Lesbók Morgunblaðsins - 12.11.1983, Blaðsíða 14

Próf í viðskiptadeild á sl. vori.
fagþekkingu og svo nýliöar á
vinnumarkaðnum. Fátæka fólk-
ið ber mjög stóran hluta af
kostnaðinum við að koma þjóð-
arskútunni aftur á réttan kjöl.
Kannski tekst svo lækningin
ekki. A hinn bóginn var ekkert
blómaskeið framundan, nema
síður væri, hjá lágtekjuhópum í
Bretlandi, ef breskir stjórn-
málamenn hefðu haldið áfram
að nota gömlu meðulin. Ég
þekki enga lausn á vanda Breta,
sem er í senn réttlát, ódýr og
áhrifarík. Kannski ná þeir sér
aldrei aftur á strik. Sagan segir
okkur, að öll voldug og auðug
ríki líði undir lok um síðir.“
— Og mun ekki óréttlætið
vaxa við tæknivæðinguna, er
vélmenni taka við störfum
verkamanna?
„Öreindabyltingin hefur gert
mönnum kleift að búa til vélar
„Hagkerfi þrýsti-
hópanna: Þrýsti-
hóparnir frysta
hagkerfið“
sem stýrt er af tölvum og fram-
leiða sjálfvirkt, svonefndir rob-
otar eða vélmenni. Fólk kemur
vart nálægt framleiðslunni. Við
þurfum að undirbúa okkur að
mæta þessari byltingu. Ef vel er
á spilunum haldið, verður nóg
að gera fyrir alla, en störfin
munu breytast, sífellt stærri
hópar vinna við hvers konar
gagnavinnslu og eftirlit, og
þjónustu af ýmsu tagi. Kannski
er þarna tækifæri til að stór-
bæta kjör almennings, tækifæri
sem hugsjónamenn hefur lengi
dreymt um.
Með prófblaðið fyrir framan sig — eins gott að hafa eitthvað gluggað f
fræðin.
Stund milli stríða í prófönnum.
Við í viðskiptadeild höfum
lagt aukna áherslu á gagna-
vinnslu í tölvu og komið upp sér-
stöku rafreiknasviði. Við kenn-
um hvernig gera megi reiknilík-
ön af hagkerfinu í tölvu, og
einnig er mönnum kennt að
koma fjármálum fyrirtækja í
tölvu. Á svonefndu framleiðslu-
sviði kennum við stjórnun fram-
leiðslu og ræðum meðal annars
hluti eins og robota í verksmiðj-
um. Hins vegar verða okkar
nemendur ekki tölvusérfræð-
ingar eða verkfræðingar, sem
þekkja innviði tölvunnar. —
Engum blöðum er um það að
fletta, að miklar breytingar
verða á atvinnulífinu af þessum
sökum, og við verðum að búa
okkur undir það.“
— Hvernig bregðist þið sem
kennarar við þessum nýju við-
horfum?
„Við erum sífellt að breyta
námsskipaninni, til þess að hún
svari kröfum líðandi stundar.
Við höfum nýverið gert þriðju
meiriháttar breytinguna á
reglugerðinni á síðari árum. Við
höfum tekið upp ný námssvið,
sem nútíminn krefst og fjölgað
kostum á fjórða ári náms.
Fyrstu tvö árin veitum við al-
menna menntun, til dæmis í
stærðfræði og rökfræði, menn
kynnast íslenska þjóðfélaginu í
haglýsingunni og kynnast und-
irstöðuatriðunum í hagfræði og
viðskiptafræðum. Þetta veitir
almenna menntun, sem kemur
að haldi víða, þótt menn hætti
eftir 2ja ára nám og ljúki ekki,
eins og hendir í öllum deildum.
En á þriðja ári skiptast nemend-
ur í tvo hópa. Annar velur við-
skiptafræðigreinar og hinn
þjóðhagfræði. Á fjórða og síð-
asta ári markast þessir tveir
hópar skýrar. Þjóðhagfræði-
hópnum er boðið upp á strangt
prógram, þeir læra um fjármál
hins opinbera, um skatta, pen-
ingamál, vandamál vinnumark-
aðarins og alþjóðahagfræði. Við
reynum að gera þá sérfræðinga í
stjórn efnahagsmála og teljum
þá standa jafnfætis þeim sem
erlendis nema. Viðskiptafræði-
hópurinn getur aftur á móti val-
ið um ein fimm eða sex svið, eft-
Frh. á bls. 16.