Lesbók Morgunblaðsins - 03.09.1994, Page 7

Kaffistofa safnsins er í glerskála, sem framan frá séð skiptir húsinu í tvo hluta
og er eitt af mörgu sem er afar vel leyst.
Fjölbreytni, formfegurð og vel leyst smáatriði ber víða fyrir augu. Hér sést t.d.
aðalinngangur, forsalur og brúin milli sýningarsalanna.
210 fermetrar. Báðum sölunum má skipta
niður í smærri einingar ef þörf er á og
parketgólfið í þeim hefur verið yfirstrokið
með hvítu, sem gerir það í senn sérkenni-
legt og fallegt og að auki hlutlausara gagn-
vart. myndlistinni. Salirnir eru samtengdir
með loftbrú.
Á neðri hæð er liðlega 100 fermetra
sýningarsvæði og þar að auki 115 fer-
metra fjölnotasalur, sem bæði má nota til
sýninga og fyrirlestrahalds. Þar eru og
skrifstofur, kaffistofa, eldhús og geymslur.
Allt er það harla gott.
Þegar safnið var myndað á sólbjörtum
degi í ágúst, var verulegur birtumunur í
sölunum á efri hæðinni. Minni salurinn,
þar sem verk Gerðar voru uppi, snýr stóra,
kringlótta gluggnum til suðurs og þar var
afar góð birta eins og myndin ber með
sér. Á myndinni af stóra salnum sést greini-
lega að þar er mun minni birta, enda snýr
hringglugginn þar til norðurs. Þakglugga-
rnir eru látnir bera afar daufa birtu og hún
er köld. Tvöföld grisja til birtudreifingar
er of þykk og vafasamt að neina slíka
grisju þurfi.
Hvelfingarnar uppi á þakinu snúa glugg-
um sínum einungis í norður, sem ég tel
að séu mistök. Með því móti verður birtan
of köld. Norðanbirtan er alveg laus við
þennan kulda úti í Evrópu og þar hefur
verið regla að láta t.d. vinnustofuglugga
snúa í norður. Á Ludwig-safninu í Frank-
furt er birtan tekin niður á svipaðan hátt
og í Kópavoginum en maður tekur ekki
eftir því að sú birta sé köld.
Næg reynsla er komin á það, að á norð-
lægum breiddargráðum þarf dagsbirta í
söfnum, vinnustofum og sýningarhúsum
helzt að koma úr öllum áttum og sízt af
öllu einvörðungu úr norðri. Þar að auki
þurfa þakgluggamir í Listasafni Kópavogs
að geta veitt meiri dagsbirtu í sýningarsa-
lina. Það er varla einleikið hvað erfíðlega
gengur að hafa þennan mikilsverða þátt í
lagi þegar við byggjum sýningarhús fyrir
myndlist. Allir vita hvernig til tókst á
Kjarvalsstöðum og í sýningarsal Hafnar-
borgar er engin dagsbirta. Aðeins í ASÍ-
salnum hefur tekizt að veita dagsbirtunni
inn svo í lagi sé.
Þetta atriði er það eina sem ég hnýt um
að sé ekki eins og framast mætti óska sér
þegar Listasafn Kópavogs er skoðað. Hús-
ið sjálft er listaverk og augnayndi, sem
ástæða er til að óska arkitektinum til ham-
ingju með, svo og Kópavogsbúum og öllum
listunnendum.
GÍSLI SlGURÐSSON
Listasafn Kópavogs að utanverðu. Hér hefur tekizt að láta fallegt form og smekklega litanotkun haldast í hendur.
LESBÖK MOKGUNBLAÐSINS 3. SEPTEMBER 1994 7