Alþýðublaðið - 05.10.1990, Qupperneq 6

6
Föstudagur 5. okt. 1990
Ályktun kjördœmisþings Alþýduflokksins í Reykjaneskjördœmi:
FAGNA UMSKIPTUM í EFNA-
HAGSMÁLUM ÞJÓÐARINNAR
Á fjölmennu kjördæmisþingi Alþýðuflokksins i
Reykjaneskjördæmi var Hörður Zóphaniasson,
Hafnarfirði, endurkjörinn formaður kjördæmis-
ráðs, sem og meðstjórnendur, þeir Gisli Ólafsson,
Keflavik, og Gunnlaugur Guðmundsson, Kópavogi.
Þá var samþykkt að viðhafa
prófkjör við val frambjóðenda fyr-
ir næstu þingkosningar. Prófkjörið
á að fara fram eigi síðar en í nóv-
embermánuði.
Eftirfarandi ályktun var sam-
þykkt:
„Kjördæmisþing Alþýðuflokks-
ins í Reykjaneskjördæmi fagnar
þeim umskiptum, sem átt hafa sér
stað í efnahagsmálum þjóðarinn-
ar. Með samstilltu átaki verkalýðs-
hreyfingarinnar, atvinnurekenda,
bænda og ríkisstjórnar hefur tek-
ist að hverfa frá hrunadansi verð-
bólgunnar, sem hrjáð hefur at-
vinnulífið og heimilin í landinu.
Verðbólga er nú minni en
þekkst hefur í áratugi. Vextir hafa
lækkað verulega og verðlag er
stöðugra en um langt árabil. Þenn-
an árangur má einkum þakka fólk-
inu í verkalýðshreyfingunni, sem
þrátt fyrir versnandi kaupmátt
ákvað að taka höndum saman við
ríkisvaldið í baráttunni gegn
stöðnun, atvinnuleysi og óðaverð-
bólgu.
Þjóðarsáttin er í raun fórn fyrir
betri framtíð. Kjördæmisþingið
telur mjög brýnt að allir geri sitt til
að markmið þjóðarsáttarinnar
takist. Þar má enginn undan skor-
ast.
Til þessa hafa allir þættir þjóðar-
sáttarinnar heppnast, þrátt fyrir
atlögur einstakra hópa. Takist
framhaldið jafnvel, hefur tekist að
byggja grunn að betri lífskjörum,
heilbrigðara efnahagslífi og aukn-
um hagvexti.
Nu eru allar líkur á að tekist hafi
að brjótast út úr þeirri stöðnun,
sem ríkti í stóriðjumálum og virkj-
un fallvatna um árabil. Væntan-
lega mun bygging nýs álvers á
Keilisnesi hefjast innan skamms.
Þingið þakkar iðnaðarráðherra
einbeitta framgöngu í því máli og
skorar á forystu Alþýðuflokksins
að láta ekki undan afturhaldssöm-
um sjónarmiðum þeirra, sem vilja
með hverskyns átyllum koma í
veg fyrir nýtt átak í stóriðjumál-
um. Jafnframt krefst fundurinn
þess að ítrustu mengunarvarna
verði gætt við byggingu og rekstur
álversins um komandi ár.
Alþýðuflokkurinn kom þvi til
leiðar að í kvótalögunum er
ákvæði, sem kveður á urn að fisk-
urinn í hafinu umhverfis ísland sé
sameign þjóðarinnar. { ljós hefur
komið að framkvæmd laganna er
og verður með þeim hætti að of-
angreint ákvæði er algjörlega virt
að vettugi. Með framkvæmd lag-
anna er búið að afhenda örfáum
aðilum eignarrétt á þessari sam-
eiginlegu auðlind, sem einkaeign.
Þeir selja aðgang að henni og and-
virðið rennur í þeirra eigin vasa,
þrátt fyrir að þeir hafi fengið að-
ganginn án endurgjalds í upphafi.
Þannig er búið að afhenda örfá-
um aðilum tugi milljarða króna en
sjómaðurinn, fiskvinnslufólkið og
fiskverkandinn, sem áttu þátt í því
að skapa reynslukvóta útgerðar-
innar, sitja eftir atvinnulausir og
réttlausir, þrátt fyrir að lögin kveði
á um sameign þessarar auðlindar.
Kjördæmisþingið telur að Al-
þýðuflokkurinn eigi að beita sér
Hörður Zóphaníasson: Endurkjörinn
formaður kjördæmisráðs Alþýðu-
flokksins í Reykjaneskjördæmi.
fyrir því að mótuð verði fisk-
vinnslustefna, sem markist af því
að auðlindin umhverfis landið
verði þjóðareign.
Vinna þarf áfram að því að Evr-
ópubandalagið leggi af innflutn-
ingstolla á saltfiski og ferskum
fiski, þannig að íslendingar geti
selt þangað unna afurð, en láta
ekki tollastefnu Evrópubandalags-
ins þvinga okkur til þess að flytja
út hráefni.
Stefna þarf að sem hagkvæm-
astri nýtingu fiskistofnana og að
fyrirtæki sérhæfi sig annaðhvort í
veiðum eða vinnslu og séu ekki að
grauta í hvorutveggja með mis-
góðum árangri.
Ef ekki verður gripið til aðgerða
fljótlega mun ekki verða aftur snú-
ið. Örfá fyrirtæki munu þá hafa
kvótann í hendi. Flest þeirra
myndu vinna verulegan hluta atl-
ans úti á sjó. Þetta er þegar að ger-
ast og mun gerast hraðar en nokk-
urn óraði fyrir. Ef þetta gerist mun
atvinnuleysi á íslandi aukast hröð-
um skrefum og smærri byggðir
landsins leggjast í eyði.
Kjördæmisþingið leggur áherslu
á að traust stjórn efnahagsmála og
atvinnuuppbygging til aukins hag-
vaxtar er undirstaða þeirra vel-
ferðarmála, sem Alþýðuflokkur-
inn berst fyrir. Þingið þakkar ráð-
herrum og þingflokki Alþýðu-
flokksins framgang þeirra við að
hrinda í framkvæmd þeim um-
bótamálum, sem flokkurinn boð-
aði fyrir síðustu kosningar.
Má þar nefna breytingar og ein-
földun skattakerfisins, stað-
greiðslu skatta, upptöku virðis-
aukaskatts, endurskipulagningu
bankakerfis, aukið frelsi í gjaldeyr-
ismálum, aukið sjálfstæði sveitar-
félaga og nýja húsnæðislöggjöf.
Frumvarp um félagsþjónustu
sveitarfélaga náði ekki fram að
ganga á síðasta þingi. Það grund-
vallast á stefnu Alþýðuflokksins í
fjölskyldumálum og nauðsyn þess
að fjölskyldur eigi rétt á sömu fé-
lagslegu þjónustu, óháð búsetu.
Kjördæmisþingið þakkar félags-
málaráðherra framgöngu hennar í
fjölskyldu- og jafnréttismálum og
telur brýnt að frumvörp um félags-
þjónustu og jafnréttismál nái fram
að ganga á komandi þingi.
Tilkoma húsbréfakerfisins,
kaupleiguíbúðir og auknar áhersl-
ur á félagslegt húsnæði er mikið
hagsmunamál landsbyggðarinnar
og ber eftirspurn sveitarfélaga eft-
ir kaupleiguíbúðum þess glöggt
vitni. Kjördæmisþingið treystir
ráðherrum og þingflokki til að
standa vörð um áframhaldandi
uppbyggingu félagslegra íbúða og
skorar á ríkisvaldið að treysta fjár-
hagsgrundvöll ríkisins.
Kjördæmisþingið vekur athygli
á að þrátt fyrir yfirlýsingar þar um
og ákvæði stjórnarsáttmála hefur
ekkert þokast í samræmingu líf-
eyrisréttinda landsmanna, sem er
eitt mesta hagsmunamál laun-
þega. Þingið hvetur til að á kom-
andi þingi verði samþykkt ný lög
um samræmt lífeyriskerfi fyrir alla
landsmenn.
Kjördæmisþingið harmar að
ekki skuli nást samstaða um
breytta landbúnaðarstefnu, sem
sættir hagsmuni bænda og neyt-
enda og telur að ekki eigi aði
ganga frá nýjum búvörusamningi
fyrr en eftir næstu kosningar.
Umhverfismál skipa æ ríkari
sess hjá þjóðinni og verða einn
mikilvægasti málaflokkur fram-
tíðarinnar. Þingið fagnar aðgerð-
um í umhverfismálum eins og
skilagjaldi á einnota umbúðum og
stofnun Umhverfismálaráðuneytis
og áherslu Alþýðuflokksins á sam-
starf þjóðanna um varnir gegn
mengun sjávar og fagnar frum-
kvæði utanríkisráðherra varðandi
afvopnun á höfunum.
Kjördæmisþingið leggur áherslu
á að góður árangur Alþýðuflokks-
ins í komandi kosningum mun
tryggja áframhaldandi uppbygg-
ingu öflugs atvinnulífs og áherslur
í velferðarmálum til heilla fyrir
þjóðina. Kjördæmisþingið hvetur
alla jafnaðarmenn í kjördæminu
til að hefja nú þegar undirbúning
komandi Alþingiskosninga. Sveit-
arstjórnarkosningarnar sýna að
styrkur flokksins er mikill í kjör-
dæminu og með öflugri kynning-
arstarfsemi og kosningabaráttu
mun hún enn styrkjast í kosning-
unum í vor til heilla fyrir kjör-
dæmið."
RAÐAUGLÝSINGAR
FÉLAGSMÁLASTOFNUN REYKJAVÍKURBORGAR
Síðumúla 39 — 108 Reykajvík — Sími 678500
Starf með unglingum
Unglingaathvarfið í Seljahverfi óskar eftir að ráða
starfsmann í 46% kvöldstarf.
Æskilegt er að umsækjendur hafi menntun og/eða
reynslu sem nýtist í skapandi meðferðarstarf með
unglingum.
Umsóknarfrestur er til 15. október nk.
Nánari upplýsingar veitir forstöðumaður í síma
75595 e.h. og á kvöldin virka daga.
Útboð
Innkaupastofnun Reykjavíkurborgar f.h. Hitaveitu
Reykjavíkur, óskar eftir tilboðum í foreinangraðar
pípur.
Um er að ræða lagnir að stærð 20—150 mm, sam-
tals 52.000 m með grinistykkjum og múffum.
Útboðsgögn verða afhent á skrifstofu vorri, Frí-
kirkjuvegi 3, Reykjavík.
Tilboðin verða opnuð á sama stað, miðvikudaginn
31. október 1990 kl. 11.00.
INNKAUPASTOFNUN REYKJAVÍKURBORGA'R
Frikirkjuvegi 3 — Simi 25800
Kjördæmisþing Alþýðuflokksins
í Vestfjarðakjördæmi
Kjördæmisþing Alþýðuflokksins í Vestfjarðakjör-
dæmi verður haldið í félagsheimili Alþýðuflokksins
á ísafirði, sunnudaginn 7. október þ.m.
Fundurinn hefst kl. 11.00 fyrir hádegi.
Dagskrá:
1. Stjórnmálaviðhorfið
2. Kjördæmismál
3. Undirbúningur þingkosninga
Stjórn kjördæmisráðs.
Opinn fundur
utanríkismálanefndar SUJ, miðvikudaginn 10. okt.
kl. 20.00 í Rósinni.
Fundarefni:
Flokksþing.
Hvetjum alla þingfulltrúa til að mæta.
Fólagsmiðstöð jafnaðarraanna
HverftSgötu 8—10
S|g>i 15020 ^
Steindór Karvelsson
verður gestgjafi í Rós-
inni í kvöld.
Munið að Rósin er
opin föstudaga og
laugardaga til kl. 01.00.
Komið og njótið
góðrar stundar í
Rósinni.
Slys gera ekki
boð á undan sér! æasr
UUMFEROAR
RÁO