Lesbók Morgunblaðsins - 18.01.1986, Blaðsíða 8
Kyrrð 1985. Akryl & striga, 150xl80cm. Myndimar sem hér ajást, verða
& sýningu Gunnars Amar í Listasafni ASf eftir viku.
Ljósmyndir Lesb./Rax.
Ströng siðalögmál
í lista-frumskógi
New York-borgar
Istórri og rúmgóðri íbúð nálægt Reykjavíkurhöfn,
býr Gunnar Orn Gunnarsson, listmálari. Þaðan
er útsýni gott yfir sundin og fjallahringinn sem
hvílir tignarlegur að baki þeim. Við erum staddir
í setustofunni, eins konar turnherbergi með
Halldór Bjöm Runólfs-
s<3n ræðir við Gunnar
Örn Gunnarsson mynd-
listarmann í tilefni hins
merka áfanga sem sýn-
ing hans í New York
var. Nú skal látið
skammt stórra högga
milli, því önnur sýning
er áformuð í New York
í maí. Eftir viku opnar
Gunnar Örn sýningu í
Listasafni ASI.
bogadreginni gluggröð, þar sem lista-
verkabækur prýða hillur og hljómflutn-
ingstæki endurvarpa sígildri tónlist. Gunn-
ar Örn er áhugamaður um tónlist, enda
menntaður sellisti og bregður gjarnan
plötu á fóninn, eða snældu í segulbands-
tækið þegar hann gengur til vinnu á
morgnana.
Til hliðar við turnherbergið er vinnustof-
an undir súð. Hún er öll á lengdina og þar
blasa við hálfunnin málverk, teikningar
og vatnslitamyndir, auk höggmynda úr
viði og grjóti, sem listamaðurinn hefur
málað í ýmsumn litum. Á neðri hæð íbúð-
arinnar er málverkageymsla þar sem
rammarnir með strekktum striga standa
í röðum. Hvarvetna hanga málverk, bæði
eftir listamanninn sjálfan og vini og kunn-
ingja úr röðum listmálara.
Aður en við setjumst endanlega niður
gegnt Akrafjalli, Skarðsheiði og Esju, býð-
ur Gunnar Örn mér inn í vinnustofuna.
Þar dregur hann fram stóran stranga og
byrjar að fletta fimlega úr honum. I ljós
kemur hvert málverkið á fætur öðru og
leynir sér ekki handbragð listamannsins.
Síðan opnar hann stóra teiknimöppu og
bregður upp einni teikningunni á fætur
annarri.
ÍMIÐJUSOHO
„Þetta er afraksturinn af Ameríkudvöl-
inni“, segir Gunnar Örn og bendir á bygg-
ingar sem standa að baki mannverum,
dregnum einföldum og skýrum dráttum.
„Ég fékk lánaða vinnustofu í miðju Soho-
hverfinu í New York, á besta stað í bænum.
Þar málaði ég þessi akrýl-málverk og vann
að teikningum. Þú sérð auðvitað áhrifin
af borginni, þau leyna sér ekki."
Soho er eitt rótgrónasta listamanna-
hverfi New York-borgar og liggur á neðan-
verðri Manhattan-eyju á móts við fyrsta
stræti. Þar er Háskóli New York, svo einnig
er þar mikið stúdentalíf. Við West Broad-
way, aðalgötu hverfisins og nærliggjandi
stræti er krökkt af sýningasölum og meðal
þeirra má finna virtustu galleri heims.
— Hvernig kom New York þér fyrir sjón-
ir?
„Biddu fyrir þér! Mér leist ekkert í blik-
una, þegar ég steig út úr leigubílnum. Ég
hélt væri staddur í miðju Haarlem, en
ekki í einu fínasta listamannahverfi borg-
arinnar. Það er svo mikið rusl alls staðar
og niðurníddar byggingar. Skammt þaðan
sem ég bjó er Washington Square, lítill
garður þar sem dópsalar halda til og bjóða
varning sinn hverjum sem á leið hjá. Þú
getur keypt allt dóp sem nöfnum tjáir að
nefna á þessu markaðstorgi, hvaðan sem-
það kemur úr heiminum. Lögreglan virðist
láta þetta afskiptalaust. Hún telur sjálf-
sagt skárra að halda þessu á einum stað,
en dreifa því út um öll stræti og torg.