Dagblaðið - 13.07.1981, Blaðsíða 16

24
DAGBLAÐIÐ. MÁNUDAGUR 13. JÚLÍ 1981.
Vigdfs ræðir við Arnþór Karlsson á Þórshöfn. Arnþór er lamaður og bauð forsetinn
honum til veizlu að Bessastöðum er haldin verður siðar á árinu. Þá verða um garð
gengnar breytingar sem auðvelda fötiuðum að komast i hús á forsetasetrinu. Arnþór
var mikill stuðningsmaður Vigdisar i kosningunum f fyrra. Hann er radfóáhugamaður
og sér um þjónustu við bátana f gegnum talstöð.
Hólmsteinn Helgason, nær niræður að aldri og heiðursborgari á Raufarhöfn, spjaliar
við Vigdisi.
Elzti vistmaðurinn á Dvalarheimiii aldraðra á Húsavík, Ólina Stefánsdóttir, heilsar
forseta sinum.
Sigurður Gizurarson sýslumaður ávarpar forsetann á Þórshöfn.
félagsheimili Raufarhafnar.
Opinber heimsókn forseta íslands íÞingeyjarsýslum:
„Forsetinn færði
okkur sumarið
—sem við biðum svo lengi eftir”
—Fólk fagnaði bæði forsetanum og sumarkomunni
Frá Atla Rúnari Halldórssyni blaða-
manni DB f fylgd með forsetanum:
„Forsetinn færði okkur sumarið sem
við biðum svo lengi eftir,” sagði Jóna
Þorsteinsdóttir f ávarpi sem hún flutti
fyrir hönd Þórshafnarbúa í tilefni af
heimsókn Vigdisar Finnbogadóttur
þangað á laugardagsmorguninn. Fleiri
urðu til að taka undir með Jónu þann
daginn enda brá svo við siðdegis á
föstudaginn að vætu- og kuldatið gaf
sig fyrir ásókn bliðviðris. Og á laugar-
daginn skein sól i heiði á austurhorni
Norðurlands. Fólk klæddist sparigall-
anum og fagnaði bæði forsetanum og
sólarkomunni.
Forseti og fylgdarlið þurfti að halda
vel á spöðum til að ferðaáætlun riðl-
aðist ekki. Klukkan 10.20 kom forseti
fiugleiðis til Þórshafnar frá Akureyri,
þaðan var ekið sem leið lá til Raufar-
hafnar og Kópaskers, Ásbyrgis, í kvöld
verð að Skúlagarði og loks komið í
náttstað á Húsavík um miðnættið.
Viðdvöl var stutt á hverjum áfanga-
stað, þó náði forseti að heilsa ótrúlega
mörgum heimamönnum með handa-
bandi, skiptast á fáeinum orðum við
þá, þiggja veitingar og tala til þeirra.
Gleymum ekki birkihrislunum sem for-
seti gróðursetti á nokkrum stöðum og
fól krökkum að varðveita.
1 fylgdarliði Vigdisar forseta voru,
Vigdís Bjarnadóttir, fulltrúi á skrif-
stofu forseta, Guðlaugur Tryggvi
Karlsson, eiginmaður hennar, Sigurður
Gizurarson, sýslumaður, Guðrún Þóra
Magnúsdóttir, kona hans, og Júlía
dóttir þeirra. Oddvitar, sveitarstjórar
og hreppstjórar höfðu orð fyrir heima-
mönnum á hverjum stað. Sýslumaður
var klæddur viðhafnarbúningi embætt-
isins og borðalagður vel. Þegnar hans,
Þingeyingar, höfðu fæstir séð yfirvald
sitt svo vel uppáklætt fyrr og þótti ekki
sópa siður aö þvi en forsetanum
sjálfum.
Á Þórshöfn skoðuðu gestir nýlegt og
glæsilegt frystihús. Þar var verkalýður-
inn önnum kafinn við að búa til verð-
mæti úr sjávarafla. Menn létu ekki á
sig fá þó að á almanakinu væri laugar-
dagur og úti fyrir glaðasóiskin.
Hreppstjórinn, Brynhildur Halldórs-
dóttir, bauð síðan hinum tignu gestum
til hádegisverðar heim að Syðra-Lóni.
Raufarhafnarbúar buðu síðdegis til
mikils kaffisamsætis í félagsheimilinu.
200 manns gæddu sér á kræsingum sem
konur i plássinu höfðu smurt og bakað
dag og nótt í vikulokin. Skólastjóri
Tónlistarskólans, Stephen Yates,
stjórnaði söng kirkjukórs Raufarhafn-
ar. Svava Stefánsdóttir söng einsöng.
Þá var forseta fært að gjöf myndverk
eftir Jónínu Láru Einarsdóttur, prests-
frú Raufarhafnarbúa. Myndin hét Fugl
á þúfu. Listamaðurinn var sjálfur ekki
viðstaddur. Hann var í Reykjavik og
beið þess að eignast þriðja barn þeirra
hjóna.
Á Kópaskeri var staldrað við ör-
skamma stund, rétt til að heilsa upp á
fólk sem safnazt hafði saman framan
við kaupfélagið. Þaðan var haldið í Ás-
byrgi og sú náttúrunnar ■smið skoðuð
dágóða hríð. Fólk úr öxarfirði, Fjalla-
hreppi, Kelduhverfi og frá Kópaskeri
safnaðist saman í Byrginu og fagnaði
vel þjóðhöfðingja sinum. Erlendir
ferðamenn í Ásbyrgi gengu af göflum
hver i kapp við annan við að sjá Vigdísi
i eigin persónu. Þeir mynduðu forset-
ann í bak og fyrir með bros hins himin-
sæla túrista á vör. Þýzk hjón sögðu
blaðamanni Dagblaðsins að sjónvarps-
stöð í Þýzkalandi hefði sent út viðtal
við Vigdisi fyrir einum mánuði. Viðtal-
ið hefði vakið mikla athygli og raunar
orðið til þess að herða enn löngun í
þeim sjálfum til að heimsækja ísland.
í Skúlagarði beið dúkað kvöldverð-
arborð försetans og fylgdarmanna.
Auk þess snæddu þarna þrettán tugir
heimamanna. Lambakjöt var aðalrétt-
urinn á matseðli kvöldsins. Veizlan
dróst á langinn og það var ekki fyrr en
komið var rétt fram yfir miðnættið að
hópurinn kom til Húsavíkur. Þar tóku
bæjarstjórnarmenn á móti forsetanum
og kvöldhressing beið gestanna á
borðum. Það var því orðið vel áliðið
nætur þegar hinir tignu ferðalangar
fengu næturhvíld.
-ESE.
Strákar frá Ástjörn f Keiduhverfi gerðu „honnör” er þeir tóku á móti forsetanum. Þeir sungu ísland ögrum skorió fyrir Vig-
disi og fylgdarlið. Á Ástjörn er drengjaheimili sem Sjónarhæðarsöfnuðurinn á Ákureyri rekur og er Bogi Pétursson for-
stöðumaður.
Forsetaheimsókn boðuð með lúðrahljómum
Húsvíkingar vaktir
af værum blundi
Frá Atla Rúnari Halldórssyni, blaða-
manni DB i fylgd meö forsetanum.
Lúðrahljómar vöktu Hýsvikinga
sem ætluðu sér að sofa fram eftir í
gærmorgun. Lúðrasveit Húsavíkur
hafði stillt sér upp framan við hótelið
í morgunsólinni. Þetta var fyrsti dag-
skrárliður hinnar opinberu heim-
sóknar í gær. Sfðan var hin einstak-
lega fallega kirkja þeirra Húsvikinga
skoðuð í fylgd með Ingvari Þórarins-
syni bóksala. Þaðan var haldið til
sjúkrahússins og einnig heimsótt
glæsilegt dvalarheimili aldraðra. Þar
fékk Vigdís blómvönd við komuna
frá Gunnlaugi Sveinbjörnssyni,
einum ibúanna á staðnum. Forseti
heilsaði m.a. upp á Ólinu Stefáns-
dóttur, elzta vistmanninn á heimil-
inu.
Næst var röðin komin að Safna-
húsinu. Leiðsögumenn voru hjónin
Finnur Kristjánsson og Hjördís Kvar-
an. Viðdvölin i safninu var mun
lengri en gert var ráð fyrir, enda
margt að skoða og skrafa um. Sér-
staklega dvaldist forseta við að skoða
skjalasafnið. Meðal annars var þar
að finna handskrifuð frétta- og
landsmálablöð úr sveitum Þingeyjar-
sýslna frá því um aldamótin.
Að loknum hádegisverði hitti for-
setinn hóp Húsvíkinga að máli
framan við hótelið. Þaðan var ekið
að Laugum í Reykjadal og síðan í
Mývatnssveit. í gærkvöldi var efnt til
almennrar samkomu í sveitinni og
gistu gestirnir að Hótel Reynihlið í
nótt. -ESE.