Dagblaðið - 17.01.1981, Qupperneq 7

DAGBLAÐIÐ. LAUGARDAGUR 17. JANÚAR 1981.
ORKUSPARNAÐURINN KEMUR
EKKINIDUR Á ALMENNINGI
„Orkusparnaðarvikan í næstu viku
er einungis hvatning til fólks að spara
rafmagn vegna vatnsörðugleika
Landsvirkjunar. Þessi
orkusparnaður mun engan veginn
koma niður á almenningi og það er
ekki verið að skylda fólk til að
spara,” sagði Guðjón Guðmundsson
rekstrarstjórihjáRARIKí samtali við
blaðamann DB í gær vegna fyrir-
hugaðrar orkusparnaðarviku.
„Það hefur verið keyrt á varma-
aflsstöðvum víða um landið og þess
vegna fullnægjum við algjörlega
hinni almennu þörf. Þá er reiknað
með að tíðarfarið versni ekki. Þetta
mun hins vegar breytast ef við fáum
einstaklega kalt vor.
Orkuþörfin eykst árlega og tíðar-
farið undanfarið hefur gert það að
verkum að orkuskorturinn er nú
miklu meiri en undanfarin ár. Við
höfum keyrt gufuaflsstöðina við
Elliðaár á 10 MW. afli, á Akureyri
hefur verið keyrt á 6,5 MW„ á West-
fjörðum 1 —2 MW. og á Þórshöfn og
Raufarhöfn, samanlagt á 1 —
1,5 MW. og á Austfjörðum hefur
verið keyrt á 3,5 til 5 MW. Þá hefur
Keflavíkurflugvöllur 6 MW. Þetta
afl nægir algjörlega.
Þetta er allt byggt á spádómum og
til að spara vatnið verður keyrt á þessu
fyrst um sinn, en um mánaðamótin
janúar-febrúar verður þetta endur-
skoðað,” sagði Guðjón Guðmunds-
son. Guðjón var spurður um, hvernig
færi með stóriðjufyrirtækin og sagði
hann að þau fyrirtæki væru sér-
stakir samningsaðilar.
„Stóriðjufyrirtækin kaupa for-
gangsorku. Fyrirtækin fá
umframorku og í samningum við þau
eru ákvæði um að ef komi til
sparnaðar verði hún dregin af þeim,
enda fá þeir orku á mun lægra verði
en almennar sveitir,” sagði Guðjón.
Þá sagði hann einnig að Hrauneyja-
fossvirkjun yrði tekin í notkun í
október í haust og verður það til að
nægjanleg orka fæst. Þess má geta
að síðustu 2—3 árin hafa verið vatns-
minnstu ár í langan tima á há-
lendingu, eða frá því mælingar
hófust.
-ELA.
Hvers vegna minna vatn?
Kaldari vetur undanfarin ár
— eftir hlýindaskeið í um 40 ár
„Meginskýringin er kannski sú að
vetur hafa verið kaldari undanfarin
ár. Einnig sú að úrkoma hefur verið
lítil og það hefur sýnt sig að það
hefur áhrif,” sagði Páll Bergþórsson
veðurfræðingur er hann var inntur
eftir hvers vegna mun minna vatn
væri nú á hálendinu en áður, sem
aftur kemur niður á orku lands-
manna.
„Þessi vetur hefur verið sérstak-
lega kaldur og veturinn fyrir tveimur
árum var einnig mjög kaldur. Snjór-
inn hefur ekki náð að bráðna og hann
bráðnar ekki á veturna. Eftir því sem
frostin eru meiri minnkar í ánum.
Orkuverin leita þá í Þórisvatn og
vatnsbirgðirnar minnka eftir því sem
hraðar er gengið á vatnið.
Veðrið er mjög sveiflukennt. Það
var hlýindaskeið í um 40 ár, eftir
1920 til 1960. Síðan kólnar verulega
um 1965 og síðan þá hefur hitinn
verið mun lægri, en breytilegur frá
ári til árs. Veðurfræðingar geta ekki
sagt fyrir um hvernig veðrið verður
frá ári til árs, en telja að það haldist
svipað og það hafi verið að jafnaði.
Það er því ekki gott að segja um
þennan kulda í vetur. Það er mikið
um hafís í norðri og það tekur tíma
að eyða honum. Þar ofaná koma
sveiflur sem við getum alls ekki sagt
um,” sagði Páll Bergþórsson.
-ELA.
Stundum er talað um að það sé kalt eins og 1 frystikislu innandyra — ekki sí/t el'
miðstöðin, hvort heldur hún er kvnt með oliu eða notar aðra orku, hættir að
starfa. Ekki á að vera hætta á að það verði almennt þótt minni orka sé aflögu í
vetur en stundum áður.
DB-mynd: Linar Olason.
Ómar og Jón Ragnarssynir keppa í sænsku alþ jóðlegu ralli í næsta mánuði:
0KKAR EINA MARKMIÐ
ER AÐ UÚKA KEPPNI
— við
hörðustu
rallara
heimser
aðetja
„Við fljúgum til Sviþjóðar 3.
febrúar og ættum því að hafa viku til
að kortleggja leiðina áður en rallið
hefst,” sagði Ómar Ragnarsson í sam-
tali við blaðamann Dagblaðsins. Hann
og Jón bróðir hans taka þátt í alþjóð-
ASGEIR
TÓMASSON
legri rallkeppni í Svíþjóð dagana 13.—
15. febrúar. Með því verða þeir fyrstu
íslendingarnir, sem keppa í þessari
íþrótt á erlendri grund.
Rallið nefnist Swedish International.
Búizt er við að um það bil 150 bílar taki
þátt í því. Keppnin er mjög erfið og er
talið að ekki ljúki henni nema um
fjórðungur bílanna. Rallið gefur öku-
mönnunum stig til Svíþjóðarmeistara,
Norðurlandameistara, Evrópumeistara
og heimsmeistara. Bifreiðaumboðin
keppa um þrjá fyrsttöldu titlana.
Með ólympísku
hugarfari
„Við förum til keppninnar með
mjög ólympísku hugarfari,” sagði
Ómar Ragnarsson. „Við ætlum bara
að vera með og setjum okkur það eina
takmark að ljúka keppninni. Þarna er
við að eiga marga heimsþekkta öku-
Ómar Ragnarsson og Ólafur Guðmundsson lesa sér til um þátttökureglurnar i Swed-
isch lnternational. Ólafur fer með Ómari og Jóni sem fulltrúi Landssambands
íslenzkra akstursiþróttamanna. DB-mynd: Einar Olason.
Aðstæður i erlendum röllum eru að mörgu leyti giörólikar því sem þekkist á Islandi. Til dæmis eru áhorlendur mjög rnargir
og þarf oft að gæta fvllstu varúðar þeirra vegna. Þessi mynd er úr sænska alþjóðarallinu við Karlstad.
menn, þar á meðal heimsmeistarann
Walter Röhrl frá Þýzkalandi.
Þá er á það að líta að Renaultinn sem
við keppum á er aðeins 130 hestöfl, og
aðeins með allra nauðsynlegasta út-
búnað. Hinir eru á 260—300 hestafla
bílum með topp útbúnað og fjölda
aðstoðarmanna. Þeir frægustu mæta
með 200—400 varadekk og tíu, tuttugu
eða þrjátíu tonn af varahlutum. Við
fáum aðstoð frá nokkrum kunningjum
okkar í Osló, sem komu hingað síðast-
liðið sumar og unnu Ljóma-rallið. Það
er því hætt við að við fáum ekki nema
reykinn af réttunum þarna úti.”
Gjörólíkt
fyrirkomulag
Swedish International rallið er 1350
kilómetra langt. Keppnin fer fram
nálægt bænum Karlstad og byggist upp
þannig að 650 kílómetra langur hringur
er ekinn tvisvar. Rallið er með allt öðru
fyrirkomulagi en íslenzku keppnirnar.
Hér heima fá þátttakendurnir ekki að
vita um leiðirnar, sem eknar verða fyrr
en rétt áður en leikurinn hefst. í
sænska rallinu er leiðin gefin upp
þremur vikum áður en keppnin hefst.
Bílstjórarnir geta síðan ekið hana eins
oft og þá lystir og búið til sitt eigið
kort. Þeir mega þó ekki fara í þessar
kynnisferðir á keppnisbílunum, þeir
mega ekki fara upp fyrir fimmtíu kiló-
metra hraða og þeir mega ekki gera
meiri hávaða en sem svara 83 deci-
belum!
Óvíst um kostnaðinn
„Það eru mjög strangar reglur þarna
varðandi útbúnað bíla og ökumanna,”
sagði Ómar. „Við höfum unnið að því
undanfarið að gera bílinn löglegan.
Okkur tókst að safna á hann auglýsing-
um, — verst að hann skuli ekki vera
stærri! Kostnaðurinn? Það veit enginn
fyrr en upp er staðið, en það verða
áreiðanlega talsverðar fúlgur. En við
erum að fara í þessa keppni til þess að
brjóta ísinn fyrir okkur íslendinga.
Þetta er frekar stutt rall miðað við þær
keppnir sem gefa stig til heimsmeistara.
Þá vonumst við til að munurinn á
kraftinum í okkar bíl og hinna komi
ekki svo mjög að sök, því að rallið fer
nær eingöngu fram í snjó og ís.”
Nokkur hópur íslendinga fer utan til
að fylgjast með Swedish International.
Þar á meðal er Ólafur Guðmundsson,
sem verður fulltrúi Landssambands
íslenzkra akstursíþróttamanna. Einnig
verða nokkrir rallökumenn í förinni,
og fleiri eru að athuga, hvort þeir eigi
heimangengt.
-ÁT-
Áskriftarsími
Eldhúsbókarinnar
24666
ELDHÚSBÓKIN
l'Tcyjuuötu 14