Alþýðublaðið - 04.10.1994, Blaðsíða 3
Þriðjudagur 4. október 1994
~.7Zy—
TIÐINDI
ALÞÝÐUBLAÐIÐ 3
HÚSNÆÐISSTOFNUN þakkar húsbréfunum þá staðreynd, að raunverð
íbúða í fjölbýlishúsum stendur í stað þrátt fyrir andbyr í efnahagsmálum:
Ibúðareigendum
forðað fra ófamaði
- segir SIGURÐUR E. GUÐMUNDSSON forstjóri Húsnæðisstofnunar
Raunverð íbúða í fjölbýl-
ishúsum stóð í stað á
öðrum ársfjórðungi
þessa árs. Þrátt fyrir andbyr í
efnahagsmálum undanfarin ár
hefur raunverð íbúða í fjölbýl-
ishúsum ekki leitað niður á við.
Að vísu hefur það sveiflast
nokkuð, meðal annars hækkað
á þessu ári eftir lækkun í fyrra,
en skýr tilhneiging til lækkunar
hefur ekki komið fram“, segir
Þjóðhagsstofnun í Hagvísum
sem komu út á dögunum.
„Þetta er frábrugðið þróun-
inni í nálægum löndum. Þar
hafði efnahagslægðin mikil
áhrif á íbúðarverð. Líklega er
skýringin að hluta fólgin í hús-
bréfakerfinu hér á landi. Það
hefur án efa haldið uppi íbúða-
verði í lægðinni. Á hinn bóginn
hafa stór einbýlishús og at-
vinnuhúsnæði lækkað mikið í
verði. Fátt bendir tii að miklar
breytingar séu framundan á
fasteignamarkaðnum", segir í
Hagvísum Þjóðhagsstofnunar.
Fjármálaráðherra, Friðrik
Sophusson, hefur látið hafa
eftir sér að húsbréfakerfið sé
gallað og þarfnist endurskoð-
unar við.
„Mér sýnist þetta mat Þjóð-
hagsstofnunar gefa glöggt til
kynna styrk húsbréfakerfisins,
sem hefur, samkvæmt þessu
forðað stórkostlegu verðhruni á
íbúðum almennings, einkan-
lega á þéttbýlissvæðunum, og
þannig átt stóran þátt í að forða
miklum fjölda íbúðaeigenda frá
stórfelldum ófamaði í fjármál-
um þeirra“, sagði Sigurður E.
Guðmundsson, forstjóri Hús-
næðisstofnunar ríkisins, þegar
Alþýðublaðið bar þessa um-
sögn Þjóðhagsstofnunar undir
hann í gær.
„Ég hygg að enginn hafi séð
fyrir að húsbréfakerfið gæti og
SIGURÐUR E. GUÐMUNDSSON, forstjóri Húsnœðisstofnunar ríkisins: „Mér sýnist þetta mat
Þjóðhagsstofnunar gefa glöggt til kynna styrk húsbréfakerfisins, sem liefur, samkvœmt þessu forð-
að stórkostlegu verðhruni á íbúðum almennings.“
Alþýðublaðsmynd / Einar Ótason
myndi virka á þennan veg og
það er auðvitað mikið fagnað-
arefni að það skuli hafa gert
það. En það er ekki síður at-
hyglisvert, sem Þjóðhagsstofn-
un segir, að í ýmsum nálægum
löndum hafi efnahagslægðin
haft mikil áhrif á íbúðaverð,
sannarlega til lækkunar, með
tilheyrandi erfiðleikum fyrir al-
menning. Þar eru húsbréfakerf-
in hvergi rekin af hinu opin-
bera, heldur hvarvetna af einka-
fyrirtækjum, til dæmis í Dan-
mörku þar sem mikið verðhrun
varð. Þama kemur fram glögg-
ur munur á því, að ekki er sama
í hvers hendi húsbréfaútgáfan
og sala húsbréfa er“, sagði Sig-
urður E. Guðmundsson.
Taílæ Þjóðhagsstofnun
Raunverð íbúða í fjölbýli
% á höfuðborgarsvæðinu
17. ársfundur aðildarríkja LUNDÚNASÁTTMÁLANS hófst í gær í London. Síðastliðið ár samþykktu
aðildarríkin 72, að banna algjörlega vörpun geislavirks úrgangs í sjó frá skipum. Rússar hafa einir
aðildarríkja ekki skrifað undir þessa samþykkt og GREENPEACE-samtökin bera þá þungum sökum:
Halda Rússar áftam að menga höfin?
ársfundur aðildar-
ríkja Lundúna-
Msáttmálans hófst í
gær í London. Síðastliðið ár
samþykktu aðildarríkin 72, að
banna algjörlega vörpun geisla-
virks úrgangs í sjó frá skipum.
Rússland mun vera eina aðild-
arríkið sem ekki hefur viljað
skrifa undir þá samþykkt. í
kjölfar þessarar samþykktar og
viðbragða Rússa gegn henni
hafa bandarísk, japönsk og
norsk stjómvöld staðið í samn-
ingaviðræðum við rússnesk
stjórnvöld.
Búist er við að niðurstöður
viðræðna ríkjanna - meðal ann-
ars hvernig skuli farið með
geislavirkan úrgang á Kóla-
skaga - verði kynntar næst-
komandi miðvikudag.
Greenpeace-samtökin hafa
haft stöðu áheymarfulltrúa á
fundum Lundúnasáttmálans frá
árinu 1983. Þrír fulltrúar þeirra
em áheyrnarfulltrúar á 17. árs-
fundi aðildarríkja sáttmálans
þessa dagana. I tilefni af árs-
fundinum sendu grænfriðungar
frá sér yfirlýsingu þar sem segir
meðal annars:
„Skömmu fyrir ársfund að-
ildarríkja Lundúnasáttmálans
árið 1993 stóðu Greenpeace-
samtökirí rússneskt skip að
verki við að kasta geislavirkum
úrgangi í Japanshaf. Á meðan
rússnesk stjórnvöld neita að
samþykkja bann við að varpa
geislavirkum úrgangi í sjó er
ástæða til að óttast, að þau
muni grípa til slíkra ráðstafana
á ný. Áður hafa Greenpeace-
samtökin komið upp um, að
sovéski flotinn kastaði umtals-
verðu magni af geislavirkum
úrgangi í Karahaf og Barents-
haf.
Greenpeace-samtökin, sem
hafa fylgst náið með þróun
mála í Rússlandi, telja brýnt að
Rússland santþykki bann Lund-
únasáttmálans. Tæknilegar
lausnir em fyrir hendi, en hing-
að til hefur skort pólitískan
vilja.“
Til skýringar er rétt að geta
þess, að Lundúnasáttmálinn er
alþjóðlegur sáttmáli um vamir
gegn mengun hafsins vegna
losunar úrgangsefna og annarra
efna í það. Sáttmálinn var gerð-
ur í London árið 1972, en und-
irbúningsfundur hafði verið
haldinn um vorið sama ár í
Reykjavík. Sáttmálinn tekur til
allra heimshafanna. Undanfarin
ár hefur þróunin verið sú, að í
stað þess að setja reglur um los-
un eiturefna í hafið skuli banna
slíkt með öllu.
CARGOLUX semur við COSMOS
Cargolux hefur gert samning við Cosmos Airways í Indlandi
um flugstarfsemi milli Lúxemborgar og Indlands. Áætlunar-
flug með vömr hófust 9. september síðastliðinn. Ein af Bo-
eing 747-200 þotum félagsins er á fömm milli staðanna...
4.972 LAUKAR í körfu
Blóma-
val efndi
til lau-
kaleiks á
sýning-
unni Is-
lensk
blóm
1994 í
Perlunni
á dögun-
um.
Gestir
áttu að
giska á
tölu lauka sem komið var fyrir í körfu. Mikill fjöldi lausna
barst. Einn reyndist getspakari en aðrir, Gunnar Júhanncs-
son sem giskaði á töluna 4.972 laukar, - sem var hárrétt tala.
Gunnar íekk að laununt úttekl á blómlaukunt fyrir 10 þúsund
krónur. Á meðfylgjandi mynd má sjá Bjarna Finnsson í
Blómavali afhenda Gunnari Jóhannessyni ávísun á laukaút-
tekt í Blómavali. Á milli þeirra er kona Gunnars, Erna Guð-
mundsdóttir...
EYKON hættir á þingi
„Ég hef nú, að vandlega athuguðu máli, ákveðið að gefa ekki
kost á mér til þingsetu að þessu sinni með framboði í próf-
kjöri Sjálfstæðismanna í Reykjavík í lok októbennánaðar.
Þrátt fyrir þessa ákvörðun mun ég ekki draga mig í hlé úr
stjómmálabaráttunni. Þvert á móti laka áfram fullan þátt í að
vinna að framgangi sjálfstæðisstefriunnar eins og ég hef gert
síðustu áratugi", segir Eyjólfur Konráð Jónsson, alþingis-
maður, í bréfi sem hann sendi Alþýðublaðinu...
Eyjamenn íslenska ZOLTAN
Unnið er að því öllum árum í Eyjum að gera handboltakapp-
ann Zoltan Belanyi að íslenskum ríkisborgara. Hann hefur
verið hér á landi síðan 1991 og þykir mörgum hann besti
homamaður landsins. Þorbergur Aðalsteinsson landsliðs-
þjálfari hefur látið hafa eftir sér að hefði Belanyi íslenskan
ríkisborgararétt yrði hann tekinn í æfingahópinn fyrir HM í
handbolta næsta vor. Fréttir í Eyjum segja utanríkisráðu-
neytið taka jákvætt í málið, en ákvörðunarvaldið er endan-
lega í höndum Alþingis...
WILLY CLAES - NATO-stjóri
Á fundi utanríkisráðherra ríkja Atlantshafsbandalagsins í
New York í síðustu viku var gengið frá ráðningu Willy Cla-
es, utanríkisráðherra Belgíu, í stöðu aðalframkvæmdastjóra
NATO. Hann tekur formlega við embætti 15. október og
gegnir stöðunni í 4 ár með möguleika á framlengingu í eitt ár
til viðbótar. Hlaut Claes almennt lof og fullan stuðning ráð-
herra og fulltrúa ráðhena sem fundinn sóttu...
HEILDSÖLUBAKARÍIÐ gerir það
gott
Odýri brauða- og kökumarkaðurinn, Heildsölubakaríið,
hefur nú starfað um tveggja ára skeið að Suðurlandsbraut 32
og í biðstöð SVR á Hlemmtorgi við almennar vinsældir.
Haukur Leifur Hauksson, eigandi fyrirtækisins, hefur nú
opnað þriðju búðina að Grensásvegi 26. Þar hefur Borgar-
bakaríi verið breytt í Heildsölubakarí. Þar em allar vömr
bakaðar á staðnum. Viðtökur viðskiptavina síðastliðin tvö ár
hafa verið slíkar að Haukur telur rökrétt framhald að opna
tvær búðir á næsta ári, - aðra í Kópavogi og hina í Hafnar-
firði...
FYLKIR fær borgartryggingu
Á fundi borgarráðs nýlega var lagt fram bréf borgarritara
varðandi borgarsjóðsábyrgð til íþróttafélagsins Fylkis vegna
skuldabréfa að tjárhæð 100 milljónir króna. Erindið hlaut
samþykki borgarráðs. Fylkir er að ráðast í byggingum mikils
íþróttahúss á athafnasvæði sínu...
Ljóöabók eftir BALDUR
Ut er komin ljóðabókin Rauðhjallar hjá Bókmenntafélaginu
Hringskuggum. Þetta er níunda ljóðabók Baldurs Oskars-
sonar, fyrrverandi fréttamanns hjá Ríkisútvarpinu. í Rauð-
hjöllum er að finna 40 fmmort ljóð og 15 þýðingar. meðal
annars á ljóðum eftir Lorca og fom kínversk skáld. Kápu-
mynd bókarinnar er eftir Gylfa Gíslason myndlistarmann.
Bókin er 87 blaðsíður og kostar 1.478 krónur í bókabúðum.
en 1.000 krónu til félaga í Hringskuggum...