Vísir - 22.09.1975, Page 20

VÍSIR
Mánudagur 22. september 1975.
Akureyringum
vissara að
taka fram
kuldaskóna
Ekki vildi Guðmundur Haf-
steinsson veðurfræðingur vera
neitt bjartsýnn á að vcðrið lagð-
aðist að ráði næsta sólarhring-
inn.
Við hérna á suðvesturhorninu
verðum verst úti, svo sem
endranær i sumar, og leyfum
þeim raunar að vera með, sem á
vesturhelmingi landsins búa.
Áttin er suðaustlæg. Kári er
ekki i góðu skapi. Blæs 6 vind-
stigum og sums staðar jafnvel 7
til 8 vindstigum.
Eftir þvi sem liður á daginn
verður svipað veður um land
allt, en heldur verður þó minni
rigning og sums staðar aðeins
skúrir. Attin verður suðvestlæg
seinni partinn.
Töluvert hefur snjóað i fjöll
fyrir norðan og Akureyringum
er vissara að taka fram kulda-
skóna. Þar snjóaði klukkan 6 i
morgun. EVI
Hnútur tók
út björgun-
orbót
Stóra björgunarbátinn tók út
af togaranum Bjarna Bene-
diktssyni þegar hann fékk á sig
hnút við austurströnd Græn-
lands i siðustu viku. Engan af á-
höfninni sakaði. Skipið var að
„slóa" i vondu veðri, þegar
þetta gerðist. Nóg er eftir af
hjörgunartækjum á skipinu og
túrnum verður þvi lokið-eins og
ekkert hafi i skorist.
—ÓT
Stærri myndin er af húsvarðar-
hjónunum i Miðbæjarskólanum
þar sem þau virða fyrir sér
„ómenninguna”, cn litla mynd-
in er af ijóðunum og úrklippu úr
Visi i anddyri Háskólans.
Ljósm. Einar.
— Þetta er ómenning
—, sagði Eyjólfur Jóns-
son, húsvörður i Mið-
bæjarskólanum, þegar
hann hafði virt fyrir sér
upplimd ljóð Baldurs
Guðmundssonar á vegg
skólans.
— Ljóðin eru menning og það
er greinin lika —, sagði hann
ennfremur, — en það er hrein
ómenning að klina þessu upp
um veggi á þennan hátt. Skáld
eiga að koma verkum sinu á
framfæri á annan hátt en þenn-
an og þetta verður þvegið af
strax i fyrramálið. —
Tilefni þessara orða Eyjólfs
voru blöð, sem limd höfðu verið
á útvegg Miðbæjarskólans. A
blöðin voru handrituð ljóð eftir
Baldur Guðmundsson, sem mun
vera háskólastúdent. Jafnframt
voru límdar upp úrklippur úr
Vísi, sem gefið höfðu skáldinu
Sótti innblóstur
í grein úr Vísi
— og límdi Ijóðin uppá veggi
innblástur til ljóðagerðarinnar.
Var þaö grein Guðmundar
Péturssonar um þrælahald nú-
timans, sem hafði þessi áhrif.
Verk sin límdi skáldið einnig
upp á gler við anddyri Háskól-
ans, en meginhluti þeirra var á
Miðbæjarskólanum.
—HV
Vöruskiptajöfnuðurinn óhag-
stœður um 16 milljarða króna
Helmingi meira í krónutölu en í fyrra, en kemur ekki a ovart
Fyrstu átta mánuði þessa árs
var vöruskiptajöfnuður Islend-
ingaóhagstæður um 16 og hálfan
milljarð króna, sem er nærri
helmingi hærri upphæð en á sama
tima i fyrra. — Islendingar fluttu
út afurðir sinar fyrir liðlega 30,5
milljarða króna, en innflutning-
urinn nam 47 milljörðum.
Stórir þættir i innflutningi voru
skip fyrir 3,6 milljarða og inn-
flutningur til islenska álfélagsins
nam rúmum 5 milljörðum, en fé-
lagið flutti út fyrir tvo og hálfan
milljarð.
Þessar tölur koma stjórnend-
um peningastofnana og við-
skiptamála ekki á óvart. Við-
skiptahalli i ágúst upp á tæpan
1,3 milljarð, er svipaður þvi sem
verið hefur hina mánuði ársins.
Gengisíellingin i vor hefur tals-
verð áhrif til hækkunar vöru-
skiptajafnaðarins i krónutölu.
Útflutningur á áli hefur
minnkað um helming á þessu
ári. Það sem af er árinu hefur ál
verið flutt út fyrir tvo og hálfan
milljarð. Inn til álverksmiðj-
unnar hefur verið flutt fyrir
fimm milljarða. Þetta hefur
talsvert truflandi áhrif á heild-
artölur um vöruskiptajöfnuð.
Hins vegar stendur verzlunin
með ál utan hins venjulega út-
flutnings- og innflutningskerfis,
þannig að peningaleg áhrif
hennar eru litil.
AG/ÓH
„LÍZT VEL Á AÐ
KOMA HEIM, EFTIR
15 ÁRA FJARVERU"
— segir Henrik Sv. Björnsson, sendiherra, sem tekur við stöðu
róðuneytisstjóra utanríkisróðuneytis í janúar n.k.
— Mér lizt ágætlega á að
flytjast heim, eftir um fimmtán
ára búsetu erlendis, sagöi
Henrik Sv. Björnsson, sendi-
herra, i viðtaii við VIsi, cn hann
mun flytjast heim i janúar á
næsta ári og taka við embætti
ráðuncytisstjóra i utanrikis-
ráðuneytinu.
Henrik hefur verið sendiherra
tslands i Paris siðastliðin tiu ár,
en var áður sendiherra i Lond-
on.
— Við höfum að visu alltaf
komið reglulega heim og haldið
góðu sambandi, sagði Henrik
ennfremúr, — en það er alltaf
gaman að flytja til lslands.
Keyndar er einnig ánægjulegt
að starfa erlendis og það er
margt i starfi sendiherra, sem
ég kem til að með sakna. Þar
kemur á móti ým.islegt, sem ég
verðóneitanlega feginn að losna
við.
Embætti ráðuneytisstjóra er
mér ekki með öllu ökunnugt,
þar sem ég gegndi þvi á árunum
1956 til 1961. Það er yfirgrips-
mikið og skemmtilegt starf og
sist veigaminna en sendiherra-
starfið, þannig að það verður
ekki um neina hvild að ræða.
Það verður þvi ánægjulegt á all-
an hátt að flytja i þetta sinn.
Ekki fékkst Sveinn til að
nefna neitt sérstakt úr starfi
sinu sem sendiherra, sem hon-
um þætti bera hærra en annað.
Taldi hann fátt úr daglegri sýslu
sendiherra þess eðlis, að rétt
væri að skýra fjölmiðlum frá
þvi. —IIV
Yfirlýsing fró
borgorstjóra
Birgir ísleifur Gunnarsson
borgarstjóri sagði aðspurður i
samtali við Visi i morgun, að
hann myndi einhvern næstu daga
gefa út yfirlýsingu af sinni hálfu
um Armannsfellsmálið svo-
nefnda og þau blaðaskrif, sem
spunnist hafa um það.
Borgarstjóri hefur að undan-
förnu dvalið erlendis i sumarleyfi
og kom heim i gærdag. Hann
sagði i morgun, að hann gæti ekk-
ert um málið sagt að svo stöddu,
þar eð hann ætti enn eftir að
kanna ýmsa þætti þess.
Mikil umsvif kvenna
í nœturlífi Rvíkur
Ung stúlka fékk heilahristing
og mikinn skurð á höfuð, þcgar
hún féll niður stiga I húsi i
Rcykjavik á laugardagskvöld.
Stúlkan var drukkin og mun
hafa misst fótanna i stiganum.
önnur stúlka fannst aðfara-
nótt sunnudags a tröppum við
Samvinnubankann i Banka-
stræti. Var hún með nokkra
höfuðáverka og við athugun á
slysadeild kom í ljós, að hún var
kjálkabrotin.
Stúlkan sú var einnig töluvert
undir áhrifum áfengis.
Enn ein kona fannst öfurölvi
viðReykjavikurapótek. Var hún
flutt á sjúkrahús, þar sem hún
var barnshafandi og komin
langt á leið.