Dagblaðið - 13.07.1981, Blaðsíða 8

DAGBLAÐIÐ. MÁNUDAGUR 13. JÚLÍ 1981.
1
Erlent
Erlent
Erlent
Erlent
D
Rajai nær öruggur um sigur í forsetakosningunum í Iran:
Klerkamir höfnuðu 67
af 71 frambjóðanda
Mohammad Ali Rajai forsætisráð-
herra virðist nú nær öruggur með
sigur i forsetakosningunum í íran
síðar i þessum mánuði þegar sex
manna klerkaráð komst aö þeirri
niðurstöðu að 67 af 71 frambjóðanda
væru „óhæfir” til að vera i fram-
boði.
Kosningarnar eiga að fara fram 24.
júlí næstkomandi og verður þá kos-
inn eftirmaður Abolhassan Bani-
Sadr, sem enn fer huldu höfði í íran.
Frambjóðendurnir fjórir, sem
töldust hæfir, eru allir úr flokki
islamskra bókstafstrúarmanna.
Auk Rajais eru frambjóðendurnir
Abbas Sheybani þingmaður, sem
var landbúnaðarráðherra á fyrstu
mánuðum hins islamska lýðveldis,
Ali Akbar Parvaresh þingmaður og
Habibollah Askarouladi.
Bani-Sadr, fyrrum forsetl.
Rajai forsætisráðherra er lang-
þekktastur þessara frambjóðenda og
Mohammad Ali Kajai.
hann nýtur stuönings byltingarleið-
togans Ayatollah Ruhollah
Khomeini.
Á fimmtudag lýsti málgagn
islamska lýðveldisflokksins því yfir
að Rajai yrði hinn opinberi fram-
bjóðandi flokksins. Ýmsar aðrar
áhrifamiklar stofnanir hafa lýst yfir
stuðningi við hann, svo sem guð-
fræðiskólinn i hinni heilögu borg
Qom og byltingarvarðsveitirnar.
Ayatollah Khomeini hefur lýst því
yfir að hinn nýi forseti verði að vera
sannur múslimur, sem sé reiðubúinn
að viðurkenna að klerkaveldið í land-
inu fari með hin æðstu völd. Hann
hefur einnig sagt að það sé trúarleg
skylda að greiða atkvæði í kosning-
unum.
Enginn listi hefur verið birtur yfir
hverjir hinir 67 frambjóðendur sem
hafnað var voru.
Páflnn
ajþakkar
heimboð
Mexíkana
Jóhannes Páll páfi II hefur neyðzt til
að afþakka heimboð til Mexikó í des-
ember næstkomandi vegna bágborins
heilsufars, að því er erkibiskupinn í
Mexíkóborg skýrði frá í gær.
Erkibiskupinn, Ernesto Corripio
Ahumado, sagði fréttamönnum í gær
að Vatikanið hefði skýrt sér frá því að
páfinn gæti ekki þegið boð um að vera
viðstaddur 450 ára afmæli atburðanna
í Guadalupe. Helgidómurinn í Guada-
lupe er hinn helgasti í Mexíkó og
kaþólskir menn trúa því að þar hafi
mærin María birzt trúuðum indíána
fyrir 450 árum.
Frá Kampútseu. Myndin sýnir börn á leið til fyrri heimkynna i leit að foreldrum
sinum eftir að ógnarstjórn Pol Pots og Rauðu khmeranna hafði verið steypt af stóli
árið 1979, af innrásarliði frá Vietnam. í dag hefst I New York alþjóðleg ráðstefna um
málcfni Kampútseu. Ráðstefnan miðar að þvi að finna leið til þess að Vietnamar verði
á brott með heri sina úr Kampútseu. Bæði Vietnam og Sovétrikin munu sniðganga
ráðstefnuna. Samband rikja f Suðaustur-Asíu (ASEAN-löndin svonefndu) eiga frum-
kvæðið að ráðstefnunni og gera ráðamenn i þessum rikjum sér vonir um að ráðstefnan
verði upphaf þróunar sem leiði til þess að Vietnamar verði á brott úr Kampútseu og
unnt verði að halda almennar kosningar þar i lar.di undir eftirliti Sameinuðu þjóð-
anna. Búizt er við þátttakendum frá um 80 þjóðum á ráðstefnunni.
Enn einn IRA-
félagi látinn
— eftir 45 daga mótmælasvelti
Enn einn fanginn úr hópi IRA-
manna í Maze-fangelsinu á Norður-
Írlandi hefur nú látið lífið af völdum
mótmælasveltis. f nótt lézt Martin
Hurson, 26 ára gamall, eftir að hafa
svelt sig i 45 daga.
Hurson er sjötti IRA-félaginn sem
lætur lífið í Maze frá þvi skæruliðar í
fangelsinu tilkynntu um þá ákvörðun
sína að hefja röð hungurverkfalla hinn
1. marz síðastliðinn í þeim tilgangi að
knýja brezku stjórnina til að veita þeim
réttindi pólitískra fanga.
Talsmenn IRA sögðu að heilsu
Hursons hefði hrakað mjög skyndilega
og hefði fjölskylda hans verið kölluð til
fangelsisins í gærkvöldi. Flestir hinna
fanganna lifðu í um eða yfir 60 daga
frá því þeir hófu mótmælasveltið og
þar til þeir létu lífið.
Hurson var ókvæntur og afplánaði
hann 20 ára fangelsisdóm fyrir samsæri
um aö ráða öryggissveitarmenn af
dögum, fyrir að hafa sprengiefni i
fórum sínum og fyrir að vera félagi í
hinum ólöglega irska lýðveldisher,
IRA.
Sjö IRA-félagar eru enn í hungur-
verkfalli í Maze og höfðu tveir þeirra,
Keiran Doherty og Kevin Lynch, svelt
sig lengur en Hurson eða í 51 og 52
daga.
Franskur háskólarektor:
r
AFNEITAÐIÞJOD-
ARMORÐINASISTA
— hlaut þriggja ára fangelsi fyrir
Franskur háskólalektor, Robert
Faurisson að nafni, hefur verið
dæmdur í þriggja ára fangelsi í París.
Lektorinn hafði haldið því fram að
gasklefar nasista hafi aldrei verið til
og að fréttir um þjóðarmorð Hitlers á
gyðingum séu ósannar. Auk fang-
elsisdómsins er Faurisson dæmdur til
að greiða um 25 þúsund krónur í sekt
fyrir þessar kenningar sínar.
Dómurinn yfir Faurisson er meðal
annars merkilegur fynr þá sök að
þetta er í fyrsta sinn sem franskur
dómstóll dæmir fjölmiðla til að birta
dóminn. Bæði sjónvarpið og út-
varpið eru dæmd til að lesa hinn
þrettán blaðsíðna langa dóm í heild
sinni á kostnað Faurissons. Sjón-
varpið sem þarna á hlut að máli er
sjónvarpsstöðin Europe I en þar
flutti Faurisson sínar furðulegu kenn-
ingar 17. desember síðastliðinn.
Faurisson hélt því sem sé fram að
gasklefarnir og þjóðarmorð nasista á
gyðingum væru ekkert annað en arg-
asta lygi sem hefði leitt af sér stór-
kostlegt fjárhagslegt svindl í þágu
ísraels og hins alþjóðlega síonisma.
Fórnarlömbin væru þýzka þjóðin og
palestínska þjóðin í heild sinni.
Peci
„dœmdur”
afRauðu
herdeild-
unum
Rauðu herdeildirnar á Ítalíu hafa
„dæmt til dauða” annan af gislum
sínum, Roberto Peci að nafni.
Roberto Peci, sem er 25 ára gamall
rafmagnsverkfræðingur, var rænt 11.
júní síðastliðinn í hefndarskyni fyrir að
bróðir hans, Patrizio. fyrrum liðs-
maður Rauðu herdeildanna, ljóstraði
upp um starfsemi þeitra við lögregluna.
Rauðu hersveitirnar sögðu í tilkynn-
ingu sem þær létu frá sér fara að
„dómurinn væri réttlátur.” Með til-
kynningunni fannst mynd sem sýndi
Peci halda á eintaki af blaðinu La
Republica sem kom út á föstudag. Þá
hafa sveitirnar sent frá sér „játningu”
Robertos um að hafa svikið bróður
sinn í hendur lögreglunni.
Glemp
gagnrýn-
ir and-
stœðinga
umbótanna
Jozef Glemp erkibiskup, hinn nýi
yfirmaður rómversk-kaþólsku kirkj-
unnar í Póllandi, hefur gagnrýnt fólk
sem hefur staðið gegn umbótahreyfing-
unni í landinu.
í viðtali við dagblaðið Zycie
Warszawy segir erkibiskupinn, að þeir
sem stæðu gegn umbótahreyfingunni
gerðu það af persónulegum metnaði
sem yrði að víkja fyrir sameiginlegum
hagsmunum.
Karólína
ástfangin
afsyni
Bergmans
Karólína prinsessa af Mónakó er nú
sögð sem óðast að ná sér eftir skiln-
aðinn við kvennaflagarann Philippe
Junot. Hún er sögð ástfangin á nýjan
leik.
Ást hennar beinist nú að Roberto
Rossellini, syni leikkonunnar Ingrid
Bergman, og mun sú ást vera endur-
goldin. Þau verja nú mestu af tíma
sínum saman á siglingu um Miðjarðar-
hafið. .
Mæður þeirra munu hafa rætt
saman um hvernig bregðast skuli við
þessum samdrætti unga fólksins.