Dagblaðið - 05.01.1981, Síða 28

—„Átti að vera tryggt að við Kristinn Ólsen skyldum einskis í missa þegar
félögin voru sameinuð,” segir Alf reð
„Það var samþykkt á stjómar-
fundi 19. desember að skrifstofan
skyldi tekin af mér,” sagði Alfreð
Elíasson fyrrum forstjóri bæði Loft-
leiða og Flugleiða og núverandi
stjórnarmaður Flugleiða er DB
spurðist fyrir um orðróm þess efnis.
„Þeir geta borið mig út hvenær
sem er. En það er mín skoðun að það
sé vafasamt að þeir geti gert það
vegna baktryggingar sem ég og
Kristinn Ölsen fengum og var for-
senda sameiningarinnar. Það átti að
vera tryggt að við skyldum einskis í
missa þegar félögin vom sameinuð,”
sagði hann.
„Þeir segjast þurfa á húsnæðinu
að halda,” sagði Alfreð er blm.
spurðist fyrir um ástæðu þess að
hann er beðinn um að yfirgefa skrif-
stofuna. ,,Ég átti að vera kominn út
fyrir áramót en ég er ekki enn farinn.
Þeir geta komið og borið mig út en
ég ætla að sitja sem fastast.”
„Halldór H. Jónsson stjórnarfor-
maður Eimskipafélagsins bar upp til-
lögu þess efnis að að ég skyldi rýma
skrifstofu mína en fengi í staðinn
ásamt Kristni Ólsen herbergi einhvers
staðar í skrifstofubyggingu eða hótel-
byggingu Flugleiða. Ég hef haft þessa
skrifstofu frá því að þessi bygging var
byggð. Ég var þá forstjóri Loft-
leiða,” sagði Alfreð.
„Halldór H. Jónson er formaður
nefndar sem fjallaði um eftirlauna-
mál og bar hann einnig fram tillögu
um það að ég, örn Ó. Johnson og
Kristinn Ólsen skyldum fá eftirlaun
frá 1. júní 1980 að telja. örn óskaði
eftir því að við Kristinn fengjum
eftirlaun frá sama tíma og hann en
hann komst á eftirlaun 1. júní i
fyrra,” sagði Alfreð Elíasson að
lokum.
-KMU.
Gatið eftir byssukúlu?
—svo fullyrðir bfleigandinn, en lögreglan
telur að rúðan hafi f rostsprungið
Jens Sigurðsson við bil sinn, sem hann fullyrðir að skotið hafi verið á. Eins og sjá má i I og er rétt að minna menn á að vara varlega með bensin á brúsum nú i bensinverk-
gegnum brotna rúðuna er bensinbrúsi i aftursæti bilsins. Slikt er hið mesta hættuspil | fallinu. DB-mynd S.
„Ég er alveg klár á því að þetta er
eftir kúlu, þegar við komum út úr
húsinu var kúlugat á afturrúðunni og
sprungið út frá því. Þetta var eins og
kóngulóarvefur,” sagði Jens
Sigurðsson málari í samtali við DB.
„Tveir menn heyrðu skothvell,
annar býr hér í húsi við götuna,
þannig að ég er alveg viss um hvað
þarna hefur gerzt. Þetta er ekki eftir
stein, þá hefði þetta brotnað á allt
annanhátt.”
Það var síðdegis á laugardag, sem
þessi atburður átti sér stað. Jens
Sigurðsson lagði bíl sinum við Ránar-
götu, rétt austan Ægisgötu, á meðan
hann náði í farþega í hús eitt. Þegar
hann kom út blasti fyrrgreind sjón
við honum.
„Við ókum niður á miðbæjarstöð
en á leiðinni hrundi úr rúðunni,”
sagði Jens Sigurðsson að lokum.
Við rannsókn fannst hvorki skot-
far né byssukúla og taldi lögreglu-
maður sem DB talaði við að rúðan
hefði líklegast frostsprungið.
-KMU.
............
......... '
Verzlunarráð spáir í áramótakapal ríkisstjómarinnar:
Skerðing verðbóta á
kaup eyðir verðbólgu
—„framsetningá áætlunum í lánamálum er villandi”
„Athuganir Verzlunarráðsins
benda til að skerðing verðbóta þann
1. marz nk. um nær 9% muni að
mestu eyða verðbólguáhrifum kjara-
samninganna frá síðasta ári og forða
þeirri verðbólguholskeflu sem stefndi
að. Verðlag mun hins vegar enn
hækka á næsta ári um rúm 50%.
Raunverulegur árangur í viðureign
við það verðbólgustig næst hins vegar
ekki nema með samræmdum
aðgerðum i efnahagsmálum
svipuðum þeim, sem Verzlunarráð
hefur sett fram í stefnu sinni í efna-
hags- og atvinnumálum.”
Þannig lýkur Verzlunarráð
íslands úttekt sinni á efnahagsmála-
áætlunum ríkisstjórnarinnar sem
fæddust við iilan leik á síðustu
klukkustundum liðins árs. í heildina
segir Verzlunarráð áætlanirnar vera
„skammtímaaðgerðir ríkisstjórnar,
sem enn veit ekki hvað hún vill,” en
sér þó í þeim ljósa punkta: Að efna-
hagsráðstafanu-nar „muni að mestu
draga úr þeirri verðbólguholskeflu,
sem séð var fram á, en ekki eyða
þeirri verðbólgu, sem varásl. ári.”
A hinn bóginn segist Verzlunar-
ráðið „ekki geta tekið alvarlega”
ráðagerðir ríkisstjórnarinnar að
„innleiða á ný millifærslu- og
uppbótakerfi haftaáranna”, það
stefni að því að einangra íslenskt at-
vinnulíf. Og ennfremur að tillögur
um að setja verðhækkunum tímasett
.hámörk- og ákveða álagningu í
krónutölu séu „nánast ófram-
kvæmanlegar og gagnslausar til að
draga úr verðlagshækkunum eða
auka hagkvæmni í verzlun.
Þá talar Verzlunarráð um að
„framsetning ríkisstjórnarinnar á
áætlunum i lánamálum sé villandi. Á
einum stað er sagt, að verðtrygging
inn- og útlána skuli frestað, en á
öðrum stað er lögð til víðtæk
breyting i vaxtamálum.” -ARH.
frjálst, óháð dagblað
MÁNUDAGUR 5. JAN. 1981.
Biðraðireftir
dýrmætum bensín-
dropanum
leldsnemma
ímorgun:
Sáttafundur
boðaðurídag
— hjá bensmafgreiðslu-
mönnum
Bílstjórar á bensínlitlum farkostum
| fóru eldsnemma í morgun að mynda
| biðraðir við þá fáu afgreiðslustaði í
^ Reykjavik, Hafnarfirði og Keflavík þar
i sem enn má fá dýrmætan bensíndrop-
| ann. Verkfall afgreiðslumanna bensíns
I heldur áfram en síðdegis í dag eru þeir
. ásamt fulltrúum Vinnuveitendasam-
bandsins boðaðir á fund hjá ríkissátta-
semjara. Afgreiðslumenn krefjast
samræmingar á kjörum sínum og
kollega sinna innan samtaka verzlunar-
manna. Aðaldeilumálið i samningun-
um er þannig krafa þeirra um að fara á
námskeið eftir 5 ára starf og flytjast
upp í launaflokkastiganum að því
loknu. Verkamannafélagið Dagsbrún,
samningsaðili afgreiðslumanna, hefur
boðað afgreiðslubann á bensíni og oliu-
vörum á þá afgreiðslustaði sem opnir
eru þrátt fyrir verkfallið. Bannið tekur
gildi frá og með 10. janúar.
-ARH.
Verkfallsboð-
un við Kefla-
víkurhöfn
— ogíríkisverk-
smiðjunum
Ríkissáttasemjari og menn hans hafa
nóg að starfa í upphafi nýs árs. Víða er
ófriðlegt um að litast á vinnumarkaðn-
um eins og fundaskrá „Karphússins” í
dag ber með sér.
Auk fundar með bensínafgreiðslu-
mönnum er á dagskrá fundur um
kjaradeilu hafnarverkamanna í Kefla-
vík. Þar er deilt um ákvæðisvinnu við
útskipun á tunnum og boða verkamenn
verkfall fimmtudaginn 8. janúar. Þá er
fundur um samningamálin í ríkisverk-
smiðjunum. Verkfall er boðað þar 12.
janúar og komi það til framkvæmda
stöðvast Áburðarverksmiðjan,'
jSementsverksmiðjan og Kisiliðjan í
jMývatnssveit.
Ennfremur eru boðaðir fundir hjá
byggingamönnum utan Sambands
byggingamanna og Vörubifreiðastjóra-
félaginu Sleipni. Verkfall hefur ekki
verið boðað hjá þeim tveimur síðast-
Itöldu.
Skólum
lokað vegna
illviðris
Vegna slæmrar veðurspár var gefið
frí í öllum grunnskólum Reykjavíkur í
dag. Framlengist jólafríið því um einn
dag hjá börnunum. Sjálfsagt verða
mörg þeirra því fegin, enda viðbrigði
að þurfa að rífa sig á fætur fyrir allar
aldir eftir þetta indæla jólafrí, þegar
mörg hafa sofið fram yfir hádegi og
snúið sólarhringnum gjörsamlega við.
En á morgun er gert ráð fyrir fullri
kertnslu, og getur ekkert breytt því
nema veðurguðirnir. Börnin verða þá
að mæta í skólanum, svo framarlega
sem ekki koma auglýsingar um annað í
morgunútvarpinu.
-IHH.