Dagblaðið - 31.05.1980, Blaðsíða 2

DAGBLAÐIÐ. LAUGARDAGUR 31. MAl 1980.
Kaiimenn vilja oftast hafa konur með f ráðum:
REYNUM NÚ KONURNAR,
LÁTIÞÆR AÐ SÉR KVEÐA
Sveinn Sveinsson, Ásum 14skrifar:
Eitthvert merkilegasta mál sem
borið hefur á góma nú upp á síð-
kastið, birtist í auglýsingaskyni ég
hcld 25. mar/, eða nálægt því. Þetta
var um fiskeldi í sjó og sennilega
runnið undan rifjum hr. forstjóra
Arna Benediktssonar fráHofteigi þvi
fyrir 14—16 árum ritaði Árni merki-
lega grein í Samvinnuna um fiskeldi í
sjó. Iiltók hann nokkrar hafnir sem
loka mætti i þvi skyni. Hefði þá verið
hafist handa værum við íslendingar
að ausa upp auðæfum vegna þessa
starfs. Eg vona að allir landar mínir
taki þessu vel og hefji undirbúning nú
strax.
Enn sem fyrr, treysti ég best á kon-
urnar. Ég veit að fjöldi okkar, karl-
manna, vill hafa þær með í ráðum.
Margir okkar vilja hafa þær í síðbux-
um. En, fleiri rnunu þeir vera er vilja
hafa þær í fornaldarpilsum sínum,
sem þenjist út og inn eins og þjóðfán-
inn okkar í strekkingskalda.
Eitt enn, stórvægilegt mál er á döf-
inni. Forsetakosningarnar. Þar er
kona í framboði. Látið hvort tveggja
rætast. Fiskeldið, og bráðsnjalla
konu í forsetasæti. Margir setja það
út á þessa ágætu konu að hún er
ógift. Þetta finnst mér kostur en ekki
galli. Ég held að Vigdis Finnboga-
dóttir geti verið bæði bóndi og hús-
freyja á Bessastööum.
Það erum við kjósendurnir sem
ráðum á kjördag, en misvitrir
alþingismenn sem með mál eiga að
fara eftir kosningar.
í tugi ára erum /ið búnir að láta
herrana ráða. Reynum nú konurnar.
Láti þær að sér kveða. Það er ekki
vist að við yrðum þá framvegis bón-
bjargamenn um erlend lán, tækju
þær við. Ég vona að þetta lánist vel
og beri ríkulegan ávöxt. Að endingu
bið ég góðan guð að styrkja okkur
öll, lífs og liðin. Ég þakka ykkur
umburðarlyndið.
Sveinn Sveinsson telur Vigdisi Finn-
bogadóttur geta verið bæði bónda og
húsfreyju á Bessastöðum.
DB-mynd Jim Smart.
VERÐBOLGA 0G VERÐBÆTUR
—hvað er orsök og hvað af leiðing?
Sigurður Halldórsson verkamaður
skrifar:
Mér virðist útbreiddur mis-
skilningur meðal höfuðpaura og
ráðamanna þjóðar okkar. Það er að
verðlagsbætur á laun valdi
verðbólgu. Verðlagsbætur koma eftir
á vegna verðbólgu, ekki öfugt.
Ef við hins vegar lítum á málið frá
þeirri hlið sem stjórnmálamenn
virðast gera, þ.e. að verðbólgan komi
á eftir verðbótum, þá fáum við þar
óindæla hringrás verðbólgu og
verðbóta.
Rjúfið þennan ímyndaða hring á
réttum stað. Verðbólga er orsök en
verðbætur afleiðing. Burt með
verðbólgu og þá tritla allar verðlags-
bætur á laun sömu leið.
Þar sem verðbólgan er búin að
halda um stjórnvölinn síðustu þrjá
mánuði sem fyrr, þá skulið þið sem
ættuð að stýra, ekki klípa af þeim
bótum, sem við eigum að fá 1. júní.
ALBERT 0G EIN-
STÆÐIR FORELDRAR
Ásdís Sigurðardóttir skrifar:
Nú standa fyrir dyrum forseta-
kosningar, og segja má að þjóðin sé
nú að skipta sér á hina ýmsu fram-
bjóðendur.
Hitt er þó Ijóst, hvað sem öðru
líður, að frambjóðendur sækja fylgi
sitt, eða meginstofn þess, til þeirra er
þeir hafa haft af einhver kynni. Þetta
sér maður af umræðunni og eins af
nöfnum, sem birt eru í blöðunum af
stuðningsliði frambjóðendanna.
Þetta er býsna fróðleg lesning, en
það er fremur hvimleiður siður, er
menn rita nöfn sín undir opinberat
yfirlýsingar í nafni félaga er þeit
starfa í, t.d. sem formenn.
Það er oft villandi, og menn geta
þá ruglast á prívatskoðunum við-
komandi manna og skoðunum
manna í félaginu yfirleitt.
Dæmi um þetta er það, þegar
Jóhanna Kristjónsdóttir, blaða-
maður og fv. formaður Félags
einstæðra foreldra, lýsir yfir stuðn-
ingi við Guðlaug Þorvaldsson, sátta-
semjara.
Maður gæti haldið að þar lægi
breið samstaða að baki.
Á hinn bóginn er mér kunnugt um
að annar frambjóðandi, Albert
Guðmundsson, hefur lagt mikla
vinnu i að grundvalla beinlínis þessi
samtök, sem nú bera heitið Einstæðir
foreldrar og hafa komið miklu til
leiðar, bæði í höfuðborginni og eins
úti á landi. Albert Guðmundsson
sameinaði á sínum tíma þennan
sundurleita hóp og hefur unnið að
„Albert Guðmundsson hefur lagl
mikla vinnu i að grundvalla þau sam-
tök sem bera heitið Félag einstæðra
foreldra,” segir Ásdis í bréfi sinu.
DB-mynd Hörður.
málefnum einstæðra foreldra mest
allra stjórnmálamanna og borgarfull-
Irúa, þótt það virðist nú gleymt.
Með þessu er ég ekki að segja að
Jóhönnu Kristjónsdóttur sé ekki
heimilt að styðja hvern þann frant-
bjóðanda sem henni þóknast en hún
er fyrst og fremst þekkt sem forystu
maður Félags einstæðra foreldra, og
þótt ég meti þá háttvísi að hún ritar
nafn sitt sem blaðamaður, þá er það
;igi að síður villandi er hún tekur
afstöðu með einum frambjóðanda,
sem mér vitanlega hefur ekkert unnið
fyrir þessi samtök.
Ég veit það líka að margir sem
hjálpar eru þurfi, óttast nokkuð um
sinn hag, ef Albert Guðmundsson
hættir sem þingmaður og borgarfull-
trúi, til dæmis einstæðir foreldrar
og gamla fólkið. Það voru þvi gleði-
fréttir, er ég heyrði Albért á
dögunum segja frá því á fundi, að
hann teldi að forseti íslands mætti
vinna að líknarmálum í sínu starfi;
hefði til þess bæði rétt og skyldur. Ég
óttast því ekki að „missa hann á
Bessastaði”, eins og það er stundum
orðað nú, því þar getur hann ekki
síður orðið þessum hópum að liði, en
sem alþingismaður og borgarfulltrúi.
Ég ætla ekki að hafa þessi orð öllu
fleiri. Þau eru aðeins rituð til þes að
menn misskilji ekki afstöðu Jóhönnu
Kristjónsdóttur á þessum vettvangi.
Hún hefur fullan rétt á að styðja
hvaða frambjóðanda sem er, en það
er hins vegar Albert Guðmundsson,
sem mest allra hefur unnið að mál-
efnum einstæðra foreldra og fyrir
aldraða, þeirra er nú bjóða sig fram
til forsetakjörs.
Raddir
lesenda
„Guðlaugur þekkir kjör venjulegra launamanna,” segir Rósa Þörisdóttir m.a. i
bréfi sinu.
Forsetakjörl980:
DB-mynd Ragnar Th.
ÞJOÐIN ÞARF
SÁTTAMANN
Rósa Þórisdóttir, Reykjum Laugar-
vatni skrifar:
Þjóðin þarf sáttamann i embætti
forseta íslands. Guðlaugur Þorvalds-
son er manna bezt til þess fallinn af
þeim, sem um hituna eru.Við höfum
séð hvað samstarfsmenn Guðlaugs
hafa sagt um hans störf að sátta-
málum. Þareralltáeinnveg.
Guðlaugur þekkir kjör venjulegra
launamanna, því hann er sjálfur
kominn úr þeirra hópi og hefur þurft
að hafa fyrir því sem honum hefur
áskotnazt í lífinu. Það er styrkur for-
seta Islands að vera kunnugur högum
fólksins í landinu. Á því leikur
enginn vafi að Guðlaugur er það.
Hann hefur sjálfur unnið
algengustu störf til sjávar og sveita.
Ég vil hvetja landsmenn til að kjósa
Guðlaug Þorvaldsson, enda er ég
þess fullviss að hann er sá maður,
sem þjóðin mun sameinast um.
Fyrirspum til Sigurðar L Guðmundssonar:
VILTU SEUA A
EIGIN KJÖRUM?
Haraldur Blöndal hdl. hringdi:
Ég er með fyrirspurn til Sigurðar
E. Guðmundssonar vegna kjallara-
greinar hans í DB þann 29. maí sl.
um andstyggilega hátt verð á
íbúðum.
Er Sigurður E. Guðmundsson
tilbúinn til að selja hús sitt eða íbúð
eftir þeim reglum, sem íbúðir fram-
kvæmdanefndar byggingaráætlunar
eru seldar eftir? Ef ekki, hver er þá á-
stæðan til þess?
ÞÖKK SÉ SIGRÚNU 0G
ÞJÓÐLÍFSÞÁTTUM HENNAR
Elisabet Helgadóttir, Arahólum 2,
hringdi:
Of fáir þakka fyrir það sem gott
er í sjónvarpi. Mig langar að þakka
stjórnanda þáttarins Þjóðlífs,
Sigrúnu Stefánsdóttur þessa þætti,
sem að minu mati eru einir þeir beztu
sem koma á skjáinn. Það er allt sem
prýðir.frægt listafólk sem syngur og
spilar og fræðandi og skemmtileg
samtöl.
Þetta er oft líkt og þegar einhvern
ber að garði að kvöldi til, þar sem
húmóðirin kann að taka á móti
gestum sinum. Smekklegt, fágað og
alltaf skemmtilegt umhverfi, hvort
sem það er úti eða inni.
Allt sem gleður augu og eyru.
Þökk sé Sigrúnu. Hún sýnir manni
með sínum Þjóðlífsþáttum, að enn er
til fólk sem metur hreinleika meira en
sora og ljótleika, sem í dag er af sum-
um kallað list.
Þar á ég við myndina Blóðrautt
sólarlag, sem landsmönnum hefur
verið boðið upp á tvisvar sinnum í
sjónvarpinu. Það væri gaman að
heyra meira frá fleirum um þessa
þætti í sjónvarpinu.
Ifr
Meðal þeirra sem Sigrún hefur
heimsótt i Þjófllifsþáttum sínum er
Jón G. Sólnes. Hér er hann i heita
pottinum á Akureyri.
Mynd-Sjónvarpið.
V