Lesbók Morgunblaðsins - 22.05.1955, Blaðsíða 8
292
LESBÓK MORGUNBLAÐSINS
FLJÚGANDI KRINGLUR
eru geimför frá öðrum sólhverfum
GREIN þessi birtist nýlega í „The American Weekly“ í New York og
er eftir prófessor Hermann Oberth. Hann er kunnur sérfræðingur á
sviði fjarstýrðra flugskeyta og hefir átt mikinn þátt í að gera áætlanir
um hvernig hægt sé að gera bækistöð úti í geimnum. Verður ekki
gengið fram hjá því sem slíkur maður segir um hið merkilega fyrir-
bæri, er nefnist „fljúgandi kringlur".
FG ER viss um að hinar fljúg-
andi kringlur eru ekki neinar
sjónhverfingar, heldur eru þetta
geimför, komin frá öðru sólhverfi.
Ég hygg að þessi geimför sé mönn-
uð vitsmunaverum, sendum af
þjóðfélagi, sem máske hefir verið
að rannsaka jörð vora um aldir. Ég
hygg að þeir séu sendir hingað til
þess að framkvæma langvarandi
skipulagðar rannsóknir, fyrst og
fremst um mannkyn jarðar, dýra-
líf og jarðargróða, og nú síðast til
þess að fylgjast með kjarnorku-
stöðvum, hernaði og hergagna
framleiðslu.
Það er augljóst, að ekki eru þeir
hingað komnir til þess að gera inn-
rás á jörðina, og þess vegna hygg
ég að þeir komi eingöngu í vís-
indalegum erindum.
MARGSKONAR
FULLYRÐINGAR
Opinberar rannsóknir hafa farið
fram um langa hríð til þess að
reyna að ganga úr skugga um,
hvað þær séu þessar fljúgandi
kringlur, sem svo margir hafa séð.
Og niðurstöður þessara rannsókna
eru þær, að flugmálaráðuneyti
Bandaríkjanna hefir lýst yfir því,
að oft hafi verið um „óþekkta
fljúgandi hluti“ að ræða. Margar
getgátur hafa því komið fram og
skýringartilraunir, einkum af hálfu
þeirra, sem halda því fram, að hér
sé ekki um raunverulega hluti að
ræða. Þeir segja að sum fyrirbær-
in sé hreint ekki annað en skyn-
villur, en í öðrum tilfellum hafi
menn séð endurkast ljóss úr ský-
um. En ég hefi ekki getað fundið
eina einustu sönnun fyrir þessum
staðhæfingum.
Rússnesku blöðin hafa haldið því
fram að Bandaríkjastjórn hafi af
ásettu ráði hleypt á stað „hjá-
trúnni um fljúgandi kringlur“, til
þess að fá meira fé til hálofts rann-
sókna og aukins herbúnaðar. En
engar líkur hafa nokkuru sinni ver-
ið færðar að því, að nokkur flugu-
fótur sé fyrir slíkum fullyrðing-
um.
Aftur á móti hafa menn hvað
eftir annað komizt að því í rat-
sjám, að fyrirbærin voru ekki ljósa-
fyrirbrigði. Og hverjum vönum
flugmanni ætti ekki að vera neinn
vandi að greina á milli ljósgeisla
og fljúgandi hlutar.
Þá hefir því og verið haldið fram,
að fyrirbærin sé ekki annað en
flugbelgir með ljósum, eða loft-
steinar, en hvorugt fær staðizt dóm
vísindanna.
Enn hefir því verið haldið fram,
að hinar fljúgandi kringlur sé ekki
annað en amerísk og rússnesk flug-
skeyti, fjarstýrð. Þeir, sem halda
því fram, hafa þó ekki getað fært
neinar sönnur á sitt mál. Hvert
flugskeyti, sem af manna höndum
er gert og flýgur hraðar en hljóð-
ið, veldur geisilegum hávaða. En
þeir sem séð hafa hinar fljúgandi
kringlur, segja allir að ekkertheyr-
ist í þeim.
Síðan 1946 hafa íljúgandi kringl-
ur sést svo oft og svo víða, að það
væri óðs manns æði að halda því