Alþýðublaðið - 03.08.1969, Page 4

árum saman vissi ekki hvað hún átti af
sér að gera, er nú orðin þroskuð og ham-
ingjusöm kona, sem fyrst og fremst kýs
sér það hlutskipti að vera „eiginkona
manns síns". Jane Fonda skipar eigin-
manni sínum í öndvegi, allt annað verð-
ur að þoka, jafnvel frægðarferill hennar
sjálfrar.
Roger Vadim hefur verið nefndur „fað
ir nektaratriðanna", og það er alkunna,
að í þeim hefur hann fyrst og fremst
notið aðstoðar eiginkonu sinnar og, eða,
ástmeyja. Hann hefur gert það að takmarki
sínu að uppræta alla sektartilfinningu í
sambandi við nekt mannslíkamans og Jane
Fonda hefur drukkið í sig þá heimsspeki
hans auk þess sem hún hefur tekið ást-
fóstri við larrd hans, þjóð og tungu.
Þetta hefur þó þróazt þannig, að því
franskari, sem hún hefur ætlað að verða,
þeim mun amerískari hefur hún orðið.
Hún hefur aldrei getað sleppt hinu kurteis
lega bandaríska skólastelpufasi, þó að
hún hafi Ijáð Vadim lið í nektarsenum sín
um. Þetta kemur til af því, að innst mni er
hún auðmjúk kona, veik fyrir kvenlegum
hégóma og duttlungum, en jafnframt vel
uppalin og ágætlega gefin. Að minnsta
kosti segir kollega hennar — Michael
Caine — það, og hann er sagður hafa
bæði auga fyrir og skilning á konum.
SJÁLFSMORÐ Á SJÁLFS-
MORÐ OFAN.
Roger Vadim er sem sagt sterkasti á-
hrifavaldinn í lífi Jane Fonda, eins og nú
standa sakir, en skýringarinnar á því,
hve hún gerir sér mikið far um að tengjast
honum sem traustustum böndum og
treysta hjónaband þeirra, er ef til vill að
leita til hinnar ömurlegu og öryggislausu
bernsku henrrar sjálfrar. Móðir hennar réði
sér bana, þegar Jane var aðeins 12 ára
gömul — alls hefur hún átt þrjár stjúp-
mæður — og það er næsta óhugnanlegt
hversu ógæfan hefur oft komið nærri
henni síðan: Móðir beztu vinkonu henrrar,
Brooke Hayward, framdi sjálfsmorð, svo
og yngri systir hennar, sem í lifanda líti
hafði verið meðal nánustu vina þeirra
systkinanna, Jane og Peters. Þá féll bezti
vinur Peters fyrir eigin hendi — og allt
stuðlaði þetta að því að gera Jane feimna
innhverfa og hræðilega óörugga rneð
sjálfa sig.
FEIMINN OG INNHVERFUR
Henry Fonda er fæddur og uppalinn í
Oniaha í Nebraska. Hann starfaði þar
hjá símafélagi og lagði stund á blaða-
mennsku, unz nágrannakona hans —
móðir Marlons Brando — fékk talið
hann á að gerast þátttakandi í leikhús-
starfi áhugamanna þar í borg, en því
veitti hún forstöðu. Frá Omaha lá leið
Henry Fonda austur á bóginn, þar sem
hann naut vaxandi vinsælda fyrir leik sinn
— jafnt á sviði sem tjaldi. Snemma á
frægðarferli sínum — eða nánar tiltekið
árið 1931 -— kvæntist hann leikkonunui
Margaret Sullivan, en sambúð þeirra varð
skammvinn og slitu þau samvistum tveim
ur árum síðar. Árið 1936 giftist Fonda
svo aftur og gekk þá að eiga konu að
nafni Frarrcis Seymour Brokaw, fráskilda
konu margmilljónungsins George Brokaw.
Fyrsta barn þeirra, Jane, fæddist í New
ork 21. desember 1937, og annað og hið
síðasta, Peter, tveimur árum síðar.
Þegar Jane var fimm ára gömul fluttist
fjölskylda hennar til Kaliforníu.
Þegar pabbi hennar var ekki að fi'ma,
kaus hann helzt að bregða sér í vinnu-
gallann. Við áttum töluvert land, og hann
hafði unun af að plægja það sjálfur. Vinir
hans John Wayne, John Ford og James
Stewart komu oft og lögðu hönd á plóg-
inn. Síðan tylltu þeir sér, tóku í spil — og
sögðu kúrekasögur. Þá fannst okkur Pétri
nú heldur en ekki gaman að lifa. Við átt-
um kjúklinga, kanínur, hunda, ketti og
asna og þóttumst sjálf vera kúrekar Stund
um fórum \ið upp á þak og veðjuðum
frh. á bls. 12
4 Alþýðublaðið — Helgarblað