Helgarpósturinn - 20.07.1995, Blaðsíða 12

12
4
FIMMTu D'AGu R”20TTJ U LTnr99’5
Inýjasta hefti breska
tímaritsins FHM
(For Him Magazine)
birtist harkalegur dóm-
ur um Post, nýjustu
plötu Bjarkar
Guðmundsdóttur.
Gagnrýnandi blaðsins,
John Aizlewood, segir
að.Björk hafi tekist að
læða sér inn í stjörnu-
hlutverk, að hluta til
vegna þess að hún sé
stórfurðulegur íslend-
ingur, og að hluta til
vegna þess að á fyrstu
plötu hennar Debut
hafi tekist að blanda
saman á sérstakan hátt
kraftmikilli danstónlist
og rödd sem sé ólík öll-
um öðrum. Og Aizle-
wood heldur áfram: „Á
plötuumslaginu, minn-
ir hún á dúkku, með
kinnalit sem greinilega
er gerður úr brómberj-
um og myndar eins
konar blómakrans um
andlitið og dregur úr
áhrifum þess fýlulega
svips sem hún reynir
að setja upp. Reyndar
syngur Sykurmolinn
fyrrverandi eins og
munnur hennar sé
einnig fullur cif bróm-
berjum. Þetta eru ein-
kennileg hljóð, sem
eiga fátt sameiginlegt
með eiginlegum söng
og fá ekki leynt því hve
vesældarleg þessi
plata er.“ Aizlewood
líkir tónlistinni á plöt-
unni við ódýr leiktjöld
og sönginn segir hann
minna á vein. „Árang-
urinn ber of mikinn
keim af erfiði og þegar
hún stælir lag frá
sjötta áratugnum, It’s
Oh So Quiet, er árang-
urinn hörmulegur,”
segir gagnrýnandinn.
Dómnum lýkur með
orðunum: „Þarna er að
finna áhugaverða hluti,
en það virðist sem
fimmtán mínúturnar
hennar séu liðnar."
Fyrir þá sem átta sig
ekki á tímamæling-
unnni þá er rétt að
geta þess að þarna er
vitnað í fræg orð Andy
Warhol, en hann sagði
einhverju sinni að í
framtíðinni myndu allir
verða frægir í fimmtán
mínútur. Að dómi FHM
eru fimmtán mínúturn-
ar hennar Bjarkar liðn-
Síðastliðinn mánudag kom bandaríski predikarinn Benny Hinn afturtil íslands með
sjónvarpsstöð sína og fylgdarlið. Kraftaverkalækningar hans hafa hjálpað mörgum og
eftir fyrstu samkomuna í
Laugardalshöll lýstu 30-40
manns yfir lækningu. Gunnar
Þorsteinsson hjá Krossinum
segir blað vera brotið í
trúarsögu fslendinga þegar
5-6 prósent þjóðarinnar mæta
á trúarsamkomur sem þessar.
Þúsundir manna flykkjast til að sjá Benny Hinn.
Öllum er boðið, nema fjölmiðlum.
Biskup íslands og frú á leið af samkomunni. Ólafur tók ekki þátt í halelúja-hrópunum,
dansinum eða handapatinu sem fylgir samkomufjörinu.
Bandaríski sjónvarpspredikar-
inn Benny Hinn kom í annað skipti
til landsins á mánudag. Sam-
kvæmt Benny sjálfum var hann
sendur vegna þess að íslendinga
„hungrar eftir Drottni”, eins og
túlkurinn Hafliði orðaði það.
Hvað sem öðru líður mættu um
fjögur þúsund manns á þriðju-
dagskvöldið í sjóðheita Laugar-
dalshöllina til að upplifa undrin
og kraftaverkin sem höfðu verið
auglýst. Að sögn húsvarðar ósk-
uðu aðstoðarmenn Benny eftir
því að slökkt yrði á kælikerfi
hallarinnar enda er mikill hiti
eitt af því sem einkennir nær-
veru heilags anda.
FÓLKIÐ TILBÚIÐ
Samkoman á þriðjudagskvöld-
ið stóð í þrjá klukkutíma en áður
en kraftaverkalækningar hófust
var sungið og hrópað Drottni til
dýrðar. Ron Hanson, aðstoðar-
maður Benny Hinn, hitaði söfn-
uðinn upp með háværri þrum-
andi ræðu um eðli trúarinnar.
„Trúin sér, hún þráir, hún biður,
talar og framkvæmir," hrópaði
hann. Herra Ólafur Skúlason, bisk-
up íslands, var á samkomunni og
virtist hugsi. Hann sat með
krosslagðar hendur og fylgdist
íbygginn með en tók ekki þátt í
halelújahrópunum, dansinum
eða handapatinu sem fylgir sam-
komufjörinu. Samkoman líktist
helst rokktónieikum þegar Ron
lét fjögur þúsund samkomugesti
hrópa með hendur til himins:
„Jesús, ég er tiibúinn!“
FÓRIUIIU
Þegar Benny Hinn loksins birt-
ist var höllin orðin heit og fjörug
en Benny vildi meiri söng og
stjórnaði hljómsveit og kór eins
og herforingi í gegnum nokkur
lög áður en hann kom sér að efn-
inu. Hann tók það skýrt fram að
sjálfur myndi hann ekki gera
nein kraftaverk, fólk yrði að
treysta Jesú til þess: „Ef við leit-
um lækningar, fáum við hana
ekki. Ef við leitum læknisins
munum við upplifa lækningu.“
Svohljóðandi var þýðing túlks-
ins.
En áður en stund kraftaverk-
anna rennur upp verður að færa
fórnir; það kostar peninga að
leigja Laugardalshöllina, setja
upp hljóðkerfi og ljós og annað.
Þar af leiðandi voru söfnunarum-
slög látin ganga um salinn og
með ótrúlegri skipulagningu
tókst aðstandendum að taka við
fórnum hinna fjögur þúsund
gesta á innan við 15 mínútum.
Menn drógu auðvitað misháar
fjárhæðir upp úr vösunum en
ljóst var að fólk vildi gera vel.
Þessa peningasöfnun hafa
sjónvarpáhorfendur ekki séð
þegar sýnt hefur verið frá her-
ferð Benny Hinn á Omega.
Hins vegar var það fyrsta mál
á dagskrá að biðja fyrir fjárhag
gestanna, eða öllu heldur skuld-
um þeirra. Síðan gengu söfnun-
arfötur um salinn og hver og
einn sem færði fórn gat skrifað
nafn sitt á umslagið ásamt „bæn-
arefni" eða „þörfum“. Benny lof-
aði engu en sagðist ætla að biðja
fyrir umslagabunkanum áður en
hann færi heim, í von um að
„þarfir“ flestra yrðu uppfylltar.
30-40 iviAninis lýstu
YFIR LÆKNiniGU
Þegar fórnir höfðu verið færð-
ar var ekki til setunnar boðið,
Benny færðist allur í aukana og
hitinn hækkaði stöðugt í höll-
inni. Hann endurtók það sem
sagt hafði verið frá upphafi sam-
komunnar: „í kvöld munu stór-
fenglegir atburðir gerast.“ Pred-
ikun á orði Guðs virtist ekki vera
aðalatriðið þetta kvöld heldur
var tónlistin og fjörið í fyrirrúmi
auk yfirlýsinganna um það stór-
fenglega sem var í vændum. Tón-
Iistin var á köflum yfirþyrmandi
og dramatísk rödd Benny ýmist
hvíslandi eða skerandi hávær.
Og smám saman magnaðist
stemmningin og margir gestanna
virtust finna fyrir þeim hita-
straumi sem Benny sagði að færi
um líkamann þegar fólk upplifði
nærveru Guðs. Benny var fljótur
til og skipaði þeim sem fundu
strauminn að ganga til hliðar við
sviðið og ráðfæra sig við „ráð-
gjafana" þar. Þeir sem sluppu í
gegnum ráðgjafahópinn gengu
síðan, eða fengu hjálp, upp á
sviðið til Benny.
Fyrsta manneskjan sem kom
upp á sviðið var íslensk kona
sem þjáðist af fótameini. Benny
lagði hendur á enni hennar og
bað Guð að snerta hana. Hún féll
við eftir „snertinguna" en spratt
fljótt á fætur, sleppti staf sínum
og gekk óstudd um sviðið án
þess að finna til nokkurs sárs-
auka. Á eftir henni fylgdi fjöldi
manns sem fékk sömu með-
höndlun, sumir voru í mikilli
geðshræringu og máttu vart
mæla, en þeir sem töldu sig hafa
læknast sögðu skjálfandi röddu:
„Ég finn ekki lengur til.“
Meðal þeirra sem slepptu staf
sínum var fyrrverandi vígslu-
biskup í Skálholti, Jónas Gíslason.
í samtali við POSTINN sagðist
Jónas ekki vilja tjá sig við fjöl-
miðla um reynslu sína.
Langflestir sem komu upp á
sviðið sögðust finna fyrir hitan-
um fara um líkamann en fjöldi
fólks út í sal, sem kom hvergi
nærri sviðinu, varð líka fyrir
sterkum straumum. í það
minnsta lá fólk í yfirliði hér og
hvar um salinn.
BEIUIUY HIIUIU-HELGIIU?
Gunnar Þorsteinsson, hjá Kross-
inum, sagðist vera mjög ánægð-
ur með samkomuna á þriðjudag.
Hann segir: „Þetta er svo frábært
að við erum að spá í að merkja „-
Benny Hinn-helgina“ inn á daga-
talið. Það hefur verið brotið blað
í trúarsögu íslendinga; það eru
algjör straumhvörf þegar 5-6
prósent þjóðarinnar koma sam-
an og vegsama Drottin. Þar að
auki lýstu 30-40 manns yfir
lækningu eftir fyrsta kvöldið.
Þetta verða alls þrjár samkomur
og toppurinn verður á þeirri
þriðju, þá gerast stærstu krafta-
verkin.“
Gunnar segir að langflestir
þeirra sem verða fyrir lækningu
sé fólk sem trúarsöfnuðirnir
kunna engin deili á.
„Þetta er fólk sem kemur beint
inn af götunni og lýsir yfir undr-
um og táknum og breytingum á
líkama sínum fyrir framan mörg
þúsund manns. Læknavísindin
verða svo að skera úr um hvað
það er sem á sér stað á líkama
fóiksins,“ segir Gunnar.
OMEGA ER
KRAFTAVERK
Eiríkur Sigurbjörnsson, sjón-
varpstjóri Omega og fulltrúi
Benny Hinn á íslandi, hefur
greinilega ræktað vinskap sinn
við manninn því á samkomunni
voru þeir ófeimnir við að hæla
hvor öðrum. Benny sagði að
kristin sjónvarpsstöð á islandi
væri ekkert annað en kraftaverk
og starf Eiríks hefði ómetanlegt
gildi fyrir kristið fólk í landinu.
Sjónvarpsstöðin Benny Hinn
Media Ministries tók samkomuna
upp á myndband og verða kaflar
úr hennir sendir út um allan
heim. Öðrum fjölmiðlum er hins
vegar meinaður aðgangur. Eiríki
finnst það eðlilegt og aðspurður
sagði hann að aðstandendur
samkomanna vildu að fólk fengi
að upplifa þessa viðkvæmu at-
burði í friði. Ennfremur sagði Ei-
ríkur að fjölmiðlar í Bandaríkjun-
um væru engin lömb að leika
við, þetta væru „oft miklir refir.“
Eitt er víst að aðstandendur
samkomanna kærðu sig ekki um
neina refi í Laugardalshöllinni á
þriðjudagskvöldið því hvert sem
litið var voru öryggisverðir á
vaktinni. Slíkur var fjöldinn að
enginn í höllinni gat óséður
mundað myndavél eða mynd-
bandsupptökuvél.
Það var aðeins einn fjölmiðill
sem átti að vera til frásagnar.
En Benny Hinn mun örugglega
fara héðan hamingjusamur því
Eiríkur Sigurbjörnsson og félag-
ar hafa tekið vel á móti honum.
Hann átti varla orð til að lýsa ís-
landi og veru sinni hér en fullyrti
að þegar hann kæmi til himnarík-
is skyldi hann læra íslensku.B
4