Vísir - 21.04.1975, Qupperneq 17

Vísir. Mánudagur 21. april 1975.
17

Segja má, að i flestum þeim
löndum, sem hneppt voru i
fjötra' hins kommúnistiska
kerfis eftir heimsstyrjöldina
hafi bændaflokkar þar verið
notaðir, til þess að „klifra upp
eftir bakinu á”, ef svo mætti
segja, til að ná völdum. Þannig
urðu bændaflokkar þeir, sem
fyrir voru i Póllandi, Rúmeniu
og Ungverjalandi til þess, beint
og óbeint, vegna veikrar forystu
og undanlátssemi við kommún-
ista og þrýsting Rússa, að lönd
þessi voru innlimuð af Sovét-
rikjunum og siðan stjórnað
þaðan. Leiðtogar bændaflokk-
anna voru siðan fangelsaðir,
eða þá, að þeir flúðu land.
Þaðhefur nú komið æ betur i
ljós, einkum á siðustu mánuð-
um, að Sovétrikin ætla sér ekki
skarðari hlut i utanrikisstefnu
sinni en þann, að ná fótfestu á
samstarfsgrundvelli Norður-
landa.
Þetta er afleiðing þeirra mis-
heppnuðu tilrauna til betri fót-
festu i Mið- og Suður-Evrópu á
undanförnum árum, þar sem
flett hefur verið ofan af njósnum
þeirra og annarri undirbúnings-
starfsemi æ ofan i æ (sbr.
njósnamálið i Vestur-Þýzka-
landi, þegar upp komst um
njósnarann Guillaume, og fleiri
slik mál).
Lengi hafa Sovétrikin átt itök
I framgangi mála i Finnlandi,
einkum á menningar- og félags-
sviðinu, og er skemmst að
minnast ákvörðunar finnskra
stjómvalda um að banna útgáfu
siðasta ritverks Solzhenitsyns,
sem lýsir lifi og aðbúnaði i
sovézkum þrælkunarbúðum.
Þá munu Sovétrikin ekki lita
óhýrari augum til annarra
Norðurlanda,og eru Noregur og
tsland þar ofarlega á blaði
vegna bandalags þeirra við
NATO og aðstöðu þeirrar, sem
það bandalag, varnarbandalag
vestrænna rikja, hefur i þessum
löndum.
Og þannig hafa Sovétrikin nú
fengið aðstöðu hér á landi, til
þess að reka fréttastofu, sem
einnig er þekkt fyrir áróðurs- og
njósnastarfsemi. Eru þegar
farnar að berast „frétta-
skýringar” frá henni til
birtingar hérlendis, og eiga þær
greiðan aðgang að vissum fjöl-
miðlum hér, þ.á.m. hinu
grunnhyggna málgagni bænda,
Timanum, sem þykir sennilega
fara vel á þvi' að birta frétta-
tilkynningar frá „Novosti” um,
að Sovétmenn vænti
verðskuldaðs mats á hlutverki
og stöðu lands sins i samstarfi
rikja Norður-Evrópu á sama
tima og utanrikisráðherra Is-
lands er i heimsókn i Moskvu.
Þrýstingur um að skapa félags-
skapnum MIR (Menningar-
tengsl Islands og Ráðstjórnar-
rlkjanna) ákveðna sérstöðu hef-
ur einnig vakið nokkra furðu,
þar sem slik sérstaða hefði
skipað þessum félögum ofar á
bekk, hvað aðstöðu varðar, um-
fram önnur félög, ef af hefði
oröið. — Hafnaði menntamála-
ráðuneytið að sjálfsögðu slfkri
ósk.
Eftir þá herleiðingu og þau
samskipti, sem hinn næst-
stærsti lýðræðisflokkur hér á
landi hefur átt við kommúnista
með setu i rikisstjórn, og jafn-
framt þvi sem hið illa blóð hef-
ur nú verið út úr þeim flokki
rekið, sem þar var áður, mun
varla þurfa að óttast, að hann
verði fyrstur lýðræðisafla á
Norðurlöndum, til þess að taka
upp þráðinn, þar sem hlutverki
hinna ógæfusömu bændaflokka i
Austur-Evrópu lauk.
37 starfa
við teiknun
í Félagi islenzkra teiknara eru
nú 37 félagar, engir nýir bættust
viö á siðasta starfsári, en siðasti
aðalfundur samþykkti inngöngu
félagsins Listiðnar I FÍT, sem
einnar heildar. Guðjón Eggerts-
son er formaður FÍT, Sigurður
örn Brynjólfsson, ritari, Fanney
Valgarðsdóttir, gjaldkeri, og
Hjálmtýr Heiðdal og Ottó ölafs-
son meðstjórnendur.
Dýru ársskýrslurnar
Talsvert hefur boriö á góma aö
undanförnu i öllu auraleysi hins
opinbera, að óþarflega mikið sé
borið i ársskýrslur ýmissa stofn-
ana. í Alþýðumanninum á Akur-
eyri segir, að áætlað sé, að árs-
skýrslur Rafmagnsveitu Akur-
eyrar fyrir 1973 og 1974 muni
kosta 800 þúsund krónur, enda
fagurlega skreytt litmynd á for-
siðu. „Annars hefði maður haldið,
að það færi bezt á þvi, aö forsiðan
yrði svört”, segir fréttamaður
AM, og á þar við að oft hafi vant-
að upp á kilówattstundirnar þar
nyrðra og allt verið I svarta-
myrkri.
Sögusýning í Varsjó
Þessi ungmenni eru að skoða „sögusýningu”, sem sett var upp í
Varsjá I tilefni ellefu aldar byggðar á tslandi og 30 ára afmælis lýð-
veldis Islands. Sýningin var skipulögðaf þjóðfræðasafni Varsjárborgar
og pdl«k-islenzka menningarfélaginu I Póllandi. Þjóðminjasafniö hér I
Reykjavik og utanrikis- og menntamálaráðuneyti okkar veittu ýmsa
aðstoð. Sýningin var fjölsótt og þótti takast meö afbrigöum vel, segir í
fréttatilkynningu frá íslenzk-pólska menningarféiaginu i Reykjavik.
Lögmenn og hinir
auralausu
Geta blankir menn leitað lög-
fræðiaðstoðar? Oft hefur orðið
vart erfiðleika á þvi. Nokkrar
umræður urðu um þetta mál á
aðalfundi Lögmannafélags ís-
lands á dögunum. Aðstoð af þessu
tagi hefur hlotið viðurkenningu
annars staðar á Norðurlöndum
undir nafninu Social-Retshjælp.
Vill Lögmannafélagið vinna að
þvi, að samskonar hjálp verði
komið á fót hér. Þá var á fundin-
um gerð breyting á siðareglum
lögmanna á þá leið, að sé fast-
eignasala rekin á ábyrgð lög-
manns, sé honum rétt og skylt að
láta nafns sins getið á skjölum og
i auglýsingum þeirrar fasteigna-
sölu, sem hann ber ábyrgð á. Páll
S. Pálsson var endurkjörinn for-
maður, en auk hans eru I stjórn
Ragnar Aðalsteinsson, vara-
form., Guðjón Steingrimsson,
gjaldkeri, Brynjólfur Kjartans-
son, ritari og Jón Finnsson, meö-
stjórnandi.
Lagfæringar
trassaðar, —
húsið brann
Eldvarnaeftirlitið hafði skoðað
kyndiklefann á siðasta hausti,
endurbóta var þörf. Þvi miður
trössuðu húseigendur að gera
endurbæturnar. Þetta var I hús-
inu við Strandgötu á Akureyri,
sem brann i vikunni. Eldurinn
kom upp i miðstöðvarklefa og
ekki ótrúlegt að þarna hafi verð-
mæti farið i súginn fyrir trassa-
skap einberan.
Guðfræðinemar
gegn frjálsum
fóstureyðingum
Guðfræöinemar eru gegn
frjálsum fóstureyöingum. Aðal-
fundur Félags guðfræðinema við
Háskóla íslands haldinn i vik-
unni, lýsti fullri andstöðu sinni við
slikt og beindi þeirri áskorun til
Alþingis að það samþykki enga
þá breytingu á löggjöí um fóstur-
eyðingarsem feli i sér.að móöir
geti haft ótakmarkaðan
ákvörðunarrétt um örlög fósturs
sins. Með sliku væri tilveruréttur
fóstursins einskis virtur og kon-
unni gefið óskert vald yfir lifi og
dauða, „vald, sem er i þversögn
við náttúrlegan tilgang lifsins og
boðskap kristinnar trúar.”
EINKAUMBOÐ
FYRIR
GENERAL MOTORS
Á ÍSLANDI
SAMBAND ISLENZKRA SAMVINNUFELAGA
@Véladeild
ádiiiii a 'i dcvi/ iav/íw cihiii OQonn
ARMULA 3 REYKJAVIK, SIMI 38900
Bestur þegar mest á reynir
í höröustu hríöarveörum fer Blazer í
gang á fyrsta snúningi og brýst yfir skafla,
svell og hjarn án teljandi fyrirhafnar.
í vorleysingum og haustrigningum
öslar hann flaum og foræði, þegar færö
versnar og vegir teppast.
Á sumrin er Blazer besti ferðafélaginn
á fáförnustu slóðum óbyggöanna, á fundi
viö ævintýrin, kyrrðina og fegurö fjallanna.
Glæsilegt útlit og vandaöur innri
búnaöur. V8 vél og sjálfskipting, vökva-
stýri og aflhemlar, sjálfvirkur fjórhjóla
driflás, rúmgóö yfirbygging og sérlega
vel hannaöur undirvagn gera Blazer
frábæran ferðabíl.
CHEVROLET BLAZER
ER BESTUR ÞEGAR MEST Á REYNIR.