Dagblaðið - 24.10.1981, Blaðsíða 1
7. ÁRG. — LAUGARDAGUR 24. OKTÓBER 1981 — 242. TBL. RITSTJÓRN SÍÐUMÚLA 12. AUGLÝSINGAR OG AFGREIÐSLA ÞVERHOLTI 11.—AÐALSlMI 27022.
Stórfjárhæðir sviknar út með
fölsuðum hjúskaparvottorðum
—„sparimerkjagiftingar” orðnargamaldags—tæknin tekin við
Fölsun giftingarvottorða til þess að
svíkja út sparimerkjapeninga er nýj-
asta hugvitssemi fjársvikahrappa.
Nema fjárhæðir sem þannig hefur
tekizt að svíkja út tugum ef ekki
hundruðum þúsunda króna.
Ljósritunartækni hefur verið not-
uð í þessum svikum. Góð og gild hjú-
skaparvottorð hafa komizt í hendur
óvandaðra manna. Hafa þau verið
Ijósrituð á áþekkan pappír, þó
’þannig að breitt er yfir nöfn, fæðing-
ardaga og ár, sem og útgáfudaga.
Síðan hafa hin ljósrituðu vottorð
verið útfyllt með alls konar nöfnum
fólks sem ennþá hefur hvorki aldur
né aðrar lögmætar ástæður til að
fá sparimerkjafé sitt leyst út. Hefur
þetta verið svo vel gert að erfitt hefur
verið að varast áður óþekkta aðferð.
Flestir kannast við svokallaðar
„sparimerkjagiftingar”. Hafa
hjúskaparáform lítt kunnugs fólks
oft komið á óvart. Hafa jafnvel
kunningjar komið á samböndum
karla og kvenna sem aldrei hafa
þekkzt og jafnvel ekki sézt fyrr en við
undirbúning skyndihjúskapar. Ekki
síður hefur slíkt komið foreldrum á
óvart þegar þeir, vegna ungs aldurs
barna sinna, hafa þurft að gefa leyfi
sitt til ráðahagsins.
Prestar hafa oft reynt að telja ungu
fólki hughvarf þegar þá hefur
grunað að tilgangur umbeðinnar
hjónavígslu væri sá einn að afla með
henni heimildar til þess að ná út
sparimerkjafé. Til flestra „spari-
merkjahjónabanda” hefur verið
stofnað hjá dómaraembættum sem
lög gera ráð fyrir að gefi saman hjón,
sé þess óskað.
Pósthús, sem greiða út sparimerki,
eru nú á varðbergi gagnvart föls-
uðum skjölum sem við fyrstu sýn
veita rétt til úttektar á sparimerkjafé.
Opinberrí heimsókn forseta íslandstil Noregs lokið:
Dagskránni lauk með veizlu
er forseti hélt á Grand hóteli
opinber heimsókn forseta til Svíþjóðar á mánudag
Frá Kristjáni Má Unnarssyni blaða-
manni DB i Osló:
Vigdís Finnbogadóttir, forseti ís-
lands, kastaði blómvendi upp á
sviðið í lok leiksýningar leikflokks
þroskaheftra barna á Kardemommu-
bænum í gær. Það var leikflokkur
frá skóla og barnaheimiii Rögnu
Ringdals sem þarna lék fyrir forset-
ann, norsku konungsfjölskylduna og,
um eitt hundrað annarra gesta.'.
Leiksýningin fór fram í litla revíu-
leikhúsinu, Svarta kettinum. Þótti
sýningin takast með afbrigðum vel og
var hrifning áhorfenda mikil.
í gærmorgun heimsótti Vigdís gler-
verksmiðjuna, Hadelands Glassverk.
Þar var henni færður kristalsvasi að
gjöf sem á var letrað ljóð eftir Ivar
Orgland. Á vasann var grafin mynd
af Reynisdröngum og víkingaskipi.
Þá hélt forsetinn veizlu mikla á
Grand hóteli ígærkvöldi.
Opinberri heimsókn forseta ís-
lands til Noregs er nú lokið og mun
forsetinn dveljast hjá sendiherra-
hjónunum í Osló fram á mánudag.
Þá hefst opinber heimsókn til
Svíþjóðar.
-ELA.
Hvað er til rúða, þegar varahlut vantar I togara úti ú miðum? Tímafrekt er að sigla i
land og það kostar mikið fí og tekur tima frá veiðum. Því brugðu þeir á það ráð á
skuttogaranum Hegranesi að fá flugvél frá Amarflugi til sln. Pakkningu i kœlivél
vantaði. Skuttogarinn var staddur 64 sjómllur vestur af Bjargtöngum. Arnarflugs-
vélin fór af stað rétt fyrir kl. 13 i gœr og var komin að togaranum eftir klukkutíma.
Þar varpakkanum hent niður og skipverjamir veiddu hann upp úr sjónum. Það erþvl
hœgt að halda veiðunum áfram. Stœrri myndin sýnir skipverjana ná sendingunni úr
sjónum en á þeirri litlu eru Jón Kristinsson, Baldur Schröder og Bjöm Kristjánsson
meðpakkann lflugvélinni, rétt áður en þeir hentu honum út.
-DB-myndir Kristján Örn.
Eigendur
Gamla bíós
tóku tilboði
óperunnar
Eigendur Gamla biós hafa tekið
tilboði íslenzku óperunnar um kaup
á húsinu. Verður þvi i dag haldinn
aðalfundur Styrktarfélags íslenzku
óperunnar kl. 14 í Gamla biói. Á
fundinum verður tekin afstaða til
s.imkomulagsstyi k • félagsinsog eig,-
ei'da Gamla biós um kaup á kvik-
n.yndahúsinu undir starfsemi óper-
unnar. Var samkomulagið gert með
fyrirvara um samþykki aðalfundar-
ins.
Allir þeir tólf hundruð styrktarfé-
lagar, þ.á m. þeir sem sóttu minning-
artónleika um hjónin Helgu Jóns-
dóttur og Sigurliða Kristjánssonar, i
Háskólabíói i fyrravetur, eru vel-
komnir á fundinn. Þá verður einnig á
.fundinum stjórnarkjör. -EI.A.
Ammoníak-
f lóð í Heklu
Slökkviliðið stóð i ströngu á annan
.klukkutíma í gær vegna ammoníaks-
flóðs I lest strandferðaskipsins Heklu
i Reykjavikurhöfn.
Verið var að skipa út hylkjum með
ýmsu innihaldi. Eitt slikt féll úr út-
skipunarstroffu og lenti á hylki með
ammoniaki sem áður hafði verið
skipað í lestina.
Gat kom á ammoniakhylkið og
vökvinn flæddi um lestina. Slökkvi-
liðsmönnum tókst fljótlega að koma
stroffu á hylkið með gatinu og var
þvi firað i höfnina. Tók síðan við að
lofta úr lestinni, því þar var ólíft í
byrjun nema grímuklæddum mönn-
um. Notaði slökkviliðið blásara til
hreinsunarstarfsins sem stóð lengi
yfir. -A.St.
Búizt við
framboði
Ragnhildar
Fastlega var búizt við frantboði
Ragnhildar Helgadóttur fv. alþingis-
manns til varaformennsku i Sjálf-
stæðisflokknum í gærkvöldi. Þegar
DB fór í prentun sagðist Ragnhildur
ekki alveg tilbúin að svara
þessu, hér væri um mikinn ábyrgðar-
hlut að ræða. Hún sagðist hins vegar
taka ákvörðun fyrir nóttina. ,,Ég hef
fengið mikinn og eindreginn
stuðning,” sagði Ragnhildur.
Má leiða líkur að þvi að þú farir í
framboð? „Já,” svaraði Ragnhildur.
-JH.