Lesbók Morgunblaðsins - 02.07.1950, Blaðsíða 2

Lesbók Morgunblaðsins - 02.07.1950, Blaðsíða 2
334 LESBÓK MORGJNBLAÐSINS starfslöngun, verkefni við það göf- uga og þroskandi starf, að gróður- setja trje fyrir framtíðina. Heiðmörk á að verða „friðland og skemtigarður Reykvíkinga" eins og komist er að orði í ályktun bæar- stjórnarinnar. Hingað geta menn sótt heilbrigði og frið, auðgað ^nda sinn við dýrð og dásemdir náttúr- urnar. „Og hugurinn lyftist í æðri átt, nú andar guðs kraftur í dufts- ins líki." En fyrst og fremst er Heiðmörk land hinna ungu, land æsku og framtiðar. í dag, og æ síðar, þökkum við hinum ágætu forgöngumönnum þessa máls í Skógræktarí'jelagi ís- lands og Skógræktarf jelagi Reykja- víkur, höfundi nafnsins og öllum þeim öðrum, er lagt hafa lið. Það litla grenitrje, sem nú verð- ur gróðursett, er einskonar horn- steinn þeirrar veglegu byggingar, sem lagður er grundvöllur að, en niðjar okkar munu njóta og fegra. Jeg bið þann, sem sólina hefur skapað, að halda verndarhendi yfir Heiðmörk. Saga Heiðmerkur Ræða Guðm. Marteinssonar, form. Skógiæktarfjelags Reykjavíkui'. Vakið máls á friðun. FYRIR um það bil 12 árum vakti stjórn Skógræktarfjelags íslands máls á því að æskilegt væri, að landssvæði austan og sunnan Ell- iðavatns, í landi Hólms, Elliðavatns og Vatnsenda, og jafnvel víðáttu- meira svæði væri girt og friðað fyrir ágangi búíjár. Þessu takmarki, friðun Heið- merkur, hefur nú verið náð að mjög verulegu leyti og það er til- efni þessarar samkomu. Mjer þykir hlýða við þetta tæki- færi að rekja í stórum dráttum sögu Heiðmerkur fram á þennan dag. Sú saga mun væntanlega þegar fram líða stundir verða kölluð for- saga Heiðmerkur, því að sennilegt er, að Heiðmörk eigi fyrir sjer langa og merkilega sögu. Það fyrsta sem mjer er kunnugt um að sje skráð um málið er að finna í fundargerðabók stjórnar Skógræktarfjelags íslands fra 28. sept. 1938, og er á þessa leið: „Lagt fram erindi stjórnar Skóg- ræktarfjelags íslands til bæarráðs Reykjavíkur dags. 23. sept. 1938, um friðun skógarleifa í landi Ell- iðavatns (og Hólms og Vatnsenda). Erindið er tillaga um að efna til víðáttumikils skemti- og hressing- arsvæðis fyrir Reykvíkinga á þess- um slóðum. Samþykt að senda bæj- arráði erindið, ennfremur samrit af því til allra bæarfulltrúa, borg- arstjóra, bæarlæknis, landbúnað- arráðuneytisins, skógræktarstjóra, íþróttafjelaga bæarins, ritstjóra dagblaða og vikublaða." Þessi bókun ber það raunar með sjer, að rætt hefur verið um málið áður, því að á þessum fundi er erindi stjómarinnar lagt fram, en því miður er mjer ekki kunnugt um fyrstu tildrögin. Þetta var alllangt og ítarlegt er- indi. Efni þess er ekki ástæða til að rekja hjer nema að mjög litlu leyti. Það kemur fram í erindinu, að það var tvent, sem vakti fyrir stjórn Skógræktarfjelagsins: Ann- að það, að friða skógarleifar og annan gróður, svo að landið mætti gróa að nýu og nýr skógur vaxa. Hitt það að veita Reykvíkingum auðveldan og ódýran aðgang að landi úti í guðs grænni náttúrunni í hæfilegri fjarlægð frá Reykjavík. Þegar þetta gerðist, skipuðu þess- ir menn stjórn Skógræktarfjelags íslands: Árni G. Eylands, H. J. Hólmjárn, Maggi Júl. Magnús, Ein- ar Árnason alþm. og Jón Ólafsson bankastjóri. Árni G. Eylands var formaður fjelagsins, en Hákon Bjarnason var þá eins og nú framkvæmdastjóri þess. Þessi hugmynd stjórnarinnar fekk þegar góðar undirtektir bæði hjá bæaryfirvöldunum og blöðun- um. Á stjórnarfundi í ársbyrjun 1940 er frá því skýrt, að bæarráð Raykja víkur hafi falið rafmagnsstjóra og bæarverkfræðingi að ræða við stjórn Skógræktarfjelagsins varð- andi Elliðavatnsland, og rafmagns- stjóri, sem mætti á þessum fundi, skýrði frá því, að hann og bæar- verkfræðingur hefðu skrifað land- búnaðarráðuneytinu og farið fram á að fá hluta af Hólmslandi, sem er ríkiseign, með í þessa friðun, samkvæmt tillögum stjórnar Skóg- ræktarfjelags íslands. Þessum mála leitunum hafi verið vel tekið af stjórnarráðinu. Efnt til fjársöfmtnar. Stjórn Skógræktarfjelagsins var umhugað um að gera eitthvað til þess að halda þessu máli vakandi, og seint á árinu kom fram tillaga um að reyna fjársöfnun í Reykja- vík. Þá var einnig samþykt tillaga um að gefa út dálítinn bækling um hið fyrirhugaða friðland Reyk- víkinga og fá gerðan uppdrátt af landinu og hefta hann með bæk- lingnum; jafnframt gerði stjórnin tillögu um að hið friðaða land skyldi ná yf ir svæði, sem lægi milli Silungapolls að norðan og Búrfells- gjár að sunnan, eða því sem næst. Upp úr sumarmálum vorið eftir var bæklingurinn tilbúinn, og 2. apríl 1941 er þessi bókun í fundar- gerðabók stjórnarinnar: „Ákveðið að halda „Elliðavatns- dag" á næstunni, helst þannig að fá útvarpskvöld föstudaginn 2. 1.1

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.