Alþýðublaðið - 24.02.1995, Blaðsíða 5
HELGIN 24.-26. FEBRÚAR 1995
ALÞÝÐUBLAÐIÐ
5
Skoðanakönnun Skáls meðal kiósenda á Suðurland
Kjósendur á Suðurlandi gefa þingmönnum sínum
ekki háar einkunnir fyrir störf þeirra. Þetta kemur fram
í skoðanakönnun sem Skáís gerði í kjördæminu um
síðustu helgi. Af 500 manna úrtaki náðist í 361. Svar-
endur voru beðnir um að gefa þingmönnum kjördæm-
isins einkunn, frá 0 og uppí 10, fyrir störf þeirra. Það er
skemmst frá því að segja, að allir fengu þingmennimir
undir 5 í meðaleinkunn að Þorsteini Pálssyni, fyrsta
þingmanni kjördæmisins, einum undanskildum. Og
hans einkunn var reyndar ekkert til að hrópa húrra fyr-
ir: 5,9. Meðaleinkunn þingmanna kjördæmisins var að-
eins 4,5.
Lægstur var Eggert Haukdal, þingmaður Sjálfstæð-
isflokksins og oddviti „Suðurlandslistans“. Hann fékk
3,7 í meðaleinkunn. Litlu hæni voru Margrét Frí-
mannsdóttir, Alþýðubandalagi, og Jón Helgason,
leiðtogi Framsóknar. Þau fengu bæði aðeins 4,1.
Guðni Ágústsson, þingmaður Framsóknar, fékk 4,6
og Árni Johnsen, 2. maður á lista Sjálfstæðisflokks-
ins, fékk 4,7.
Meðaleinkunn þingmanna er því aðeins 4,5.
Á meðfylgjandi töflum sést hvernig skipting ein-
kunna var. Þannig gáfu 307 kjósendur Þorsteini Páls-
syni einkunn. Hann fékk 0 hjá 23 kjósendum, en það
jafngildir 7,5% svarenda. 22 gáfu honum hinsvegar
hæstu einkunn. Þorsteinn fékk annars lítið af mjög há-
um eða lágum einkunnum.
Hvorki fleiri né færri en 48, eða 15,7% gáfu Áma
Johnsen 0 í einkunn, samanborið við þá 17 sem gáfu
honum hæstu einkunn. Algengasta einkunn hans var 5.
65 svarendur, eða 21,3% gáfu honum þá einkunn. Að-
eins um 20% gáfu honum 8 eða hærra, og verður það
að teljast lítið, þegar haft er í huga að fylgi Sjálfstæðis-
flokksins á Suðurlandi var nimlega 35% í síðustu
kosningum.
Guðni Ágústsson fékk sárafáar háar einkunnir. Að-
eins 12% gáfu honum 8 eða meira, og það getur ekki
talist mjög gott vegamesti fyrir nýjan oddvita Fram-
sóknar í kjördæminu. Til samanburðar má geta þess að
um 23% gáfu Guðna 0 til 2 í einkunn.
Meðaleinkunn Jóns Helgasonar, 4,1, hlýtur að teljast
nokkurt áfall fyrir hann. Jón hefur verið leiðtogi Fram-
sóknar í kjördæminu um langt skeið og hverfur af þingi
í vor. Aðeins 11 % gáfu honum hæstu einkunnir, frá 8 til
10. Rétt innan við 30% kjósenda á Suðurlandi gefa
Jóni hinsvegar 0 til 2.
Margrét Frímannsdóttir fær sömu falleinkunn og Jón
Helgason, 4,1. 16 svarendur gefa henni 0 og 28 til við-
bótar aðeins 1 eða 2. Flestir gáfu Margréti 5 í einkunn,
eða 57 svarendur.
Eggert Haukdal er „fúxinn“ í hópnum. Hann hefur
verið afar umdeildur að undanfömu, og hann er sá
þingmaður sem fékk langflest núll. Fimmti hver þátt-
takandi í könnuninni gaf Eggert lægstu einkunn. Að-
eins 3,3% gáfu honum 10.
Fæstir treystu sér til að gefa Jóni Helgasyni einkunn,
eða 286. Guðni Ágústsson fékk einkunnir frá 291 kjós-
anda, Margrét Frímannsdóttir frá 295 kjósendum, Egg-
ert Haukdal frá 299, Ámi Johnsen frá 305 og Þorsteinn
Pálsson fékk einkunnir frá 307 svarendum.