Lesbók Morgunblaðsins - 12.05.1957, Blaðsíða 7

LESBÓK MORGUNBLAÐSINS
275
Mesta rigningarbæli í heimi
Á hásléttunni í Assam, 6027 fet
yfir sjávarmáli, er lítið þorp, sem
heitir Cherrapunji. Þarna er póst-
hús og trúboðsstöð, en þorpsins
mundi þó að engu getið, ef veður-
fræðin hefði ekki gert það frægt
sem mesta rigningarbæli veraldar.
Vegna þessarar frægðar gerði ensk-
ur maður sér ferð þangað til þess
að sjá staðinn með eigin augum, og
segir hann þannig frá ferðalaginu;
Frá þorpinu Dawki, sem er á
landamærum Indlands og Austur
Pakistan, liggur 150 lcm. langur
vegur yfir fjöllin til Shillong, sem
er höfuðborgin í Assam. Fyrst í
stað liggur vegurinn í ótal hlykkj-
um upp skógi vaxnar hæðirnar og
víða á hengiflugi. Hvað eftir ann-
að má sjá hvítar málningarslettur
á klettum, og er það aðvörun til
bílstjóra um að hættuleg beygja sé
framundan. Þar sem vegurinn er
tæpastur er á ytri brún settir
gamlir benzíndunkar, fylltir grjóti
og málaðir ýmist svartir eða hvít-
ir. Þegar hærra dregur sér oft ekki
handaskil fyrir þoku, og þegar
birtir sér maður hvernig þokan
streymir sem geysimikill reyk-
mökkur upp úr öllum gljúfrum.
Meðfram veginum standa nokk-
ur fátækleg hús, en flest þeirra eru
með bárujámsþaki, til þess að verj-
ast regninu. Á þessum stöðum var
fólk að bætast í áætlunarbílinn.
Það var fjallafólk af hinum svo-
nefnda Khasisþjóðflokki, sem er
mjög svipaður fólkinu í Suður
Kína, með há kinnbein og skáhöll
augu. Margir höfðu yfir sér brekán
eða stórt sjal, og einn þeirra kom
jafnvel með geit upp í bílinn.
Þegar komið er upp á hásléttuna
hverfur skógurinn, og djúpt undir
fótum manna blasir við Bengal-
sléttan, óravíð og nær allt fram að
hafi. Þar er komið að vegamótum.
Er nú farið af Shillong-veginum og
haldið til suðvesturs. Vegamótin
eru einkennd með mynd af haus-
kúpu og krosslögðum leggjum. Er
nú komið inná þröngan götuslóða,
sem liggur til Cherrapunji. Á þeim
vegi geta bílar ekki ekið hver fram
hjá öðrum og vegurinn er mjög
hættulegur.
Það er ekki margt að sjá í
Cherrapunji, en manni verður
fljótt ljóst hvernig stendur á því
hve mikið rignir þar. Skammt þar
fyrir ofan eru há fjöll, og þegar
regnskýin, sem koma með monsun-
vindinum utan af Bengalflóa reka
sig á fjöllin, þá steypist regnið
niður.
Hinn heimsfrægi regnmælir er
geymdur innan voldugrar gadda-
vírsgirðingar skammt frá pósthús-
inu,og það er hlutverk póstmeist-
arans að líta eftir honum. Mér var
sagt að girðingin hefði verið sett
umhverfis regnmælirinn vegna
þess, að menn hefði haft það til
áður að hella vatni í geyminn.
Þess vegna er sennilegt að eldri
vatnsmælingar á þessum stað sé
heldur óáreiðanlegar.
En síðan girðingin var sett hefir
meðalúrkoman mælzt 429 þuml-
ungar þá þrjá mánuði ársins, sem
monsúnvindur blæs. Mest er úr-
koman í júlí, enda gerir þá oft stór-
kostleg flóð.
Eg átti tal við frú Philips, sem
stjórnar trúboðsstöðinni. Hún sagði
mér að þau ætti stórt bókasafn,
en væri í stökustu vandræðum að
verja það fyrir rakanum. Á hverj-
um einasta degl verður að þurrka
allar bækurnar og hvenær sem sól
skín, eru þær bomar út til þess að
viðra þær. En um versta rigninga-
tímann er húsið kappkynt dag og
nótt, bókanna vegna.
Forðum höfðu Bretar hér her-
stöð, og í litlum kirkjugarði
skammt héðan em minnismerki
margra herforingja og kvenna
þeirra. Fæst þeirra hafa orðið
meira en þrítug. Rigningarnar,
malaría og aðrir hitabeltissjúkdóm-
ar styttu ævi manna hér. Það varð
og til þess að Bretar fluttu her-
stöðvar sínar héðan 1864 norður til
Shillong, þar sem betra loftslag
er. Þess vegna er Cherrapunji nú
aðeins lítið og ómerkilegt þorp,
sem engar sögur færi af, ef það
ætti ekki metið í úrkomu.