Alþýðublaðið - 24.03.1995, Side 5

MARS 1995
FRAMTÍÐIN
B5
■ Kosningabaráttan er komin á fullt skrið en Sæmundi Guðvinssynitókst engu að síður
með lagni að króa Lúðvík Bergvinsson af í önnum dagsins.
Lúðvík skipar 1. sæti framboðslista Alþýðuflokksins á Suðurlandi
Lúðvík: Ég hef ekki áhyggjur af meintu áhugaleysi ungs fólks á pólitík
því það er bara kjaftæði. En ég hef áhyggjur af framtíð þessa fólks ef
við nýtum ekki þau tækifæri sem eru í augsýn. A-mynd: E.ÓI.
- segir Lúðvík og bendir
á að unga fólkið hugsi
mikið til framtíðarinnar.
„Það er athyglisvert hvað ungt
fólk hefur sýnt baráttumálum Al-
þýðuflokksins mikinn áhuga. Þvert á
það sem margir halda fram hugsar
unga fólkið mikið um framtíðina og
fylgist með því hvaða framtíð flokk-
amir boða. Eftir að hafa rætt við
mikinn fjölda ungs fólks hef ég sann-
færst um að það horfir mjög til þátt-
töku Islands í Evrópusambandinu og
þá möguleikar sem það mun gefa
okkur í framtíðinni,“ sagði Lúðvík
Bergvinsson, sem skipar efsta sæti á
framboðslista Alþýðuflokksins í
Suðurlandskjördæmi, í viðtali við
Alþýðublaðið.
Kosningabaráttan nú er frumraun
Lúðvíks á hinum pólitíska baráttu-
velli og hann fór strax í eldlínuna
með því að leiða Alþýðuflokkinn í
Suðurlandskjördæmi. Lúðvík sagði
að þetta væri skemmtilegur tími,
miklar annir frá morgni til kvölds og
baráttan væri komin á vemlegt skrið.
„Eg er eins og margir aðrir Eyja-
menn þannig skapi farinn að ég kann
illa við lognmollu. Við viljum láta
gusta svolítið í kringum okkur og
það gefst svo sannarlega tækifæri til
þess núna. En við verðum að vera
snöggir með þetta viðtal því vélin til
Eyja fer eftir klukkutíma,“ sagði
Lúðvík glaðbeittur og hagræddi sér í
sófanum.
„Það eru mörg mál sem ber á
góma þegar rætt er við kjósendur.
Evrópusambandið og hugsanleg að-
ild okkar að því er mörgum ofarlega
í huga og þá ekki síst unga fólkinu.
Það er ekki haldið sömu tortryggni
gagnvart nánu samstarfi við Evrópu-
þjóðir og sumir hinna eldri sem hafa
annan bakgmnn. Unga fólkið veit að
þær þjóðir sem hafa gerst aðilar að
Evrópusambandinu halda sínu sjálf-
stæði. Það þarf ekki að fara lengra en
til Danmerkur til að sjá hvað efna-
hagurinn hefur blómstrað á síðustu
ámm og atvinnulífið eflst. Viðhorf
unga fólksins til Evrópusambandsins
mótast líka af þeirri staðreynd að það
gerir sér grein fyrir að það þarf að fá
störf á vinnumarkaði. Við verðum að
lifa af fleiru en sjávarútvegi og til
þess að geta komið hér á ýmis konar
iðnaði sem byggir á tækni og þekk-
ingu þurfum við að geta komið fram-
leiðsluna á markað við sömu skilyrði
og keppninautar okkar,“ sagði Lúð-
vík og bauð upp á kók.
Andstaeðingar ESB fullyrða að
yfirráðin yfir fiskimiðunum færist
tii Brussel ef við göngum í Evrópu-
sambandið. Varla tækju Vest-
mannaeyingar þegjandi?
„Ertu alveg frá þér. Ég vil nú í
fyrsta lagi taka fram að Alþýðu-
flokkurinn vill sækja um aðild til að
kanna hvaða samningum við getum
náð. í öðm lagi vil ég undirstrika að
flokkurinn leggur á það megin-
áherslu að við slíka samningagerð
verði yfirráð okkar yfir auðlindinni
tryggð. Ef það tekst ekki þá er aðild
að ESB ekki til umræðu af okkar
hálfu. Það er best að hafa þetta alveg
á hreinu. ESB hefur sameiginlega
sjávarútvegsstefnu sem tengist fyrst
og fremst stjómun á sameiginlegum
fiskistofnun aðildarríkjanna. íslensk
efnahagslögsaga er alveg aðskilin frá
efnahagslögsögu ESB og engir fiski-
stofnar nýttir sameiginlega með ríkj-
um ESB. Sérstaða íslandsmiða er
því skýr og þessi hræðsluáróður um
að það þýði ekkert að sækja um aðild
vegna þess að á okkur verði ekki
hlustað er úti í bláinn."
Lúðvík verður tfðrætt um sjávar-
útvegsmálin eins og vera ber af Vest-
mannaeyingi og talar sig heitan.
Hann minnir á nauðsyn þess að
binda sameign þjóðarinnar á fiski-
miðunum í stjómarskrá eins og Al-
þýðuflokkurinn berst fyrir. Það
gangi ekki lengur að þessi sameign
sé að færast yfir á hendur fárra ein-
staklinga. Og það er fleira sem
brennur á frambjóðandanum í sjáv-
arútvegsmálum. Hnefinn skellur á
sófaborðinu:
„Það kerfi sem er til kerfisins
vegna en ekki vegna fólksins er kerfi
sem verður að breyta. Það hreinlega
gengur ekki lengur að hér skuli það
tíðkast að henda veiddum fiski fyrir
borð í stað þess að koma með hann
að landi. Ég berst ótrauður gegn því
kerfi sem kemur mönnum til að
henda afla í stað þess að nýta hann.
Slíkt kerfi er hreinlega mannskemm-
andi. Þessu verður ekki breytt með
því að hóta fésektum eða tugthúsi.
Menn mega ekki tapa á því að korna
með allan afla að landi.“
Eftir að hafa rætt áfram um sjávar-
útveg fram og til baka og Lúðvík
hafði róast nokkuð vendum við okk-
ar kvæði kross og tökum landbúnað-
inn á dagskrá. Þá er Lúðvík ekki
lengi upp aftur og ég fer að hafa
áhyggjur af sófaborðinu.
„Sjáðu bara hvemig þetta land-
búnaðarkerfi hefur farið með bænd-
ur. Hver á fætur lýsa þeir því yfir að
þeir séu komnir í þrot og ekki blasi
annað við en gjaldþrot og uppgjöf.
Og framsóknarmenn allra flokkar
krefjast þess að bændur krjúpi á kné
og kyssi vöndinn. Auðvitað er þetta
út í bláinn. Bændur geta ekki lengur
látið blekkja sig svona enda finna
þeir hvar eldurinn brennur heitast.
Við viljum afnema þetta kvótakerfi
sem átti að bjarga hag bænda en hef-
ur keyrt þá í þrot. Við viljum að
bændur fái beingreiðslur í formi bú-
setustuðnings en ekki að þessar
greiðslur knýi þá til að framleiða og
framleiða dilkakjöt sem safnast upp í
birgðum sem nema á annað þúsund
tonnum. Með því að gefa bændum
frelsi og gera starfslokasamning við
þá sem vilja hætta er hægt að koma á
eðlilegum vinnubrögðum í þessari
grein sem um leið gefur bændum
færi á að búa með reisn."
Það var ýmislegt fleira sem Lúð-
vík vildi ræða varðandi landbúnað-
inn en komst ekki upp með það. En í
framhaldi af því er við hæfi að víkja
að umhverfismálum, ekki síst í við-
tali við yfirlögfræðing umhverfis-
ráðuneytisins. Hvað brennur þar
heitast á honum þessa dagana?
„Þar má nefna framkvæmdir á
sviði fráveitumála en þær fram-
kvæmdir eru mjög brýnar í ýmsum
sveitarfélögum á Suðurlandi eins og
víðar á landinu. A næstu tíu árum
þarf að koma fráveitum landsins í
viðunandi horf. Þetta er mikið verk-
efni sem er áætlað að kosti um tíu
milljarða króna. Alþingi samþykkti á
síðasta degi sínum lög sem heimila
ríkinu að veita sveitarfélögunum
Ijárhagsaðstoð sem getur numið allt
að 200 milljónum króna á ári næsta
áratug.
Þetta átak er mjög mikilvægt fyrir
matvælaiðnaðinn og einnig ferða-
þjónustuna. Þessar greinar byggja á
ímynd Islands sem hreins og ómeng-
að lands. Við þurfum að vinna af al-
efli að náttúruvernd og bæta aðstöð-
una á helstu ferðamannastöðum
landsins. Þar þarf einnig að bæta um-
gengnina með auknu eftirliti og
fræðslu. Það er mjög mikilvægt að
stefnumótun í skipulags- og um-
hverfismálum verði tengd saman um
allt land. Gerð svæðaskipulaga er
mikilvæg til að ná því markmiði. Við
þurfum að líta til miðhálendisins og
gera þar skipulags- og landnýtingar-
áætlun. Þama þarf að samræma sjón-
armið umhverfisvemdar og framtíð-
amýtingu svæðisins vegna aukinnar
ferðaþjónustu og útivistar."
Lúðvík Bergvinsson segir að þrátt
fyrir að þessari ríkisstjóm hafi tekist
að koma hér á stöðugleika þýði það
ekki að menn geti bara setið með
hendur í skauti og treyst því að allt
rúlli þetta áfram af sjálfu sér.
„Ef við höldum ekki áfram að
sækja fram verður hér afturför. Al-
þýðuflokkurinn vill að minnst einum
milljarði króna verði varið á ári í að-
gerðir gegn atvinnuleysi. Hér á eng-
inn að þurfa að ganga um iðjulaus.
Lykilatriði í atvinnustefnu flokksins
er að auka þátttöku íslendinga í við-
skiptum á alþjóðavettvangi. Eg nefni
þ;u- til fullvinnslu á sjávarafurðum til
útfiutnings, ferðaþjónustu, heilsu-
þjónustu, tækniþróun, hugbúnaðar-
gerð og orkufrekan iðnað, svo dæmi
séu tekin. Það gengur ekki að slá er-
lend lán til allra helstu framkvæmda
í atvinnusköpun. Við verðum að fá
erlend fyrirtæki til að Ijárfesta hér á
landi og að því þurfum við að vinna.
Hingað hefur ekki komið nein erlend
íjárfesting í ein tuttugu ár eða síðan
Jámblendiverksmiðjan á Gmndar-
tanga var reist. Skammsýnir menn
börðust raunar gegn þeirri verk-
smiðju en í dag er enginn sem viil
hana burt.
Fyrst þú ert farinn í frakkann og
vélin að fara vil ég bara segja hér í
gættinni að í mínum huga snýst þessi
kosningabarátta um fólk og framtíð
þess. Ég hef ekki áhyggjur af meintu
áhugaleysi ungmenna á pólitík því
það er bara kjaftæði. Én ég hef
áhyggjur af því að þessu unga fólki
verði ekki búin nægilega góð framtíð
í landinu vegna þess að aðrir flokkar
en Alþýðufiokkurinn þora ekki að
nýta þau tækifæri sem em í augsýn
til að tryggja þessu fólki störf og
góða afkonui,“ sagði Lúðvík Berg-
vinsson og var þá kominn út á tröpp-
urnar.
Örn
Einarsson
framleiðslustjóri, Selfossi
Alþýðuflokkurinn þorir að
hafa skoðanir og taka
ákvarðanir.
Orri
Smárason
Selfossi
Alþýðuflokkurinn er rót-
tækur umbótaflokkur.
—
Gudjón Æ.
Sigurjónsson
laganemi, Selfossi
Raunhæfar leiðir að skyn-
samlegum markmiðum.
Margrét
Ingþórsdóttir
bankastarfsmaður, Selfossi
Alþýðuflokkurinn er flokk-
ur með stefnu!
I„Eg berst ótrauður gegn því kerfi sem
kemur mönnum til að henda afla í stað
þess að nýta hann. Slíkt kerfi er hreinlega
mannskemmandi."
„Aðrir flokkar en Alþýðuflokkurinn
þora ekki að nýta þau tækifæri sem eru
í augsýn til að tryggja þessu fólki störf
og góða afkomu."
A-listinn á Suðurlandi
I S I
f r a m t f d i
Opinn stjórnmálafundur á Hótel Selfoss á sunnudaginn klukkan 14.
Frummælendur:
Jón Baldvin Hannibalsson utanríkis-
ráðherra og formaður Alþýðuflokksins
Lúðvík Bergvinsson lögfræðingur
og 1. maður A-lista
Hrafn Jökulsson ritstjóri
og 2. maður A-lista
Katrín Bjarnadóttir hárgreiðslumeistari
og 4. maður A-lista
Bergsteinn Einarsson iðnrekandi
og 7. maður A-lista
Fundarstjóri verðurÁrni Gunnarsson
framkvæmdastjóri Heilsustofnunar NLFÍ
og fyrrverandi alþingismaður
Evrópumálin, sjávarútvegurinn, land-
búnaðurinn, menntamálin, ríkisstjórn
arsamstarfið og meira til.
Þaö er kosiö um
framtíðina!
Alþýðuflokkurinn
á Suðurlandi