Lesbók Morgunblaðsins - 02.07.1967, Blaðsíða 15
sem hann tekur til meðferðar. I þess-
ari bók ritar hann um tíu ríki Suður-
Ameríku.
Keeslng-’s Contemporary Archives. Vol-
ume XV, 1966-67, volume XVI, 1967-68.
London.
Dagbók um helztu viðburði í heim-
inum, gefin út vikulega og send áskrif-
endum víðsvegar um heim. Er þessi
vikuskýrsla síðan fest í lausblaða-
möppu ásamt nákvæmu efnisyfirliti,
sem sífellt er skipt um eftir því sem
efnið eykst. Er ritið mjög handhægt
og áreiðanlegt uppsláttarrit um hvað
eina, sem gerist, hvort heldur er í
stjórnmálum, iðnaðarmálum, verzlunar-
og samgöngumálum, hermálum, bók-
menntum og menningarmálum o. s. frv.
Þessi dagbók hefur komið út síðan 1931,
en er til í Borgarbókasafni frá árs-
byrjun 1966. Ritið er auðvelt í notkun.
Aðeins í lestrarsal.
Bullock, Alan: Hitler, 1, 2, 3, 248, 348,
300 bls. Heimilda og nafnaskrá. Mynd-
ir.
Þetta gagnmerka rit, sem heitir á
frummálinu „Hitler. A study in tyr-
anny“ kom fyrst út 1952. Þetta er önn-
ur útgáfa bókarinnar á dönsku, og er
hún gerð eftir ensku útgáfunni 1962,
sem var aukin og endurskoðuð og í
þremur bindum. — Flokksforinginn,
Kanslarinn og Stríðsdrottnandinn. Þetta
er sú af ævisögum Hitlers, sem mestan
orðstír hefur hlotið, enda er meðferð
höfundar á hinu örðuga efni við brugð-
ið. Bókin er í flokki merkustu rita um
nútíma sagnfræði.
Bukdahl, Jörgen: Forgyldning og svine-
læder. Essays om nordiske digtere.
Kbh. 1966. 178 bls.
J0rgen Bukdahl ritar hér um þessa
norrænu höfunda: Selmu Lagerlöf,
Knut Hamsun, Esaias Tegnér, Johannes
V. Jensen, Johan Falkberget, J. H.
Kellgren, Sigrid Undset, Halldór Lax-
ness, Alexis Kivi, Jonas Lie og Henrik
Pontoppidan. Bukdahl er svipmikill
höfundur, sem segir skoðanir sínar af-
dráttarlaust, og þó að lesandinn sé e.t.v.
ekki alltaf sammála honum, frýr hon-
um enginn skarpskyggni né frásagnar-
gleði.
Kristensen, Tom: Aabenhjertige forti-
elser. Kbh. 1966. 168 bls.
Skemmtileg og hreinskilin minninga-
bók hins danska skálds og bókmennta-
manns og segir frá bernsku hans og
íullorðinsárum fram til 1935. Góð lýs-
ing á anda og umhverfi þessara horfnu
tíma.
Lundbo, Orla (Ritstjóri): Unsre hpjde-
punkter i den nye danske litteratur.
Kbh. 1966. 304 bls.
Úrval smásagna eða kafla úr skáld-
sögum, sem höfundarnir hafa sjálfir
valið (30 að tölu). Ritar hver höfundur
greinargerð fyrir vali sínu. Höfundarn-
ir eru reyndar ekki allir kornungir
hvað sem bókartitill segir, og er bókin
gott yfirlit yfir danskan sagnaskáld-
skap á okkar dögum.
Fanon, Frantz: Fordpmte her pá jorden.
Kbh. 1966. 254 bls.
Formáli eftir Jean-Paul Sartre. Eft-
irmáli um höfundinn eftir Simone de
Beauvoir. Höfundurinn er byltingar-
sinnaður alsírskur læknir, og fjallar
bók hans um gagnkvæma afstöðu hvítra
og ekki hvítra í Afríku, með hliðsjón
af stríðinu í Alsír. Varla er ofsagt, að
höfundurinn nati Evrópumenn, og er
hann bæði stóryrtur og illyrtur í þeirra
garð. En bókin er eigi að síður mikil-
væg, því að hún sýnir glögglega, hve
geigvænlegur andi þróast í Afríku í
garð alls, sem evrópskt er, og hvílík
reginvandamál er við að etja í hinum
afrísku ríkjum.
Dorst, Jean: Fór naturen dpr. Kbh. 1966.
184 bls. Myndir.
Höfundurinn er franskur og kom bók-
in út á frummálinu 1965. Hún fjallar um
hver úrræði við höfum til verndar og
viðhalds náttúrunni þrátt fyrir ásókn
og rányrkju mannsins. Höfundur fer
víðsvegar um heim og sýnir fram á hin
hryllilegu verksummerki eyðingarinnar
bæði að því er snertir dýr og gróður.
Eins og nú horfir, telur hann stefnt
að auðn og eyðimörk. Bókin er bráð-
gagnleg þeim, sem telja að náttúru-
verndarmál komi sér við, en á naumast
erindi til annarra.
Lindblad, Jan: Resa till röda fáglar.
Sth. 1966. 168 bls. Myndir.
Vel og fjörlega skrifuð bók með
mörgum frábærum myndum um nátt-
úru og dýralíf á eynni Trinidad í Vest-
ur-Indíum. Höfundurinn, sænskur nátt-
úruskoðari, er víðkunnur fyrir kvik-
myndir sínar af náttúru og dýralífi.
Williams, Walter G.: Archaelogy in
Biblical Research. London 1966. 223 bls.
Myndir.
Geysifróðlegt rit um forominjagröft
á slóðum biblíunnar og hversu mikið
fornminjafræðin hefur lagt til biblíu-
skýringa og þekkingar á lífi og háttum
þess fólks, sem biblían fjallar um.
Could-Marks, Eeryl: The Adventurous
Cook. Recipes from out of the way
places. London 1966.
Bókin er safn uppskrifta margs kon-
ar sérkénnilegra og gómsætra rétta,
víðs vegar að úr heiminum. Höfundur-
inn, sem er víðförull, er sagður hafa
etið og matreitt alla þessa rétti.
Fussell, G.E.: Farming Technique from
I’rehistoric to Modern times. Oxford
1966. 282 bls. Myndir.
Greinargott yfirlit yfir þróun land-
búnaðartækja allt frá upphafi og til
þessa dags, og er sýnt, hvernig þau
voru notuð. Skýringarmyndir með
hverjum kafla og nákvæmur listi yfir
uppsláttarbækur um efnið.
Christian, Roy: Country Life Book of
Old English Customs. London 1966. 126
bls. Myndir.
Mjög myndskreytt og skemmtilega
skrifuð bók um margs konar gamla
enska siði, dansa, alþýðleiki, trúarlega
siði, hátíðasiði, íþróttir o.s.frv.
E. 'H. F.
Framkv.stj.: Sigfús Jónsson.
Ritstjórar: Sigurður Bjarnason frá Vigur.
Matthías Johannessen.
Eyjólfur Konráð Jónsson,
Ritstj. fltr.: Gísli Sigurðsson.
Auglýsingar: Arni Garðar Kristinsson.
Ritstjórn: Aðalstræti 6. Sími 22480.
Útgefandi: H.f. Arvakur, Reykjavík
2. júlí 1967
LESBÓK MORGUNBLAÐSINS 15