Lesbók Morgunblaðsins - 18.08.1990, Blaðsíða 11
Kirkjufell, tákn Grundarfjarðar, er eitt fegursta fjall á Islandi. Fjörðurinn dró áður nafn af því og
hét Kirkjufjörður. Litla fellið við hliðina er Stöðin (öðru nafni líkkistan). Þar finnast blaðfarasteinar.
Kristinn Jóhannsson á landsbyggðarlínunni
GrundarQ örður
logar í sólarlagi
Og ofan við bæinn Kverná er
glæsilegasta sönghöll sem finnst
í íslenskum hulduheimum
Umhverfí er einstaklega fagurt í Grundarfírði. Hið formfagra
Kirkjufell rís eins og kirkja úti í sjó og litla fellið, Stöðin við
hliðina, minnir á safnaðarheimili við nýtísku kirkjubyggingu.
Danskir sjómenn kölluðu Kirkjufellið „sykurtoppinn“ og lága
fellið „líkkistuna".
ísland er land sveitarinnar og gott að leita á ferðaþjón-
ustubæi, til að kynnast næsta nágrenni og komast í góð tengsl
við íslenska náttúru. Bærinn Kverná stendur í dalverpi milli
Grundarár og Kvernár, í hvarfí frá Grundarþorpi, þó aðeins sé
1 km á milli. Um Kverná er getið í Landnámu og sama fjölskyld-
an hefur búið þar í 110 ár. I Kverná eru bræðurnir Ragnar og
Kristinn Jóhannssynir með ferðaþjónustu. í Eyrarsveit er sagan
við hvert fótmál og Kristinn bóndi hefur Eyrbyggju á náttborð-
inu hjá sér.
Hafa margir gestir sótt
ykkur heim í sumar, Kristinn?
„Þýskir ferðamenn fjölmenna
hingað. íslendingar koma mest
um helgar og vilja þá dvelja í
sumarhúsunum. Þetta fór rólega
af stað, en veðrið hefur verið svo
fagurt að synd er að fleiri skuli
ekki njóta þess með okkur. Grund-
arfjörður hefur logað í sólarlagi
undanfarin kvöld, svo að þýsku
gestirnir hafa gleymt sér og vakað
langt fram á nótt.“
- Hvað bjóðið þið gestum
ykkar? „Við erum með svefn-
pokagistingu í tveimur sumarhús-
um og sjö uppbúin rúm með morg-
unverði heima í bæ. Auk þess
með tjaldsvæði á flötinni, með
þvottaaðstöðu, sturtu og snyrt-
ingu. Við leigjum líka sumarhúsin
yfir helgi eða í viku fýrir fjölskyld-
ur ef óskað er. Hestar eru ávallt
til reiðu fyrir gestina og boðið upp
á skipulagðar stuttar eða langar
ferðir. Þriggja tíma reiðleið á fjöru
í kringum Kirkjufell er mjög vin-
sæl.“ En fjallganga á Kirkjufell
er aðeins fyrir vana fjallgöngu-
menn.“
- Hvernig kynnið þið um-
hverfið og þjónustuna? „Við
afhendum hveijum gesti kort. og
smáupplýsingar um bæinn. Marg-
ir framlengja dvölina, þegar þeir
skammti undanfarin ár. Undirrit-
uð ræddi við upplýsingaskrifstofu
ferðamála í Salzburg og spurðist
fyrir um skíðahorfur. Þar sögðu
menn að mikið hafi verið um slys
á skíðalöndum sl. vetur, vegna
snjóleysis. Frosið og blotað á þann
litla snjó sem kom og brekkur
orðið mjög svellaðar. Hægt hafi
verið að halda sæmilegum að-
stæðum fyrir byrjendur og miðl-
ungs skíðafólk. En brun-fólkið
hafi verið í stórhættu. Vel þjálfað
skíðafólk hafi yfirleitt ekki komist
á skíði í fyrra. Eins gott að fylgj-
ast vel með snjóalögum í Austur-
ríki í vetur.
Oddný Sv. Björgvins
sjá hvað margt er hér við að vera.
í Kvemá og Grundará eru svip-
miklir fossar og gil í fjalli, sem
gaman er að skoða. Veiðistangir
liggja frammi, en allir geta náð
sér í soðið, ef þeir gefa sér tíma.
Og veiði er innifalin í dvöl. Þáð
er silungur í báðum ánum og ör-
ugg veiði í stífluvatni ofan við
bæinn, en þar erum við með smá-
fiskeldi eingöngu fyrir gestina til
að ganga í.“
- Vísið þið á söguslóðir? „í
Eyrarsveit er sagan við hvert fót-
mál. Landnámsjörðin Hallbjarnar-
eyri (Eyri í Eyrbyggju) hérna rétt
fyrir innan, sýnir vel hvernig bú-
setu landnámsmenn völdu sér. Þar
er lygn og aðdjúpur lendingar-
staður, flatlendi og góð veiðijörð.
Þangað er gaman að fara til að
skoða fuglalífið, einkum mófugl-
ana.
Austan megin við okkur er
Berserkjahraun, þar sem enn má
sjá veginn eftir berserkina, sem
Styrr bóndi á Hrauni fékk til vega-
gerðar. Þeir hljóta að hafa verið
rammir að afli til að leggja veg
um svo úfið hraun. Styrr hét að
gefa þeim frelsi og dóttur sína
að launum, en kæfði þá í heitu
baði!“
- Þið sýnduð mér svo fallega
steina, þegar ég heimsótti ykk-
ur. Er mikið um litfagra steina
á Snæfellsnesi? „Ég held að þurfi
að leita töluvert til að finna fal-
lega steina. Móðir mín er búin að
koma sér upp nokkuð breiðu
steinasafni, sem við sýnum gest-
um. En mikið er um steingerv-
inga, þ.e.„blaðfarasteina“ og'
skeljalög í fjöllunum í kring, Bú-
landshöfða, Stöðinni og Setbergi.
Ferðamönnum má ekki vísa á svo
jarðfræðilega merkisstaði, sem
eiga að vera friðaðir."
- Hvað er við að vera í þorp-
inu fyrir ferðamenn? „Margir
hafa áhuga á að kíkja í físk-
vinnslustöðvarnar. Og gestir okk-
argeta fengið að ganga í gegnum
alla vinnsluþætti fisksins, frá því
honum er landað og þar til honum
er pakkað í frysti. Góð útisund-
laug er í þorpinu, með grasi grón-
um bökkum og skjóli fyrir sól-
baðsdýrkendur. En sólbaðsstofa
og gufubað er í tengslum við laug-
ina. Góður kokkur er í Asakaffi
og þar er hægt að fá fisk- og
kjötrétti með víni eða léttum bjór.
Fyrir kaupglaða er bæði einka-
verslun og kaupfélag, bókabúð og
apótek.“
- Hvernig eru samgöngur?
„Grundarfjörður er miðsvæðis á
nesinu. Nú eru daglegar ferðir á
virkum dögum til að nálgast
Breiðafjarðareyjar og í kringum
Jökul, sem áður voru tvisvar í
viku. Aðeins 25 km eru að
Ólafsvík, en þaðan er að vísu
Kristinn leiðir hópinn, sem ríður úr hlaði í Kverná í bleiku skini
sólarlags.
Kristinn bóndi fylgist með ungum veiðimanni renna færi við foss
í fjalli.
Dagsveiðin verkuð
á flötinni við
sumarhúsin í Kverná.
lengri leið á Jökul, best að ganga
frá Arnarstapa (70 km). En ég á
ágætan jeppa og hef ekið með
göngufólk upp á jökulháls. Góð
samvinna er líka við feijurnar á
Breiðafirði."
- Ganga einhverjir gömlu
alfaraleiðina upp með Kverná
yfir í Staðarsveit? „Ég verð lítið
var við það, enda er þetta 6 tíma
ganga. En við förum yfír Arnar-
dalsskarð á hestum. Gistum á
Lýsuhóli og förum þar í sund.
Ríðum síðan á öðrum degi að Jökli
og á þriðja degi heim. Útlendingar
eru mjög hrifnir af þessari ferð.“
- Er álfabyggð við Kverná?
„Við erum ekki miklir söngmenn
hér á Kverná, en í Kvernárgili
fínnst ein glæsilegasta sönghöll í
íslenskum huldubyggðum. Tón-
leikahöll þessi er til húsa í þver-
hnípta hamraveggnum, sem
Kvernárfoss fellur um. Heillandi
söng- og músíktónar berast þaðan
til þeirra sem það skynja. Árni
Óla hefur skrifað um þessa tón-
leikahöll í huldufólkssögum og
Margrét frá Öxnafelli kom hingað
og skynjaði hana mjög sterkt. Það
er alveg þess virði að ganga upp
að Kvérnárfossi til að hlusta!"
- Ertu með óvæntar uppá-
komur fyrir gestina? Rúsínan í
pylsuendanum býðst í kvöldstillu
og lygnum sjó. Þá bjóðum við
gjarnan í siglingu út að Melrakka-
ey, sem er láglend eyja rétt fyrir
utan - friðlýst vegna hinna mörgu
fuglategunda sem þar verpa.
Sérstakt leyfi þarf til að ganga
um eyjuna, sem fæst aðeins eftir
að varp er komið vel á veg. í log-
andi sólarlaginu er stórkostlegt
að sigla þangað og skoða lunda-
og skarfabyggðir.“
Aðrir gististaðir í
Grundarfírði
Ásafell er tveggja ára gisti-
heimili í þorpinu, með gistingu
fyrir 12 manns og góða setustofu.
Handlaug er í herbergjum, en 2
sameiginlegar snyrtingar. A bæn-
um Suður-Bár (9 km frá þorpi)
eru tvö gistiherbergi fyrir 5
manns á rishæð. í fjallinu ofan
við Suður-Bár er vatn, sem marg-
ir trúa að geymi óskastein! Á land- • st
námsjörðinni Þórdísarstöðum eru
tvö sumarhús til leigu, sem standa
við uppistöðulón í fjörunni. Þar
gefst einstakt tækifæri til að
skoða fuglalíf í fjöru og veiðileyfi
í mjög vænan silung fást á bæn-
um.
Oddný Sv.Björgvins
Á Kverná: Uppbúin rúm og
morgunverður kr. 2.050 (sama
verð á Suður- Bár). Svefnpoka-
gisting með eldunaraðstöðu kr.
1.000. Á tjaldsvæði: 125 kr. á
tjald og livern tjaldbúa. í sund
kr. 100. í Ásakaffí kostar réttur
dagsins: með fiski kr. 960; með
kjöti kr. 1.190. Gisting í Ása-
felli í tveggja manna herbergi
kr. 1.750, í eins manns kr. 2.600,
morgunverður kr. 600. Viku-
leiga á sumarhúsi á Þórdísar-
stöðum kr. 24.500.
LESBÓK MORGUNBLAÐSINS 18 ÁGÚST 1990 1 1