Alþýðublaðið - 27.04.1991, Side 1

MÞYBUBLJM
65.TÖLUBLAÐ- 72. ÁRGANGUR
LAUGARDAGUR
27. APRÍL 1991
GREIÐSLUMATILANASTOFNANIR: Allar stærstu
lánastofnanir landsins, bankar, sparisjóðir og verðbréfa-
fyrirtæki, hafa nú tekið höndum saman um að annast
greiðslumat umsækjenda um húsbréfalán. Þetta nýja fyrir-
komulag á greiðslumati tekur gildi nú strax eftir hetgina.
Þar með þurfa þeir sem vilja fá greiðslumat ekki lengur að
snúa sér til Húsnæðisstofnunar ríkisins með greiðslumat.
Þær lánastofnanir sem taka að sér greiðslumat fyrir Hús-
næðisstofnun skuldbinda sig til að ljúka því á tíu dögum frá
því að fullgild umsókn þar um berst til þeirra. Það eru Bún-
aðarbanki íslands, íslandsbanki hf., Kaupþing hf., Kaup-
þing Norðurlands hf., Landsbanki íslands, Landsbréf hf. og
Samband íslenskra sparisjóða sem munu annast þessa
þjónustu.
RKÍ SENDIR KÚRDUM AÐSTOÐ: Rauði kross ís-
lands sendi í vikunni fulla flugvél af teppum og peysum frá
ísienskum prjónastofum til Teheran í Iran. Farmurinn var
afhentur Rauða hálfmánanum í íran sem kpm honum
strax í flóttamannabúðir Kúrda við landamæri íraks en þar
ríkir nú neyðarástand. Kristján Eysteinsson fylgdi farm-
inum á leiðarenda fyrir hönd RKÍ. í gær var annar farmur
sendur áleiðis til írans þar sem Rauði hálfmáninn mun taka
við honum og koma honum til flóttamannabúða Kúrda.
Hjálpargögn þessi eru keypt fyrir framlag ríkisstjórnar ís-
lands til hjálpar Kúrdum á flótta frá írak.
HAGNAÐUR GRANDA190 MILUÓNIR: Hagnað-
ur af rekstri Granda hf. á síðasta ári nam 190,3 milljónum
króna. Heildarvelta Granda sl. ár var 2.827 milljónir króna
og heildarafli togara fyrirtækisins rúmlega 28 þúsund
tonn. Af heildarafla voru seld 6.500 tonn erlendis og 7.400
tonn á innlendum mörkuðum. Framleiðsla vinnslustöðva
Granda nam 7.480 tonnum af frystum sjávarafurðum og
2.170 tonnum um borð í togurum eða samtals 9.650 tonn-
um. Meðalfjöldi starfsmanna á síðasta ári var 392 og launa-
greiðslur ársins voru 832 milljónir króna.
ÚTFLUTNINGSVERÐLAUN TIL FLUGLEIÐA:
Forseti íslands, Vigdís Finnbogadóttir, veitti í fyrradag
Flugleiðum Útflutningsverðlaun forseta Islands. Sigurður
Helgason, forstjóri Flugleiða, veitti viðurkenningunni
viðtöku að Bessastöðum fyrir hönd fyrirtækisins.
LANDSVIRKJUN VILL HÆKKUN: Verulegur hagn-
aður, eða sem nam um milljarði króna, var af rekstri
Landsvirkjunar á síðasta ári, og er það einkum til komið
vegna hagstæðrar gengisþróunar. Þrjá fyrstu mánuði
þessa árs hefur hins vegar verið 100 milljón króna tap á
rekstri Landsvirkjunar. Halldór Jónatansson, forstjóri
Landsvirkjunar, telur að hækka þurfi gjaldskrá fyrirtækis-
ins sem nemur 7—8% um mitt þetta ár.
LEIÐARINN I DAO
Þrátt fyrir að skoðanir séu skiptar innan Alþýðu-
flokksins hvort vænlegra sé að mynda stjórn til
„hægri" eða „vinstri" stendur flokkurinn heill og
sameinaður um þau meginverkefni sem flokkurinn
boðaði kjósendum fyrir kosningar. Þegar upp er
staðið hlýtur það að ráðast af málefnunum hverjum
Alþýðuflokkurinn vill starfa með. Fyrir dyrum standa
viðræður milli Alþýðuflokks og Sjálfstæðisflokks um
hugsanlega stjórnarmyndun.
Umhverfisvænni
sorpmeðferð
I gær hófst formlega starf-
semi SORPU, sem er byggða-
samlag sveitarfélaga á höfuð-
borgarsvæðinu. SORPA tók í
notkun móttöku- og flokkunar-
stöð fyrir úrgang en mun einn-
ig standa fyrir endurvinnslu
ýmissa úrgangsefna.
Alþjóðieg
vinnuvernd
EFTA-ríkjunum var boðið að
gerast aðili að vinnuverndarári
EB og hafa Norðurlöndin fallist
á það. Ríkisstjórn íslands hefur
samþykkt tillögu Jóhönnu Sig-
urðardóttur félagsmálaráð-
herra þar um.
Hagræðing í heil-
brigðisþjónustunni
Skúli G. Johnsen borgar-
læknirskrifargrein um hvernig
má hagræða í heilbrigðisþjón-
ustunni og bendir á að starfs-
fólkið sem vinnur við þá þjón-
ustu hefur besta yfirsýn yfir
hvar sé hægt að spara.
Viðrœður um stjórnarmyndun Alþýðuflokks og Sjálfstœðisflokks
hefjast í Viðey í dag
Ný Viðreisn
á boröinu?
Viðræður um myndun
ríkisstjórnar Alþýðu-
flokks og Sjálfstæðis-
fiokks hefjast í Viðey
klukkan 14 í dag. Forseti
ísiands fól í gær Davíð
Oddssyni, formanni
Sjálfstæðisflokksins og
borgarstjóra í Reykja-
vík, umboð til að mynda
ríkisstjórn sem njóti
meirihlutafylgis á Al-
þingi.
Jón Baldvin Hannibals-
son, formaður Alþýðu-
flokksins, sem leitt hefur
óformlegar stjórnarmynd-
unarviðræður að undan-
förnu, mælti með því við
forseta Islands síðdegis í
gær að formanni Sjálfstæð-
isflokksins yrði falið um-
boð til myndunar ríkis-
stjórnar Alþýðuflokks og
Sjálfstæðisflokks. Davíð
Oddsson kom skömmu síð-
ar í stjórnarráðið þar sem
forseti fól honum að reyna
stjórnarmyndun.
Umboð forseta til stjórn-
armyndunar er ekki bund-
ið við einstaka flokka, en
Davíð Oddsson tilkynnti í
gær að hann myndi skila
umboðinu tækist honum
ekki að mynda ríkisstjórn
Sjálfstæðisflokks og Al-
þýðuflokks á næstu fjórum
dögum.
Samstaða virðist mikil
með forystu flokkanna og
er því gert ráð fyrir að
samningar gangi hratt fyrir
sig. Jón Baldvin Hannibals-
son segir að stjórnin muni
efla velferð fólks en ekki
fyrirtækja. Það verði meðal
markmiða ríkisstjórnarinn-
ar að fyrirtækin geti staðið
á eigin fótum.
Samkvæmt heimildum
blaðsins munu fulltrúar
flokkanna hafa þegar
kannað einstaka mála-
flokka, einkum þá sem
ágreiningur var um á síð-
asta þingi. Jón Baldvin
sagði í gær að meðal meg-
inverkefna nýrrar stjórnar
verði breytingar á fiskveiði-
stjórnun og uppstokkun í
landbúnaði. Alþýðuflokk-
urinn muni halda fast við
stefnuna í félagsmálum,
sérstaklega hvað varðar
húsnæðiskerfið.
Formaður Sjálfstæðis-
flokksins sagði í gær að
ekki hefði verið rætt um
skiptingu ráðuneyta eða
um fjölda ráðherra á þeim
fundum sem formenn
flokkanna hefðu átt. Sam-
kvæmt heimiidum Alþýðu-
blaðsins mun af hálfu Sjálf-
stæðisflokks aðeins vera
frá því gengið að Friðrik
Sophusson taki sæti í ríkis-
stjórninni, og er það tillaga
Sjálfstæðismanna að hann
verði fjármálaráðherra.
Fullvíst þykir að þeir þrír
ráðherrar Alþýðuflokks
sem áttu sæti í fyrri ríkis-
stjórn taki sæti nýrri ríkis-
stjórn.
Davíð Oddsson á leið í Stjórnarráð íslands. f gær átti hann fund með forseta íslands, frú
Vigdísi Finnbogadóttur, en hún hefur veitt honum umboð til myndunar meirihlutastjórnar.
RITSTJÓRN © 625566 - 625538 • FAX 627019 • ÁSKRIFT OG AUGLÝSINGAR ©