Alþýðublaðið - 13.07.1973, Blaðsíða 4
Óhrjálegt umhverfi fjögurra fyrirtækja í Kópavogi
Við Fifuhvammsveg i Kópavogi
eru ein fjögur fyrirtæki, sem
varla er i frásögu fairandi, ef
ekki færu i kringum þessi
fyrirtæki hvilik ógrynni af
drasli og alls kyns viðbjóði, að
vart verður með orðum lýst,
eins og þeir geta gert sér i
hugarlund, sem hafa orðið fyrir
þeirri reynslu að sjá slika staði.
Siðast i röðinni, séð frá
Hafnarf jarðarveginum er
vinnsluhús útgerðarfélagsins
Barðans. Satt bezt að segja
hefði mátthalda að umgengnin i
kringum frystihús yrði að vera
betri, en þarna var. Svæðið i
kringum húsin er eitt moldar-
flag, sundurgrafið á köflum.
Frárennsli úr vinnusal og frá
vélum var allt ofanjarðar, eins
og sjá má, þegar gengið er
norður fyrir vinnsluhúsið. Staf-
ar af þessu alls kyns sóða-
skapur, þarna er til dæmis eitt-
hvað af mávum, sem bera
W
eflaust óþverrann með sér inn
yfirKópavogskaupstað. A svæði
vinnsluhússins er að auki þetta
venjulega drasl, sem „prýðir”
umhverfi svo margra
fyrirtækja, eins og spýtnabrak
og kofaskrifli. Þá höfum við
fyrir satt að ekki hafi verið lagt
klóak þarna upp eftir, heldur sé
notast við rotþró. Það skal tekið
fram að allt virtist vera mjög
hreinlegt innandyra.
Næsta fyrirtæki við Barðann
heitir Vibro og selur plastein-
angrun og byggingavörur, að
þvi er lesa mátti á skilti
fyrirtækisins. Þar úir og grúir
af allskyns drasli, svo sem
spýtnabraki, vélahlutum og
bárujárnsplötum, ónýtum að
þvi er virtist.
Enn þá verra er ástandið við
steypustöð Verks h/f, þar liggja
kynstrin öll af véla-, krana- og
dekkjarusli á rúi og stúi útum
allt svæðið. Það yrði ef til vill
næsta stuttur listi, ef skráð yröi
hvað ekki er þar fyrir utan i
óhirðu.
Siðasta fyrirtækið, sem við
litum á á þessu svæði. var
Fjölvirkinn h/f, það fyrirtæki
hafði þann mikla kost fram yfir
Verk h/f, að rauðamöl hefur
verið sett undir ósómann og að
þvi er virðist er verið að setja
upp girðingu þar.Annarsvirðast
þeir ekki gefa Verk h/f mikið
eftir i fjölbreytninni.
I tilefni af þessu hafði blaðið
samband við verkfræðing hjá
Reykjavikurborg. Hann tjáði
okkur, að eigendum þessara
ruslahauga væri það yfirleitt
sameiginlegt að halda þvi fram
að i ósómanum lægju mikil
verðmæti. Téður verkfræðingur
kvað það af og frá, hann sagði
að ef reikna ætti út verðmæti i
þessu viðar svaraði varla
kostnaði að hreinsa draslíð
burtu.
EKKERT KLOAK - EN NOTAZT VIÐ ROTÞRO
O
Föstudagur 13. júlí 1973.