Lesbók Morgunblaðsins - 07.10.1989, Blaðsíða 12

B I L A R
Fjórhjóladrif o g öryggismál of-
arlega í huga bílaframleiðenda
A252 þúsund fermetra
svæði úti og í sýning-
arsölum sýndu 1.946
fi amleiðendur bíla og
fylgihluta þeirra frá
36 löndum vörur sínar
á alþjóðlegu bílasýn-
ingunni í Frankfiirt
sem staðið hefúr frá því í síðustu viku.
Þarna voru opinberaðar ýmsar nýjung-
ar nokkurra framleiðenda en sýning
þessi er I senn sölusýning og kynning
fyrir þýskan almenning og um leið tæki-
færi fyrir bílasala til að kynna sér hvað
keppinautarnir eru að gera. Enda mátti.
sjá þama nokkra íslenska umboðsmenn
bíla. Þá kemur þarna og fjöldi blaða-
manna til að safna á einu bretti eíhi
og upplýsingum fyrir fjölmiðla sína
enda keppast framleiðendur um að ota
að þeim eftii sínu og bjóða hressingu í
fostu og fljótandi formi ef liðka mætti
fyrir. Fjórhjóladrif, góðir aksturseigin-
leikar, öryggismál og ryðvörn eru með-
al þess sem bílaframleiðendur leggja
áherslu á um þessar mundir. Æ fleiri
bjóða nú fjórhjóladrifha fólksbíla, sífellt
meiri áhersla er lögð á að sýna fram á
góða aksturseiginleika og þægindi við
aksturinn og um leið vilja æ fleiri fram-
Ieiðendur minna á rannsóknir sínar á
ömggi bíla sinna. Við greinum hér og
í næstu þáttum frá ýmsu sem bar fyrir
augu í Frankfurt.
Subaru
Hjá Subaru 'var mest áhersla lögð á að
kynna hinn nýja Subaru Legaey. Með þess-
um bíl eru verksmiðjurnar að stíga skrefið
inn í samkeppni við bíla með tveggja lítra
vélum, þetta er skutbíll eða venjulegur
fólksbíll, fáanlegur með framdrifi eða
sídrifi. -Við höfum verið að auka sölu á
Subaru bílum í Evrópu síðustu 10 árin og
við höfum nú framleitt yfir tvær og hálfa
milljón fjórhjó 1 adrifs bíla, sagði forstjóri
Fuji Heavy Industries á fundi með frétta-
mönnum í Frankfurt og hann hélt áfram:
-Legacy byggir á tækniþekkingu okkar
og reynslu auk þess sem við kynnum nýtt
fjaðra- og drifkerfi en við munum leggja
mesta áherslu á hversu góðir aksturseigin-
Hulunni var svipt af Discovery í Frank-
fúrt á dögunum. Land Rover Discovery
á að keppa við japönsku jeppana, hann
er vel útbúinn hið innra og þægilegur.
Subaru Legacy er glæsilegur vagn,
mælaborð er allt skýrt og skilmerkilegt
og vel útbúið, framendinn á Legacy er
lágur og rennilegur.
leikar bílsins eru. í janúar sl. prófuðum
við bílinn í Bandaríkjunum varð hann í
fyrsta sæti í keppni bíla í 100 þúsund km
akstri. Var bílunum ekið stanslaust í 19
daga og náði Legacy meðaihraðanum
223,345 km á klukkustund. Við leggjum
bílinn því óhræddir í rallkeppni ársins
1990.
Legacy er með 1,8 eða 2,2 lítra vélar
báðar 16 ventla sem liggja lárétt, eru með
fjölinnsprautun og eru 103 og 136 he-
stöfl. Bíllinn er sjálfskiptur eða beinskiptur
og með aldrifi eða framhjóladrifi. Aldrifið
skiptir átakinu jafnt miili fram- og aftur-
drifs en tölva breytir átakinu eftir ástandi
vegar. Skynjar hún það eftir hraða, bensín-
gjöf til vélar, snúningsmismun á fram- og
afturdrifi og fleiri merkjum. Subaru
Legacy er allur hinn glæsilegasti vagn.
Hann er nokkuð stór, 4,6 m langur og
vegur frá 1160 upp í 1375 kg. Hurðir
opnast vel og gott er að setjast inn í hann
að framan sem aftan. Ökumannsæti er
auðvelt að stilla og veitir góðan hliðar-
stuðning. Þá er stuðningur við mjóbakið
mjög góður. Farþegar hafa góðan stuðning
af hliðararmpúðum. Mælaborð er gott af-
lestrar og gott er að ná til hliðararmanna
með stefnuljósa-, þurrku- og ljósarofum.
Má segja að strax fari einhvers konar
þægindatilfinning um ökumann þegar sest
er undir stýri - jafnvel þótt bíllinn hafi
ekki verið ræstur og hvað þá ekið. En það
hlýtur ad koma síðar.
Land Rover
Nýr Land Rover var kynntur í Frank-
furt og heitir hann nú Discovery. Hér er
um að ræða þrennra dyra, fimm manna
bíl með möguleika á tveimur aukasætum
aftast. Discovery er fyrsta nýjungin hjá
verksmiðjunum eftir að Range Rover kom
fram á sjónarsviðið árið 1970. Bíllinn kem-
ur á markað í Bretlandi um miðjan nóvem-
ber og verður fáanlegur með bensín- eða
dísilvél. Bensínvélin verður 3,5 1 V8 og
gefur hún 145 hestöfl. Dísilvélin er 2,5 1
og 111 hestafla túrbóvél.
Nýi Land Roverinn er með ályfirbygg-
ingu og hefur algjörlega nýtt útlit eins og
sjá má af myndum en segja má að fram-
endanum svipi helst til Range Rovers.
Hann er með öðrum orðum ekki land-
búnaðartæki lengur heldur huggulegur
jeppi sem má áreiðanlega leggja talsvert
á. Hann er með stórum gluggum og þak-
gluggum sem gefa góða birtu og gott út-
sýni. Bíllinn er búinn gormafjöðrum og
vegur 2,7 tonn, hann er 4,52 m langur,
1,79 m á breidd og 1,92 m hár. Hámarks-
hraði bílsins með dísilvél er uppgefinn 147
km en með bensínvél 163 km. Eyðsla
bensínvélarinnar við erfið skilyrði er sögð
vera 21 1 á hundraðið en aðeins helmingur
þess við þjóðvegaakstur og eyðsla dísilvél-
arinnar rúmir 9 lítrar og 6,7 lítrar.
Að innan er Land Rover Discovery allur
teppalagður, með góðu áklæði á sætum
og handföng, gírstöng, stýri og fleira er
klætt með eins konar golfkúluhúð sem
gefur býsna skemmtilegt yfirbragð. Góð
geymsluhólf eru í hurðum, líka aftur-
hurðinni og kortavasar ofan við framrúðu
og svo virðist sem reynt sé á allan hátt
að gera bílinn sem best úr garði sem
ferðabíl. Mælaborðið gefur ríkulegur upp-
lýsingar og viðvaranir auk þess sem þar
eru allir venjulegir mælar. Bíllinn er fáan-
legur í þremur aðallitum, hvítum, bláum
og rauðum en hægt er að sérpanta svart-
an og silfurgráan málmlit.
Með hinum nýja Discovery
segjast forráðamenn verk-
smiðjanna vera að keppa
við þær ijölmörgu gerðir
af jeppum frá Japan sem
flætt hafa yfir Evrópul-
önd og segjast þeir bjóða
ekki síðri- bíl. Vel má
taka undir að yfirbragð
bílsins er sannfærandi en
vafamál er að hann geti
keppt í verði á íslandi við
þá japönsku. En þótt Dis-
covery sé nú að koma á markað
má minna á að áfram verður gamli Land
Rover 90 og 110 framleiddur þótt hann
hafi líka Iítið verið á ferðinni hérlendis. Og
í síðasta mánuði héldu verksmiðjurnar upp
á 30 ára afmæli Mini - hann var þarna
til sýnis líka og var ekki annað að sjá en
að hann bæri aldurinn vel.
jt
Mini stendur fyrir sínu þótt 30 ára af-
mæli hans haíi kannski ekki vakið mikla
athygli. Enda lítt eða ekkert breyttur
og aðeins með 30 hestafla 1000 rúmsenti-
metra vél sem gefúr 132 km hámarks-
hraða.