ofdrykkjumenn
brugga ekki...
— rætt við kunnan borgara á eftirlaunaaldri,
semkann vel til verka
Hvers lags fólk eru heimabruggarar?
Og hvers vegna eru þeir að fást við
(Dennan ólöglega heimilisiðnað? Til að
spara peninga? Til að geta verið sifullir?
Eða eru þeir sælkerar, sem langar að
gera tilraunir með bragðefni og áfengis-
magn?
Okkur langaði að tala við einhvern
snilling í iðninni og hringdum fyrst í
Guttorm í Ámunni og spurðum hann
ráða. En hann færðist undan og vildi
ekki bregðast trúnaði viðskiptavina
sinna. Þá höfðum við samband við fjöl-
mennt og virt fyrirtæki hér i bænum,
þar sem við höfðum heyrt að góð sam-
vinna rikti hjá starfsfólkinu um að
leggja saman í lögn. Menn þar
vildu að visu helzt ekki viðurkenna að
fást við nokkuð slíkt sjálfir en voru hins
vegar mjög fróðir um bruggara bæjarins
og bentu okkur á kunnan eftirlauna-
mann, sem sagður var brugga bezta vín i
borginni.
Og hjá honum komum við ekki að
tómum kofunum.
Að nýta
landsins gæði
Hann sagði að það væri hægt að
brugga vín af hvaða plöntu sem væri.
Og hér á landi yxu fjölmargar, sem
ágætt væri að brugga af. Bezt væru
bláber, krækiber. sólber og rifs, en hann
hafði reynt margar aðrar. Til dæmis
hafði hann fengið ágætt hvitvín af fífla-
hausum, „Það sló ódýru hvítvínin í
Rikinu algjörlega út. Hann hafði lika
reynt rabbarbara en það varð ekki gott.
„svo erfitt að ná burt oxalsýrunni.”
„Það er hægt að nota næstum allt,” ég
hugsa að það mætti meira að segja taka
blóðberg, sjóða af þvi seyði, bæta út í
það gernæringu, geri og mátulegu magni
af sykri.þá fengist áreiðanlega vln.”
„Það er hægt að nota næstum allt,
þaðerhægt að brugga úr Tropicana með
því að bæta út í það sykri og geri, já, þá
fengist vin með léttu appelsinubragði,
11—13% að styrkleika.”
„En það sem mér finnst skemmti-
legast aö brugga er konsentreraður
þrúgusafi, sem ekkert rotvarnarefni er í.
„Það verður líkt og sherrí.”
Ekki orðið
f ullur í 50 ár
„Ég hef ekki drukkið mig fullan síðan
ég var 19 ára,” sagði hann ennfremur.”
Frá þvi um tvítugt þangað til fram undir
fimmtugt var ég algjör bindindismaður.
Nú er ég 69 ára og segi það eins og er, að
á kvöldin finnst mér fjarska gott að fá
mér glas af léttu víni. En ég mundi ekki
nenna að brugga það sjálfur nema af því
að léttu vínin í Ríkinu eru svo dýr. Það
er fjórum eða fimm sinnum ódýrara að
brugga heima heldur en kaupa þar.”
Siðareglur
bruggarans
„Tvennt mundi ég aldrei gera: Ég
mundi aldrei brenna drykk, og ég mundi
aldrei selja drykk.
Eiming sterkra drykkja i heima-
Styrkir
til háskólanáms í Sambandslýðveldinu
Þýskalandi
Þýska sendiráðið í Reykjavík hefur tilkynnt íslenskum
stjórnvöldum að boðnir séu fram þrír styrkir handa ís-
lenskum námsmönnum til háskólanáms í Sambandslýð-
veldinu Þýskalandi háskólaárið 1979-80. Styrkirnir
nema 650 þýskum mörkum á mánuði hið lægsta auk
100 marka á námsmisseri til bókakaupa, en auk þess eru
styrkþegar undanþegnir skólagjöldum og fá ferða-
kostnað greiddan að nokkru. Styrktímabilið er 10 mán-
uðir frá 1. október 1979 að telja en framlenging kemur
til greina að fullnægðum ákveðnum skilyrðum.
Umsækjendur skulu eigi vera eldri en 32 ára. Þeir skulu
hafa lokið a.m.k. tveggja ára háskólanámi.
Umsóknir, ásamt tilskildum fylgigögnum, skulu hafa
borist menntamálaráðuneytinu, Hverfisgötu 6, Reykja-
vík, fyrir 1. nóvember nk. — Sérstök umsóknareyðu-
blöð fást í ráðuneytinu.
Menntamálaráðuneytið,
3. októbar 1978.
Styrkir
til að sækja þýskunámskeið í Sambands-
lýðveldinu Þýskalandi.
Þýska sendiráðið í Reykjavík hefur tilkynnt íslenskum stjórnvöldum
að boðnir séu fram þrír styrkir til handa íslenskum stúdentum til að
sækja tveggja mánaða þýskunámskeið í Sambandslýðveldinu Þýska-
landi á vegum Goethe-stofnunarinnar á tímabilinu júní — október
1979. Styrkirnir taka til dvalarkostnaðar og kennslugjalda, auk 600
marka ferðastyrks. Umsækjendur skulu vera á aldrinum 19—32 ára
og hafa lokið a.m.k. tveggja ára háskólanámi. Þeir skulu hafa góða
undirstöðukunnáttu í þýskri tungu.
Umsóknum um styrki þessa skal komið til menntamálaráðuneytisins,
Hverfisgötu 6, Reykjavík, fyrir l. nóvember nk. Sérstök umsóknar-
eyðublöð fást í ráðuneytinu.
Menntamálaráðuneytið,
3. október 1978.
ROKSALA í BRUGGEFNUM
— seldust sumstaðar upp á svipstundu í gær
Geysimikil sala var í efnum til öl- og
vingerðar i verzlunum bæjarins í gær.
Allt slíkt seldist upp í Viðis-búðunum,
bæði í Austurstræti og í stóru búðinni í
Starmýri. „En við eigum von á
einhverju til viðbótar í dag,” sagði
verzlunarstjórinn.
Viða annars staðar, svo sem i
Glæsibæ og öðrum búðum Sláturfélags-
ins, hefur verið fjörug sala en ennþá eru
til nokkrar birgðir.
Venjulegt pressuger seldist upp á
örskammri stund í gærmorgun hjá
Náttúrulækningafélaginu á Laugavegi.
Það verður ekki fáanlegt altur fyrr en
eftir nokkra daga. „Við leituðum til
aðila sem við höfum stundum getað
fengið þetta hjá,” sagði verzlunar-
stjórinn" en því miður geta þeir ekki
hjálpað okkur fyrr en i næstu viku i
fyrsta lagi.”
Að sjálfsögðu stafar þessi sölukippur
af ótta fólks við að einhverjar hömlur á
sölu þessara efna fylgi i kjölfar bréfsins
frá fjármálaráðherra, þar sem hann
biður viðskiptaráðuneytið að hlutast til
um að Áfengisverzlunin taki að sér
forræði á sölu gersveppa.
í Ámunni, sérverzlun með vörurtil heimabruggs, var algjör örtröö i gærdag. Hér eru
nokkrír viðskiptavinanna aö gera innkaup sin.
húsum er bönnuð i flestum löndum,
enda erfitt að framkvæma hana svo að
útkoman verði bragðgóð og nægilegt
hreinlæti viðhaft. En í flestum löndum
má brugga létt vín. í Danmörku má
aðeins brugga úr heimafengnum
ávöxtum eða hráefnum. Þeir hafa að
vísu bæði epli og plómur — en hér getur
svo sem hver sem er keypt sér kassa af
eplum, marið þau í sundur, bætt út i þau
gernæringu, geri og sykri og fengið bezta
eplavín.
Að selja vín mundi setja blett á heima-
bruggarastéttina, ef mér leyfist að telja
míg til hennar. En er það ekki saklaus
ánægja að bruggja þannig að maður geti
boðið gestum sinum glas af léttu víni?
Það er geysigaman, sérstaklega þegar vel
hefur tekizt.
Til að brugga gott vin þarf góðan útbúnað. Skemmtilegast er að eiga Uka vintunnu.
Þessi tekur um 15 litra.
Að bíða f tíu vikur
— En stuðlar ekki allt þetta brugg að
ofdrykkju?
— Ég skal ekki um það segja, en hitt
veit ég að ofdrykkjumenn brugga ekki.
Til þess hafa þeir ekki neina þolinmæði.
Það gefur augaleið að maður sem er
hertekinn af vinlöngun fer ekki að biða í
margar vikur eftir þvi að bruggið sé
tilbúið. Ég er tíu tólf vikur með mitt vín í
gerjun og svo verður það langbezt ef það
fær að standa tvo þrjá mánuði á
flöskum.
Ætli drykkjumaðurinn skelli sér ekki
bara beint í Rikið. Honum er hvort sem
er sama hvað það kostar.
IHH.
Höskuldur Jónsson ráðuneytisstjóri:
REYNT AÐ TORVELDA FÓLKI
AÐ NÁLGAST GERSVEPPI
— en Ijóst að aldrei er hægt að koma í veg fyrir bruggun
Haft er eftir Höskuldi Jónssyni ráðu-
neytisstjóra í fjármálaráðuneytinu i
Þjóðviljanum í gær, að ráðuneytið kæri
sig ekki um stóra keppinauta i áfengis-
sölu, og þvi sé tilkomið bréf ráðu-
neytisins til viðskiptaráðuneytisins þess
efnis að gersveppir verði teknir af
frílista.
Þar sem lesa má út úr svari ráðu-
neytisstjórans, að ÁTVR missi spón úr
aski sinum með heimabruggi
almennings, sem haft er fyrir satt að sé
mikið stundað, hafði DB samband við
hann og spurði hvort eina leiðin til þess
að ná þessum tekjum væri ekki að.
ÁTVRseldisterktöl.
Höskuldur sagði það auðvitað ekki á
valdi ráðuneytisins að segja til um
bruggun og sölu sterks öls hérlendis.
„En við höfum einkasölu á áfengi,”
sagði Höskuldur. „Þetta bréf okkar er
hugsað til þess að reyna að koma í veg
fyrir hugsanleg brot og þá í öðru lagi að
afla ríkinu fjár. Það er alltaf hætta á því
að ef menn leggja i, þá gleymi þeir að
gæta að leyfilegum styrkleika ölsins.
Það er ekki beint farið fram á það aö
fá einkasölu á gersveþpum, heldur að
Áfengisverzlunin fái forræði yfir þessum
málum. Það er ekki nauðsynlegt að hún
sé eini innflutningsaðilinn, heldur komi
til regiur um þennan innflutning. Bréf
það sem sent var til viðskiptaráðu-
neytisins nær aðeins til gersveppa, en
ekki þurrefna, sem eru til sölu i
verzlunum.
Innihald þessarar þurrvöru eru
venjuleg matvæli, t.d. humlamjöl, sem
hægt er að flytja inn i allt öðrum til-
gangi. Ég sé engar líkur á því að hindruð
verði sala á þessum vamingi, enda þótt
nota megi hann til framleiðslu áfengra
drykkja.
Og það er vitað mál, að aldrei verður
hægt að koma i veg fyrir það að menn
leggi í til öl- eða vingerðar. En margir
munu e.t.v. láta af því ef erfiðara verður
að nálgast þau efni sem þarf. Sá er
tilgangur okkar. En það er þó ljóst, að
hver og einn getur unnið við bruggun, ef
áhugi er fyrir hendi,” sagði Höskuldur
Jónsson.
JH
I.H.H.
DB-mynd Hörður.