Vísir - 26.06.1975, Blaðsíða 6

6
Vísir. Fimmtudagur 26. júnl 1975.
visir
Ctgefandi:'
Framkvæmdastjóri:
Ritstjóri:
Fréttastjóri:
Rits tjórna rf ulltrúi:.
Auglýsingastjóri:
Auglýsingar:
Afgreiösla:
Ritstjórn:
Reykjaprent hf.
Sveinn R. Eyjóifsson
Jónas Kristjánsson
Jón Birgir Pétursson
Haukur Helgason
Skúli G. Jóhannesson
Hverfisgötu 44. Simar 11660 86611
Hverfisgötu 44. Simi 86611
SfOumúla 14. Simi 86611. 7 linur
Askriftargjald 700 kr. á mánuði innanlands.
i lausasölu 40 kr.eiptakiO. BlaOaprent hf.
Tuffugu króna kjötið
og fleiri ævintýri
Undanrenna er orðin dýrari en mjólk hér á
landi. Þessu veldur siðasta skrefið i niður-
greiðsluvitleysunni, sem stigið var til að liðka
fyrir kjarasamningum Alþýðusambandsins um
daginn.
Mjólkurlitrinn kostar i rauninni 72 krónur, en
þar af eru greiddar niður 39 krónur, sem neytend-
ur greiða siðan i formi skatta. Yfir búðarborðið
kostar mjólkurlitrinn þvi ekki nema 33 krónur,
meðan litrinn af undanrennu kostar 34 krónur.
Með sama áframhaldi verður smjörlikið senn
dýrara en smjörið og fiskurinn dýrari en kjötið.
Verðsamræmið i matvælum er rokið út i veður og
vind.
Hringleikahús niðurgreiðslna og útflutnings-
uppbóta fékk á sig óvenju skoplega mynd um dag-
inn, þegar þvi var ljóstrað upp, að nautakjöt, sem
selt er i heildsölu innanlands á 330-380 krónur
kilóið, er selt á sama tima til útlanda á 20-40 krón-
ur kilóið.
Dilkakjötið er greitt niður um hér um bil helm-
ing eins og mjólkin. Sú niðurgreiðsla hefur leitt til
þess, að annað kjöt, svo sem nautakjöt, selzt illa.
Það er þvi flutt til útlanda með þeim hætti, að is-
lenzka rikið borgar 310-340 krónur með hverju
kilói, sem útlendingar snæða.
Þetta hringleikahús kostar rikið sex til sjö
milljarða króna i ár. Niðurgreiðslur landbúnað-
arafurða eru eftir nýjustu hækkun komnar upp
undir fimm milljarða.Og útflutningsuppbætur á
landbúnaðarafurðum eru komnar upp undir
hálfaniannan milljarð.
Samkvæmt fullyrðingum forvigismanna land-
búnaðarins eru niðurgreiðslur ekki fyrir bændur,
heldur neytendur. Samt er ljóst, að formið á nið-
urgreiðslunum er neytendum ekki til hagsbóta.
Af hverju er dilkakjöt greitt niður en ekki fisk-
ur? Af hverju er smjör greitt niður en ekki smjör-
liki? Af hverju er mjólk greidd niður en ekki á-
vextir?
Staðreyndin er sú, að það kæmi sér betur fyrir
neytendur, að fimm milljarðarnir væru notaðir
til almennrar niðurgreiðslu á öllum algengum
neyzluvörum eða hreinlega til greiðslu fjöl-
skyldubóta.
Alþýðusamband Islands gætir ekki hagsmuna
neytenda, þegar það knýr fram auknar niður-
greiðslur á nokkrum landbúnaðarafurðum. Ef
forustumenn þess væru minna uppteknir af visi-
töluleik og þekktu betur af eigin raun vandamál
barnmargra f jölskyldna, mundu þeir reyna að fá
niðurgreiðslunum breytt i fjölskyldubætur.
Fimm milljarðar eru mikið fé. Ef þvi væri skipt
jafnt niður á landsmenn, mundu 100.000 krónur
koma árlega I hlut hverrar fjögurra manna eða
tveggja barna fjölskyldu. Ætli þessar fjölskyldur
og hvað þá hinar barnfleiri vildu ekki geta valið
um að kaupa fisk, smjörliki, ávexti eða eitthvað
annað fyrir þessa peninga I stað kjöts, mjólkur og
smjörs?
Þegar undanrennan er orðin dýrari en mjólk og
þegar 330-380 króna kjöt er flutt út á 20-40 krónur,
er kominn timi til að fá úr þvi skorið, hvort við
lifum i hringleikahúsi eða alvöruþjóðfélagi. Það
er ekki nóg að segja: Hingað og ekki lengra, —
heldur verður að afnema vitleysuna.
—JK

Idi Amin er morð-
óður og
nautheimskt
fúlmenni
Idi Amin, forseti Ug-
anda er að verða einn af
þekktustu þjóðarleiðtog-
um i heimi. í dag biða
menn spenntir eftir þvi
hvað hann geri við Denis
Hills, 61 árs gamlan
brezkan sagnfræðing,
sem hefur verið dæmdur
til dauða fyrir landráð,
vegna þess að hann kall-
aði Amin ofstopamann i
bók sem hann er að
skrifa.
A undanförnum mánuðum hafa
menn brosað að kjánalegum
duttlungum hans. Sérstaklega
eru furðuleg skeyti sem hann af
og til sendir öðrum þjóðarleiðtog-
um, skemmtiefni.
Morðótt fúlmenni
Hins vegar hefur furðu litið
verið um það rætt eða ritað
hvemig maðurinn hegðar sér i
sinu heimalandi. öðru hvoru hafa
borizt sögur af illvirkjum, en það
er eins og þær hjaðni niður. Það
virðist þó vera full ástæða til að
veita þeim athygli, ekki siður en
broslegu skeytunum.
Amin er einræðisherra sem
virðist hafa komið á algerri ógn-
arstjórn iUganda. Þeir eruorðnir
yfir hundrað þúsund sem hann
hefur látið myrða, fangelsa og
pynta. Flóttamaður frá Uganda
lýsti honum sem morðóðu, illa
læsu og nautheimsku fúlmenni.
80-90 þúsund myrt
Með fiflalátum sinum hefur
honum furðulega lengi tekizt að
fela það sem i raun er að gerast i
landinu. Það veröur liklega aldrei
vitað með vissu hve marga hann
hefur látið myrða siðan hann
hrifsaði völdin frá dr. Milton
Obote.
Einn af fyrrverandi ráðherrum
Amins, sem flýði land árið 1971
sagði I bréfi til leiðtoga annarra
Afrikurikja að á fyrstu 24 mánuð-
um valdatimabils Amins, hafi
hann látið myrða 80-90 þúsund
manns.
Hann lét fremja fjöldamorð á
þeim ættbálkum sem hann óttað-
ist mest að gætu tekið af sér völd-
in, Acholium og Langiernum.
Jafnframt sótti hann sér hermenn
I ættir Lugbara og Kakwa. Obote
tilheyrði fyrrnefndu ættbálkunum
en Amin þeim siðari.
Heimskur
aðstoðarkokkur
Amin kom sér ágætlega þegar
hann árið 1946 var aðstoðarkokk-
ur I fjórðu herdeild hinnar afrísku
rifflasveitar konungsins. Hann
var vinnuglaður, kurteis og
hreykinn af herdeild sinni. Yfir-
mennimir kunnu ágætlega við
hann og hann var eins og hvirfil-
bylur á rugbyvellinum.
Hann var að visu ekkert sérlega
vel gefinn, en það var heldur ekki
taiið nauðsynlegt. A endanum
vann hann sig upp i að verða liðs-
foringi, en hann var meira þekkt-
ur fyrir hrottaskap en hugrekki,
eins og sjá má á gælunafni hans
„Dada” er swahili og þýðir syst-
ir.
Ógnarástand
um allt land
En Amin sýndi hvorki systur -
né bróðurkærleik gagnvart þeim
sem hann hélt að á einhvern hátt
gætu orðið sér óþarfir. Hann lét
miskunnarlaust pynda og myrða
fólk unnvörpum. Konur sem höfn-
uðu honum hlutu hræðileg örlög.
Engum þýöir að reyna að tala
um fyrir honum. Hann telur sig

vera i beinu sambandi við Guð,
enda var það eftir einkaviðtal við
hann, að Amin tók ákvörðun um
að visa Ur landi 80 þUsund mönn-
um af asisku bergi brotnum, sem
höfðu brezk vegabréf. NU krefst
hann þess að þeir Asiumannanna,
sem fengu hæli i Bretlandi, verði
reknir þaðan aftur, annars láti
hann taka Hills af lifi.
Kann ekki að skrifa
Fyrrnefndur ráðherra hafði
meira að segja um Amin: „Hann
er óforbetranlegur lygari, án
nokkurrar siðferðisvitundar.
Honum er nær ómögulegt að sitja
á skrifstofu sinni heilan dag
samfleytt. Hann getur ekki ein-
beitt sér að alvarlegu málefni i
svo mikið sem tvær klukkustund-
ir. Hann les ekki og kann ekki að
skrifa. Það gerir honum ókleift að
fylgjast með þeim skýrslum sem
embættismenn hans semja. Hann
stjórnar landinu eftir munnlegum
skýrslum frá mönnum Ur örygg-
issveitum hersins, sem eru ólæsir
og á svipuðu gáfnastigi og hann
sjálfur. Hin ómælanlega fávizka
hans hefur orðið þess valdandi að
hann hatar menntun og alla sem
eru menntaðir.
Landið gjaldþrota
Með tilliti til þessa er það engin
furða að landið skuli vera gjald-
þrota. Amin veit minna en ekkert
um efnahags- og fjármálastjórn.
Efnahagskerfið er þvi nánast i
rUst og skipulagsleysi i verzlun-
armálum er algert.
Mikill skortur er á algengustu
nauðsynjavörum og fjöldi manns
sveltur. Talið er að ein ástæðan
fyrir þvi að Amin lét dæma Hills
til dauða sé sU að hann ætli að
nota sagnfræðinginn til að kUga
efnahagsaðstoð Ut Ur Bretum.
Hvort það tekst, kemur i ljós á
næstu dögum.
IM
V ■
Umsjón: Oli Tynes