Dagblaðið - 24.10.1981, Síða 6

DAGBLAÐIÐ. LAUGARDAGUR 24. OKTÓBER 1981.
' "
6_________________________________________________
Stærsti galli myntbrey tingarinnar að upplýsast?
Olli myntbreytingin marg-
földun á verði smávamings?
—Þingmaður hef ur heyrt um allt að hundraðf öldun verðs á smáhlutum—ómissandi þó
„Hvaða ráðstafanir hafa verið
gerðar til að koma í veg fyrir að
myntbreytingin um sl. áramót valdi
sérstökum verðhækkunum, einkum á
smærri vörum og minni háttar þjón-
ustu, umfram aðrar verðhækkanir?”
er fyrsti liður í fyrirspurn Helga Selj-
ans (Abl) til viðskiptaráðherra en
fyrirspurnin var-lögð fram á Alþingi
á fimmtudag.
Helgi spyr ennfremur, hvern-
ig Verðlagseftirlitinu hafi verið beitt
til aðhalds og eftirlits. Hann spyr
einnig hvort til séu frá Verðlagseftir-
liti samanburðarskýrslur varðandi
ýmsar smærri vörur fyrir og eftir
myntbreytingu, og ef svo sé, hvað
þærhafi þá leitt í ljós.
Loks spyr Helgi hvort ráðuneytið
hafi leitað til Neytendasamtakanna
varðandi mál þetta, og sé svo, hvað.
hafi þá verið gert af hálfu samtak-
anna.
Helgi Seljan skrifaði kjallaragrein í
Dagblaðið um þessi mál sl. 'mánudag.
Þar heldur hann því fram að mynt-
breytingin hafi verið nýtt á býsna
óprúttinn hátt af kaupsýslumönnum
til verulegra hækkana á vöruverði.
Eigi þetta við um ýmsa smávöru —
ómissandi þó — af ýmsu tagi. Nefnir
Helgi ýmis dæmi sem hann hefur
heyrt um í þá átt að myntbreytingin
hafi verið notuð til margföldunar
verðs ýmissa bráðnauðsynlegra smá-
vara, allt að því hundraðfalt.
Helgi spyr í umræddri grein hvort
verið geti að treyst hafi verið á það í
verulegum mæli að fólk átti sig ekki
nægilega vel á gildisbreytingunni —
hundraðfaldri — einkum á ýmsu því
smærra sem fólki þyki skipta minna
máli.
Helga finnst að Neytendasamtökin
eigi næsta leik. Þau ættu að birta
vandaða skýrslu, nákvæma könnun á
verðlagningu, þar sem myntbreyting
og gengisbreytingar- kynnu að hafa
haft óeðlileg áhrif.
-A.St.

Grundarfjörður:
FERDIN END-
AÐIÞAR SEM
HÚN BYRJAÐI
Ölóður maður um tvítugt brauzt
inn í fiskverkunarhús í Grundarfirði
aðfaranótt fimmtudagsins og stal
vörubíl er þar var. Maðurinn hugðist
aka áleiðis til Reykjavíkur en svo iila
vildi til að þegar hann var að bakka
bílnum. bakkaði hann beint aftur inn
í fiskverkunarhúsið og stórskemmdi
bæði bílinn og vörur sem í húsinu
voru. Maðurinn náðist skömmu síðar
er hann reyndi að flýja.
„Þetta minnir á sögu sem gerðist
hér fyrir nokkrum árum,” sagði
Bæring Cecilsson fréttaritari DB 1
Grundarfirði. „Þá stal maður hérna
jeppa og ætlaði hann sér að aka
honum til Stykkishólms. Maðurinn
var vel við skál og ók sem leið lá að
næsta sveitabæ. Þetta var um nótt en
maðurinn bankaði upp á, vakti
heimilisfólkið og ságði við það:
Hvernig stendur á því að húsið
stendur hér á miðjum vegi? Viljiði
bara gjöra svo vel að færa það strax.
Sá maður komst ekki heldur langt
undan,” sagði Bæring og hló bara að
þessu öllu saman.
-ELA.
DB-mýnd Guðm. Sv. Akureyri,
Trillukarlar á Akureyri vilja netaveiði burt.
Trillukarlar á Akureyri uggandi um sinn hag:
Vilja netaveiðina burt úr Eyjaf irði
Trillukarlar á Akureyri eiga nú í vök
að verjast fyrir netabátum og eru þeir
uggandi um áframhald ef ekkert verður
að gert. Aðalveiðisvæði þessara 12
trillukarla, sem eru með báta frá 1,5—5
tonna, er inn að Hjalteyri en þar
stunda nú allt að 50 tonna netaveiðibát-
ar veiðar.
í samtali við fréttaritara DB á Akur-
eyri sögðu trillukarlarnir að þeir væru
með meðferðarlinu sem lítt væri þekkt
nema í Eyjafirði og er hún alltaf í sjó.
Hins vegar hefur gerzt að netaveiði-
bátarnir leggi netin yfir línurnar.
„Viljum við því krefjast þess að neta-
og dragnótaveiði verði bönnuð innan
við Hrísey.”
Trillukarlarnir sögðu að þeir hefðu
haft samband við aðstoðarmann Kjart-
ans Jóhannssonar, er hann var sjávar-
útvegsráðherra, en hann svaraði því til
að þeim i ráðuneytinu væri sama hvort
það væri prestur eða ljósmóðir sem
veiddi fiskinn i Eyjafirði.
„Við erum ekkert að ásaka neta-
veiðisjómenn, við erum aðeins uggandi
um afkomu okkar eins og staðan er í
dag.
-ELA/G.Sv. Akureyri.
Stöðugar útvarps- og sjónvarpsbilanir á utanverðu Snæf ellsnesi:
SNJÓKOMA Á SKJÁNUM, LIT-
LEYSI, BJÖGUN 0G ÞÖGN
—útsending hefst stundum ekki fyrr en í miðjum f réttatíma
Frá því að sjónvarpið hóf út-
sendingar í ágúst, að loknu sumar-
leyfi, hefur ekki ein einasta vika liðið
án þess að vart hafi orðið bilana og
truflana í útsendingu. Ýmist er snjór
á skjánum eða litur hverfur af
skjánum. Þá kemur það og fyrir að
útsending hefst t.d. ekki fyrr en í
miðjum fréttatíma. Þá þekkist það
og að myndgæði eru eðlileg en allt tal
fellurút. Þaðer þó fátíðara.
Er fréttaritari Dagblaðsins á
Hellissandi hefur spurt tæknimenn
lóranstöðvarinnar á Gufuskálum
hverju þetta sæti, segja þeir að þetta
sé bilun í sendinum á Vallnaholti. Sá
sendirer fyrir Ólafsvík, Hellissand og
Rif og þjónar þvi yfir tvö þúsund
manns. Sendirinn yfirhleðst og slær
út.
Á þriðjudagskvöld kom sjónvarp
á kl. 20.15 og fór aftur af kl. 20.25.
Það kom síðan aftur kl. 20.40. Þá var
stöðug snjókoma á skermum
sjónvarpstækja og litur hélzt vart
inni. Til þess að sendirinn yfirhitnaði
ekki varð að minnka orkuna.
í fyrra var sett upp nýtt kerfi
sem flytur efnið eftir míkróbylgjum
frá Stykkishólmi að Vallnaholti. Nú
eru því ekki erlendar truflanir eins og
undanfarin ár heldur eingöngu
vegna sendisins á Vallnaholti.
Sendirinn er 100 vatta og smiðaður
hjá Landsímanum.
Ofan á þetta bætist að FM útvarp
hefur verið meira og minna bilað og
bjagað í lengri tíma. Ekki er hægt að
hlusta á langbylgju vegna lóran-
stöðvarinnar. Að vísu er lítil stöð á
miðbylgju en þar eru tóngæði engin.
-JH/HJ Hellissandi.
Skagaleikflokkurinn:
Frumsýnir
barnaleikrit
íkvöld
Skagaleikflokkurinn frumsýnir í
dag kl. 16 barnaleikritið Litli Kláus
og stóri Kláus eftir hinn kunna
danska höfund H.C. Andersen. Æf-
ingar hófust fyrir 6 vikum og hafa
gengið prýðilega undir stjórn Herdís-
arÞorvaldsdóttur.
Öll hlutverkin eru í höndum ungra
og efnilegra leikara á Akranesi og
þess má geta að Valgeir Skagfjörð
hefur samið tónlist við leikritið.
Önnur og þriðja sýning á leikritinu
verða i Bióhöllinni á Akranesi á
sunnudagki. 16 og 20.30.
-SSv.
BINGO
B0RGARAR
GÓÐIR BORGARAR!
Opnum í dag nýjan hamborgarastað
BINGÚ B0RGARAR
á horni Vitastígs og Bergþórugötu.
Smakkið okkar frábæru BINGÚ B0RGARA
með frönskum og öllu tilheyrandi.
Einnig bjóðum við upp á ís, shake o.fl.
BINGÓ BORGARAR - SÍMI: 13730.
BING0
B0R6MUI