Lesbók Morgunblaðsins - 28.03.1998, Blaðsíða 16

TRÍÓ REYKJAVÍKUR TÍU ÁRA
Tríó Reykjavíkur fagnar tíu
ára gfmæli sínu um þessar
mundir. Af því tilefni verða
haldnir gfmælistónleikar í
Hafnarborg, menningar-
oq listastofnun Hafnar-
, garðar ó sunnudap—
HILDUR EINARSDÓTTIR
ræddi við meðlimi tríósins
um starfsemina fyrr og nú.
TRÍÓ Reykjavíkur var stofnað af Hall-
dóri Haraldssyni píanóleikara, Guðnýju
Guðmundsdóttur fiðluleikara og Gunn-
ari Kvaran sellóleikara árið 1988. Hall-
dór lét af störfum með tríóinu árið 1996 og tók
þá Peter Máté við. Áður en til formlegrar
stofnunar tríósins kom höfðu frumkvöðlamir
leikið saman um skeið og haldið nokkrum
sinnum opinbera tónleika.
- Á ferli sínum hefur tríóið leikið á fjölda tón-
leika víða um land, fyrir Kammermúsikklúbb-
inn í Reykjavík nánast árlega auk hinnar ár-
legu tónleikaraðar í Hafnarborg sem hófst ár-
ið 1990 og hefur staðið óslitið síðan.
Tríóið hefur einnig farið í margar tónleika-
ferðir til Danmerkur og auk þess komið fram
í Þýskalandi, Finnlandi, Prag og London.
Hljóðritanir með leik tríósins hafa verið leikn-
ar víða í Evrópulöndum.
Afmælistónleikamir era jafnframt síðustu
tónleikar tríósins í Hafnarborg í vetur en þau
halda þar fjóra tónleika á ári. Þau segja að-
stöðuna í Hafnarborg mikilvæga fyrir starf-
semi tríósins. „Það er! gott að hafa slíkt fast
aðsetur. Salurinn býður upp á góðan hljóm-
burð og þar að auki er húsið fallega hannað.
Myndlistarsýningar eru þar allan ársins hring
þannig að tónleikagestir hafa ýmislegt til að
gleðja augað. Ekki tná gleyma kaffistofunni
sem er mjög skemmtileg. Allt skapar þetta
skemmtilega umgjörð utan um tónleikana.
Við höfum í gegnum tíðina boðið fólki að leika
með okkur í Hafnarborg og skapar það fjöl-
breytni í tónleikahaldinu.“
Þau segjasta leika íslensk verk árlega. Að
þessu sinni flytja þau píanótríóið
„Sommermusik" eftir Pál Pampichler Páls-
son. „Okkur finnst við hæfi að flytja tónlist
eftir Pál því hann verður sjötugur á þessu ári.
En Páll tileinkaði Tríói Reykjavíkur þetta
verk. Með flutningi þess viljum við líka votta
* honum virðingu okkar fyrir þau margvíslegu
Morgunblaðið/Kristinn
TRÍÓ Reykjavíkur er skipað, talið f.v., Peter Máté píanóleikara, Guðnýju Guðmundsdóttur fiðluleikara og Gunnari Kvaran sellóleikara.
störf sem hann hefur unnið í þágu íslenskrar
tónlistar. „Spmmermusik" er létt og skemmti-
legt verk. í þvi bregður fyrir völsum og
tangóum, hrynjandin er því létt og leikandi.
Leika inn á geislaplötu
Á tónleikunum verðum við einnig með
hefðbundið verk sem hefur fylgt okkur þau
ár sem tríóið hefur starfað. Þetta er tríó op.
1. nr 1 eftir Ludwig van Beethoven og er
þetta fyrsta verkið sem gefið var út eftir
Beethoven en hann samdi það kornungur.
Eftir hlé ætlum við svo að flytja tríó eftir
Maurice Ravel sem hann samdi árið 1914.
Þetta er eitt merkasta tríó sem samið hefur
verið á þessari öld fyrir okkar hljóðfærasam-
setningu. Allt sem prýðir Ravel sem glæsi-
legt tónskáld kemur fram í þessu verki.
Sterkra spænskra áhrifa gætir í tónlistinni
en Ravel var af baskneskum upprana."
Eins og áður segir hefur Tríóið leikið hér
víða um land auk þess að fara í tónleikaferðir
til útlanda.
„Við eram afar þakklát okkar tryggu
áheyrendum hér á landi. En það er líka nauð-
synlegt fyrir okkur sem búum í litlu þjóðfé-
lagi að finna að við getum spilað hvar sem er í
heiminum. Þegar við föram í tónleikaferðir til
útlanda opnast nýjar víddir. Við hittum aðra
tónlistarmenn og spilum í nýju umhverfi.
Þetta þroskar okkur sem tríó. Það hefur líka
glatt okkur hve við höfum fengið góðar við-
tökur þar sem við höfum komið.“
Er eitthvað sérstakt á döfinni hjá ykkur í
tilefni af afmælinu?
„Við höfum verið beðin um að leika inn á
geislaplötu. Það er tímafrek vinna en við
stefnum að því að ljúka henni á þessu ári.
Fleiri verkefni eru í farvatninu. Við munum
koma fram á Listahátið í Reykjavík í sumar
og flytja nýtt verk eftir Jón Nordal. Þar að
auki munum við halda áfram með tónlistarhá-
tíðina í Hveragerði sem við stofnuðum til síð-
astliðið ár. Hátíðin mæltist það vel fyrir að
forráðamenn hennar vilja að við höldum
áfram með hana. Hátíðin verður haldin dag-
ana 12.-14. júlí næstkomandi. Þar mun koma
fram fjöldi gesta, þar á meðal söngkonan
Diddú.
Ekki alls fyrir löngu komu forsvarsmenn
Fella- og Hólakirkju að máli við okkur.
Sýndu þeir áhuga á því að koma á tónleikaröð
í kirkjunni og áttum við að hafa umsjón með
henni. Ákváðum við að taka þessu ágæta
boði. Ætlunin er að tónleikahaldið þar verði
með öðra sniði en það sem við stöndum fyrir í
Hafnarborg. Verður það með léttara ívafi og
gestir á tónleikunum verða fleiri. Okkur þyk-
ir vænt um þennan áhuga en það er mikil-
vægt fyrir kammerhóp eins og okkar að fá að
koma fram sem oftast.“
Þau segja að það að leika í tríói gefi marga
möguleika. „Við erum öll einleikarar og kom-
um fram sem slík. En til er mikið af góðum
tónverkum fyrir píanótríó. Öll helstu tón-
skáldin hafa einhvern tíma samið tónverk
fyrir þessa hljóðfærasamsetningu. Það er því
mjög gefandi að leika þessa tegund tónlist-
ar.“
ÞAKKLÁT OKKAR TRYGGU ÁHEYRENDUM
Islensk málverk á
uppboöi í
TÍU málverk eftir sjö íslenska listmálara
verða boðin upp hjá uppboðsfyrirtækinu
Bruun Rasmussen í Kaupmannahöfn dag-
v ana 30. mars til 2. aprfl næstkomandi.
Þetta eru Bragi Ásgeirsson, Gunnlaugur
Blöndal, Jóhannes S. Kjarval, Jón Stef-
ánsson, Júlíana Sveinsdóttir, Sigríður
Þorláksdóttir og Þorvaldur Skúlason.
Alls verða 984 Iistaverk boðin upp á upp-
boðinu.
Verðmætasta íslenska verkið er lands-
lagsmynd eftir Jóhannes S. Kjarval, met-
in á 60-75.000 danskar krónur, eða um
600-750.000 íslenskar, þá kemur Þing-
vallamynd eftir Jón Stefánsson, sem upp-
boðshaldari metur á ríflega 500.000 ís-
- lenskar krónur. Mynd Gunnlaugs Blön-
. dal, Notre Dame, er metin á um 300.000
| íslenskar krónur og landslagsmynd eftir
f Júlíönu Sveinsdóttur á um 300-400.000
» krónur. Önnur íslensk verk eru metin á
s lægri upphæðir.
Danmörku
GUNNLAUGUR Blöndal: Notre Dame.
16 LESBÓK MORGUNBLAÐSINS ~ MENNING/LISTIR 28. MARZ1998