Helgarpósturinn - 13.03.1997, Page 2
2
FIMMTUDAGUR13. MARS1997
Landlæknir
skrifar út lyfeeðla fyrir
síbrotalækni
Olafur Ólafsson landlæknir
hefur ítrekað símsent lyfseðla
í apótek að beiðni Hauks Jónas-
sonar læknis, sem ekki hefur leyfí
til að vísa á róandi lyf, ávanalyf né
sveftilyf. Ólafur er með þessum
hætti sagður nánast hafa lánað
Hauki læknisnúmer sitt. Sjálfur
segir Ólafur þetta aðeins hafa
gerst í einstaka tilfellum og í öll-
um tilvikum hafí hann þekkt sjálf-
ur til sjúklinganna. Auk misferlis
varðandi ávanalyf hefur Haukur
Jónasson alloft gerst brotlegur
gagnvart Tryggingastofnun ríkis-
ins og oftar en einu sinni verið
settur þar út af sakramentinu.
Tryggingastofnun hefur nú um all-
langt skeið neitað öllum viðskipt-
um við Hauk.
Helgarpósturinn hefur fengið staðfest að
Haukur Jónasson hafi símsent lyfseðla í
apótek og jafnframt tilkynnt að Olafur Ól-
afsson landlæknir myndi hringja inn annan
lyfseðil handa sama sjúklingi. Ólafur hefur
síðan hringt inn lyfseðil þar sem um var að
ræða lyf sem Haukur hefur ekki réttindi til
að vísa á. Viðmælandi HP í læknastétt telur
Ólaf Ólafsson með þessu hafa stigið yfir
eðlileg mörk og segir þetta í raun jafngilda
því að hann sé að lána Hauki sitt eigið
læknanúmer, eftir að hafa áður svipt hann
rétti til að skrifa út lyfseðla á ákveðin lyf.
Haukur margbrotlegur
Haukur Jónasson er tæpra 68 ára og sér-
fræðingur í lyflækningum og meltingarsjúk-
dómum. Hann hefur ítrekað gerst brotlegur
bæði í starfi og gagnvart Tryggingastofnun
ríkisins með því að framvísa fölskum reikn-
ingum. Að minnsta kosti í einhverjum þess-
ara tilvika var bætt inn á reikningana lækn-
isverkum sem aldrei voru unnin.
Að því er heimildir HP herma var Haukur
að minnsta kosti einu sinni „tekinn í sátt“
hjá Tryggingastofnun „en þá brá svo við að
hann var strax á fyrsta ári aftur orðinn einn
af altekjuhæstu læknum í viðskiptum við
stofnunina", eins og viðmælandi okkar orð-
aði það.
Tryggingastofnun hefur nú um allnokkra
hríð neitað að greiða fyrir læknisverk
Hauks en hann hefur samt haldið áfram
læknisstörfum og hefur í vissum tilvikum
verið talinn fara út fyrir ramma þess sem
eðlilegt getur talist. Þannig skýrði DV frá
því 7. febrúar sl. að Haukur léti Trygginga-
stofnun greiða fokdýrar blóðrannsóknir á
fullfrísku fólki. Samkvæmt frásögn DV
sendi Haukur hópa fólks af vinnustöðum
sem hann hafði til umsjónar í rándýrar
blóðrannsóknir án þess að fyrir því væru
gildar ástæður.
Þessa starfsemi Hauks hefur Landlæknis-
embættið einmitt haft til rannsóknar að
undanförnu og kvað Ólafur Ólafsson hana
langt komna þegar HP ræddi við hann í
gærkvöldi.
Skrifaöi út lyf handa fíklum
Haukur hefur einnig gerst sekur um gróf
brot á viðurkenndum starfsreglum lækna
með því að skrifa ótæpilega út vanabind-
andi lyf handa fólki sem fengið hafði neitun
hjá öðrum læknum. „Hann skrifaði út lyf
handa fíklurn," sagði einn viðmælandi
blaðsins.
Það var landlæknir sjálfur, Ólafur Ólafs-
son, sem mörgum læknum þykir reyndar
seinþreyttur til vandræða, sem á endanum
skarst í leikinn og svipti Hauk í raun leyfi til
að ávísa á þessi lyf. í orði kveðnu mun vera
um að ræða samkomulag milli Hauks og
Landlæknisembættisins um að Haukur vísi
ekki á róandi lyf, vanabindandi lyf né svefn-
lyf.
„Sjúklingar
sem ég
þekkti”
Þeim mun
undarlegra
kann það að
virðast að Ólaf-
ur Ólafsson
skuli sjálfur ólafur: Eitthvað smávegis
hlaupa undir verjj um þetta
bagga með
Hauki og vísa fyrir hann á lyf sem Haukur
hefur ekki leyfi til að gefa út lyfseðla fyrir
sjálfur.
Helgarpósturinn hefur fyrir því heimildir
úr tveimur apótekum að Ólafur hafi hlaupið
undir bagga með Hauki á þennan hátt. í
öðru tilvikinu sagði lyfsali sem blaðið
ræddi við að Haukur hefði hringt inn lyfseð-
il þar sem tilgreind voru lyf sem hann hefur
rétt til að vísa á. Jafnframt tilkynnti Haukur
að Ólafur Ólafsson myndi hringja inn annan
lyfseðil handa sama sjúklingi. Þetta gerði
Ólafur og var þá um að ræða lyf sem Hauk-
ur má ekki vísa á.
íhinu tilvikinu sem HP hefur haft spurnir
af var Haukur sagður hafa hringt inn lyfseð-
il og tilkynnt að Ólafur myndi hringja
skömmu síðar til að staðfesta að nota
mætti sitt læknisnúmer.
Ólafur Ólafsson segir fráleitt að hann hafi
„lánað“ Hauki læknanúmer sitt á þennan
hátt. Hann segir það aftur á móti hafa kom-
ið fyrir einstöku sinnum að hann hafi skrif-
að út lyfseðla á lyf sem Haukur hefur ekki
heimild til að vísa á. „Þegar það hefur gerst
hefur í öllum tilvikum verið um að ræða
sjúklinga sem ég þekkti sjálfur." Ólafur seg-
ir það fullkomlega heimilt samkvæmt lög-
um að menn leiti til „kollega" varðandi sjúk-
linga sem báðir þekki. „Það hefur eitthvað
smávegis verið um þetta," sagði hann. „í
iangflestum tilvikum hefur þá verið um að
ræða sjúklinga, gjarna eldra fólk, sem um
Iengri tíma hafa tekið svefnlyf í smáum
skömmtum.“
Virðisaukaskattsmál forsetaframbjóðenda:
FjáHaganefhd
o g Smdra
ber ekki saman
Sindri Sindrason kveðst
aldrei hafa farið fram á það við
fjárlaganefnd Alþingis að fá
endurgreiddan virðisauka-
skatt vegna framboðs Péturs
Hafstein. Gögn frá fjárlaga-
nefnd Alþingis sýna að Sindri
gekk á fund starfshóps nefnd-
arinnar þann 15. október í
haust ásamt Elínu Þ. Þor-
steinsdóttur og Sigurði G.
Guðjónssyni, fulltrúum Guð-
rúnar Agnarsdóttur og Ólafs
Ragnars Grímssonar. Saman
óskuðu þau eftir að á fjárlög-
um yrði veittur styrkur til
framboðanna og á minnisblöð-
um nefndarmanna kemur fram
að þau hafi talið eðlilegast að
virðisaukaskatturinn yrði
greiddur til baka í einhverju
formi.
Sindri Sindrason hefur að
undanförnu ítrekað neitað því
í fjölmiðlum að sótt hafi verið
um endurgreiðslu virðisauka-
skatts vegna framboðs Péturs
Hafstein.
í handskrifuðum gögnum
sem Helgarpósturinn hefur
undir höndum og komin eru
frá fjárlaganefnd Alþingis,
kemur skýrt fram að forsvars-
menn framboðanna gengu
upphaflega á fund starfshóps
nefndarinnar 15. október í
haust. Þar voru á ferð Sindri
Sindrason, Elín Þ. Þorsteins-
dóttir og Sigurður G. Guðjóns-
son.
í handskrifuðum minnis-
punktum frá þessum fundi er
erindi þremenninganna skil-
greint orðrétt sem „endurgr.
vsk.“. Þar segir einnig að
skuldir framboðanna séu veru-
legar og fulltrúar þeirra fari
fram á að styrkur verði veittur
til þeirra eins og annarrar
stjórnmálastarfsemi. Haft er
eftir fulltrúum framboðanna
að virðisaukaskattur hafi verið
greiddur af starfseminni og því
liggi beint við að endurgreiða
hana í einhverju formi.
í þessum minnispunktum
kemur ennfremur fram það álit
Sindra Sindrasonar að rétt sé
að sama upphæð renni í hlut
allra framboðanna. Elín Þ. Þor-
steinsdóttir er sögð sammála
Sindra í þessu efni.
Á þessu sama minnisblaði
kemur fram að óskað hafi ver-
ið eftir skriflegu erindi frá full-
trúum framboðanna. Þetta er-
indi barst fjárlaganefnd Alþing-
is allnokkru síðar. Það er dag-
sett 5. nóvember og þar kveð-
ur við allt annan tón. Hvergi er
minnst á virðisaukaskatt held-
ur talað um greiðslu allt að 35
milljónum samtals til allra
frambjóðenda, annars vegar
jafna fjárhæð til að standa
straum af útgáfukostnaði, hins
vegar yrði styrknum skipti í
samræmi við atkvæðahlutfall.
Sindri Sindrason segir um
þetta misræmi að þótt hug-
myndir um endurgreiðslu á
virðisaukaskatti hafi á sínum
tíma verið viðraðar af for-
svarsmönnum framboðs Guð-
rúnar Agnarsdóttur, þá hafi
sér aldrei dottið í hug að til
greina kæmi að virðisauka-
skatturinn yrði endurgreiddur.
Sindri segir einnig að hann geti
ekki talist ábyrgur fyrir óform-
legum minnispunktum fjár-
laganefndarmanna. Hið form-
lega erindi hafi verið sent fjár-
laganefnd 5. nóvember og þar
sé hvergi talað um endur-
greiðslu á virðisaukaskatti
heldur styrk á svipuðum for-
sendum og stjórnmálaflokk-
arnir eru styrktir.
[
Húsbréf
Utdráttur
húsbréfa
Nú hefur farið fram útdráttur húsbréfa
í eftirtöldum flokkum:
1. flokki 1989 - 26. útdráttur
1. flokki 1990 - 23. útdráttur
2. flokki 1990 - 22. útdráttur
2. flokki 1991 - 20. útdráttur
3. flokki 1992 - 15. útdráttur
2. flokki 1993 - 11. útdráttur
2. flokki 1994 - 8. útdráttur
3. flokki 1994 - 7. útdráttur
Koma þessi bréf til innlausnar 15. maí 1997.
Öll númerin verða birt í næsta Lögbirtingablaði.
Auk þess eru númer úr fjórum fyrsttöldu flokkunum
hér að ofan birt í Morgunblaðinu föstudaginn
7. mars. Upplýsingar um útdregin húsbréf liggja
frammi í Húsnæðisstofnun ríkisins, á
Húsnæðisskrifstofunni á Akureyri, í bönkum,
sparisjóðum og verðbréfafyrirtækjum.
cSd húsnæðisstofnun ríkisins
HÚSBRÉFADEILD • SUÐURLANDSBRAUT 24 • 108 REYKJAVlK • SlMI 569 690
Ósigur réttflætisins
í Hæstarétti
- segir Hreinn Loftsson um úrskurð í vanhæfismáli Péturs Kr. Hafstein
Hæstiréttur sló skjaldborg
um Pétur Kr. Hafstein
þegar dómurinn úrskurðaði í
kærumáli Hreins Loftssonar,
lögmanns Vífilfells. Hreinn
krafðist endurupptöku á
hæstaréttarmáli Vífilfells hf.
gegn Gjaldheimtunni, sem
Vífilfell tapaði og þurfti að
greiða ríkissjóði á þriðja
hundrað milíjónir. Hreinn
færði rök fyrir því að Pétur
Kr. Hafstein væri vanhæfur til
að dæma í máli Vífilfells hf. en
starfsbræður Péturs voru á
öðru máli og höfnuðu kröfu
Hreins.
Forsetaframboð Péturs Kr.
Hafstein fór ítrekað fram á
fjárhagslegan stuðning frá
Vífilfelli í kosningabaráttunni
síðastliðið sumar en fékk neit-
un í flestum tilfellum. Pétur
Kr. Hafstein hefur í verki við-
urkennt að kosningabaráttan
litar sjónarmið hans sem
hæstaréttardómara. Hann
vék úr dómarasæti þegar
Hæstiréttur fjallaði um
skattamál eins stuðnings-
manna hans, Magnúsar
Hreggviðssonar, forstjóra
tímaritaútgáfunnar Fróða hf.
Þrátt fyrir þetta fordæmi tel-
ur Hæstiréttur í úrskurði sín-
um að ekki sé ástæða til að
ætla að Pétri hafi verið kunn-
ugt um það hvert stuðnings-
menn hans leituðu og hvaða
viðtökur þeir fengu.
Hreinn bendir á að það sé
nánast útilokað að færa sönn-
ur á hlutdrægni dómara því
að um er að ræða huglæga af-
stöðu hans. Þess vegna verð-
ur að spyrja um almennt
traust á dómstólum og gera
kröfur til að ekki sé hægt frá
sjónarmiði hlutlauss aðila að
efast um óhlutdrægni þeirra.
Hagsmunir almennings
eiga ao vega þyngra en
domarans
„Ekki er rétt að skoða málið
einvörðungu út frá hagsmun-
um Péturs Kr. Hafstein," skrif-
ar Hreinn í greinargerð vegna
úrskurðar Hæstaréttar.
„Skoða ber málið út frá sjón-
armiðum réttaröryggis og
trausts borgaranna gagnvart
dómstólum. Með því að taka
þátt í forsetakosningunum
gerði Pétur Kr. Hafstein sig
þátttakanda í þjóðfélagslegri
hringiðu, sem fylgir framboði
til forseta. Forsetakosningar
eru í eðli sínu persónukosn-
Hreinn: Almennt traust almenn-
ings til Hæstaréttar skiptir meira
máli en hagsmunir Péturs Kr.
Hafstein.
ingar þar sem kjósendur
skipa sér í fylkingar um ein-
staka frambjóðendur og lýsa
margir opinberlega afstöðu
sinni til persónu og fram-
boðs. Þar með verða slíkir að-
ilar að tjá sig um persónuna
Pétur Kr. Hafstein, ýmist með
eða á móti. Það gengur ein-
faldlega ekki upp að fram-
bjóðandi taki sæti í Hæsta-
rétti íslands, eins og ekkert
hafi í skorist, þegar litið er til
allra þeirra yfirlýsinga, vin-
áttutengsla og andúðar, lof-
orða og afneitana, sem óhjá-
kvæmilega fylgja framboðinu.
Hér verður að líta til sjónar-
miða almenns trausts gagn-
vart Hæstarétti íslands, en
ekki til huglægrar afstöðu
Péturs Kr. Hafstein í einstaka
málum. Hagsmunir almenn-
ings vega hér þyngra en hags-
munir dómarans."
Með úrskurði Hæstaréttar
um að Pétur Kr. Hafstein sé
ekki vanhæfur „hefur réttlæt-
ið beðið ósigur", skrifar
Hreinn í greinargerðinni, sem
verður birt opinberlega
næstu daga.
í samtali við HP sagði
Hreinn ekki ákveðið hvort far-
ið verður með málið fyrir
Mannréttindanefndina í
Strassborg, en það er eina úr-
ræðið sem eftir stendur.
Fjölmiðlar hafa lítið sinnt
umræðunni um vanhæfi Pét-
urs Kr. Hafstein og þar með
óbeint tekið undir það sjónar-
mið að málið sé ekki mikil-
vægt fyrir réttarfarið í land-
inu.
„Þetta er samsæri þagnar-
innar,“ segir Hreinn.