Alþýðublaðið - 03.03.1995, Blaðsíða 7

FÖSTUDAGUR 3. MARS 1995
ALÞÝÐUBLAÐIÐ
7
Þing Norðurlandaráðs *
Deittum bann við
þrávirkum efnum
- Skil ekki afstöðu Svía, segir Össur
Skarphéðinsson umhverfisráðherra. Um-
hverfisverðlaun Norðurlandaráðs á loka-
stigi. Sérstakt heimskautaráð stofnað.
Össur: Sagði danska þingmannum að við íslendingar værum því ekki
óvanir að Danir skömmuðu okkur þegar þeir legðu ekki í Svía; það hefði
verið velþekkt á alþjóðavettvangi að þegar menn vildu ráðast á Kína þá
Stofnun sérstakts heimskautaráðs,
fjárhagsaðstoð við umhverfisvemd á
grenndarsvæðum Norðurlandanna,
sérstök árleg verðlaun Norðurlanda-
ráðs fyrir frumkvæði á sviði um-
hverfis- og náttúmvemdar, og frum-
kvæði íslendinga um gerð sérstaks
samnings gegn notkun og losun þrá-
virkra lífrænna efna vom á meðal
þess sem umhverfisráðherrar Norð-
urlanda ræddu á fundum sínum með-
an þing Norðurlandaráðs stóð yfir í
vikunni.
Umhverfisverdlaun
Nordurlandaráds
„Þetta var mjög árangursríkur
fundur," sagði Össur Skarphéðins-
son umhverfisráðherra í samtali við
Alþýðublaðið. „Við gengum frá
formlegri tillögu okkar um að Norð-
urlandaráð taki upp árleg verðlaun á
sviði umhverfis- og náttúmvemdar,
sem á að veita einstaklingum, fyrir-
tækjum eða stofnunum sem skara
fram úr á þessum sviðum. Þau verða
með svipuðu sniði og bókmennta-
og tónlistarverðlaun ráðsins, og
verðlaunaupphæðin verður 350 þús-
und danskar krónur. Um þessar
mundir er verið að tilnefna í dóm-
nefndina, sem á að hefja störf síðar í
þessum mánuði, og íslendingar
munu skipa sína tvö fulltrúa í dóm-
nefndina síðar í mánuðinum. Við
samþykktum jafnframt að sérstakt
tema verði Iagt til gmndvallar verð-
laununum á hveiju ári, og á þessu
fyrsta ári fengu íslendingar því fram-
gengt að tema ársins verði vemdun
hafs og náttúru."
Heimskautarád
Norðurlöndin hafa um skeið
haft uppi hugmyndir um stofnun
sérstaks heimskautaráðs. Hver
urðu afdrif þeirrar tillögu á þingi
Norðurlandaráðs?
„Það var samþykkt að stefna að
því að setja upp slíkt ráð. Norður-
löndin, ekki síst Island og Grænland,
hafa um hríð viljað stofna sérstakt
heimskautaráð, með aðild annarra
landa sem liggja að norðurheim-
skautinu, það er að segja Kanada,
Rússlands og Bandaríkjanna. Við
höfum jafnframt viljað setja upp sér-
staka skrifstofu fyrir ráðið, til að efla
völd þess og getu til að sinna málefn-
um heimskautasvæðanna, ekki síst
mengunarvömum og málefnum
fmmbyggja. En nú þegar eiga öll
þessi lönd með sér mikið samstarf
um þau málefni. Það hafa hinsvegar
verið Bandaríkjamenn, sem hafa
dregið lappimar og ekki tekið þeim
hugmyndum mjög vel; meðal annars
hafa þeir ekki viljað setja upp sér-
staka stofnun eða skrifstofu í kring-
um það, væntanlega til að gefa því
ekki of mikil völd. En á þinginu í
vikunni var samþykkt að leita eftir
stofnun heimskautaráðs, sem yrði þá
án sérstakrar skrifstofu, að minnsta
kosti í byijun. Ég lagði til við kollega
mína af Norðurlöndum að Græn-
lendingar fengju 6 milljónir króna til
að undirbúa sérstakan fund í Kanada
um málið, og það var samþykkt.
Þetta em ákveðin tímamót, og ein-
dreginn stuðningur Islendinga við
málið var mjög þakkaður af Græn-
lendingur."
Össur kvað umhverfisráðherrana
jafnífamt hafa varið dijúgum tíma í
að ræða hvemig Norðurlöndin gætu
knúið lfam endurbætur í mengunar-
vömum á grannsvæðum landanna.
En í sumum Eystrasaltslandanna í
hémðum Rússlands sem liggja að
Norðurlöndum er mengun stórfellt
vandamál, sem í vaxandi mæli er
tekin að hafa mjög neikvæð áhrif á
Norðurlöndum. I Eystrasalti hefur
mengunin þegar mjög mikil áhrif, og
hmn laxastofna þar er rakin til henn-
ar.
Hörd ordaskipti
„Upphaflega fóru menn af stað
með háar hugmyndir, og'vildu jafn-
vel setja sérstakan umhverfisskatt á
íbúa Norðurlanda sem yrði varið til
átaks í mengunarvömum grann-
svæðanna. En niðurstaðan varð sú,
að í fyrstu yrði þess ífeistað að fá
norrænar bankastofnanir til að sinna
fjármögnun á endurbótum í mikiu
ríkari mæli en hingað til. Þetta verk
mun hinsvegar aldrei vinnast, nema
til komi vemlegur fjárhagslegur
stuðningur, og hann verður auðvitað
að koma frá hinum Norðurlöndun-
um, sem eiga mestra hagsmuna að
gæta í þessum efnum.“
Það vakti athygli að þingheimur
klappaði þegar þú lentir í snörp-
um orðaskiptum við danskan
þingmann, og sagðir að Islending-
ar væru því ekki óvanir að þegar
Danir þyrðu ekki að skamma
Svía, þá skömmuðu þeir íslend-
inga. Þetta spannst út af ágrein-
ingi Svía og Islendinga vegna til-
lögu um bann við losun þrávirkra
efna. I hverju liggur ágreiningur-
inn?
„Við höfum haft ffumkvæði á al-
þjóðavettvangi að tillögu um samn-
ing um takmörkun á losun þrávirkra,
lífrænna efna, og Noregur, Finnar og
Danir stutt það mjög dyggilega. Sví-
ar hafa í sjálfu sér ekki lagst gegn
þessu, en þeir hafa sett fram þá skoð-
un, að betra sé að reyna að ná smærri
svæðisbundnum samningum um
slíka takmörkun. Ég tel það sjálfur út
í hött, og skil ekki rökin. En sænski
ráðherrann, Anni Lindh, gat því
miður ekki verið við umræðuna á
sjálfu þinginu, þegar málið kom til
umQöllunar; hún á ung böm heima-
fyrir og þurffi eðlilega að hvata for
skömmuðu þeir Albani. A-mynd: E.ÓI.
sinni til þeirra. Ég lenti því í því að
svara fyrir Svía, sem formaður ráð-
herranefndarinnar um umhverfis-
mál, og átti í sjálfu sér erfitt með að
skilja afhveiju Dorte Bennedsen,
danski þingmaðurinn, hellti skömm-
um yfir mig út af máli sem ég átti
sjálfúr frumkvæði að. Svo ég sagði
henni það skýrt og skorinort, að við
Islendingar værum því ekki óvanir
að Danir skömmuðu okkur þegar
þeir legðu ekki í Svía; það væri vel-
þekkt á alþjóðavettvangi að þegar
menn vildu ráðast á Kína þá skömm-
uðu þeir Albani."
Skögultennur ad vopni
Mér er sagt að kollegar þínir
hafi fært þér afar mcrkilega gjöf.
Er það rétt?
„Það er hárrétt. Ég var að ljúka
störfúm sem formaður ráðherra-
nefndarinnar og kollegi minn frá
Grænlandi, Ove Rosen Olsen færði
mér að gjöf gríðarstóra hauskúpu af
rostungi með tveimur fimagildum
skögultönnum. Svo með þær að
vopni ætti mér ekki að vera neitt að
vanbúnaði í kosningabaráttunni
framundan."
Kosningarnar 8. apríl
Sjúkir skulu
kjósa viku fyrr
Dómsmálaráöuneytið hefur nú til-
kynnt um skilmála þá scm menn þurfa
að uppfylla til að tcljast vera í framboði
til Alþingis við kosningamar 8. apríl
1995. Framboð skal tilkynna til hlutað-
eigandi kjörstjómar eigi síðar en
klukkan 12 á hádegi fimmtán dögum
fyrir kjördag. Það mun vcra föstudag-
inn 24. mars. Framboðslista skal fylgja
skrifleg staðfcsting allra scm á listanum
era svo og skrifleg yflrlýsing tilskilins
fjölda kjósenda í hlutaðeigandi kjör-
dæmi. Beiðnir um nýjan listabókstaf
skulu hafa borist dómsmálaráðuncyt-
inu eigi síðar en þremur sólarhringum
áður en framboðsfrestur rennur ÚL
Sveitarstjómir skulu leggja fram
kjörskrár almenningi til sýnis tíu dög-
um fyrir kjördag. Kjörskrá er nú samin
miðað við skráð iögheimili laugardag-
inn 18. mars. Utankjörfundarafgreiðsla
vegna alþingiskosninganna hefur jiegar
hafist hjá sýslumönnum og hreppstjór-
um, svo og í sendiráðum og hjá ræðis-
mönnum, samkvæmt nánari ákvæðum
hlutaðeigandi kjörstjóra.
Sérstök athygli skal vakin á því að
ósk um atkvæðagreiðslu vegna sjúk-
dóms, fötlunar eða bamsburðar skal
hafa borist kjörstjóra eigi síðar en
klukkan 12 á hádegi laugardaginn 1.
apríl. Slík atkvæðagreiðsla má ekki
fara fram fyrr en laugardaginn 18.
mars.
Menningardagar
á Egilsstöðum
Djassgoðinn
gefurtóninn
I dag verður blásið til mcnningar-
daga á EgUsstöðum og það er djassgoð-
inn Ami ísleifsson sem gefur tóninn í
Valaskjálf í kvöld. Menningardagamir
standa þeir yfir til 14. mars mcð marg-
víslegum viðburðum.
Á morgun, laugardag, er Skfðadagur
fjölskyldunnar á brún Fjarðarhciðar
þar sem skíðadeild Hattar stendur fyrir
íeikjum og öðru sprelli. Síðdegis venður
opnuð sýning Myndlistarfélags Fljóts-
dalshéraðs og um kvöldið vcrður feg-
ursta stúlka Austurlands krýnd að Hót-
el Valaskjálf með stórdansleik í kjölfar-
ið. Laugardaginn 11. mars frumsýnir
Leikfélag Fljótsdalshéraðs Dagbók
Önnu Frank í leikstjóm Guðjóns Sig-
valdasonar cn Halldóra Malín Péturs-
dóttir fer með hlutverk Önnu. Meðal
annarra viðburða á Menningardögum
má nefna Listahátíð unglinga og dorg-
dag á Lagarfljóti þar sem rennt verður
fyrir Lagarfljótsorminn. Þá stendur til
að efna til ískappreiða ef tíðarfar leyfir
og kvikmvndin A köldum klaka verður
sýnd í fyrsta sinn á Austuriandi.
RAÐAUGLYSINGAR
ALÞÝÐUFLOKKURINN í HAFNARFIRÐI
Aðalfundur
Aðalfundur fulltrúaráðs alþýðuflokksfélaganna í Hafnarfirði verður haldinn í Alþýðu-
húsinu, Hafnarfirði, mánudaginn 6. mars, klukkan 20:30.
Dagskrá:
1. Venjuleg aðalfundarstörf.
2. Alþingiskosningarnar 1995: Framsöguerindi Guðmundar Árna Stefánssonar.
3. Önnur mál.
Stjórn fulltrúaráðsins.
UNGIR JAFNAÐARMENN
Sæluvist í sveitinni!
Kosningastjórn Ungra jafnaðarmanna efnir til sæluvistar í sveitinni um helgina
(föstudaginn 3. mars til sunnudagsins 5. mars) í bústöðum sem leigðir hafa verið
við Bifröst í Borgarfirði.
Tilgangur með ferðinni er að þjappa saman ungum frambjóðendum og öðrum
ungum jafnaðarmönnum sem taka þátt í baráttunni fyrir kosningarnar 8. apríl.
Með öðrum orðum: Allir eru velkomnir.
Þar sem aðeins er hægt að koma 50 manns fyrir í bústöðunum þremur eru áhuga-
samir hvattirtil að skrá sig fyrir hádegi í dag, föstudag, á skrifstofum SUJ í síma 552-
9244, þar sem Baldur Stefánsson, kosningastjóri Ungra jafnaðarmanna, tekur á
móti pöntunum.
FLUGLEIDIR
Aðalfundur Flugleiða hf.
Aðalfundur Flugleiða hf. verður haldinn fimmtudaginn 16. mars
1995 í Efri þingsölum Scandic Hótels Loftleiða og hefst kl 14■ 00.
Dagskrd:
1. Venjuleg aðalfundarstörf skv. 10 gr. samþykkta félagsins.
2. Breytingar á samþykktum félagsins til samræmis við lög nr. 2/1995 um
hlutafélög.
3. Onnur mál, löglega upp borin.
Tillögur frá hluthöfum, sem bera á fram á aðalfundi, skulu vera komnar í hendur
stjórríarinnar eigi síðar en 7 dögum fyrir aðalfund.
Dagskrá, endanlegar tillögur, svo og reikningar félagsins munu liggja frammi á
skrifstofu félagsins hluthöfum til sýnis 7 dögum fyrir aðalfund.
Aðgöngumiðar, atkvæðaseðlar og fundargögn verða afhent á aðalskrifstofu
félagsins, Reykjavíkurflugvelli, hlutabréfadeildd 2. haið frd og með 9. mars
kl. 14:00. Dagana 10. og 13. til 15. mars verða gögn afgreidd frá kl 09:00 til
17:00 og fundardag til kl. 12:00.
Hluthafar eru vinsamlegast beðnir að vitja fundargagna sinna fyrir kl. 12:00 á
fundardegi.
Stjórn Flugleiða hf.